https://www.linkedin.com/company/shwe-myanmar-san-law-firm/, http://www.smslawfirmmyanmar.com/, http://www.smslawfirmmya

Shwe Myanmar San Law Firm, No. (141-145), Bo Aung Kyaw Street, Yangon (2026)

30/04/2026

ယနေ့ကျရောက်သည့် ကဆုန်လပြည့်နေ အခါသမယတွင် ကျက်သရေ မင်္ဂလာအပေါင်းနှင့် ပြည့်စုံကြပါစေကြောင်း Shwe Myanmar San Law Firm မှ ဆုတောင်းမေတ္တာပို့သအပ်ပါသည်။ 🪷

30/04/2026

☸️ ရုံးပိတ်ရက် အသိပေးကြေညာခြင်း 👷

၂၀၂၆ ခုနှစ်၊ ဧပြီလ (၃၀) ရက် (ကြာသပတေးနေ့) မှ မေလ (၃) ရက် (တနင်္ဂနွေနေ့) အထိသည် အများပြည်သူတို့၏ အလုပ်ပိတ်ရက်များဖြစ်ပါသဖြင့် Shwe Myanmar San Law Firm ၏ ရုံးအား ပိတ်ထားမည်ဖြစ်ပြီး၊ ဆွေးနွေးမှုများကို ဖုန်းဖြင့်ဖြစ်စေ၊ page ၏ Chat Box မှဖြစ်စေ၊ မေးမြန်းစုံစမ်းဆွေးနွေးနိုင်မည်ဖြစ်ပါကြောင်း လေးစားစွာဖြင့် အသိပေးအပ်ပါသည်။ 📣

25/04/2026

“လူတစ်ယောက်ကွယ်လွန်သွားတဲ့အခါ ကျန်ရစ်တဲ့အမွေပစ္စည်းတွေကို ဘယ်သူတွေက ဆက်ခံခွင့်ရှိသလဲ?” 🤔

ဒီအကြောင်းအရာလေးကို Shwe Myanmar San Law Firm ရဲ့ “၁ မိနစစာ ဥပဒေ” ဆိုတဲ့အစီအစဉ်လေးမှာဝင်ရောက်ကြည့်ရှုနိုင်ပါပြီ ⚖️

⚠️ Disclaimer : ယခု ဗီဒီယိုအား ဥပဒေဆိုင်ရာ ဗဟုသုတနှင့် သတင်းအချက်အလက် ဖြန့်ဝေရန်အတွက်သာ ရည်ရွယ်ပြီး တရားရုံးနှင့် ဥပဒေရေးရာ ကိစ္စရပ်များအတွက် Shwe Myanmar San Law Firm မှ လိုင်စင်ရ ဝါရင့်ရှေ့နေများကသာ ကိုင်တွယ်ဆောင်ရွက်ပေးလျက်ရှိပါသည်။

22/04/2026

မူပိုင်ခွင့် (Copyright) ဆိုတာ ဘာလဲ?
🔸မူပိုင်ခွင့်ဆိုသည်မှာ မိမိကိုယ်တိုင် တီထွင်ဖန်တီးထားသော အနုပညာလက်ရာများ၊ စာပေနှင့် အသိပညာဆိုင်ရာ ရလဒ်များကို ဥပဒေကြောင်းအရ အကာအကွယ်ပေးထားခြင်း ဖြစ်ပါတယ်။
ဥပမာအားဖြင့်
* စာပေလက်ရာများ (စာအုပ်၊ဆောင်းပါး၊ ကွန်ပျူတာဆော့ဖ်ဝဲ)

* အနုပညာလက်ရာများ (ဓာတ်ပုံ၊ ပန်းချီ၊ ဒီဇိုင်း၊ ဗိသုကာလက်ရာ)

* အသံနှင့် ရုပ်သံလက်ရာများ (သီချင်း၊ ရုပ်ရှင်၊ ဗီဒီယို) တို့ ပါဝင်ပါတယ်။

🔸မိမိဖန်တီးထားသော အရာကို အခြားသူတစ်ဦးက ခွင့်ပြုချက်မရှိဘဲ ကူးယူခြင်း၊ ပြုပြင်ခြင်း သို့မဟုတ် စီးပွားရေးအရ အမြတ်ထုတ်ခြင်းတို့မှ ကာကွယ်ရန် မူပိုင်ခွင့်မှတ်ပုံတင်ခြင်း သည် အလွန်အရေးကြီးပါတယ်။

🔸ဒါကြောင့် လူကြီးမင်းတို့ရဲ့ စာပေနှင့် အနုပညာလက်ရာများ၊ ဖန်တီးမှုများကို ကာကွယ်နိုင်ရန်အတွက် အောက်ဖော်ပြပါ ဝန်ဆောင်မှုများကို ကျွန်တော်တို့ရဲ့ Shwe Myanmar San Law Firm မှ ဆောင်ရွက်ပေးလျက်ရှိပါတယ်ခင်ဗျာ။
©️မူပိုင်ခွင့် မှတ်ပုံတင်ခြင်းဆိုင်ရာ လုပ်ငန်းစဉ်များကို အစအဆုံး တာဝန်ယူ ဆောင်ရွက်ပေးခြင်း။
©️မူပိုင်ခွင့်ဥပဒေနှင့် ပတ်သက်၍ သိရှိလိုသည်များကို အသေးစိတ် အကြံပေးဆွေးနွေးခြင်း။
©️မိမိ၏ မူပိုင်ခွင့်ကို ချိုးဖောက်ခံရပါက ဥပဒေကြောင်းအရ သတိပေးစာ (Legal Notice) ပေးပို့ခြင်း။
©️မိမိလက်ရာကို အခြားသူများအား အသုံးပြုခွင့်ပေးရာတွင် ခိုင်မာသော စာချုပ်စာတမ်းများ ချုပ်ဆိုပေးခြင်း။
©️မူပိုင်ခွင့်ဆိုင်ရာ အငြင်းပွားမှုများအတွက် တရားရင်ဆိုင်ရာတွင် ဥပဒေအရ အကာအကွယ်ပေးခြင်း။
စတဲ့ ဝန်ဆောင်မှုများနှင့်အတူ အခြားသော ဥပဒေဝန်ဆောင်မှုများ လဲ ဆောင်ရွက်ပေးနေတာဖြစ်တဲ့အတွက်ကြောင့် အကြံဉာဏ်များရယူလိုပါက Shwe Myanmar San Law Firmမှာ စိတ်ချလက်ချ လာရောက် ဆွေးနွေးတိုင်ပင် အပ်နှံနိုင်ပါတယ်ခင်ဗျာ။လူကြီးမင်းတို့စိတ်တိုင်းကျ မှန်ကန်တိကျစွာ ဆောင်ရွက်ပေးနေပါတယ်ခင်ဗျာ။
အသေးစိတ်စုံစမ်းမေးမြန်းလိုပါက
✉️Page Chat box မှဖြစ်စေ
📞 09421115345တို့ကိုဖြစ်စေဆက်သွယ်မေးမြန်းနိုင်ပါတယ်ခင်ဗျာ။

13/04/2026

💦 သင်္ကြန်ဆုတောင်း 🔫

မြန်မာသက္ကရာဇ် (၁၃၈၇) ခုနှစ်မှ (၁၃၈၈) ခုနှစ်သို့ ကူးပြောင်းသည့် မြန်မာ့ရိုးရာ အတာသင်္ကြန် နှစ်သစ်ကူး အခါသမယတွင် မြန်မာပြည်သူပြည်သားအားလုံး ဘေးဘယာဝေးကွာ၍ ကောင်းကျိုးလိုအင်ဆန္ဒများ ပြည့်ဝကြပါစေကြောင်း Shwe Myanmar San Law Firm မှ ဆုမွန်ကောင်း တောင်းအပ်ပါသည်။ 🙏

09/04/2026

💦 ရုံးပိတ်ရက် အသိပေးကြေညာခြင်း 🔫

၂၀၂၆ ခုနှစ်၊ ဧပြီလ (၁၁) ရက် (စနေနေ့) မှ ဧပြီလ (၁၉) ရက် (တနင်္ဂနွေနေ့) အထိသည် နှစ်သစ်ကူး ရုံးပိတ်ရက်များဖြစ်ပါသဖြင့် Shwe Myanmar San Law Firm ၏ ရုံးအား ပိတ်ထားမည်ဖြစ်ပြီး၊ ဆွေးနွေးမှုများကို page ၏ Chat Box မှတစ်ဆင့် မေးမြန်းစုံစမ်းဆွေးနွေးနိုင်မည်ဖြစ်ပါကြောင်း လေးစားစွာဖြင့် အသိပေးအပ်ပါသည်။ 📣

ပျော်ရွှင်စရာ မဟာသင်္ကြန်အခါသမယ ဖြစ်ကြပါစေကြောင်း Shwe Myanmar San Law Firm မှ ထပ်လောင်း၍ ဆုမွန်ကောင်း တောင်းအပ်ပါသည်။ 🙏

06/04/2026

၂၀၂၆ ခုနှစ်၊ ဧပြီလအတွင်း ပြုလုပ်မည့် တရားလွှတ်တော်ရှေ့နေ အသိအမှတ်ပြုလက်မှတ်ပေးအပ်ပွဲ တက်ရောက်ရန် ကြေညာချက် အား သက်ဆိုင်သူများ သိရှိစေရန် တင်ပြအပ်ပါသည်။

Source - www.unionsupremecourt.gov.mm

28/03/2026

မြန်မာဗုဒ္ဓဘာသာဝင်တွေ သေတမ်းစာရေးခွင့်ရှိလား? ❌✅

ဒီအပတ်ရဲ့ "သိလိုရာမေး" အစီအစဉ်မှာတော့ -
📌 မြန်မာဗုဒ္ဓဘာသာဝင်တွေ သေတမ်းစာရေးခွင့်ရှိသလား?
📌 သေတမ်းစာရေးခွင့်မရှိရင် အမွေကို ဘယ်လိုစီမံမလဲ? စတဲ့ အကြောင်းအရာတွေကို ဥပဒေဗဟုသုတအနေနဲ့ တင်ဆက်ပေးထားပါတယ်။ ⚖️✨

⚠️ Disclaimer : ယခု ဗီဒီယိုအား ဥပဒေဆိုင်ရာ ဗဟုသုတနှင့် သတင်းအချက်အလက် ဖြန့်ဝေရန်အတွက်သာ ရည်ရွယ်ပြီး တရားရုံးနှင့် ဥပဒေရေးရာ ကိစ္စရပ်များအတွက် Shwe Myanmar San Law Firm မှ လိုင်စင်ရ ဝါရင့်ရှေ့နေများကသာ ကိုင်တွယ်ဆောင်ရွက်ပေးလျက်ရှိပါသည်။

#သိလိုရာမေး

25/03/2026

မင်္ဂလာပါ 🙏 ဒီအပတ်မှာတော့ အရေးကြီးကုန်စည်နဲ့ ဝန်ဆောင်မှုဥပဒေအကြောင်းကို ရှင်းပြပေးသွားမှာဖြစ်ပြီး မြန်မာနိုင်ငံမှာ အရေးကြီးကုန်စည်နဲ့ အရေးကြီးဝန်ဆောင်မှုတွေအဖြစ် သတ်မှတ်ကြေညာထားတဲ့ ကုန်စည်တွေ၊ လုပ်ငန်းတွေကို ပြောပြပေးသွားမှာဖြစ်ပါတယ်။ 📣

📦 အရေးကြီးကုန်စည်နှင့် ဝန်ဆောင်မှုဥပဒေကို ၂၀၁၂ ခုနှစ်၊ ဩဂုတ်လ (၁၀) ရက်နေ့မှာ ပြဌာန်းခဲ့ပါတယ်။

🔶 ပုဒ်မ (၃) အရ ဥပဒေရဲ့ ရည်ရွယ်ချက်တွေကတော့ -
🔸 နိုင်ငံသားတွေရဲ့ အကျိုးစီးပွါးကို အထောက်အကူပြုမယ့် ကုန်စည်နဲ့ ဝန်ဆောင်မှုတွေကို ကာကွယ်နိုင်ရန်၊
🔸 နိုင်ငံသားတွေရဲ့ အကျိုးစီးပွါးကို ထိခိုက်စေနိုင်တဲ့ ကုန်စည်နဲ့ ဝန်ဆောင်မှုတွေကို ကန့်သတ်တားဆီးနိုင်ရန်၊
🔸 ဘေးအန္တရာယ်၊ ကူးစက်ရောဂါနဲ့ အခြားမလိုလားအပ်တဲ့ ကိစ္စရပ်တွေပေါ်ပေါက်နိုင်တဲ့ ကုန်စည်နဲ့ တိရစ္ဆာန်တွေကို ပြည်တွင်းမှာ သယ်ဆောင်တာ၊ ပြည်တွင်းကို တင်သွင်းတာနဲ့ ပြည်ပကို တင်ပို့တာ၊ စတာတွေကို တားဆီးနိုင်ဖို့ ဖြစ်ပါတယ်။

🔶 ပုဒ်မ (၄) အရ ပြည်ထောင်အစိုးရအဖွဲ့အနေနဲ့ အရေးကြီးကုန်စည်အဖြစ် ကြေညာထားတဲ့ ကုန်စည်တွေ၊ တိရစ္ဆာန်တွေနဲ့ သက်ဆိုင်တဲ့ ကိစ္စရပ်တွေ၊ အရေးကြီးဝန်ဆောင်မှုအဖြစ် ကြေညာထားတဲ့ ဝန်ဆောင်မှုဆိုင်ရာ ကိစ္စရပ်တွေနဲ့ ပတ်သက်တဲ့ တားမြစ်မိန့်၊ စည်းမျဉ်းသတ်မှတ်မိန့်၊ ကြီးကြပ်မိန့်၊ ကာကွယ်မိန့်နဲ့ လိုအပ်သလိုဆောင်ရွက်စေနိုင်တဲ့ အမိန့်ထုတ်ပြန်နိုင်ခွင့်ကို သက်ဆိုင်ရာ ဝန်ကြီးဌာနတွေကို ပေးအပ်နိုင်ပါတယ်။

🔶 အရေးကြီးကုန်စည်နဲ့ ဝန်ဆောင်မှုဥပဒေအရ တားမြစ်မိန့်ထုတ်ပြန်ခဲ့တဲ့ ကုန်စည်တွေကို ဖော်ပြပေးသွားပါမယ်။

🔶 COVID - 19 ဆိုင်ရာ ကျန်းမာရေးအထောက်အကူပြု ပစ္စည်းများ၊ ဆေးဝါးများ၊ စားသုံးကုန်ပစ္စည်းများ
🔸 စီးပွါးရေးနှင့် ကူးသန်းရောင်းဝယ်ရေးဝန်ကြီးဌာနရဲ့ အမိန့်ကြော်ငြာစာအမှတ် (၂၁/ ၂၀၂၀) အရ Corona Virus 2019 (COVID - 19) ကာကွယ်၊ ထိန်းချုပ်၊ ကုသရေးဆိုင်ရာ ကျန်းမာရေးအထောက်အကူပြု ပစ္စည်းတွေ၊ ဆေးဝါးတွေနဲ့ စားသုံးကုန်ပစ္စည်းတွေကို အရေးကြီးကုန်စည်အဖြစ် သတ်မှတ်ခဲ့ပြီး စျေးကွက်အတွင်း စျေးမြှင့်ပြီး ရောင်းချ/ ဖြန့်ဖြူးတာ (သို့) စျေးကစားဖို့အတွက် ရည်ရွယ်ပြီး သိုလှောင်တာတွေကို တားမြစ်မိန့် ထုတ်ပြန်ခဲ့ပါတယ်။

🔶 ဝါသီးနှံနှင့် ဝါဂွမ်းများ
🔶 စီးပွါးရေးနှင့် ကူးသန်းရောင်းဝယ်ရေးဝန်ကြီးဌာနရဲ့ အမိန့်အမှတ် (၁/ ၂၀၂၂) အရ ဝါသီးနှံနှင့် ဝါဂွမ်းတို့ကို အရေးကြီးကုန်စည်အဖြစ် သတ်မှတ်ခဲ့ပြီး စျေးကွက်အတွင်း စျေးမြှင့်ပြီး ရောင်းချ/ ဖြန့်ဖြူးတာ (သို့) စျေးကစားဖို့အတွက် ရည်ရွယ်ပြီး သိုလှောင်တာတွေကို တားမြစ်မိန့် ထုတ်ပြန်ခဲ့ပါတယ်။

🔶 အီလက်ထရောနစ် စီးကရက်၊ အပူပေးအငွေ့ရှုစက်နှင့် အီလက်ထရောနစ် ရှီရှား
🔸 ကျန်းမာရေးဝန်ကြီးဌာနရဲ့ အမိန့်အမှတ် (၁/ ၂၀၂၆) အရ အီလက်ထရောနစ် အငွေ့ရှုစက် (Electronic Smoking Device) တွေဖြစ်တဲ့ အီလက်ထရောနစ် စီးကရက် (Electronic Cigarette) နဲ့ အီလက်ထရောနစ် ရှီရှား (Electronic Shisha)၊ အပူပေးအငွေ့ရှုစက် (Heated Smoking Device) အစရှိတဲ့ ပစ္စည်းတွေနဲ့ အလားတူပစ္စည်းတွေ၊ ဆက်စပ်ပစ္စည်းတွေကို အရေးကြီးကုန်စည်အဖြစ် သတ်မှတ်ခဲ့ပြီး တားမြစ်မိန့် ထုတ်ပြန်ခဲ့ပါတယ်။

🔶 အရေးကြီးကုန်စည်နဲ့ ဝန်ဆောင်မှုဥပဒေအရ အရေးကြီး ဝန်ဆောင်မှုတွေအဖြစ် ကြေညာခဲ့တဲ့ ဝန်ဆောင်မှုတွေကို ဖော်ပြပေးသွားပါမယ်။

🔶 ဆင့်ပွါးစျေးကွက်ဖြန့်ချိရေးလုပ်ငန်း
🔸 စီးပွါးရေးနှင့် ကူးသန်းရောင်းဝယ်ရေးဝန်ကြီးဌာနရဲ့ အမိန့်ကြော်ငြာစာအမှတ် (၄၆/ ၂၀၁၈) အရ ဆင့်ပွါးစျေးကွက်ဖြန့်ချိရေး (Multi Level Marketing - MLM) လုပ်ငန်းတွေ လုပ်ကိုင်ဆောင်ရွက်တာကို တားမြစ်မိန့်ထုတ်ပြန်ခဲ့ပြီး အရေးကြီးဝန်ဆောင်မှု လုပ်ငန်းအဖြစ် သတ်မှတ်ခဲ့ပါတယ်။

🔶 အွန်လိုင်းစနစ်ဖြင့် ရောင်းချခြင်းလုပ်ငန်း
🔸 စီးပွါးရေးနှင့် ကူးသန်းရောင်းဝယ်ရေးဝန်ကြီးဌာနရဲ့ အမိန့်ကြော်ငြာစာအမှတ် (၅၀/ ၂၀၂၃) အရ အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှု လုပ်ငန်းအဖြစ် သတ်မှတ်ခဲ့ပြီး အဆိုပါလုပ်ငန်းကို မှတ်ပုံတင်လက်မှတ် လျှောက်ထား ရရှိပြီးမှ လုပ်ကိုင်ရမယ်လို့ အမိန့် ထုတ်ပြန်ခဲ့ပါတယ်။

🔶 ဆက်သွယ်ရေးကွန်ရက်ကိုအသုံးပြု၍ ရုပ်ရှင်ကားထုတ်လွှင့်ပြသခြင်းလုပ်ငန်း
🔸 ပြန်ကြားရေးဝန်ကြီးဌာနရဲ့ အမိန့်ကြော်ငြာစာအမှတ် (၃၁/ ၂၀၂၄) အရ မည်သူမဆို ဆက်သွယ်ရေးကွန်ရက်ကိုအသုံးပြု၍ ရုပ်ရှင်ကားထုတ်လွှင့်ပြသခြင်းလုပ်ငန်းကို အရေးကြီး ဝန်ဆောင်မှုအဖြစ် သတ်မှတ်ခဲ့ပြီး အဆိုပါလုပ်ငန်းကို မှတ်ပုံတင်လက်မှတ် လျှောက်ထား ရရှိပြီးမှ လုပ်ကိုင်ရမယ်လို့ အမိန့် ထုတ်ပြန်ခဲ့ပါတယ်။

🔶 ရွှေရောင်းဝယ်ခြင်းလုပ်ငန်း
🔸 သယံဇာတနှင့် ပတ်ဝန်းကျင်ထိန်းသိမ်းရေး ဝန်ကြီးဌာနရဲ့ အမိန့်ကြော်ငြာစာအမှတ် (၃၈/ ၂၀၂၄) အရ ဓာတ်သတ္တု (ရွှေ) ရောင်းဝယ်ခြင်းလုပ်ငန်းကို အရေးကြီးဝန်ဆောင်မှုအဖြစ် သတ်မှတ်ခဲ့ပါတယ်။

🔶 ဒါ့အပြင် ပြည်ထောင်စုအစိုးရအဖွဲ့အနေနဲ့ သက်ဆိုင်ရာ ဝန်ကြီးဌာနတွေအပေါ် အရေးကြီးကုန်စည်နဲ့ အရေးကြီး ဝန်ဆောင်မှုတွေအနေနဲ့ သတ်မှတ်ပြီး အမိန့်ထုတ်ပြန်နိုင်ခွင့်ကို အပ်နှင်းထား တာတွေလည်း ရှိပါတယ်။

🔶 တိရစ္ဆာန်တစ်မျိုးမျိုးကို အရေးကြီးကုန်စည်အဖြစ် သတ်မှတ်ကြေညာပိုင်ခွင့်
🔸 ပြည်ထောင်စုအစိုးရအဖွဲ့ရဲ့ အမိန့်ကြော်ငြာစာအမှတ် (၃၄/ ၂၀၁၉) အရ တိရစ္ဆာန်တစ်မျိုးမျိုးကို အရေးကြီးကုန်စည်အဖြစ် သတ်မှတ်ကြေညာပြီး တားမြစ်မိန့်၊ စည်းမျဉ်းသတ်မှတ်မိန့်၊ ကြီးကြပ်မိန့်၊ ကာကွယ်မိန့်နဲ့ လိုအပ်သလိုဆောင်ရွက်စေနိုင်တဲ့ အမိန့်ထုတ်ပြန်နိုင်ခွင့်ကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနကို အပ်နှင်းခဲ့ပါတယ်။

🔶 တေးသံသွင်းလုပ်ငန်းလုပ်ကိုင်ခွင့်ကို အရေးကြီးဝန်ဆောင်မှုအဖြစ် သတ်မှတ်ကြေညာပိုင်ခွင့်
🔸 ပြည်ထောင်စုအစိုးရအဖွဲ့ရဲ့ အမိန့်ကြော်ငြာစာအမှတ် (၂၉/ ၂၀၂၀) အရ တေးသံသွင်းလုပ်ငန်းလုပ်ကိုင်ခွင့်ကို အရေးကြီးဝန်ဆောင်မှုအဖြစ် သတ်မှတ်ကြေညာပြီး ဝန်ဆောင်မှုနဲ့ ပတ်သက်တဲ့ တားမြစ်မိန့်၊ စည်းမျဉ်းသတ်မှတ်မိန့်၊ ကြီးကြပ်မိန့်၊ ကာကွယ်မိန့်နဲ့ လိုအပ်သလိုဆောင်ရွက်စေနိုင်တဲ့ အမိန့်ထုတ်ပြန်နိုင်ခွင့်ကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနကို အပ်နှင်းခဲ့ပါတယ်။

🔶 ပုဒ်မ (၅) - မည်သူမဆို ပုဒ်မ (၄) အရ ထုတ်ပြန်တဲ့ အမိန့်တစ်ရပ်ရပ်ကို ဖောက်ဖျက်ကြောင်း ပြစ်မှုထင်ရှားစီရင်ခြင်းခံရရင် အနည်းဆုံး ထောင်ဒဏ် (၆) လကနေ အများဆုံး ထောင်ဒဏ် (၃) နှစ်အထိချမှတ်ခံရမှာဖြစ်တဲ့အပြင် ကျပ် (၅) သိန်းထက်မပိုတဲ့ ငွေဒဏ်ကိုလည်း ချမှတ်ခံရပါမယ်။

🔶 ပုဒ်မ (၇) အရ ယခုဥပဒေပါ ပြစ်မှုတွေဟာ ရဲအရေးယူပိုင်ခွင့်ရှိတဲ့ ပြစ်မှုတွေ ဖြစ်ပါတယ်။

⚖️ အချုပ်အားဖြင့်ဆိုရရင်တော့ -

🔸 အရေးကြီးကုန်စည်အဖြစ် ကြေညာထားတဲ့ ကုန်စည်တွေကို တင်သွင်းခြင်း၊ တင်ပို့ခြင်း၊ ရောင်းဝယ်ခြင်း၊ လက်ဝယ်ထားခြင်း၊ သိုလှောင်ခြင်း၊ သယ်ဆောင်ခြင်း၊ ဖြန့်ဖြူးခြင်း၊ အသုံးပြုခြင်း၊ စားသုံးခြင်းတို့ကို ပြုလုပ်ခဲ့ရင်ဖြစ်စေ၊

🔸 အရေးကြီးကုန်စည်အဖြစ် ကြေညာထားတဲ့ တိရစ္ဆာန်တွေကို သတ်ဖြတ်ခြင်း၊ ဖမ်းဆီးခြင်း၊ စေခိုင်းခြင်း၊ မွေးမြူခြင်း၊ တင်သွင်းခြင်း၊ တင်ပို့ခြင်း၊ ရောင်းဝယ်ခြင်း၊ လက်ဝယ်ထားခြင်း၊ သိုလှောင်ခြင်း၊ သယ်ဆောင်ခြင်း၊ ဖြန့်ဖြူးခြင်း၊ အသုံးပြုခြင်း၊ စားသုံးခြင်းတို့ကို ပြုလုပ်ခဲ့ရင်ဖြစ်စေ၊

🔸 အရေးကြီးဝန်ဆောင်မှုအဖြစ် ကြေညာထားပြီး၊ ကန့်သတ်ထားတာ၊ တားမြစ်ထားတာ ဒါမှမဟုတ် မှတ်ပုံတင်လက်မှတ်မရသေးတာ၊ အစရှိတဲ့ စည်းမျဉ်းတွေကို ဖောက်ဖျက်ပြီး ဝန်ဆောင်မှုတွေကို ပြုလုပ်ခဲ့ရင်ဖြစ်စေ၊ ယခုဥပဒေနဲ့ အရေးယူခံရမှာဖြစ်ပါတယ်။

🔹မှတ်ချက် ။ ။ အထက်ပါ အကြောင်းအရာတွေနဲ့ ဥပမာတွေဟာ လူအများနားလည်လွယ်အောင် သုံးသပ်ဝေမျှထားခြင်းသာဖြစ်ပြီး အသေးစိတ် သိရှိလိုပါက -
✉️ Page ရဲ့ Chat box ကနေဖြစ်စေ၊
☎️ ဖုန်းနံပါတ် - 09421115345 ကို ဖုန်းခေါ်ဆိုပြီးဖြစ်စေ၊ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။

22/03/2026

၂၀၂၆ ခုနှစ်၊ ပြည်ထောင်စု၏ အကောက်အခွန်ဥပဒေအား အများသိရှိနိုင်ပါရန် တင်ပြအပ်ပါသည်။

Source - www.ird.gov.mm

18/03/2026

🔷 လုပ်ငန်းတစ်ခု ရပ်ဆိုင်းတဲ့အခါ လုပ်ငန်းဖျက်သိမ်းခြင်း (Liquidation) နဲ့ လူမွဲခံယူခြင်း (Insolvency) ဆိုပြီးတော့ သုံးနှုန်းတာ တွေ့ဖူးကြမှာပါ။ ဒီနှစ်ခုက ဆက်စပ်မှုရှိပေမဲ့ ဥပဒေကြောင်းအရရော၊ လက်တွေ့လုပ်ဆောင်ပုံအရပါ ကွာခြားချက်လေးတွေရှိပါတယ်။ 🔷

🔶 🔶 🔶 လုပ်ငန်းဖျက်သိမ်းခြင်းဆိုတာ ကုမ္ပဏီတစ်ခုရဲ့ တည်ရှိမှုကို ဥပဒေအရ အဆုံးသတ်လိုက်တာ ဖြစ်ပါတယ်။ ကုမ္ပဏီမှာရှိတဲ့ ရပိုင်ခွင့်တွေကို ရောင်းချပြီး ပေးရန်ရှိတာတွေကို ပေးဆပ်ကာ ကုမ္ပဏီကို မှတ်ပုံတင်စာရင်းကနေ ပယ်ဖျက်လိုက်ခြင်းလို့ မှတ်ယူနိုင်ပါတယ်။

🔶 အကြွေးရှိလို့ပဲဖြစ်ဖြစ်၊ အကြွေးမရှိဘဲ ဒါရိုက်တာတွေ၊အစုရှယ်ယာရှင်တွေက ဆက်မလုပ်ချင်တော့လို့ပဲဖြစ်ဖြစ် ဖျက်သိမ်းနိုင်ပါတယ်။ ဆိုလိုတာက အမြတ်ထွက်နေတဲ့ ကုမ္ပဏီလည်း ဖျက်သိမ်းလို့ရပါတယ်။

🔶 သူရဲ့ရည်ရွယ်ချက်ကတော့ လုပ်ငန်းကို လုံးဝပိတ်သိမ်းဖို့ဘဲဖြစ်ပါတယ်။ ဒါရိုက်တာများ၊ အစုရှယ်ယာရှင်များ သို့မဟုတ် တရားရုံးက ဖျက်သိမ်းဖို့ဆောင်ရွက်နိုင်ပါတယ်။

🔶 🔶 🔶 လူမွဲခံယူခြင်းမှာ လုပ်ငန်းတစ်ခုက မိမိပေးဆပ်ရမယ့် အကြွေးတွေကို သတ်မှတ်ချိန်အတွင်း မပေးဆပ်နိုင်တော့တဲ့ "ငွေကြေးမတတ်နိုင်မှု" အခြေအနေတစ်ရပ်ကို ဆိုလိုတာပါ။

🔶 အဓိကကတော့ ပေးရန်ရှိတဲ့ အကြွေးတွေက ပိုင်ဆိုင်မှုထက် များနေတာ ဒါမှမဟုတ် လက်ငင်းပေးနိုင်ခြင်းမရှိတာကြောင့် ဖြစ်ပေါ်လာရတာပါ။

🔶 သူက အကြွေးရှင်များကို ပြန်ဆပ်ရန် (သို့) လုပ်ငန်းပြန်လည် နာလန်ထူရန် ရည်ရွယ်ပါတယ်။ အကြွေးရှင်များ သို့မဟုတ် ကုမ္ပဏီကိုယ်တိုင် တရားရုံးမှတစ်ဆင့် ဆောင်ရွက်နိုင်ပါတယ်။

🔶 ထူးခြားချက်မှာ ကုမ္ပဏီကို ချက်ချင်းဖျက်သိမ်းခြင်းထက် "ပြန်လည်ထူထောင်နိုင်ရေး" (Rehabilitation) ကို ဦးစားပေးထားခြင်းပါ။ ဒီအချက်ကြောင့် လုပ်ငန်းပြန်လည်ရှင်သန်နိုင်ခြေရှိသလို၊ ပြန်လည်ရှင်သန်ရန် မဖြစ်နိုင်တော့ပါက ကုမ္ပဏီဖျက်သိမ်းခြင်းသို့ ဦးတည်မှာဖြစ်ပါတယ်။

🔶 လုပ်ငန်းပြန်လည်ထူထောင်ရေး ပြုလုပ်နေစဉ်ကာလအတွင်း အကြွေးရှင်များက ကုမ္ပဏီကို တရားစွဲဆိုခြင်း သို့မဟုတ် ပိုင်ဆိုင်မှုများ သိမ်းဆည်းခြင်းမှ ဥပဒေအရ ယာယီတားမြစ်ထားပြီး ကာကွယ်မှုပေးထားပါတယ်။

🔶 🔶 🔶၂၀၁၇ ခုနှစ် မြန်မာနိုင်ငံကုမ္ပဏီများဥပဒေ နဲ့ ၂၀၂၀ ခုနှစ် လူမွဲခံယူခြင်းဆိုင်ရာဥပဒေ တို့အရ (၂)ခု စလုံးမှာ ဆောင်ရွက်ရမည့် လုပ်ငန်းစဉ်အဆင့်ဆင့် ရှိကြပါတယ်။ စာရင်းရှင်းလင်းဖျက်သိမ်းသူ နှင့် တရားရုံးကနေတစ်ဆင့် သွားရမယ့်လုပ်ငန်းစဉ်များအတွက် လူမွဲခံယူခြင်းဆိုင်ရာ ကျွမ်းကျင်သူ (Insolvency Practitioner)တွေရဲ့ အကူအညီနဲ့ ဆောင်ရွက်ရမှာ ဖြစ်ပါတယ်။

🔹မှတ်ချက် ။ ။ အထက်ပါ အကြောင်းအရာတွေနဲ့ ဥပမာတွေဟာ လူအများနားလည်လွယ်အောင် သုံးသပ်ဝေမျှထားခြင်းသာဖြစ်ပြီး အသေးစိတ် သိရှိလိုပါက -
✉️ Page ရဲ့ Chat box ကနေဖြစ်စေ၊
☎️ ဖုန်းနံပါတ် - 09421115345 ကို ဖုန်းခေါ်ဆိုပြီးဖြစ်စေ၊ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။

Shwe Myanmar San Law Firm

30/04/2026

30/04/2026

25/04/2026

22/04/2026

13/04/2026

09/04/2026

06/04/2026

28/03/2026

25/03/2026

22/03/2026

18/03/2026

Address

Telephone

Website

Alerts

Contact The Practice

Shortcuts

Share

Category