06/08/2026
الطلاب الذكور
نقدر نطلع نماذج التجنيد اون لاين 🇪🇬
اتبع الخطوات الآتية .
أولا - لازم الطالب يكون معاه بطاقة رقم قومي وبعدهه يروح يطلع شهادة ميلاد رقم ثلاثي من أي سجل مدني .
ثانيا - ناخد بالنا ان الموقع مش بيفتح غير من داخل مصر.
*بالنسبة لاصدار ال 2جند او ال6 /7 جند* تصدرهم اون لاين
: الدخول على الموقع التالى
https://tagned.mod.gov.eg/Default.aspx
وبيتم الاتي:
اقصى يسار الصفحة بيتم الضغط على ثلاث خطوط أفقية 🟰
هتظهر عدة اختيارات بيتم اختيار:
استخراج نماذج تجنيدية
ثم
هتضغط علي تسجيل طلب استخراج نموذج
هتظهر عدة اختيارات :
هتختار نوع النموذج 2 أو 3 جند و نموذج 7 جند
ثم
هتكتب بياناتك الاسم و الرقم القومي و هتكتب تاريخ ميلادك
اى أرقام بنحطها بتكون باللغه الانجليزيه
🔊🔊ملحوظة
*قسم التجنيد* بيظهر لوحده بعد ما تحط الرقم القومي
و *الرقم الثلاثي*
ده هتلاقيه في الشهاده الميلاد دور في اخر الشهاده كده عن كلمه الرقم الثلاثي هتكتبه في الخانات هنا عكس ما هو مكتوب لك في الشهاده
فى شهاده الميلاد هتلقيه مكتوب بالعربى زى مثلا ٢٠٠٦/٥٥/١٢٣٤
انت بقى على الموقع هتلقيه محطوط ٣ خانات فاضيه هنكتب فى اول خانه من على اليمين بالانجليزى 2006 والثانيه 55 والاخيره1234
الرقم العسكري مش هتكتب فيه حاجه
ول لما تكتب الرقم الثلاثي صح هيتعدل لك المركز و المحافظه زي ما مكتوب لك في البطاقه و
هتكتب رقم التليفون ونختار البريد
وبعدين هيطلب منك تكتب العنوان بالتفصيل اللى هيوصل عليه الشحنه
ونكمل الإجراءات
هتلاقى رساله طلعت برقم الطلب والرقم القومى وبيوقلك فى خلال ٢٤ تعمل استعلام على الشاشه تانى علشان يطلع اذن الدفع وندفع
طب كده احنا خلصنا الطلب على الموقع نعمل ايه بقى 🙂🙂
يتم التواصل عبر الواتس على رقم الخدمه
المركز الالكتروني لخدمات التجنيد
+20 109 425 8960
🔊🔊🔊ملحوظة
لازم نتواصل عالطول مع الرقم لان الطلب لو عدي عليه اكتر من ٢٤ ساعة بتلغي وبيطلب منك تعمل واحد جديد علشان يقبل الدفع
هتكتب ان تم تقديم استخراج نماذج تجنيد مثلا ٢ و٧ جند والرقم القومى كذا............وتكتب الرقم القومى
من خلالهم هيراجعوا البيانات ويبعتلك علة الواتس اينك الدفع
هتدخل عليه وتكمل إجراءات الدفع والتوصيل
الدفع بيكون ١٢٠ ج (٩٠ ثمن نموذج ٢ و ٧ جند +٣٠ج توصيل )
خلي بالك ان 👇🏻
الرسالة اللي هتيجيلك عالواتس صيغتها:
السيد /
يمكنك الان سداد الرسوم عن طريق ماكينة فورى
كود الخدمة :
برقم الطلب:
الرقم القومى:
المبلغ الإجمالى: *120.00 جنيه مصرى*
سوف يتم التواصل معكم لأستلام الخدمة من *البريد المصرى* عندما تكون الخدمة جاهزة للأستلام
طب لو معيش فيزا 😟😟😟 تقدر تدفعهم من اى ماكينه فورى فى اى سوبر ماركت
للسداد عن طريق تطبيق my fawry/ماي فوري🚨🚨 الدخول علي تطبيق my fawry / ماي فوري علي الموبايل و اختيار خدمات القوات المسلحة و كتابة رقم الطلب و الرقم القومي و سداد الرسوم
إدارة التجنيد و التعبئة
المركز الإلكترونى لخدمات التجنيد *برجاء سداد الرسوم ف خلال 12 ساعة لتجنب الغاء الطلب* *فى حالة عدم ارسال صورة شخصية خلفية بيضاء و صورة بطاقة الرقم القومي برجاء إرسالهم فى اسرع وقت حتى نتمكن من طباعة الخدمه الخاصه بك* (1) التوجه إلى أقرب ماكينة فورى
(2) اختر خدمات تجنيدية
(3) يتم تسجيل كود خدمات التجنيد على ماكينة فورى وهو (73602)
(4) يتم تسجيل رقم الطلب والرقم القومى
(5) التحقق من البيانات على شاشة ماكينة فورى بإسم صاحب الخدمة والرسوم المقررة
(6) يتم الدفع والإحتفاظ بإيصال السداد الصادر من ماكينة فوري او بالفيزا عن طريق ابلكيشن My Fawry
وبعد كده نقعد نستنى هيتم التواصل معاكم لاستلام الشحنه عبر خدمه توصيل البريد
ممكن من يومين ل اربع ايام عمل
طبعا شكرا لاداره التجنيد والتعبئه انها رحمتنا من مشوار التجنيد والزحمه وان خدمات تسهل علينا جدا استخراج اوراقنا بكل سهوله
الخطوات سهله وبسيطه
بس متنساش ان الاستلام ببطاقه صاحب الطلب ويقدم لع شخصيا او ما ينوب عنه الأقارب درجه اولى
(الاب _ الأخ _ الام )
وكمان لما تفتح النماذج هتلاقى نموذج مكتوب فيه بيانات ليك ومختوم ونموذج تانى مفيش فيه بيانات متكتبش كلمه سلمه زى ما هو للجامعه والجامعه هتتصرف بمسؤليتها
كده الموضوع بقى سهل جدا
بالتوفيق يارب ليكم جميعا
متنسوناش من دعواتكم
