آية شريف مرسى Aya Shrief Morsy

28/04/2026

وأنا لما اديك الاستشارة ع الفيس
أودي الكرسي بتاع المكتب اللي بيلف ده فين!

24/04/2026

👈⚖️ تفاصيل وبنود قانون الأسرة للمسيحيين
" الفرق بين القانون القديم والجديد "👇
📌 اولًا : الزواج :-
• في القانون الجديد
- يشترط أن يكون الزواج بين نفس الطائفة المسيحية.
- وضع قواعد واضحة لـ الخطبة وإثباتها وتنظيم فسخها.
- تحديد موانع الزواج ( زي القرابة أو اختلاف العقيدة ).
- رفع سن الزواج/الأهلية القانونية إلى 21 سنة.
يحدد الشروط المتفق عليها بين الزوجين، مثل عمل الزوجة أو الالتزامات المالية، بحيث يصبح الإخلال بهذه الشروط سببًا قانونيًا لرفع دعوى طلاق أو تعويض.
📌 ثانيًا : الخطوبة :-
- مش مجرد اتفاق عائلي وخلاص
- بقت عقد رسمي موثق
- الشبكة بتتكتب بشكل واضح في العقد
- إعلان الخطوبة في الكنيسة لمدة شهر قبل الجواز
علشان لو في اعتراض يظهر بدري ..
يعني ببساطة :
القانون بيقولك من البداية "اتفقوا على كل حاجة" علشان محدش ييجي يزعل بعد كده .!
📌ثالثًا : الطلاق : -
● في القانون القديم
- الطلاق كان شبه مُستحيل
- مُعتمد بشكل أساسي على الزنا فقط
( خصوصًا في الكنيسة الأرثوذكسية )
- ناس كتير كانت بتلجأ لـ تغيير الدين أو الطائفة علشان تقدر تطلق
● في القانون الجديد
- بقى فيه حلول قانونية بدل التحايل
- وسّع أسباب الطلاق، زي :
الزنا بأشكاله .. الهجر ..
إستحالة العَشرة ..
"ناس شايفة إنه حل إنساني .. وناس شايفة إنه مطاط وممكن يتفسر بأي شكل"
يعني ببساطة :
بدل ما الناس تلف وتتحايل.. بقى فيه حل قانوني مباشر
📌رابعًا : تغيير الملة ( التحايل ) : -
● في القانون القديم
كان فيه ثغرة : تغيير الطائفة = تقدر تطلق
● في القانون الجديد
قفل الباب ده تمامًا لأنه يعتبر تحايل علي الله والقانون
الحكم هيكون حسب شريعة الزواج الأصلي
يعني :
مش هينفع تغيّر دينك أو ملتك علشان تطلق .!
📌خامسًا : الزواج الثاني :-
● في القانون القديم
شبه مرفوض تمامًا إلا بشروط صعبة جدًا
● في القانون الجديد
لسه مقيد، لكن :
بقى فيه وضوح أكتر في الحالات
مرتبط بسبب الطلاق
يعني :
لسه مش مفتوح، بس بقى "مُنظم بدل ما هو شبه مستحيل
📌سادسًا : الميراث :-
● في القانون القديم
أحيانًا بيُطبق قانون مدني مش واضح في التطبيق
● في القانون الجديد
مساواة كاملة بين الرجل والمرأة
ودي من أكبر التغييرات في القانون
📌سابعًا : الحضانة والأطفال : -
● في القانون القديم
- فيه تضارب في الأحكام ..
والحضانة للأم ويكون الأب في المرتبة الـ 16
● في القانون الجديد
- تنظيم واضح لـ الحضانة "الأم ثم الأب"
- تنظيم الرؤية ..
- الإستضافة .. يعني
"الأب هيستضيف ولاده اللي محروم منهم ويباتوا معاه ليلة"
الهدف : مصلحة الطفل أولًا ونفسيته ..
📌ثامنًا : التبني :-
• في القانون الجديد إلغاء نظام التبني بصورته القانونية التقليدية (بما يتوافق مع التشريع المصري)، مع وجود بدائل اجتماعية.
📌 تاسعًا :- تنظيم العلاقة بين الكنيسة والقضاء
● في القانون الجديد تم تحديد دور كل جهة :-
- الكنيسة (في الأمور الدينية)
- القضاء (في التنفيذ القانوني)
✦ بشكل عام :
* قانون موحد لكل الكنائس والطوائف المسيحية
* بيعالج حوالي 90% من مشاكل الزواج والطلاق.
* هدفه تحقيق استقرار أسري ومنع التحايل القانوني.
* بيحل مشاكل كانت معقدة جدًا.
* بيقلل التحايل علي الله والقانون.
* بيدي حلول واقعية أكتر للناس.
✦ لكن في نفس الوقت :
• فيه بنود لسه قابلة للنقاش والتطوير داخل البرلمان
• وفيه ناس معترضة عليه وبتقول ان القانون بيلغي سلطة التشريع للكنيسة ..!
✅ #الخلاصة :-
القانون ده محاولة كبيرة لتنظيم حياة الأسرة المسيحية بشكل واضح، خاصة في قضايا كانت شائكة جدًا زي الطلاق والزواج الثاني، والميراث، مع توحيد القواعد بين الكنائس.

23/04/2026

قرار النائب العام بمنع الممتنعين عن سداد النفقة من السفر خطوة مهمة 👏
وقرار وزير العدل بالمنع من اكثر من ٣٠ خدمة خطوة مهمة ايضا 👏🏻
الفين سلام وتحية 🫡🫡
لكن الحقيقة: لن يغير الواقع وحده

🔴 لأن التنفيذ ما زال مرتبطًا بأحكام جنائية نهائية
🔴 يعني سنوات من التقاضي قبل أي أثر حقيقي

💡 الحل الحقيقي:
✔️ الدولة تصرف النفقة فورًا للمرأة والأطفال خلال اسبوع من الحكم بها
✔️ وتستردها كـ دين منها على الزوج
✔️ والمنع الخدمات ، ومن السفر يكون لضمان سداد هذا الدين

بدون ذلك…
سيظل التهرب مستمرًا، لان الأحكام “النهائية ”
رحلة ذمنية طويلة

23/04/2026

🔴 مشروع قانون بتغليظ العقوبة في حالة الاعتداء على الأب أو الأم.. الحبس وغرامة تصل إلى مليون جنيه!

- الضرب البسيط أو السب والقذف والتنمر.. كل دي جرائم معاقب عليها بالفعل في قانون العقوبات المصري.

وتقريباً بتحدث بشكل يومي وكمان اليومين دول عشان الجو حر ومحدش طايق التاني..

- لكن الخطورة تكمن لما الجريمة دي تقع على الأب او الأم ومن مين؟ من أحد الابناء! جريمة بطعم الجحود وقساوة القلب موجودة بشكل ملفت في الواقع العملي، عشان كدة مشروع القانون راعى مكانة الأب والأم، وفكر في تقوية الحماية القانونية لهم بنصوص خاصة.

- وهو مشروع من أهم مشاريع القوانين المطروحة حالياً أمام مجلس النواب، واللي بيستهدف تغليظ العقوبة في حال الاعتداء على أحد الوالدين، سواء لفظياً أو جسدياً.

- إضافة إلى تغليظ العقوبة في حالات التنمر عليهما.

- وتتفاوت العقوبة بين الحبس والغرامة، والتي قد تصل إلى مليون جنيه في حالة العود (تكرار ذات الفعل المُجرَّم).

- ده غير إن مشروع القانون بيتجه إلى اعتبارها من الجرائم التي لا يجوز فيها التصالح من أحد الوالدين.

بغض النظر المناقشات هتفضي إلى ايه.. ولكن الجرائم دي أصبحت للأسف منتشرة ملفت فكان لابد من استحداث تشريع يواجهها ويحد منها.

كل الدعم 👏🏻
ــــــــــــــــــــــــــــــــــــــــــــــــــــــــــــــــــــــ
أ/ آيه شريف - المحامية

21/04/2026

قرار من السيد المستشار وزير العدل بشأن الممتنعين عن سداد النفقات
**تنبيه قانوني "من الآخر".. مفيش خدمات حكومية للممتنعين عن النفقة!**
🚫📑 خلاص الموضوع مابقاش مجرد أحكام على الورق، **قرار وزير العدل رقم 896 لسنة 2026** دخل حيز التنفيذ، والهدف منه "مصلحة الولاد أولاً". أي حد عليه حكم نهائي بمتجمد نفقة وممتنع عن السداد، مصالحه كلها هتتوقف
**إيه اللي هيحصل بالظبط؟** 🤔
السيستم الحكومي كله اتربط ببعضه، يعني لو عليك حكم نفقة نهائي وما دفعتش، هتلاقي الخدمات دي "واقفة" لحد ما تسوي موقفك:
* 💳 **بطاقات التموين:** مش هتعرف تطلعها ولا تجددها.
* 🚗 **رخص القيادة:** انسى تجديد رخصة العربية أو الرخص الشخصية.
* 🏗️ **تراخيص البناء:** لا تخصيص أراضي ولا تقنين وضع ولا حتى عداد كهرباء جديد يدخل.
* ✍️ **الشهر العقاري:** مش هتعرف توثق عقود ولا تعمل توكيلات.
**الخلاصة:** 💡
الدولة مش بتلغي حقك في الخدمة، هي بتعمل لها "تعليق مؤقت" ⏳ لحد ما تقدم **شهادة براءة ذمة** رسمية تثبت إنك سددت اللي عليك سواء للمستحقين أو لبنك ناصر الاجتماعي.


#استشارات

21/04/2026

⛔️رسميا الشهر العقاري يوقف خدمات المحكوم عليهم في قضايا النفقة لحين السداد."

21/04/2026

‏النصيحه الابديه .. ⚖️
اشتغل علي حاجات محدش يقدر ينازعك فيها :

‏- علاقتك مع ربنا .. " يعني الحلال والحرام قبل الاتعاب "
‏- وزنك وجسمك .. " صحتك قبل المقابل "
‏- شهادتك ودرجتك العلمية "كداب اللي يقولك العملي غير النظري"
‏- ثقتك بنفسك .. " وعمرها ما هتيجي بمدح الناس فيك "
‏- طريقة تفكيرك .. " هي اللي هتميزك عن غيرك "

‏ المشغول بنفسه عظيم جداً ..♥️⚖️

20/04/2026

20/04/2026

خلفَ هُدوئها … عقلٌ يُدير الَمعارك القانُونية بِحكمَة ⚖️

🔥⚖️

20/04/2026

حبيت أفكركم

إن كُل اللي في محكمة الأسره دول كانوا متجوزين أعظم انتصاراتهم.

18/04/2026

بين كل قضية وأخرى، في مساحة للأمل إن بكرة أحلى والعدل هيتحقق.. صباحكم طمأنينة 🍒