Great Golden Myanmar Law Firm

07/03/2026

🟥သိထားသင့်တဲ့ ၂၀၂၆ "ယစ်မျိုးဥပဒေ" အသစ်နှင့် တားမြစ်ချက်များ🟥

၂၀၂၆ ခုနှစ်၊ မတ်လ (၇) ရက်နေ့တွင် အတည်ပြုပြဋ္ဌာန်းလိုက်သည့် ယစ်မျိုးဥပဒေ (အမျိုးသားကာကွယ်ရေးနှင့် လုံခြုံရေးကောင်စီ ဥပဒေအမှတ် ၁၃/၂၀၂၆) အရ အောက်ပါအချက်များကို အထူးသတိပြုရန် လိုအပ်ပါကြောင်း Great Golden Myanmar Law Firm မှ အကျဉ်းချုပ်‌ေရးသားဖော်ပြ ပေးလိုက်ပါတယ်။

🍺 "ယစ်မျိုး" ဆိုတာ ဘာလဲ?
ဥပဒေအရ အရက်၊ ဘီယာ၊ ဝိုင်၊ ထန်းရည်၊ တည်အရက် နှင့် အစိုးရမှ သတ်မှတ်ထားသော အယ်လ်ကိုဟောပါဝင်သည့် အရည်များကို ဆိုလိုသည်။

🚫 အဓိက တားမြစ်ချက်များ (အများပြည်သူ သတိပြုရန်)
၁။ လိုင်စင်မရှိဘဲ လုပ်ကိုင်ခြင်း - ယစ်မျိုးလိုင်စင်မရှိဘဲ ထုတ်လုပ်ခြင်း၊ ပုလင်းသွတ်ခြင်း၊ ဖြန့်ဖြူးခြင်းနှင့် ရောင်းချခြင်းများကို လုံးဝ (လုံးဝ) မပြုလုပ်ရပါ။

၂။ အရက်အတု/ပြုပြင်ထားသောအရက် - မူလသတ္တိပျက်ပြယ်ပြီး အရက်ကို သောက်သုံးနိုင်ရန် ပြုပြင်ပြောင်းလဲခြင်း၊ ထိုသို့ပြုပြင်ထားသည်ကို လက်ဝယ်ထားခြင်း သို့မဟုတ် သယ်ယူပို့ဆောင်ခြင်း မပြုရ။

၃။ သတ်မှတ်လူပုဂ္ဂိုလ်များကို ရောင်းချခြင်း - အောက်ပါပုဂ္ဂိုလ်များကို အရက်ရောင်းချခြင်း၊ ပေးကမ်းခြင်း မပြုရ-
သာသနာ့ဝန်ထမ်းများ။
စိတ်ပေါ့သွပ်သူများ။
အသက် (၁၈) နှစ်မပြည့်သေးသူများ။

၄။ ကြော်ငြာခြင်း - အွန်လိုင်းစနစ်ဖြင့် ရောင်းချခြင်း၊ ဆိုင်းဘုတ်၊ လက်ကမ်းစာစောင် သို့မဟုတ် အခြားနည်းလမ်းတစ်ခုခုဖြင့် ယစ်မျိုးကို ကြော်ငြာခြင်း မပြုရ။

🚨ပြစ်ဒဏ်များ

ယစ်မျိုးဥပဒေပါ တားမြစ်ချက်များကို ဖောက်ဖျက်ကျူးလွန်ပါက-

အနည်းဆုံး ထောင်ဒဏ် (၆) လမှ အများဆုံး (၃) နှစ်အထိ ဖြစ်စေ၊
အနည်းဆုံး ငွေဒဏ် ကျပ် (၁၀) သိန်းမှ အများဆုံး ကျပ် (၃၀၀) သိန်းအထိ ဖြစ်စေ၊
ဒဏ်နှစ်ရပ်လုံးဖြစ်စေ ချမှတ်ခံရနိုင်သည့်အပြင် သက်ဆိုင်ရာ ယစ်မျိုးပစ္စည်းများကိုလည်း ပြည်သူ့ဘဏ္ဍာအဖြစ် သိမ်းဆည်းခြင်း ခံရမည်ဖြစ်သည်။

Great Golden Myanmar Law Firm ၏အကြံပြုချက်: လုပ်ငန်းရှင်များအနေဖြင့် မိမိတို့၏ ယစ်မျိုးလိုင်စင် စည်းကမ်းချက်များကို တိကျစွာ လိုက်နာရန်နှင့် အများပြည်သူများအနေဖြင့်လည်း ဥပဒေနှင့်အညီ နေထိုင်ကြပါရန် Great Golden Myanmar Law Firm မှတိုက်တွန်းနှိုးဆော်အပ်ပါသည်။

#ယစ်မျိုးဥပဒေ #ဥပဒေဗဟုသုတ

06/03/2026

📢 စီးပွားရေးလုပ်ငန်းရှင်များ သိရှိစေရန်- အစားအသောက်တံဆိပ်များပေါ်တွင် "Food Product Code" ဖော်ပြခြင်းဆိုင်ရာ အသိပေးချက်📢

မြန်မာနိုင်ငံရှိ အစားအသောက် ထုတ်လုပ်/ဖြန့်ဖြူးရောင်းချနေသည့် စီးပွားရေးလုပ်ငန်းရှင်များအနေဖြင့် မိမိတို့၏ ထုတ်ကုန်တံဆိပ် (Label) များပေါ်တွင် အစားအသောက်သတ်မှတ်နံပါတ် (Food Product Code) ကို မဖြစ်မနေ ထည့်သွင်းဖော်ပြရမည့် ညွှန်ကြားချက်အသစ်တစ်ရပ် ထွက်ပေါ်လာပြီဖြစ်ပါသည်။

ကျန်းမာရေးဝန်ကြီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ ထုတ်ပြန်လိုက်သည့် ညွှန်ကြားချက် (၁/၂၀၂၆) အရ အဓိကအချက်များကို အောက်ပါအတိုင်း စုစည်းဖော်ပြပေးလိုက်ပါသည်။

🔹 ဘယ်လိုအစားအသောက်တွေ သက်ဆိုင်သလဲ?
အသင့်ထုပ်ပိုးထားသည့် အစားအသောက်ကုန်စည်အားလုံးနှင့် သက်ဆိုင်ပါသည်။

🔹 ဘာတွေဖော်ပြရမလဲ?
Food Product Code (ဥပမာ - MM 123456789123456)
ပြည်တွင်းထုတ်လုပ်မှုဖြစ်ပါက "FDA ထောက်ခံချက်အမှတ်" သို့မဟုတ် "အစားအသောက်ထုတ်လုပ်ခြင်းထောက်ခံချက်အမှတ်" ဟု တွဲဖက်ဖော်ပြနိုင်ပါသည်။ (ဥပမာ - MM 26 M 01 00001)

🔹 ဘယ်လိုနည်းလမ်းနဲ့ ဖော်ပြရမလဲ?
တံဆိပ်ပေါ်တွင် တိုက်ရိုက်ပုံနှိပ်ခြင်း (Printing)
စတစ်ကာကပ်ခြင်း (Sticker)
QR Code ရိုက်နှိပ်ခြင်း စသည့် နည်းလမ်းများဖြင့် ဖော်ပြနိုင်ပါသည်။

🔹 ဘယ်လိုလျှောက်ထားရမလဲ?
FDA Website (www.fda.gov.mm) ရှိ e-Submission System မှတစ်ဆင့် လျှောက်ထားရမည် ဖြစ်ပါသည်။

⚠️ သတိပြုရန်နှင့် အချိန်ကာလ
ဤညွှန်ကြားချက်သည် ထုတ်ပြန်သည့်နေ့မှစ၍ (၁) နှစ်နှင့် (၆) လ အတွင်း အသွင်ကူးပြောင်းရေးကာလ (Grace Period) သတ်မှတ်ပေးထားပါသည်။

သတ်မှတ်ကာလကျော်လွန်ပြီးနောက် လိုက်နာခြင်းမရှိပါက အမျိုးသားအစားအသောက်ဥပဒေ ပုဒ်မ ၂၈ အရ အရေးယူခံရမည်ဖြစ်ပါသည်။

Great Golden Myanmar Law Firm ၏ အကြံပြုချက် အနေဖြင့် စားသောက်ကုန် စီးပွားရေးလုပ်ငန်းရှင်များ နောက်ဆက်တွဲဥပဒေကြောင်းအရ ပြဿနာများမရှိစေရန်နှင့် မိမိတို့၏ ထုတ်ကုန်များကို ဈေးကွက်အတွင်း ယုံကြည်စိတ်ချစွာ ဖြန့်ဖြူးနိုင်ရန် အချိန်မီ ပြင်ဆင်ဆောင်ရွက်ထားကြပါရန် တိုက်တွန်းနှိုးဆော်အပ်ပါသည်။

ဒီညွှန်ကြားချက်နဲ့ ပတ်သက်ပြီး အသေးစိတ် ဥပဒေပိုင်းဆိုင်ရာ ဆွေးနွေးလိုပါက Great Golden Myanmar Law Firm သို့ ဆက်သွယ်မေးမြန်းနိုင်ပါသည်။

21/02/2026

လိုင်စင်ရ ခရစ်ယာန် သင်းအုပ်ဆရာ များက နိုင်ငံခြားသားနှင့် ထိမ်းမြားခွင့်လိုင်စင်မရှိဘဲ ထိမ်းမြားပေး ခြင်း၊ ခရစ်ယာန်ဘာသာဝင် နိုင်ငံခြားသားနှင့် မြန်မာနိုင်ငံသားတို့၏ ထိမ်းမြားလက်ထပ်မှု ယခင်ထက် ပိုမိုများပြားလာခြင်း စသည့်အကြောင်းအရာများကြောင့် ၊ တရားရုံး၌ ဗုဒ္ဓဘာသာဝင်တို့၏ ထိမ်းမြား လက်ထပ်ပြုလုပ်ရာတွင် နိုင်ငံခြားသား၏ အချက်အလက်များကို စိစစ်သည့် နည်းတူ ခရစ်ယာန်ဘာသာဝင်တို့၏ ဝိနည်းနှင့်အညီ ထိမ်းမြားမှုတွင်လည်း အလားတူ စိစစ်ရန် လိုအပ်‌ေကြာင်း ပြည်ထောင်စု တရားလွှတ် တော်ချုပ်မှ ညွှန်ကြားချက် အမှတ် ( ၁/၂၀၂၆) ဖြင့် ၂၀၂၆ ခုနှစ် ဇန်နဝါရီလ ၁၅ ရက်နေ့ တွင်ညွှန်ကြားထားပါသည့်။
ညွှန်ကြားချက်အရ လိုင်စင်ရ ခရစ်ယာန် သင်းအုပ်ဆရာ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ထံတွင် ခရစ်ယာန်ဘာသာဝင် နိုင်ငံခြားသားနှင့် မြန်မာနိုင်ငံသားတို့ ထိမ်းမြားမူ ပြုလုပ်ပါက
အောက် ‌‌ေဖာ်ပြပါ နိုင်ငံခြားသား၏ အချက်အလက်များ လိုအပ်ပါသည်။

ထိမ်းမြားလက်ထပ်မည့် နိုင်ငံခြားသား၏ –

(၁)နိုင်ငံကူးလက်မှတ်(Passport)၊

(၂)မြန်မာနိုင်ငံတွင် ရက် ၃၀ အထက် နေထိုင်ခွင့်ရှိကြောင်း Visa အထောက်အထား၊

(၃) Visa ဖြင့် နေထိုင်စဉ်ကာလအတွင်း လက်ထပ်ထိမ်းမြားမည်ဖြစ်ကြောင်း မြန်မာနိုင်ငံ လူဝင်မှုကြီးကြပ်ရေးဦးစီးဌာနသို့ တင်ပြချက်၊

(၄)ထိမ်းမြားလက်ထပ်မှုကို သက်ဆိုင်ရာနိုင်ငံ၏ ဥပဒေအရ တားမြစ်မှုမရှိကြောင်း သက်ဆိုင်ရာသံရုံး၏ ထောက်ခံချက် (Certificate of No Impediment to Marriage)

(က) လူပျို၊ လူလွတ် သို့မဟုတ် လက်ရှိ အိမ်ထောင်မရှိသူ (ကွာရှင်း/အိမ်ထောင်ဖက်သေဆုံး အထောက်အထား)၊

(ခ) သက်ဆိုင်ရာနိုင်ငံတွင် နေထိုင်မှုအခြေအနေ၊

(ဂ) အမြဲတမ်းနေရပ်လိပ်စာနှင့် အလုပ်အကိုင်၊ ဝင်ငွေ၊

(ဃ) ရာဇဝတ်မှုကင်းရှင်း၊ အကျင့်စာရိတ္တ ထောက်ခံချက်။
အစရှိတာ တွေ လိုအပ်မှာပဲဖြစ်ပါတယ်။

ညွန်ကြားချက်အပြည့်အစုံကို ဖော်ပြပေးထားပါတယ်ခင်ဗျ။

နိုင်ငံခြားသား နှင့် မြန်မာနိုင်ငံသား လက်ထပ်ထိမ်းမြားခြင်းဆိုင်ရာ ၀န်ဆောင်မူများအတွက် ဆွေးနွေးအကြံပြုချက်များ ရယူလိုလျှင်လည်းကောင်း၊ လက်ထပ်ထိမ်းမြားခြင်း ပြုလုပ်လိုလျှင်လည်းကောင်း ဥပဒေရေးရာ၀န်ဆောင်မူဆွေး‌နွေးရယူလိုက်ပါ။

ဆက်သွယိရန်-

ရုံးခန်းလိပ်စာ- အမှတ်(၉၇)၊ ပထမထပ်၊ (၃၉) လမ်း၊ အောက်ဘလောက်( မဟာဗန္ဓုလလမ်းနှင့် ကုန်သည်လမ်းကြား)၊ ကျောက်တံတားမြို့နယ်၊ ရန်ကုန်တိုင်းဒေသကြီး။

ဖုန်း- 09943590954 (Viber/WhatsApps)/ 09423000178

#နိုင်ငံခြားသား လက်ထပ်
Certificate
#ခရစ်ယာန်ဘာသာ ထိမ်းမြားလက်ထပ်

20/02/2026

(Private Cinema) ဖွင့်လှစ်ပြသနေမှုနှင့်ပတ်သက်၍ အသိပေးကြေညာချက်
(၂၀-၀၂-၂၀၂၆)

ဗီဒီယိုလုပ်ငန်းစိစစ်ကြီးကြပ်ရေးဗဟိုကော်မတီအနေဖြင့် အချို့သော စီးပွားရေးလုပ်ငန်းရှင်များသည် ပရိုဂျက်တာ/ TV အသုံးပြု ပုဂ္ဂလိကရုပ်ရှင်ရုံငယ်များကို ဟိုတယ်/ တည်းခိုခန်းများကဲ့သို့ အခန်းကန့်ပြီး ဖွင့်လှစ်လာကြ၍ မလိုလားအပ်သော လူမှုရေးရှုပ်ထွေးမှုများ ဖြစ်ပေါ်လာနိုင်ကြောင်း စိစစ်တွေ့ရှိရသဖြင့် ပြသခွင့်လိုင်စင်များ ထုတ်ပေးမှုများရှိပါက ချက်ချင်းရုပ်သိမ်းသွားရန်နှင့် တရားမဝင်ပြသနေမှုများအား ရုပ်မြင်သံကြားနှင့်ဗီဒီယိုဥပဒေအရ အရေးယူဆောင်ရွက်သွားရန် တိုင်းဒေသကြီး/ ပြည်နယ် ဗီဒီယို လုပ်ငန်းစိစစ်ကြီးကြပ်ရေးကော်မတီများသို့ အကြောင်းကြားထားရှိပါသည်။

သို့ရာတွင် ရန်ကုန်တိုင်းဒေသကြီး စမ်းချောင်းမြို့နယ်ရှိ RIO Private Cinema ၊ နေပြည်တော် ပျဉ်းမနားမြို့နယ်ရှိ The Vibe Mini Cinema အပါအဝင် အချို့သော Private Cinema များသည် ဆင်ဆာမဲ့ ရုပ်ရှင်ဇာတ်ကားများကို အသုံးပြု၍ မလျော်ကန်စွာ တရားမဝင် ဆက်လက်ဖွင့်လှစ်လျက်ရှိကြောင်း စိစစ်တွေ့ရှိရပါသည်။

သို့ပါ၍ လုပ်ငန်းလိုင်စင်မရှိဘဲ ရုပ်ရှင်ရုံဖွင့်လှစ်ပြသခြင်း၊ ဆင်ဆာမဲ့ဇာတ်ကားများ ပြသခြင်းများ ဆက်လက်ပြုလုပ်ပါက တည်ဆဲဥပဒေများနှင့်အညီ အရေးယူဆောင်ရွက်သွားမည်ဖြစ်ပါကြောင်း အသိပေး ကြေညာအပ်ပါသည်။

ဗီဒီယိုလုပ်ငန်းစိစစ်ကြီးကြပ်ရေးဗဟိုကော်မတီ

20/02/2026

Electronic Cigarette, Electronic Smoking Device တို့နှင့် အလားတူ ပစ္စည်းများနှင့် ဆက်စပ်ပစ္စည်းတို့အပေါ် အရေးကြီးကုန်စည်နှင့် ဝန်ဆောင်မှုဥပဒေအရ တားမြစ်မိန့် ထုတ်ပြန်ခြင်း

Firm

# -Cigarette

11/10/2025

“၂၀၂၆ ခုနှစ်၊ အများပြည်သူတို့၏ အလုပ်ပိတ်ရက်များ”

၂၀၂၆ ခုနှစ်၊ ပြက္ခဒိန်နှစ်အတွင်း အများပြည်သူတို့၏ အလုပ်ပိတ်ရက်များအား ၂၀၂၅ ခုနှစ်၊ ဩဂုတ်လ (၁၅) ရက် နေ့စွဲဖြင့် အမျိုးသားကာကွယ်ရေးနှင့် လုံခြုံရေးကောင်စီရုံးက ထုတ်ပြန်ကြေညာခဲ့ပါသည်။

အဆိုပါ အလုပ်ပိတ်ရက်များအား အများပြည်သူတို့ သိရှိမှတ်သားနိုင်စေရန် Great Golden Myanmar Law Firm မှ ဝေမျှပေးလိုက်ပါတယ်။

10/10/2025

မြေအမျိုးအစား အလိုက်စာရွက်စာတမ်း စစ်ဆေးရမည့် ပုံစံများ
======================================

အိမ်ခြံမြေဈေး ကွက်အတွင်းမှာ မြေ၊ တိုက်ခန်းရောင်းဝယ်မှုတွေမှာရောင်းမှား ဝယ်မှားမဖြစ်ပေါ်စေဖို့ မြေအမျိုးအစားအလိုက်စစ်ဆေးရမယ့် စာရွက် စာတမ်းတွေကို ဖော်ပြပေးလိုက်ပါတယ်။

အိမ်ခြံမြေ၊တိုက်ခန်း ဝယ်ယူမယ်ဆို ရင် အိမ်ခြံမြေ၊ တိုက်ခန်းအမျိုးအစား အလိုက် လိုအပ်တဲ့ စာရွက်စာတမ်းတွေက အပြည့်အဝမတူညီနိုင်ပါဘူး။

ဒါကြောင့် အိမ်ခြံမြေ၊ တိုက်ခန်း ဝယ်ယူတဲ့အခါပိုင်ဆိုင်မှုအထောက်အထား စာရွက်စာတမ်း အပြည့်အစုံကိုတိုက်ဆိုင်စစ်ဆေးသင့်ပါတယ်။ဒါကြောင့် အိမ်ခြံမြေဝယ်ယူသူတွေ အနေနဲ့ လိုအပ်တဲ့ စာရွက်စာတမ်းတွေကို သိရှိထားဖို့ လိုအပ်တယ်လို့ ဆိုပါတယ်။

ဂရန်မြေ

- ဂရန်မြေဝယ်မယ်ဆိုရင် ဂရန်အမည် ပေါက်"မှန် မမှန်၊ စစ် မစစ်" ကိုသက်ဆိုင်ရာ ရုံးမှာ သွားရောက် စစ်ဆေးရမှာ ဖြစ်ပါတယ်။ - ဂရန်မြေနဲ့ ပတ်သက်လို့ စစ်ဆေးရမယ့် စာရွက်စာ တမ်းကနည်းပါတယ်။ ဂရန်အမည်ပေါက် မှန် မမှန်ကိုသာရုံးမှာ သွားရောက် စစ်ဆေးဖို့ပဲ လိုအပ်ပါတယ်။

ပါမစ်မြေ

ပါမစ်မြေဆိုတာကတော့ မြို့သစ်ဘက်တွေမှာ ချထားပေးတဲ့မြေအမျိုးအစား ဖြစ်ပါတယ်။ - ပါမစ်မြေကို ဝယ်ယူမယ် ဆိုရင် ချ ထားပေးတဲ့ပါမစ် မှန် မမှန်၊အဆို ပါ ပါမစ်ကို အင်ထရီပြင်ထားဖို့ လိုအပ်ပါ တယ်။အင်ထရီဆိုတာက မြေနေရာ အ ကွက် ချ ပြီး ထုတ်ပေးလိုက်တဲ့ပါမစ်ကိုပြန်လည် စစ်ဆေးပြီး နေထိုင်ခွင့်ပြုတဲ့အမှတ် တံဆိပ် ဖြစ်ပါတယ်။

အင်ထရီဝင်ပြီးသား ပါမစ်ဆိုရင် နောက်ကျောဘက်မှာ လေးထောင့်တံဆိပ်တုံးလေးနဲ့ ပြန်လည်စိစစ် ပြီးဖြစ်ကြောင်း ပါရှိရမှာ ဖြစ်ပါတယ်။အင် ထရီ မဝင်ရသေးတဲ့ မြေကွက်တွေက ဈေး ကွက်အတွင်းမှာဈေးနှုန်းကွဲလွဲမှုရှိတယ် လို့ သိရတယ်။“ ဈေးနှုန်းမကွာဘူးဆိုရင်တောင် ရာ တန်အကွက်တွေမှာဈေး ငါးသိန်း၊ ၁၀ သိန်း ကွာတယ်၊ထောင်တန် အကွက်တွေမှာဆိုရင် အင်ထရီမဝင်ရသေးလို့ပွဲပျက် တာတွေတောင် ရှိတယ်”လို့မြန်မာ့ရတနာ မြေ အိမ်ခြံမြေအကျိုးဆောင်မှအမ်ဒီ ကို ဝင်းနိုင်ဦးက ဆိုပါတယ်။ - ပါမစ်မြေမှာ စာရွက်စာတမ်းလည်း မှန်ကန်မှုရှိပြီးအင်ထရီလည်း ဝင်ထား မယ်ဆိုရင်အမည်ပေါက်ပိုင်ရှင်ရဲ့ မှတ်ပုံ တင် မိတ္တူ၊သန်းခေါင်စာရင်းမိတ္တူ ပါရှိရပါမယ်။အဆိုပါ မိတ္တူတွေကိုလည်း မူရင်းနဲ့ တိုက်ဆိုင် စစ်ဆေးသင့်ပါတယ်။

လယ်မြေ

လယ်မြေ ဝယ်ယူမယ်ဆိုရင်တော့ လယ်မြေအတွက်

- အစိုးရကို အခွန်ပေးထားတဲ့ စလစ်၊လယ်ယာမြေမှတ်ပုံတင် စာအုပ်၊စလစ် up to date ဖြစ် မဖြစ် စစ် ဆေးရပါမယ်။စလစ် up to date ဆိုတာကတော့ အစိုးရကို အခွန်ငွေပေးသွင်းထား တဲ့နှစ်က အနီးဆုံးနှစ် ဖြစ်ရပါမယ်။ - လယ်ယာမြေမှာ ပိုင်ဆိုင်မှု စာရွက်စာ တမ်းဆိုတာ "လယ်ယာမြေ လက်ဝယ်ရှိသူတိုင်း" ရဲ့လက်ထဲမှာ မရှိနိုင်ပါဘူး။လယ်ယာမြေကို စိုက်ပျိုးလုပ်ကိုင်တဲ့အပေါ်အခွန် စည်းကြပ်ခံထားရတဲ့ မြေခွန် ပြေစာ သည်သာ ပိုင်ဆိုင်မှု ဖြစ်ပါတယ်။- အမှန် တကယ် လယ်ယာမြေကို လုပ်ကိုင်နေပြီးအခွန်စည်းကြပ်မှုကိုလည်း ထမ်းဆောင်ထားမယ်ဆိုရင်လယ်ယာမြေ လက်ရှိ ရှိသူအနေနဲ့ အင်္ဂ ါရပ်ညီညွတ်ပြီလို့ ဆိုနိုင်ပါ တယ်။လယ်ယာမြေလုပ်ကိုင်သူတွေကို မြေစာရင်းဌာနကအခွန်စည်းကြပ်မှု မှတ်ပုံတင်စာရင်းနဲ့ မြေပုံမှာမှတ်သားထား လေ့ရှိပါတယ်။
- တချို့လယ်ယာမြေတွေက အခွန်ပြေစာအပြင်မြေစာရင်းပုံစံ ၁၀၅ ကိုလည်း ရေးကူးရယူထားရှိနိုင်ပါတယ်။ - မြေစာရင်းပုံစံ ၁၀၅ ဆိုတာက မြေစာရင်းဌာနကမှတ် ပုံတင်စာရင်း၊ မြေပုံ စသည်တို့မှာ မှတ်သား ထားတဲ့အတိုင်း မှတ်တမ်းထိန်းသိမ်းတဲ့ မြေစာရင်းဌာန က ပုံစံတူရေးကူးပေးတဲ့ပုံစံ တစ်ခု ဖြစ်ပါတယ်။

မြေစာရင်းပုံစံ ၁၀၅ မှာ မြေကွက်နဲ့ ပတ်သက်တဲ့ အချက်အလက်တွေကိုတစုတစည်း သိရှိနိုင်ပါတယ်။ ပုံစံ ၁၀၅ မှာ ဖော်ပြချက်အရမြေကွက်တည်ရှိ တဲ့ မြို့၊ ရပ်ကွက်၊ ကျေးရွာ၊ ကွင်း၊ ဧရိယာ၊မြေအမျိုးအစား စတာတွေကို အလွယ်တကူ သိရှိနိုင်ပါတယ်။ “လယ်ယာမြေကို စလစ်တစ်ခုတည်းနဲ့ အရောင်းအဝယ်လုပ်တာတွေရှိတယ်၊ အဲ ဒါတွေက ရေရှည်မှာ အဆင်မပြေပါဘူး”လို့ကိုဝင်းနိုင်ဦးက ဆိုပါတယ်။ - ယခုအချိန်မှာ လယ်ယာမြေကို အရပ် သဘောရောင်းဝယ်နေကြပြီးစာချုပ်စာ တမ်းမှတ်ပုံတင်ရုံးမှာ လယ်ယာမြေဥပဒေ သစ်အရမှတ်ပုံတင်ပြီးမှသာ တရားဝင် ဆောင်ရွက်လို့ရမှာ ဖြစ်တယ်။

လန ၃၉ မြေ

- လန ၃၉ ဆိုတာက လယ်ယာမြေမှ တစ်ဆင့် အခြားမြေအဖြစ်ပြောင်းလဲ အ သုံးပြုခွင့် ပြုထားတဲ့ မြေအမျိုးအစားဖြစ်ပါ တယ်။ လန ၃၉ မြေ ဝယ်ယူမယ်ဆိုရင် လယ်ယာမြေကနေ အခြားမြေပြောင်းလဲ အသုံးပြုခွင့်ပြုထားတဲ့ လန ၃၉ စာရွက် ရှိ ရပါမယ်။ - ဒါမှသာ လယ်ယာမြေကို အိမ် ယာမြေ၊ စက်မှုထုတ်ကုန် တစ်ခုခုပြောင်း လဲ အသုံးပြုမယ်ဆိုရင် လန ၃၉ ချထား ပေးတဲ့ စာရွက်ရှိမှအဆင်ပြေမှာ ဖြစ်ပါ တယ်။

တိုက်ခန်းဝယ်မယ်ဆိုရင်

တိုက်ခန်း အရောင်းအဝယ် ပြုလုပ်တဲ့ အခါမှာဆက်စပ်စာချုပ်တစ်ခုရှိရုံ နဲ့ ပိုင် ဆိုင်မှု အထောက်အထားပြည့်စုံပြီလို့ မထင်မှတ်သင့်ပါဘူး။ တိုက်ခန်းအရောင်း အဝယ်ပြုလုပ်တဲ့နေရာ မှာ မရှိမဖြစ်လိုအပ်တဲ့စာရွက်စာတမ်းတွေကတော့

- ဆက်စပ် စာချုပ်၊

- BCC (လူနေထိုင်ခွင့်)

- မြေ ရှင်လက်မှတ်

- ရေမီတာ၊ မီးမီတာ စာရွက်စာတမ်းတွေ လို အပ်ပါတယ်။အဲသည် စာရွက်စာတမ်းတွေ ပါရှိရင်တော့ ပိုင်ဆိုင်မှု သေချာနိုင်တယ်လို့သိရပါတယ်။

ဘိုးဘွားပိုင်မြေ

ဘိုးဘွားပိုင်မြေ ဖြစ်ခဲ့မယ်ဆိုရင်တော့သက်ဆိုင်ရာ မြေပိုင်ဆိုင်မှုမှတ်တမ်းမှာ ပိုင်ရှင်အဖြစ်မှတ်တမ်းရှိပြီး ဖြစ်ရမှာ ဖြစ် ပါတယ်။

Credit: The kumudra journal

02/08/2025

အမှတ်တံဆိပ်မှတ်ပုံတင် လျှောက်ထားခြင်းအားကန့် ကွက်နိုင်ကြောင်း ထုတ်ပြန်ကြေညာခြင်းနှင့် အမှတ်တံဆိပ်မှတ်ပုံတင်လျှောက်ထားခြင်းအား မှတ်ပုံတင်ပြီးကြောင်း ထုတ်ပြန်ကြေညာခြင်း

(အသိပေးကြေညာ ချက်အမှတ် ၁၇/၂၀၂၅) အား အောက်ဖော်ပြပါ website link တွင် ဝင်ရောက်လေ့လာနိုင်ပါသည်။

https://ipd.gov.mm/translate/publication-for-opposition-of-trademark

02/08/2025

31/07/2025

https://www.facebook.com/100091770780750/posts/685469947855359/

31/07/2025

https://www.facebook.com/100091770780750/posts/685466817855672/

31/07/2025

https://www.facebook.com/100091770780750/posts/685463007856053/