16/03/2026
� لو عندك حكم جنائي… متستغربش لو العداد يقولك: معلش خلّص قضيتك الأول.
في قرار جديد صادر من وزارة العدل المصرية واتنشر في الوقائع المصرية.
الفكرة ببساطة كده:
لو صدر ضدك حكم جنائي واجب النفاذ
ومنفذتوش…
ممكن تلاقي شوية خدمات حكومية
قررت تعمل معاك استراحة قانونية لحد ما تخلص الحكم.
يعني ممكن تروح تعمل خدمة حكومية
فتلاقي الرد غير الرسمي كده:
“إحنا تمام…
بس روح نفّذ الحكم الأول وبعدين تعالى.” 🙂
ممكن تلاقي مثلًا:
• بطاقة التموين مش مستعجلة عليك
• عداد الكهرباء بيقولك خلّص أمورك الأول
• الرخصة المهنية واخدة يومين إجازة
• التراخيص التجارية قررت تستنى شوية
• بعض خدمات مصلحة الشهر العقاري والتوثيق داخلة في وضع التفكير
الخلاصة:
زمان كان الحكم يقف عند المحكمة.
دلوقتي ممكن يقف عند الخدمات الحكومية كمان.
فلو عندك حكم واجب النفاذ…
الأفضل تخلصه بسرعة.
قبل ما تكتشف إن نص مصالحك
دخلت في إجازة لحد تنفيذ الحكم. 😅
—
⚖️ المستشار كساب وشركاه
نفهمك القانون… قبل ما يفاجئك.
#قانون
