محمد أحمد فؤاد - المحامي

محمد أحمد فؤاد - المحامي مكتب المستشار/ محمد فؤاد - المحامي - متخصصون في قضايا الرأي العام والقضايا الجنائيه والإقتصادية
(1)

.... ياجماعه ياريت نفرق مابين صحة التوقيع والتسجيل .... مش معنى أن العقد دخل المحكمه يبقى اتسجل أو تم توثيقه .... دع...
26/09/2026

.... ياجماعه ياريت نفرق مابين صحة التوقيع والتسجيل .... مش معنى أن العقد دخل المحكمه يبقى اتسجل أو تم توثيقه .... دعوى صحة التوقيع دى دعوى معناها انى بقول أن التوقيع أو البصمة إلى على الورق أو العقد بتاعت فلان بدون التعرض إلى بنود العقد ... يعنى الدعوى مالهاش دعوة اذا العقد صحيح أو بنوده صحيحه ... الدعوى بتتكلم عن التوقيع وبس .... أما التسجيل بيكون له اجراءات معينه فى الشهر العقارى عن طريق التسجيل بالتراضى أو عن طريق دعوى صحه ونفاذ فى المحكمه وطبعا رسوم التسجيل بتختلف تماما تماما تماما عن دعوى صحة التوقيع .... خلى عندك وعى قانونى واوعى اى حد يفهمك أن مدام العقد معمله صحة توقيع يبقى متسجل ....

بحمد الله وفضله إلغاء قرار التمكين المنفرد الحاضنه أخدت قرار تمكين من مسكن الزوجيه لأنها حاضنة قولنا حقها انما تجيب ...
24/09/2026

بحمد الله وفضله إلغاء قرار التمكين المنفرد
الحاضنه أخدت قرار تمكين من مسكن الزوجيه لأنها حاضنة قولنا حقها انما تجيب أهلها يقيمو في شقه الحضانه ده إلي مش من حقها

23/09/2026

وإنت بتشتري وبتكتب عقد خلي بالك...

... خلى بالك انتشرت الفتره الاخيره صفحات كتير بتعرض خدمة المساج وبتعلن أنها بتوفر مدربين ومدربات حسب الحاجه وده عن طر...
21/09/2026

... خلى بالك انتشرت الفتره الاخيره صفحات كتير بتعرض خدمة المساج وبتعلن أنها بتوفر مدربين ومدربات حسب الحاجه وده عن طريق صفحات الفيس بوك أو طرق التواصل الاجتماعى بس خلى بالك انت بكده وبدون ماتشعر بتحط نفسك تحت طائلة القانون وبتلاقى نفسك متوجهلك اكتر من تهمه ... !!!

طيب ازاى ... ؟؟؟ ايه هى التهم دى ... ؟؟

1 - مزاوله مهنه بدون ترخيص ( طبعا ده لو كان فى مزاوله نشاط أو عمل تجارى زى مابيكون مكتوب فى الإعلان )

2 - التحريض على الفسق والفجور ( وده بيكون عن طريق تقديم خدمة المساج عن طريق مدربين ومدربات لقاء مبالغ ماليه متفق عليها مسبقا )

3 - وده الأهم والأخطر هى تهمة إساءة طرق التواصل الاجتماعي لمخالفتها القانون 175 لسنة 2018 بشأن الجرائم الالكترونيه وتقنين المعلومات

#علشان كده خلى بالك لأن الجرائم الالكترونيه بتنظرها المحاكم الاقتصاديه

في قضايا

#مش أي حد يتمسك في كافيه أو علي البحر أو في الشارع يتعمله قضيه تحريض علي الفسق وياخد حكم أو يتحبس .. لأن أهم شرط في جريمه التحريض إن المتهم يكون معتاد علي تلك الجرائم يعني مسجل يعني عنده قضايا من ده قبل كده غير كده #براءه ودي أحدث احكام مكتبنا بالبراءه في جنح تحريض علي الفسق بعد الحكم عليهم غيابي واحده سنه والثانيه 6 شهور وبعد كده إلغاء الحكم والبراءه ودي صوره من شهادات من واقع الجدول بتعديل الأحكام بحمدالله الي #البراءة 👇👇

#بحمدالله أحدث احكام مكتبنا الحكم الذي وعدنا بنشره استئناف عالي احوال شخصيه اكتوبر 👇👇👇 #الزوجه رفعت قضيه نفقه صغار ...
20/09/2026

#بحمدالله أحدث احكام مكتبنا الحكم الذي وعدنا بنشره استئناف عالي احوال شخصيه اكتوبر 👇👇👇

#الزوجه رفعت قضيه نفقه صغار طبعا حقها ماحدش يقدر يعترض القاضي حكم بالنفقه قولنا وماله الزوجه بعد حوالي 4 شهور قالت انا عايزه زياده قولنا طيب ازاي اذا كان دخل الزوج زي ماهو والحكم بتاع النفقه لسه طالع من قريب قالت انا حرفع قضيه 😔

#الزوجه طلبت زياده نفقه صغار وقالت ان الزوج عنده وعنده وعنده ويملك ويملك ويملك وبطلب زياده النفقه حضرنا احنا وقولنا طيب احنا كمان بنطلب تخفيض النفقه لان الاب دخله زي ماهو بل بالعكس حكم النفقه اصلا كان كبير علي دخله وحاليا مستوي المعيشه اكبر من دخله الثابت وقولنا الكلام ده قدام محكمه اول درجه

#محكمه اول درجه قالت لا لا مافيش الكلام ده احنا نزود الف جنيه لان القوه الشرائية للنقود قلت قولنا ياجماعه مافيش الكلام ده الدخل زي ماهو وكمان حكم النفقه المطلوب زياده لسه طالع اتقالنا قولو الكلام ده في الاستئناف قولنا حاضر

#عملنا استئناف واثبتنا صحه كلامنا والحمدلله تم الغاء الحكم فيما قضا به من زياده يعني الزياده والتخفيض تم رفضهم وإليكم حيثيات الحكم كامله 👇👇

#ونرحب بالرد على كافة استفساراتكم القانونيه من خلال صفحتنا على الفيس بوك أو فروع مكتبنا
39 أ عمارات العبور شارع مصطفى كامل العمومى بولكلى الاسكندريه
143 شارع محمد فريد الدور السابع بجوار بنك مصر ومحطة مترو محمد نجيب وسط البلد القاهره
لمزيد من المعلومات برجاء الاتصال على الرقم التالي
موبيل 📱 واتس اب / 01021008173
تليفون المكتب ☎ / 035466975

... كتير اوى بيسأل السؤال ده أيهما أفضل هل إيصال الامانه أم الشيك البنكى .. ؟؟؟ وعلشان نجاوب على السؤال ده لازم الأو...
19/09/2026

... كتير اوى بيسأل السؤال ده أيهما أفضل هل إيصال الامانه أم الشيك البنكى .. ؟؟؟ وعلشان نجاوب على السؤال ده لازم الأول نعرف ايه الفرق بينهم ...
1 - إيصال الامانه ده دفتر ممكن تشتريه من المكتبه أو تكتب صيغة الايصال على ورقه بيضه والشخص إلى عليه الفلوس يمضى عليه عادى جدا ... إنما الشيك البنك ده لازم تستلمه من البنك وبيكون عليه اسمك البنك واسم العميل وتسلسل الشيكات .. يعنى بيكون مترقم
2 - إيصال الامانه بيكون فيه ثلاث أطراف بمعنى أن فلان الطرف اول استلم مبلغ من فلان الطرف ثانى مبلغ لوتصيلهم إلى فلان الطرف ثالث ... إنما الشيك البنكى بيكون بين طرفين فقط يعنى فلان بيكتب ادفعو إلى فلان الفلاني مبلغ كذا وخلاص يعنى مش محتاج طرف ثالث
3 - إيصال الأمانه معناه اه الطرف الثانى الى استلم المبلغ من الطرف الأول لتوصيلهم إلى الطرف الثالث بيكون استلم المبلغ بصفة الامانه ولو ماسلمش المبلغ بيكون مبدد وخائن للأمانه ودى بتكون التهمه إنما الشيك البنكى التهمه بتكون إصدار شيك بدون رصيد يعنى بمجرد انك تاخد رفض على الشيك من البنك بتكون التهمه واقعه ومحققه ..
4 - تهمة خيانة الامانه أو التبديد أو إصدار شيك بدون رصيد جميعهم معاقب عليهم بالحبس والحبس بيكون من 24 ساعه حتى ثلاث سنوات ودى أقصى عقوبه فى الجنحه
5 - إيصال الامانه لو عليه تاريخ او مترقم يبقى زى عدمه إنما الشيك البنكى لا لأنه يخضع للمعاملات التجاريه بطبعه
** طبعا كتير بيقول دلوقتى طيب ماهو الفرق بينهم مش كبير أوى والاثنين محصلين بعض .. ؟؟؟ اقولك لا طبعا إيصال الامانه فيه مشاكل كتير وخصوصا الأيام دى ... نذكر منهم ..
أولا ... إيصال الامانه زى ماقولنا التهمه بتكون تبديد أو خيانة الامانه يعنى لو الشخص الى ماضى الايصال أثبت انه ما استلمش المبلغ إلى فى الايصال أو أن الايصال ده كان ضمان لشيء معين يبقى الايصال كده مالوش اى قيمه والدين ده بقى دين مدنى .. إنما الشيك البنكى مافيهوش الكلام ده
ثانيا ... طبعا معظم الناس بتكون فرحانه اوى لما بتمضى شخص على إيصال امانه على بياض لا وكمان بتكون فرحانه اوى لما تخليه يبصم وده طبعا غلط لأن المتهم لو أثبت انه ماضى أو موقع على بياض وحضرتك كملت بيانات الايصال فيما بعد بغض النظر أن الايصال كده باظ انت ممكن تتحبس فى جريمة خيانة الائتمان والتزوير كمان ..
ثالثا ... فى إيصال الامانه سهل جدا أن المتهم يطلب من القاضى سماع الشهود ويثبت انه ما استلمش المبلغ إلى فى الايصال ده وسهل جدا انه يثبت أن التوقيع كان قبل ملىء صلب الايصال وعلشان الناس الناصحه إلى بتقول حيثبت ازاى اقول لحضرتك عن طريق الخبير وده شغله كده كده حيعرف حتى لو عملت ايه بالذى ... إنما الشيك البنكى مش محتاج كل ده
رابعا ... فى إيصال الامانه لو كان أطراف الايصال فى بينهم عقود أو معاملات تجاريه يعنى إلى شاكرى بالايصال بينه وبين المتهم علاقه عمل أو شغل أو أن الايصال ده ضمان لشيء معين وأثبت كده قدام القاضى يبقى الايصال بااااااايظ بالظبط زى إلى بيأجر عربيه وبيمضى إيصال أو بيشترى شقه وبيبقى أقساط على هيئة إيصالات امانه ..
خامسا ... إيصال الامانه ممكن تشتكى عن طريق محضر شرطه أو جنحه مباشره ونفس الحال للشيك البنكى إنما إلى يزيد عليه حاجه اسمها أمر أداء للمبلغ إلى فى الشيك وده لسرعة وأسهل وده بيكون للشيك البنكى

●● أظن كده الكافة بتميل اكتر للشيك البنكى عن إيصال الامانه وخصوصا أن الغالب فى أحكام الشيكات بتكون مغلظه اكتر عن أحكام إيصالات الامانه غير أن فرص المتهم فى الحصول على البراءه فى إيصال الامانه بيكون أكبر من الشيك البنكى يعنى بمعنى أصح الشيك البنكى بيكون مقفول عن الايصال .. وده شىء بسيط لتوضيح الفرق بينهم

..... خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق .. وياريت بلاش التاتش بتاعكم والاف...
16/09/2026

..... خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق .. وياريت بلاش التاتش بتاعكم والافتكاسات المصريه ...

١ - العقد مش حيكون باطل لو مافيش شهود ماضين عليه المهم توقيع الشخص الى حيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك لو مش حنتقل عليك سواء بائع أو مشترى تمضى على كل ورقه ياريت ماتستسهلش وتكسل

٥ - قولنا مليون مره فى فرق بين صحه التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحه توقيع يبقى اتسجل ارحمونا شويه

٦ - مافيش حاجه اسمها تنازل على ظهر العقد ويبقى كده اشتريت ... اشتريت يعنى اعمل عقد بيع وشراء

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش حتشوف وشه تانى وغصب عنك حتدفعهم

٨ - صحه التوقيع مهمه وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحه توقيع على البائع وكمان ينفع البائع يرفع صحه توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ - لو اشتريت شقه من واحد والشخص ده اتوفى بعد مابعلك من حقك ترفع صحه توقيع على ورثته عادى

١١ - عقد الإيجار ممكن يتعمل عليه صحه توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدرلها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحه توقيع للعقد المحكمه لازم يكون قدامها أصل العقد وطبعا المحامى مش حيقدر يسحب الأصل غير لما القضيه تخلص ...

١٤ - على فكره عادى جدا انك ترفع دعوى صحه توقيع على عقد ابتدائى أو عقد لسه عليه أقساط مافيهاش مشكله عادي

... علشان كتير بيسأل السؤال ده .. هل أنا من حقى اخد الفلوس إلى مكتوبه فى القائمه بدل العفش ولا لا وخصوصا لو كان المبل...
14/09/2026

... علشان كتير بيسأل السؤال ده .. هل أنا من حقى اخد الفلوس إلى مكتوبه فى القائمه بدل العفش ولا لا وخصوصا لو كان المبلغ أكبر من المنقولات ..؟؟؟ القانون قال إن الأصل هو رد المنقولات بعينها ... بمعنى ايه ؟؟ يعنى المفروض أن الزوج كتب قائمة منقولات علشان هو استلم منقولات مش استلم فلوس أو مبالغ ماليه ... فالمفروض ان الزوج استلم المنقولات وتعهد بردها يبقى المفروض يردها بحالتها مش يرد قيمتها ... طيب امتى الزوج يكون ملتزم برد قيمة القائمة أو المبلغ إلى فى القائمة ... ؟ قولنا أن الأصل أن الزوج يرد المنقولات ولكن فى حالة تلفها أو هلكها أو تعذر ردها ... يبقى فى الحاله دى الزوج ملزم برد قيمتها الماديه ... طيب يعنى لو فى حاجه فى القائمة مش موجوده يبقى يرد كل المبلغ ..؟ لا طبعا الزوج بيرد قيمة الحاجه إلى ناقصه فى القائمة إنما لو الحاجات إلى فى القائمة كلها مش موجوده يبقى فى الحاله دى الزوج ملزم برد قيمة القائمة كلها ... طيب ولو فيه حاجات ناقصه ومش مكتوب ثمنها ؟ يبقى فى الحاله دى حنطلب خبير يحدد ثمن الحاجه إلى ناقصه ويجب على الزوج عرض ذلك المبلغ ... طيب ولو الزوج عرض منقولات غير الى استلمها .. ؟ يبقى بردو فى الحاله دى الزوجه من حقها الامتناع عن الاستلام وطلب ندب أحد الخبراء لمعاينة تلك المنقولات ولها أن تثبت صحة أقوالها بكافة طرق الإثبات ... يعنى الأصل فى الموضوع هو رد المنقولات وليس رد ثمنها ...

و #السلاح #بحمدالله أحدث احكام مكتبنا بالبراءه في جنايه اتجار مخدرات ( حشيش) وحيازه سلاح ( مطواه) #الضابط قال ان ش...
13/09/2026

و #السلاح #بحمدالله أحدث احكام مكتبنا بالبراءه في جنايه اتجار مخدرات ( حشيش) وحيازه سلاح ( مطواه)

#الضابط قال ان شقيق المتهم طالعله ضبط وإحضار علي ذمه قضيه نزل علشان يمسكه لاقي اخوه معاه مطواه ومخدرات طيب اخويا عليه قضيه وانا مالي يالمبي 😂

نفسي افهم جبتو منين إن الحاضنه إلي عندها شقه أو مقيمه عند اهلها لا تستحق اجر مسكن حضانه وتقولي محكمه النقض قالت كده... ط...
12/09/2026

نفسي افهم جبتو منين إن الحاضنه إلي عندها شقه أو مقيمه عند اهلها لا تستحق اجر مسكن حضانه وتقولي محكمه النقض قالت كده... طيب حضرتك قريته فهمت إلي في طبعا لا أنا مقدر جدا إلي إنت في وخصوصا لما قانونيين يطلعو يقولو ويروجو للكلام ده علشان كام لايك وكام مشاهده وفي الاخر حضرتك إلي خسران زي إلي رافع كف اجر مسكن علشان الحاضنه عندها مسكن وجاي يقول للقاضي أصل محكمه النقض قالت كده... وبكل هدوء محكمه النقض ولا قالت كده بالعكس قالت اجر مسكن الحضانه من النفقات وهو عنصر من عناصرها زي المأكل والملبس ونفقه الابن بتقف لما الولد يقدر يشتغل أو يخلص تعليمه ونفس الكلام للبنت لحد إما تقدر تشتغل أو تتجوز انما حضرتك تروح ترفع قضيه وتتناصح وفي الاخر تجيب لنفسك الكلام مش صح أبدا لأن الوحيد إلي خسران إنت...لمعلوماتك محكمه النقض قالت إن إلي عندها مسكن لا تستحق التمكين وده نظريا بس انما عمليا حتاخد تمكين لمليون سبب

Address

محمد أحمد فؤاد المحامى, ‏‪0102 100 8173‬‏, Https://maps. App. Goo. Gl/mKz2LrwZFvegLUPV 7
Alexandria

Telephone

+201021008173

Website

Alerts

Be the first to know and let us send you an email when محمد أحمد فؤاد - المحامي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to محمد أحمد فؤاد - المحامي:

Shortcuts

Share

Category