27/09/2026
⚖️ الحبس في متجمد النفقة 🤔
📌 من أكتر الأسئلة اللي بتجيلنا:
"معايا حكم نفقة وطليقي مش بيدفع… أعمل إيه؟"
أو
"عليّا متجمد نفقة واتحكم عليا بحبس… أتصرف إزاي؟"
🟣 خلينا نشرح الموضوع قانونيًا خطوة بخطوة 👇
أولًا: يعني إيه نفقة؟
النفقة تشمل:
✔️ المأكل
✔️ الملبس
✔️ المسكن
✔️ مصاريف العلاج
✔️ مصاريف التعليم (في بعض الحالات)
▪️والأساس القانوني لها وارد في قانون الأحوال الشخصية، وأهم نص إجرائي هو المادة 76 مكرر من القانون رقم 1 لسنة 2000.
ثانيًا: يعني إيه "متجمد نفقة"؟
▫️ هو مجموع المبالغ اللي لم يتم سدادها من تاريخ الامتناع عن الدفع حتى تاريخ رفع الدعوى.
📌 مثال: صدر حكم نفقة بـ 2000 جنيه شهريًا
الزوج لم يدفع لمدة 10 شهور
يبقى متجمد النفقة = 20,000 جنيه
ثالثًا: الفرق بين دعوى المتجمد ودعوى الحبس
🔹 دعوى المتجمد:
هدفها إثبات قيمة المبلغ المتراكم والحصول على حكم بإلزام الزوج بسداده.
🔹 دعوى الحبس:
دي وسيلة ضغط قانونية لإجبار الزوج على السداد إذا كان ممتنع رغم قدرته.
⚠️ الحبس لا يسقط الدين.
رابعًا: شروط الحكم بالحبس
المحكمة لا تحكم بالحبس إلا إذا توافر الآتي
1️⃣ وجود حكم نفقة نهائي واجب النفاذ
2️⃣ إعلان الزوج بالحكم إعلان قانوني صحيح
3️⃣ امتناعه عن السداد
4️⃣ ثبوت يساره (يعني قادر يدفع)
لو ثبت إنه معسر فعلًا المحكمة ترفض الحبس.
خامسًا: مدة الحبس قد إيه؟
طبقًا للقانون:
🔘 مدة الحبس لا تزيد عن 30 يومًا عن كل حكم.
⚠️ لكن: لو في أكثر من حكم (نفقة زوجية – نفقة صغار – أجر مسكن – مصاريف علاج…)
يجوز رفع دعوى حبس عن كل حكم على حدة.
سادسًا: هل الحبس يسقط النفقة؟
لا ❌
حتى لو اتحبس وخرج، الدين يظل قائم.
النفقة دين لا يسقط إلا بالسداد أو الإبراء.📌📌📌📌
سابعًا: هل يجوز التصالح؟
نعم 👍
🔘 يجوز الصلح في أي وقت، سواء قبل الحبس أو أثناء التنفيذ.
لو تم السداد أو تم الاتفاق أمام المحكمة يتوقف تنفيذ الحبس.
ثامنًا: هل يجوز الحبس أكثر من مرة؟
آه ✔️
🔘 لو خرج ولم يسدد باقي المديونية، يجوز إعادة الحبس مرة أخرى عن باقي المبلغ.
تاسعًا: طرق تنفيذ حكم النفقة غير الحبس
مش الحبس بس هو الحل 👇
في طرق تانيه زى :
✔️ الحجز على المرتب
✔️ الحجز على الحسابات البنكية
✔️ التحري عن جهة العمل
✔️ بنك ناصر الاجتماعي لصرف النفقة مؤقتًا
عاشرًا: نصائح مهمة جدًا :
🔹 للزوجة: لا تعتمدي على الحبس فقط، اسعي للحجز على مصادر دخله.
احتفظي بكل الإعلانات والأحكام.
🔹 للزوج: لو غير قادر فعليًا على السداد، ارفع دعوى تخفيض نفقة فورًا.
التجاهل بيزود المتجمد وبيحطك تحت طائلة الحبس.
📌 خلاصة الكلام:
🟢 الحبس في متجمد النفقة وسيلة قانونية لحماية حقوق الزوجة والأولاد،
🔘 لكنه ليس عقوبة جنائية وإنما أداة لإجبار الممتنع على السداد.
المستشار مايكل سمير ⚖️
١٥ شارع الدندراوي متفرع من شارع احمد عرابى -الأربعين - السويس 📌
