Peshawar Bar Association

20/09/2026

16/09/2026

Peshawar Bar Association in collaboration with the Legal Education and Research Committee has organized a 2- day workshop on pleadings.

We are pleased to announce that the *registration for the workshop is now open!*

*REGISTER PROCESS*

Register on the link given below:

https://forms.gle/rYEaKgCpxn9PH9dP8


*OR*

Visit the Library, Peshawar Bar Association to register by submitting your Name, father name, BCNo. and contact number to the librarian.

*Who can participate* ?
Internees
Apprentices
Lawyers

*Dates*
29th and 30th September, 2026

*Time*

Day 1: 2pm to 4pm
Day 2: 2pm to 4pm

*Venue* :
New Bar Room

*Takeaways*
Free Workshop
Certificate
Professional guidance
Practical work

*Certificate*
Certificates will be awarded to the participants of this workshop by the Peshawar Bar Association.

16/09/2026

لیگل ایجوکیشن اینڈ ریسرچ کمیٹی پشاور بار اور سب کمیٹی لیگل ریسرچ پشاور بار کا ماہانہ اجلاس
اجلاس میں صدر پشاور بار قیصر زمان کی خصوصی شرکت
آج پشاور بار ایسوسی ایشن کی لیگل ایجوکیشن اینڈ ریسرچ کمیٹی اور سب کمیٹی لیگل ریسرچ کا ماہانہ اجلاس ہںوا جس میں صدر پشاور بار قیصر زمان نے خصوصی شرکت کی
اجلاس میں صدر پشاور بار کے علاؤہ لیگل ایجوکیشن اینڈ ریسرچ کمیٹی کے چیئرمین افتخار حسین سمندر ایڈوکیٹ، جنرل سیکرٹری پشاور بار امان اللہ درانی ایڈوکیٹ، سنئیر وکلاء و ممبران لیگل ایجوکیشن اینڈ ریسرچ کمیٹی امجد علی خان مروت (سابقہ صدر پشاور بار) میاں حکمت اللہ جان ایڈوکیٹ سپریم کورٹ (سابقہ جنرل سیکرٹری) زاہد اللہ زاہد ایڈوکیٹ سپریم کورٹ (سابقہ جنرل سیکرٹری) نجیبہ نورین خان ایڈوکیٹ، عبد الوھاب ترکلانی (سابقہ جائنٹ سیکرٹری) سعدالمعبود خٹک (سابقہ لائبریری سیکرٹری) محمد علی (سابقہ لائبریری سیکرٹری) خالد حمید ایڈوکیٹ، رضوان اللہ ایڈوکیٹ، محمد سمیر ایڈوکیٹ، اظہر علی شاہ ایڈوکیٹ اور ممبران سب کمیٹی لیگل ریسرچ علینہ اشفاق (سیکرٹری سب کمیٹی)، سپوگمئ سہیل ایڈوکیٹ، زیبا فیض ایڈوکیٹ، ننگیال خان ایڈوکیٹ، عظمت خان ایڈوکیٹ، اسامہ بہادر ایڈوکیٹ نے بھی شرکت کی
اجلاس کا باقاعدہ آغاز تلاوت کلام پاک سے ہںوا جس کی سعادت محمد علی ایڈوکیٹ نے حاصل کی
جس کے بعد چیئرمین کمیٹی افتخار حسین سمندر نے تمام شرکاء کا شکریہ ادا کیا اور لیگل ایجوکیشن اینڈ ریسرچ کمیٹی کے زیر اہتمام پشاور بار میں 2023,24,25 میں نوجوان وکلاء کے لیے بارووکیشنل ٹریننگ/کورس پر بریفینگ دی اور نوجوان وکلاء کی استعداد کار بڑھانے میں لیگل ٹریننگز اور کورسز کی افادیت پر بات کی
صدر پشاور بار قیصر زمان نے کمیٹی ممبران کی کاوشوں کو سراہتے ہوئے کہا کہ کمیٹی نے ریکارڈ وقت میں وکلاء کے لیے بہترین طریقے سے ٹریننگز اور کورسز کا اہتمام کیا ہںے جو کہ قابل تحسین ہںے
صدر نے کمیٹی ممبران کو یقین دلایا کہ نوجوان وکلاء کی استعداد کار بہتر کرنے کے لیے جو بھی لوازمات اور ریسورسز کمیٹی کو چاہئیے ہںونگے وہ پشاور بار مہیا کرے گی
صدر نے یہ بھی یقین دھانی کروائی کہ ذاتی حیثیت میں بھی نوجوان وکلاء کے لیے وہ کمیٹی کے دست وبازو بن کر ہر قسم کا تعاون کریں گے
سیکرٹری کمیٹی علینہ اشفاق نے آنے والے ورکشاپ اور بارووکیشنل ٹریننگ/ کورس پر تفصیلی پریزینٹیشن دی اور اراکین کمیٹی کے سامنے ورک پلان پر بریفینگ دی
ممبران لیگل ایجوکیشن اینڈ ریسرچ کمیٹی جناب میاں حکمت اللہ جان، زاہد اللہ زاہد، محمد علی، محمد سمیر خان اور سپوگمئ سہیل خان نے بھی کمیٹی بہتر طور پر کام کرنے اور آنے والے لیگل ریسرچ پروجیکٹس کی مد میں تجاویز دئیے
آخر میں چیئرمین کمیٹی نے تمام شرکاء کا شکریہ ادا کیا

14/09/2026

انتقال پر ملال
شیراز خان (جج صاحب ) ، فرحان طارق ایڈوکیٹ کے والد اور واصل فاروق خان ایڈوکیٹ اور بیرسٹر اعظم خان کے چچا محمد طارق خان بقضائے الہی وفات پاچکے ہیں،نماز جنازہ کل مورخہ 15ستمبر بروز منگل صبح 11 بجے محلہ قادہ خیل جناز گاہ حاجی دریا خان بابا میں ادا کیا جائے گا ۔
رابطہ نمبر: 03459108092
Location of Janazgah:

2M62+662, Chamkani, Peshawar, Pakistan

14/09/2026

پشاور ہائیکورٹ کے معزز ججز صاحبان کی پشاور بار ایسوسی ایشن آمد، نوٹیفکیشن 193-J اور وکلاء کے مسائل پر اہم ملاقات
آج مورخہ 14 ستمبر 2026: پشاور ہائیکورٹ کے معزز ججز صاحبان جسٹس ارشد علی صاحب،جسٹس اعجاز خان صابی صاحب،جسٹس فہیم ولی صاحب،ڈسڑکٹ اینڈ سیشن جج جناب محمد آصف صاحب، سینئر سول جج ایڈمن پشاور جناب ضیاء الحسن صاحب نے آج پشاور بار ایسوسی ایشن کا دورہ کیا، جہاں وکلاء کو درپیش مسائل، بالخصوص پشاور ہائیکورٹ کے رجسٹرار کی جانب سے جاری کردہ نوٹیفکیشن نمبر 193-J مورخہ 27 اگست 2026 اور اس کے نتیجے میں پیدا ہونے والی صورتحال پر تفصیلی تبادلہ خیال کیا گیا۔
ملاقات میں صدر پشاور ہائیکورٹ بار ایسوسی ایشن جناب امین الرحمن صاحب، صدر پشاور بار ایسوسی ایشن قیصر زمان ایڈووکیٹ، سیکرٹری جنرل اشفاق احمد داؤدزئی، ممبر سپریم جوڈیشل کونسل فاروق احمد خٹک، ممبر خیبر پختونخوا بار کونسل فضل واحد صاحب، سابق سیکرٹری جنرل پشاور ہائیکورٹ بار ایسوسی ایشن یاسر خٹک ایڈووکیٹ، سابق صدر پشاور بار ایسوسی ایشن اشفاق احمد خلیل ایڈووکیٹ سمیت پشاور بار کے کثیر تعداد میں معزز ممبران نے شرکت کی۔
ملاقات کے دوران پشاور بار ایسوسی ایشن کی جانب سے نوٹیفکیشن نمبر 193-J کے حوالے سے وکلاء کے تحفظات اور عملی مشکلات معزز ججز صاحبان کے سامنے تفصیل سے پیش کی گئیں۔ مذکورہ نوٹیفکیشن کے تحت جوڈیشل مجسٹریٹ جناب حبیب اللہ اورکزئی کی عدالت اور اس سے متعلقہ پولیس اسٹیشنز کو موجودہ جوڈیشل کمپلیکس پشاور سے حیات آباد منتقل کرنے کا معاملہ زیر بحث آیا۔ پشاور بار کا مؤقف ہے کہ اس قسم کی منتقلی سے وکلاء، سائلین اور عدالتی عملے کو غیر ضروری سفری مشکلات، اضافی اخراجات اور انتظامی دشواریوں کا سامنا کرنا پڑ سکتا ہے۔
معزز ججز صاحبان نے پشاور بار کے نمائندگان اور وکلاء کے مسائل کو انتہائی غور اور توجہ سے سنا اور یقین دہانی کرائی کہ پشاور ہائیکورٹ وکلاء برادری کے ساتھ کھڑی ہے اور وکلاء اور سائلین کے بہترین مفاد میں جو بھی فیصلہ ہوگا، اسے عملی جامہ پہنایا جائے گا۔ معزز ججز صاحبان نے اس امر پر بھی زور دیا کہ بار کی جانب سے قائم کردہ کمیٹی پر مکمل اعتماد رکھا جائے اور معاملے کو باہمی مشاورت اور افہام و تفہیم کے ذریعے آگے بڑھایا جائے۔
ملاقات میں اس امر پر بھی مثبت پیش رفت ہوئی کہ پشاور میں موجود مختلف عدالتوں کو ایک ہی مرکزی مقام یعنی جوڈیشل کمپلیکس پشاور میں منتقل کرنے کے حوالے سے جامع لائحہ عمل مرتب کیا جائے گا، تاکہ وکلاء، سائلین اور عدالتی عملے کو ایک ہی جگہ پر عدالتی امور کی انجام دہی میں سہولت میسر آسکے۔ اس اقدام سے وقت اور اخراجات کی بچت کے ساتھ ساتھ عدالتی نظام میں بہتر انتظام اور رابطہ کاری کو بھی فروغ ملے گا۔
اس موقع پر صدر پشاور بار ایسوسی ایشن قیصر زمان ایڈووکیٹ نے پشاور ہائیکورٹ کے معزز ججز صاحبان کا تہہ دل سے شکریہ ادا کیا کہ انہوں نے اپنی مصروفیات میں سے وقت نکال کر پشاور بار ایسوسی ایشن تشریف لا کر وکلاء کے مسائل براہ راست سنے۔ انہوں نے کہا کہ آج کی ملاقات بار اور بینچ کے درمیان باہمی اعتماد، احترام اور مشاورت کو مزید مضبوط بنانے کی جانب ایک اہم قدم ہے۔
صدر پشاور بار نے قائم کردہ کمیٹی کے اراکین اور پشاور بار کے تمام معزز وکلاء کا بھی شکریہ ادا کیا جنہوں نے معاملے کو سنجیدگی، اتحاد اور باہمی مشاورت کے ساتھ آگے بڑھایا۔ انہوں نے کہا کہ پشاور بار وکلاء اور سائلین کے وسیع تر مفاد میں ہر مثبت اقدام کی حمایت کرے گی اور عدالتوں کے حوالے سے ایسے انتظامات کی خواہاں ہے جن سے عام سائل، وکیل اور عدالتی عملہ بلاوجہ مشکلات سے محفوظ رہیں۔
صدر پشاور بار نے وکلاء کو درپیش دیگر مسائل بھی معزز ججز صاحبان کے سامنے پیش کیے، جنہیں معزز ججز صاحبان نے غور سے سنا اور ان کے حل کے لیے ہر ممکن تعاون اور اقدامات کی یقین دہانی کرائی۔
پشاور بار ایسوسی ایشن نے اس امید کا اظہار کیا کہ بار اور بینچ کے درمیان اسی جذبے کے ساتھ باہمی مشاورت کا سلسلہ جاری رہے گا اور نوٹیفکیشن 193-J سمیت تمام متعلقہ معاملات کا ایسا قابلِ عمل اور متفقہ حل سامنے آئے گا جو وکلاء، سائلین اور عدلیہ کے بہترین مفاد میں ہوگا۔

12/09/2026

مورخہ 11 ستمبر 2026کو پشاور بار ایسوسی ایشن کی جانب سے جنرل باڈی اجلاس میں منظور کردہ قرارداد اور وکلاء برادری کے متفقہ مطالبات کے سلسلے میں قائم خصوصی کمیٹی کے اراکین نے صدر پشاور ہائیکورٹ بار ایسوسی ایشن امین الرحمن یوسفزئی ایڈووکیٹ اور صدر پشاور بار ایسوسی ایشن قیصر زمان ایڈووکیٹ کی سربراہی میں مورخہ 11 ستمبر 2026 کو پشاور ہائیکورٹ کے معزز ججز جسٹس ارشد علی صاحب، جسٹس فہیم ولی صاحب اور جسٹس اعجاز صابی صاحب سے اہم ملاقات کی۔
ملاقات کے دوران کمیٹی اراکین جناب امین الرحمن صاحب صدر پشاور ہائیکورٹ بار ایسوسی ایشن ، صدر پشاور بار قیصرزمان صاحب، ممبرخیبر پختونخواہ بار کونسل جناب فضل واحد صاحب ،سیکرٹری جنرل جناب اشفاق احمد داؤدزئی صاحب، سابقہ سیکرٹری جنرل پشاور ہائیکورٹ بار ایسوسی ایشن جناب یاسر خٹک صاحب اور سابقہ صدر پشاور بار اشفاق احمد خیل صاحب نے معزز ججز صاحبان کو پشاور بار ایسوسی ایشن کے جنرل باڈی اجلاس میں منظور کی گئی متفقہ قرارداد اور وکلاء برادری کے مطالبات سے تفصیلی طور پر آگاہ کیا۔ کمیٹی نے مؤقف اختیار کیا کہ جوڈیشیل کمپلیکس پشاور سے باہر قائم تمام متعلقہ عدالتوں کو جوڈیشیل کمپلیکس کے احاطے میں منتقل کیا جائے تاکہ وکلاء، سائلین اور عدالتی عملے کو درپیش مشکلات کا خاتمہ ہو، قیمتی وقت اور سفری اخراجات کی بچت ہو اور عدالتی امور بلا رکاوٹ اور مؤثر انداز میں جاری رہ سکیں۔
کمیٹی نے بالخصوص نوٹیفیکیشن نمبر 193-J مورخہ 27 اگست 2026 کے تحت جوڈیشیل مجسٹریٹ جناب حبیب اللہ اورکزئی صاحب کی عدالت اور متعلقہ تھانہ جات کو جوڈیشیل کمپلیکس پشاور سے حیات آباد منتقل کیے جانے کے معاملے پر بھی تفصیلی تحفظات سے آگاہ کیا اور مطالبہ کیا کہ مذکورہ عدالت اور متعلقہ تھانہ جات کو فوری طور پر دوبارہ جوڈیشیل کمپلیکس پشاور میں اپنی سابقہ جگہ پر بحال کیا جائے۔
کمیٹی اراکین نے معزز ججز صاحبان کی توجہ اس جانب بھی مبذول کرائی کہ عدالتوں کے مختلف مقامات پر موجود ہونے سے نہ صرف وکلاء اور سائلین کو روزمرہ پیشہ ورانہ و عدالتی امور میں مشکلات کا سامنا ہے بلکہ ایک ہی مقدمے سے متعلق مختلف عدالتی و قانونی کارروائیوں کے لیے مختلف مقامات پر آمدورفت کے باعث عدالتی وقت، وکلاء کا وقت اور سائلین کے وسائل بھی متاثر ہو رہے ہیں۔ اس لیے تمام متعلقہ عدالتوں کو ایک ہی عدالتی کمپلیکس میں یکجا کرنا انصاف کی فراہمی کے عمل کو مزید سہل، مؤثر اور منظم بنانے کے لیے نہایت ضروری ہے۔
ملاقات کے دوران معزز ججز صاحبان نے وکلاء برادری کے مؤقف اور درپیش مشکلات کو نہایت توجہ اور ہمدردی سے سنا اور اس امر کی تائید کی کہ اگر تمام متعلقہ عدالتیں جوڈیشیل کمپلیکس میں موجود ہوں تو اس سے سائلین کے ساتھ ساتھ وکلاء صاحبان کو بھی زیادہ سہولت حاصل ہوگی اور عدالتی امور کو بہتر انداز میں چلانے میں مدد ملے گی۔
معزز جسٹس اعجاز صابی صاحب نے اس معاملے کو مؤثر انداز میں آگے بڑھانے اور وکلاء برادری کے تحفظات کے ازالے کے لیے خصوصی طور پر ذمہ داری قبول کرتے ہوئے کمیٹی کو یقین دہانی کرائی کہ وہ اس مسئلے کے حل کے لیے ضروری اقدامات کریں گے۔ اسی سلسلے میں معزز ججز صاحبانجسٹس ارشد علی صاحب ، جسٹس اعجاز صابی صاحب اور جسٹس فہیم ولی صاحب بروز پیر، مورخہ 14 ستمبر 2026 کو پشاور بار کا دورہ کریں گے اور وکلاء برادری سے براہِ راست ملاقات کرکے ان کے مسائل اور تجاویز سنیں گےاور جوڈیشیل کمپلکس پشاور میں تمام عدالتوں کی منتقلی کا جائزہ لیں گے، تاکہ وکلاء کی خواہش اور متفقہ مطالبات کی روشنی میں اس مسئلے کو جلد از جلد حل کرنے کی عملی کوششیں کی جا سکیں۔
محترم ججز صاحبان نے کمیٹی ممبران کو یہ یقین دلایا کہ اگر مذکورہ جوڈیشیل مجسٹریٹ صاحب کی عدالت کی منتقلی کا فیصلہ اگر غلط ہے تو مذکورہ جج صاحب کو واپس جوڈیشیل کمپلکس پشاور میں تعنیاتی پر کوئی اعتراض نہ ہوگااور نوٹیفیکیشن نمبر 193جے محررہ 27اگست 2026کوانا کا مسئلہ نہیں بنایا جائیگا بلکہ پشاور بار ایسوسی ایشن کے وکلاء اور سائیلین کے بہترین مفاد میں فیصلہ کیا جا ئیگا۔اسی مسئلے کے حل کے لئے جسٹس محمد اعجاز صابی صاحب کی سربراہی میں ایک کمیٹی تشکیل دی گئی ،کمیٹی ممبران میں پشاور ہائیکورٹ بار ایسوسی ایشن کے صدر امین الرحمن ،سیکرٹری جنرل اشفاق احمد داؤدزئی ،پشاور بار ایسوسی ایشن کے صدر قیصر زمان ،جنرل سیکرٹری امان اللہ دُرانی،ممبران خیبر پختونخواہ بار کونسل جناب فضل واحد،محمد رفیق مہمند صاحب، سابقہ سیکرٹری جنرل پشاور ہائیکورٹ بار یاسر خٹک اور سابقہ صدر پشاور بار اشفاق احمد خلیل شامل ہیں جو اپنی سفارشات تیار کرکے پشاور ہائیکورٹ کے ایڈمنسٹریٹیو کمیٹی اور محترم چیف جسٹس پشاور ہائیکورٹ کو پیش کرینگے۔جس کے بعد انشاء اللہ آئندہ ہفتے میں مذکورہ مسئلے کو پایہ تکمیل تک پہنچایا جائیگا۔
پشاور بار ایسوسی ایشن کے صدر قیصر زمان ایڈووکیٹ نے معزز ججز صاحبان کی جانب سے وکلاء برادری کے مؤقف کو مثبت انداز میں سننے، مطالبات کی تائید کرنے اور مسئلے کے حل کے لیے تعاون کی یقین دہانی پر ان کا دل کی گہرائیوں سے شکریہ ادا کیا۔ انہوں نے کہا کہ وکلاء اور عدلیہ کا باہمی احترام، تعاون اور مشاورت ہی انصاف کی فراہمی کے نظام کو مزید مضبوط بنا سکتا ہے۔ پشاور بار ایسوسی ایشن اس مثبت اور تعمیری طرزِ عمل کو قدر کی نگاہ سے دیکھتی ہے اور امید رکھتی ہے کہ معزز ججز صاحبان کی معاونت اور رہنمائی سے وکلاء برادری کا یہ دیرینہ مسئلہ جلد حل ہوگا۔
صدر پشاور بار قیصر زمان ایڈوکیٹ نے اس موقع پر جسٹس ارشد علی صاحب، جسٹس فہیم ولی صاحب اور جسٹس اعجاز صابی صاحب کا خصوصی طور پر شکریہ ادا کیا کہ انہوں نے وکلاء برادری کے مسائل کو تحمل، توجہ اور مثبت سوچ کے ساتھ سنا اور ان کے حل کے لیے اپنا بھرپور تعاون پیش کیا۔ صدر پشاور بار نے اس امید کا اظہار کیا کہ یہ باہمی رابطہ اور مثبت پیش رفت مستقبل میں بھی بار اور بنچ کے درمیان مضبوط، باوقار اور مؤثر تعلقات کے فروغ میں معاون ثابت ہوگی۔

10/09/2026

Final list of Candidates for Up-Comming Election of PBA 2026-27

03/09/2026

Press Release about today General Body Meeting....