https://www.facebook.com/100328812885514/

LJP Law Firm, Thanlyin (2026)

13/01/2026

အလုပ်သင်ရှေ့နေ ၊ အထက်တန်းရှေ့နေ ၊
တရားလွှတ်တော်ရှေ့နေ လျှောက်ထားရာတွင်
အချိန်မအားလပ်သဖြင့်
ကိုယ်တိုင်လျှောက်ထားဖို့
အခက်အခဲ ရှိသူများအတွက်
LJP Law Firm ဆရာ/ဆရာမများကိုယ်တိုင် သွားရောက် လျှောက်ထားပေးသည့်
ဝန်ဆောင်မှုပေးနေပြီ ဖြစ်ပါတယ်
အသေးစိတ် မေးမြန်းခြငးကို
09969167157 / 09420237875 သို့
ဖုန်းဆက်၍သော်လည်းကောင်း
Viber Phone - 09969167157 / 09420237875
မေးမြန်းနိုင်ပါတယ် 🤍🖤
LJP Law Firm

20/12/2025

ကိုယ့် ညီလေးနဲ့ညီမလေးရဲ့
စေ့စပ်တောင်းရမ်းမင်္ဂလာပွဲမှာ
နှစ်ဦးသဘောတူ ထိမ်းမြားလက်ထပ်
မင်္ဂလာကတိစာချုပ် အား
မြန်မာ့ဓလေ့ထုံးတမ်းနဲ့အညီ ချုပ်ဆိုပေးခဲ့ပါတယ်
သက်ဆုံးတိုင် ထာဝရ ချစ်ခင်စုံမက် ပေါင်းသင်းနိုင်ကြပါစေ ညီလေးနဲ့ညီမလေး 🤍🖤

#ဦးဖြိုးဝေအောင်
#တရားလွှတ်တော်ရှေ့နေ
#09969167157
#သန်လျင်/ကျောက်တန်းမြို့

18/12/2025

ယနေ့(၁၈.၁၂.၂၀၂၅)ရက်နေ့ သန်လျင်မြို့ ၌နှစ်ဦးသဘောတူ အိမ်နှင့်ခြံ အရောင်းအဝယ်စရန်ပေး
ကတိစာချုပ် ၂စောင်အား ဥပဒေ လုပ်ထုံးလုပ်နည်းများနဲ့အညီ နှစ်ဦးသဘောတူ ပြုလုပ်ချုပ်ဆိုပေးခဲ့ပါသည်
Phyo Wai Aung (Advocate)(LJP Lawfirm)
#🤍🖤 Work Contact - 09969167157

30/11/2025

ယနေ့ နိုဝင်ဘာလ ၃၀ ရက်နေ့
ပါမစ်မြေ ၂၀'×၆၀'
“နှစ်ဦးသဘောတူ အိမ်နှင့်ခြံ
အပြီးအပိုင် ကတိစာချုပ်” အား
ဥပဒေလုပ်ထုံးလုပ်နည်းများနဲ့အညီ
LJP Law Firm မှ ပြုလုပ်ချုပ်ဆိုပေးခဲ့ပါတယ်📄✍️
ရောင်းသူဝယ်သူနှစ်ဖက်လုံး စိတ်၏ချမ်းသာခြင်း
ကိုယ်၏ကျန်းမာခြင်းနဲ့ ပြည့်စုံကြပါစေဗျ 🤍🙏
@

14/10/2025

ဝါကျွတ်ပီဆိုတော့ကာ 🎉🎊🎈
မိတ်ဆွေညီအကိုမောင်နှမများအတွက်
LJP Law Firm ရဲ့
မင်္ဂလာအစီအစဉ်တွေလာပါပီနော် 🔊🔊🔊

(1)ထိမ်းမြားမင်္ဂလာ ကတိသစ္စာပြုလွှာ
လက်ထပ်စာချုပ်အလှလေးတွေကို
စိတ်ကြိုက်ရွေးချယ်ပီး မှာယူ အားပေးနိုင်ပါပီဗျ
🤍🖤🤎💛💚💙💜❤️

(2) တရားရုံးမှာ/မင်္ဂလာဧည့်ခံပွဲမှာ/လက်မှတ်ထိုးအခမ်းအနားပြုလုပ်ပြီး
တရားသူကြီးနဲ့ မော်ကွန်းတင်လက်မှတ်ရေးထိုး
ချင်တဲ့ စုံတွဲတွေအတွက်လည်း
ရှေ့နေအသိမရှိလို့ အတွေ့အကြုံမရှိလို့
စိတ်ပူစရာ လုံးဝမရှိပါဘူးနော်
LJP Law Firm ကိုသာ ယုံကြည်စိတ်ချလိုက်ပါ
အားလုံးအဆင်ပြေအောင် ကူညီစီစဉ်ပေးပါလိမ့်မယ်🤍🖤

(3) မင်္ဂလာ ဧည့်ခံပွဲတွေ/မော်ကွန်းတင်
လက်မှတ်ထိုး အခမ်းအနား မင်္ဂလာညစာစားပွဲတွေမှာ
ဖျော်ဖြေရေးအစီအစဉ် ထည့်သွင်းချင်တယ်ဆိုရင်လဲ
LJP Law Firm မှ
Family - 5 Music Band နဲ့ ချိတ်ဆက်ပေးပါမည်
ဆိုတဲ့အကြောင်း သတင်းကောင်း 👏👏👏
🎤🎤🎸🎸🎹🥁
🎵🎶🎼🎛️🎚️

(4)မင်္ဂလာဧည့်ခံပွဲနဲ့ မော်ကွန်းတင် လက်မှတ်ထိုးပွဲ
များတွင်ဧည့်သည်တော်များ ဧည့်ခံကျွေးမွေးရေး
အတွက် ဒံပေါက်နဲ့ထောပတ်ထမင်း အော်ဒါများကိုလဲ LJP Law Firmမှပဲ ချိတ်ဆက်ပေးနေပါပြီ

(5)မင်္ဂလာဧည့်ခံပွဲတွေနဲ့ မော်ကွန်းတင်လက်မှတ်ရေးထိုး အခမ်းအနား တွေအတွက် မှတ်တမ်းဓာတ်ပုံ လှလှလေးတွေ ရိုက်ချင်သူများအတွက်လည်း
LJP Law Firm မှ ကျွမ်းကျင်တဲ့
Professional Photographerများနှင့်လဲ
ချိတ်ဆက်ပြီးသားမို့ မိတ်ဆွေတို့အနေနဲ့
ပွဲအစဆုံး လှည့်ကြည့်စရာမလိုဘဲ အားလုံး
တစ်နေရာတည်း ကူညီဆောင်ရွက်ပေးမယ့်
ဘာပဲလိုလို LJP Law Firm ကိုသတိရလိုက်ပါ

Please Like & Share

ဆက်သွယ်ရန် - 09969167157 (or) Cb

22/05/2025

ရုံးခေါ်သက်သေ နှင့် ပြန်ခေါ်သက်သေ အကြောင်း

* ရုံး ခေါ် သက် သေ

ပြစ်မှုဆိုင်ရာ အမှုတွေမှာ ပြစ်မှုဆိုင်ရာ ကျင့်ထုံးဥပဒေ ပုဒ်မ ၅၄၀ အရ ရုံးခေါ်သက်သေအဖြစ် တရားရုံး၏ ဆင်ခြင်တုံတရား နှင့်အညီ ခေါ်ယူစစ်ဆေး ပိုင်ခွင့် ရှိသလိုမျိုးပါပဲ၊ တရားမမှုတွေမှာလည်း ရုံးခေါ်သက်သေ ခေါ်ယူစစ်ဆေး ပိုင်ခွင့်ရှိကြောင်းကို တရားမကျင့်ထုံး ဥပဒေ အမိန့် ၁၆၊ နည်းဥပဒေ ၁၄ မှာ အောက်ပါအတိုင်း အတိအလင်း ပြဋ္ဌာန်းထားပါတယ်။

"တရားရုံးသို့ လာရောက်ခြင်း၊ ရောက်ရှိခြင်းတို့နှင့် စပ်လျဉ်းသည့် တရားမကျင့်ထုံး ဥပဒေပါ ပြဋ္ဌာန်းချက်များ နှင့်လည်းကောင်း၊ တည်ဆဲဥပဒေ တစ်ရပ်ရပ်နှင့် လည်းကောင်း မဆန့်ကျင်စေဘဲ တရားရုံးသည် အမှုတွင် အမှုသည်တစ်ဦး မဟုတ်သော၊ ထို့ပြင် အမှုသည်တစ်ဦးက သက်သေအဖြစ် ခေါ်ယူခြင်းလည်း မပြုသော သူတစ်ဦးဦးကို စစ်ဆေးရန် လိုအပ်သည်ဟု မည်သည့်အခါမဆို ထင်မြင်လျှင် ချိန်းဆိုသော ရက်တွင် သက်သေခံရန်ဖြစ်စေ၊ ထိုသူ၏ လက်၀ယ်ရှိသော စာချုပ်စာတမ်း တစ်ခုခုကို တင်ပြရန် ဖြစ်စေ မိမိသဘောအလျောက် ထိုသူကို သက်သေအဖြစ် ဆင့်ခေါ်စေနိုင်သည့်အပြင်၊ ထိုသူကို သက်သေအဖြစ် စစ်မေးခြင်း သော်လည်းကောင်း၊ အဆိုပါ စာချုပ်စာတမ်းကို တင်ပြစေခြင်း သော်လည်းကောင်း ပြုနိုင်သည်။"

ဒီနည်းဥပဒေအရ တရားရုံးက ဘယ်အဆင့်မှာမဆို အမှုသည်လည်း မဟုတ်၊ သက်သေလည်း မဟုတ်သူ တစ်ဦးဦးကို အမှုအတွက် ခေါ်ယူစစ်ဆေးဖို့ လိုအပ်မယ်လို့ ထင်မြင်ရင် ရုံးခေါ်သက်သေအဖြစ် ဆင့့်ခေါ်ပြီး စစ်ဆေးခြင်း ပြုနိုင်ကြောင်း နဲ့ ထိုသူ့ လက်၀ယ်မှာရှိတဲ့ စာချုပ်စာတမ်း တစ်ရပ်ရပ်ကိုလည်း တင်ပြစေဖို့ ဆင့်ခေါ်တင်ပြစေခြင်းမျိုး ပြုနိုင်တယ်ဆိုတာကို လေ့လာတွေ့ရှိရမှာ ဖြစ်ပါတယ်။ ဒီနည်းဥပဒေ အရ တရားရုံးတွေကို အပ်နှင်းထားတဲ့ အာဏာမှာ ဆင်ခြင်တုံတရားဖြင့် ကျင့်သုံးရမည့် အာဏာ ( Discretionary Power ) ဖြစ်ကြောင်း၊ Discretion ဆိုရာမှာ တရားစီရင်ထုံးများ အတိုင်း လိုက်နာ ဆုံးဖြတ်ရတဲ့ ( Jusicial Discretion ) ကို ဆိုလိုခြင်း ဖြစ်ကြောင်း၊ အမှုသည်တစ်ဘက်က တမင်သက်သက် ရည်ရွယ်ချက်နဲ့ ဖြစ်စေ၊ ပေါ့လျော့မှုကြောင့် ဖြစ်စေ သက်သေတစ်ဦးအား စစ်ဆေးဖို့ ချန်ထားခြင်း/ ကျန်ရှိခြင်းတွေကို ကုစားနိုင်ရန်အတွက် ဒီအာဏာကို အသုံးမပြုနိုင်ကြောင်း Mulla ရေးသားတဲ့ The Court of Procedure မှာ ဖော်ပြပါရှိတယ်လို့ လေ့လာမှတ်သားရပါတယ်။

ဒီလို ရုံးခေါ် သက်သေအဖြစ် စစ်ဆေးရန် ဆင့်ခေါ်လျှင် အဆိုပါသက်သေဟာ ရုံးချိန်းရက်မှာ လာရောက်ရမှာ ဖြစ်ပြီး၊ စာချုပ်စာတမ်းကို တင်ပြစေရန် ဆင့်ခေါ်တာမျိုး ဆိုရင်တော့ ၄င်းသူကိုယ်တိုင် ဖြစ်စေ၊ အခြားသူ တစ်ဦးဦးကို ဖြစ်စေ စေလွှတ်ပြီး ထိုစာချုပ်စာတမ်းကို တင်ပြစေနိုင်တယ် ဆိုတဲ့အကြောင်းကိုလည်း တရားမကျင့်ထုံး ဥပဒေ အမိန့် ၁၆၊ နည်းဥပဒေ ၁၅ မှာ ဆက်လက် ပြဋ္ဌာန်းထားပါတယ်။

တရားရုံးများလက်စွဲ အပိုဒ် ၁၄၆ မှာ တရားရုံးက အမိန့် ၁၆၊ နည်းဥပဒေ ၁၄ အရ သက်သေကို ဆင့်ခေါ်တဲ့အခါ တရားရုံးသည် မည်သည့်အကျိုးငှာ ထိုသက်သေကို ဆင့်ခေါ်ကြောင်း ဆုံးဖြတ်ရမယ်လို့ ဆိုပါတယ်။ ဒါ့အပြင် အမိန့်ဆင့်စာ ထုတ်ဆင့်တဲ့အတွက် ဆင့်စာခနှင့် သက်သေစရိတ် များကို ထိုသူက ပေးစေရန် တရားရုံး၏ သဘောအတိုင်း တောင်းဆိုနိုင်တယ်လို့လည်း ပြဆိုထားတာကို တွေ့ရပါတယ်။ တရားရုံးချုပ်ရဲ့ စီရင်ချက် တစ်ခုကို လေ့လာနိုင်ဖို့ တင်ပြပေးလိုက်ပါတယ် __

* တရားရုံးက အချင်းဖြစ်ပစ္စည်းကို ကြည့်ရှုစစ်ဆေးပြီး လိုအပ်သည့် ပုဂ္ဂိုလ်တို့ကို ရုံးခေါ်သက်သေ အဖြစ် အမိန့် ၁၆၊ နည်းဥပဒေ ၁၄ အရ ခေါ်ယူစစ်ဆေးခွင့် ရှိသည်။ ထိုသို့ စစ်ဆေးခြင်းကို အမှုသည်တို့က ကန့်ကွက်ခွင့် မရှိ။
( ဦးကျော်ဇော (ခ) ဦးတောဇော် နှင့် မစိုးရီ (ခ) မမြင့်မြင့်ခိုင် ပါ(၄)၊ တရားမ ပြင်ဆင်မှု အမှတ်- ၅၁၆/၁၉၉၂၊ (၂၈-၇-၁၉၉၃) )။

* ပြန် ခေါ် သက် သေ

ပြစ်မှုဆိုင်ရာ အမှုတွေမှာ စွဲချက်မတင်မီက စစ်ဆေးခဲ့ပြီးတဲ့ တရားလိုပြ သက်သေတွေကို ပြစ်မှုဆိုင်ရာ ကျင့်ထုံးဥပဒေ ပုဒ်မ ၂၅၆(၁)အရ ပြန်ခေါ်သက်သေအဖြစ် ပြန်လည်ခေါ်ယူ စစ်ဆေးနိုင်ခွင့် ရှိသလိုပဲ၊ တရားမမှုတွေမှာလည်း အမှုရဲ့ မည်သည့်အဆင့်မှာမဆို ပြန်ခေါ်သက်သေ ခေါ်ယူစစ်ဆေးခွင့် ရှိကြောင်း တရားမကျင့်ထုံး ဥပဒေ အမိန့် ၁၈၊ နည်းဥပဒေ ၁၇ မှာ အောက်ပါအတိုင်း ပြဋ္ဌာန်းထား ပါတယ် __

"တရားရုံးသည် အမှု၏ မည်သည့်အဆင့်တွင်မဆို စစ်ဆေးပြီးသော သက်သေ တစ်ဦးဦးကို ပြန်ခေါ်၍ သင့်သည်ထင်မြင်သော မေးခွန်းများကို ၄င်းအား (သက်သေခံအက် ဥပဒေနှင့် မဆန့်ကျင်စေဘဲ) မေးမြန်းနိုင်သည်။"

ဒီနည်းဥပဒေအရ အပ်နှင်းထားတဲ့ အာဏာကို တရားရုံးက ၄င်း၏သဘောအလျောက် ( Suomotu or of its own montion ) ကျင့်သုံးနိုင်သကဲ့သို့ အမှုသည် တစ်ဦးဦးရဲ့ လျှောက်ထားချက် အရလည်း ကျင့်သုံးနိုင်ကြောင်း Mulla ရဲ့ The Code of Civil Procedure မှာ ရှင်းလင်းဖော်ပြ ပါရှိတယ်လို့ မှတ်သားရပါတယ်။

ဒီနည်းဥပဒေရဲ့ သဘောကို ဆရာကြီး ဦးမြ ရှင်းပြရာမှာ -- ဒီနည်းဥပဒေအရ လုပ်ပိုင်ခွင့်ဟာ ကျယ်ပြန့်လို့ တရားရုံးရဲ့ သဘောအတိုင်း ကျင့်သုံးရန် လုပ်ပိုင်ခွင့် ဖြစ်ကြောင်း၊ သို့ရာတွင် ထူးခြားတဲ့ အခြေအနေမျိုး မှာသာ ကျင့်သုံးရန် ဖြစ်ကြောင်း၊ တရားလိုက စစ်ဆေးသော သက်သေကို တရားရုံးရဲ့ ခွင့်ပြုချက်မရဘဲ တရားပြိုင်က ပြန်လည်ခေါ်ယူ စစ်ဆေးခြင်း မပြုနိုင်ကြောင်း၊ ပြန်ခေါ်သက်သေကို တရားရုံးက စစ်ဆေး မေးမြန်းနိုင်ကြောင်း၊ တရားရုံးရဲ့ မေးမြန်းချက်တွေနဲ့ စပ်လျဉ်းလို့ ရုံးခွင့်ပြုချက် မရဘဲ ပြန်လှန်စစ်မေးခွင့် မရှိကြောင်း ရှင်းပြထားတာကို တွေ့ရှိ မှတ်သားရပါတယ်။ စီရင်ထုံးတွေကိုလည်း ဆက်လက် လေ့လာကြည့်ကြရအောင်ပါ __

* အမိန့် ၁၈၊ နည်းဥပဒေ ၁၇ အရ တရားရုံးသည် အမှု၏ မည်သည့်အဆင့်၌မဆို စစ်ဆေးပြီး သက်သေကို ပြန်လည်ဆင့်ခေါ်ပြီး သင့်သည် ထင်မြင်သော မေးခွန်းများကို မေးမြန်းခွင့် ရှိသည်။ အမှုစစ် တရားရုံး၏ ဤစီရင်ပိုင်ခွင့်မှာ တရားရုံံး၏ ဆင်ခြင်တုံတရားဖြင့် ကျင့်သုံးရသည့် စီရင်ပိုင်ခွင့် မျိုးဖြစ်ရာ ယင်းအမိန့်မှာ တရားမျှတမှု ဆိုင်ရာ ဆင်ခြင်သုံးသပ်မှုများက၊ သို့မဟုတ် ဥပဒေ ပြဋ္ဌာန်းချက် တစ်ရပ်ရပ်က ထောက်ခံခြင်း မရှိသည့် အမိန့် မဟုတ်လျှင် သော်လည်းကောင်း၊ မှန်ကန်အောင် တည့်မတ် မပေးသော်လည်း တရားမျှတမှု ကင်းမဲ့ခြင်း ဖြစ်ပေါ်စေမည် မဟုတ်လျှင် သော်လည်းကောင်း တရားလွှတ်တော် သည် ၄င်း၏ ပြင်ဆင်မှု အာဏာများကို ကျင့်သုံးမည် မဟုတ်ပေ။

( အေ၊အက်စ်၊အေ မဂျစ် (ခ) ကိုလူ နှင့် ပီ၊အေ၊အယ်လ် အလာမဲလူး အချီး ၊ ၁၉၄၈၊ မတစ၊ စာ-၆၇၂) ။

* အမှုသည် တစ်ဘက်ဘက်က ပြန်ခေါ်သက်သေ အဖြစ် ခေါ်ယူ စစ်ဆေးပေးရန် တင်ပြ တောင်းဆိုချက် အပေါ်တွင်လည်း တရားရုံးက သဘောအလျောက် ဤလုပ်ပိုင်ခွင့်ကို ကျင့်သုံး နိုင်သည်။

( မာဒူဘိုင် နှင့် အမ်သာလာ၊ ၁၉၄၇၊ ဘုံဘေ၊ စာ-၁၅၆)

တရားလွှတ်တော်ရှေ့နေ ဒေါ်နီလာဝင်း၏ရေးသားချက်အား လေးစားစွာဖြင့် ကူးယူဖော်ပြထားပါသည်။

Law Firm

09/09/2024

အဆောက်အအုံပြီးစီးကြောင်းလက်မှတ် (BCC) ဆိုတာဘာလဲ ?
-------------------------
အဆောက်အအုံပြီးစီးကြောင်းလက်မှတ် (BCC) မရသေးဘဲ လူနေထိုင်ခွင့်မရှိပါဘူး။ အဆောက်အအုံ ဆောက်လုပ်ပြီးစီးပါကတည်ဆောက်ခြင်းအတွက် အခွန်ပေးဆောင်ရန် ကာလတန်ဖိုး စိစစ်သတ်မှတ်ရေး အဖွဲ့ထံတင်ပြပြီး ကျသင့်အခွန်ပေးဆောင်ရမှာဖြစ်ပါသည်။ ထိုသို့ပေးဆောင်ထားသည့် အခွန်စည်းကြပ်ပြီးကြောင်း ထောက်ခံချက်ဖြင့် ရန်ကုန်မြို့တော်စည်ပင်သာယာရေးကော်မတီ၊ အဆောက်အအုံဌာနတွင် အဆောက်အအုံပြီးစီးကြောင်း သက်သေခံလက်မှတ် (BCC) လျှောက်ထားရမှာဖြစ်ပါတယ်။

လျှောက်ထားရာတွင် လိုအပ်သည့်စာရွက်စာတမ်းများကတော့

၁။ ဆောက်လုပ်ခွင့်ပြုမိန့်မိတ္တူ

၂။ ဆောက်လုပ်ခွင့်ပြုပုံစံ (Drawing) မိတ္တူ

၃။ ဆောက်လုပ်ခွင့်ပုံစံစစ်ဆေးခငွေသွင်းချလံမိတ္တူ

၄။ အဆောက်အအုံပြီးစီးကြောင်းမှတ်ပုံတင်လက်မှတ်ရ အင်ဂျင်နီယာ/ဗိသုကာနှင့်စစ်ဆေးရေး အင်ဂျင် နီယာများ၏မှတ်ချက်ပါရှိသောမှတ်တမ်းစာအုပ် (Log Book)

၅။ လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ (မြေရှင်၊ GP/SP) (A4 Size တစ်မျက်နှာ တည်းတွင်အပေါ်/အောက်ကူးရန်)

၆။ စီးပွားရေးလုပ်ငန်းသုံးအဆောက်အအုံပုံစံဖြစ်ပါက မီးသတ်ဦးစီးဌာန၏ထောက်ခံချက်မူရင်းနှင့် Fire Safety Certificate မိတ္တူ

၇။ အဆောက်အအုံ၏ရှေ့၊ နောက်၊ ဝဲ၊ ယာ ဓါတ်ပုံများ

၈။ ရာပြတ်ဌာန၏အခွန်စည်းကြပ်ပြီးကြောင်းထောက်ခံချက်

၉။ ပတ်ဝန်းကျင်ထိန်းသိမ်းရေးနှင်သန့်ရှင်းရေးဌာန၏ အမှိုက်စွန့်ပစ်ရန်လုံလောက်သည့် အမှိုက်ပုံးထားရှိမည်ဖြစ်ကြောင်းခံဝန်

၁၀။ Lift ပါဝင်သောအဆောက်အအုံဖြစ်ပါက စက်မှုကြီးကြပ်ရေးနှင့်စစ်ဆေးရေးဦးစီးဌာန၏ ဓါတ်လှေကား အသုံးပြုခွင့်လက်မှတ်

၁၁။ (၁၈) ခန်းနှင့်အထက် အဆောက်အအုံဖြစ်ပါကTransformer တပ်ဆင်သုံးစွဲခွင့်ပြုကြောင်း ရန်ကုန် မြို့တော်လျှပ်စစ်ဓါတ်အားပေးရေးကော်ပိုရေးရှင်း၏ထောက်ခံချက် စသည့်တို့ဖြင့် လျှောက်ထားရမှာ ဖြစ်ပါသည်။

မူရင်းရေးသားသူအားလေးစားစွာCreditပေးပါသည်

Credit to original uploader with respect

04/08/2024

#ရှေ့နေအလုပ်ကProfessionalအလုပ်ပါ
သူငယ်ချင်းတစ်ယောက် အိမ်ခြံမြေဝယ်ဖို့
စာချုပ်ချုပ်ပေးဖို့ ဖုန်းဆက်မေးတယ်၊

သူငယ်ချင်းရေ ရှေ့နေ နဲ့စာချုပ်ချုပ်ရင်
ဘယ်လောက်ကုန်လဲ ဟ

သူငယ်ချင်း စာချုပ်ချုပ်ခပဲဆိုရင် ၁၀သိန်းပါ ၊
သတင်းစာထည့်ကြေညာမယ်ဆိုရင်ဘယ်လောက်ပါ၊ စာရွက်စာတမ်းတွေ YCDC မှာ စစ်ရင်ဘယ်လောက်ပါ၊ ပါဝါယူရင်ဘယ်လောက်ပါလို့ပြောတော့

မင်းဟာက များလိုက်တာကွာတဲ့.....

အေးသူငယ်ချင်း......
မင်းအခုဝယ်မယ့်မြေကွက်ဘာမြေကွက်လဲ...
ပါမစ်လား၊ ဂရန်လား၊ လယ်မြေလား၊ မေးတော့

ငါလဲမသိဘူးကှ...

အေး...ဒါဆို စာရွက်စာတမ်းကြည့်မယ်၊
ဆွေးနွေးတိုင်ပင်ခဘယ်လောက်ပါလို့ပြောလိုက်တယ်....

သူငယ်ချင်း အချင်းချင်း ဆွေးနွေးတိုင်ပင်ခ
ယူတာပဲလားတဲ့ သူငယ်ချင်း

ငါ့ရဲ့ ရှေ့နေအလုပ်က Professional အလုပ်ပါ၊ သူငယ်ချင်းဝယ်မယ့် အိမ်ခြံမြေကွက် (ရတနာသီရိဂေဟာ) အိမ်ခြံ တိကျခိုင်မာဖို့အတွက်၊
နောင်စိတ်အေးချမ်းသာဖို့အတွက်ပါ
သူငယ်ချင်း မြင်တော့ စာချုပ်လေ
(၂)ရွက် (၃)ရွက်ပဲ မြင်တာပါ....
အဲ့ဒီ(၂)ရွက် (၃)ရွက် ဖြစ်အောင် ရေးတတ်ဖို့အတွက်
ငါအချိန်တွေအများကြီးပေးဆပ်ခဲ့ရတယ်သူငယ်ချင်း ၊
ဥပဒေစာအုပ်တွေအများကြီးဖတ်ရတယ်....

ဒါဆိုသူငယ်ချင်း ရပ်ကွက်ထဲမိတ္တူဆိုင်ကစာချုပ်နဲ့ရောချုပ်လို့မရဘူးလား...

ရပါတယ် သူငယ်ချင်း၊
သို့သော် စာချုပ်ပါစည်းကမ်းများ၊ သူငယ်ချင်း
တောင်းဆိုချင်တဲ့အချက်တွေတော့ဥပဒေနဲ့အညီ မပါတော့ဘူးပေါ့......
ဘာလို့ဆွေးနွေးတိုင်ပင်ခယူလဲဆိုတော့
တစ်ချို့လူတွေက ဖုန်းတစ်မျိုး၊ စာနဲ့တစ်မျိုး၊
လူကိုယ်တိုင်လဲလာမေးကြတယ်...
ဦးနှောက်ဖောက်စားသွားကြတယ်..... ဒါကြောင့်ပါ....
ဟိုလူက ဒီစျေးနဲ့စာချုပ်ချုပ်ပေးတယ်...
ဒီလောက်မရဘူးလားလို့မေးကြသူလဲရှိတယ် သူငယ်ချင်း....
*ငါက ဥပဒေ ပညာသည်
*ငါ့ဘဝဖြစ်သည့်အတွက်
*ငါသည်ဥပဒေသမားတစ်ယောက်ဖြစ်သည့်အတွက်
Professional ကြေးတောင်းတာပါ....သူငယ်ချင်း
*ငါ့ကို Professional ကြေးပေးရတာထက်
ဝယ်လိုက်တဲ့မြေကွက်တန်ဖိုးရှုံးဆုံးသွားရင်
အများကြီးနစ်နာသွားမှာက သူငယ်ချင်းပါ....
*[ - ] စာချုပ်တစ်စောင်
ဥပဒေသမားPro ရေးတာထက်၊ ရပ်ကွက်လမ်းထဲ
မိတ္တူဆိုင်က ရတဲ့စာချုပ်တစ်စောင်နဲ့
တန်ဖိုးမတူသလို...စျေးလဲကွာခြားပါလိမ့်မယ်....
*သူ့နေရာနဲ့သူ Professional ကြေးတော့ပေးရလိမ့်မယ်သူငယ်ချင်း...

(တစ်ဆင့်ပြန်လည်မျှဝေသည်)

13/06/2024

ခိုးမှု (ပြစ်မှုဆိုင်ရာဥပဒေပုဒ်မ-၃၇၈)

ခိုးမှုဆိုတာ လူတစ်ယောက်ရဲ့လက်ရှိဖြစ်တဲ့ ရွှေ့ပြောင်းနိုင်တဲ့ပစ္စည်းကို အဲဒီလူသဘောမတူဘဲ မရိုးမဖြောင့်တဲ့သဘောနဲ့ ခိုးယူတာ၊ ခိုးယူမယ်ကြံပြီးယူသွားတာ၊ ဒါမှမဟုတ် နေရာရွေ့စေတာကို ဆိုလိုပါတယ်။
မတရားရယူဖို့အကြံနဲ့ဖြစ်ဖြစ်၊ မတရားဆုံးရှုံးစေဖို့အကြံနဲ့ဖြစ်ဖြစ် ဘယ်သူမဆို တစ်ဦးတစ်ယောက်သောသူကိုပြုရင် ထိုသူဟာ မရိုးမဖြောင့် ပြုတာဖြစ်ပါတယ် (ပြစ်မှုပုဒ်မ ၂၄) ပေါင်ထားတဲ့ပစ္စည်းကို အပေါင်ခံတဲ့လူသဘောမတူဘဲ ပြန်ယူသွားတာဟာခိုးမှုမြောက်ပါတယ်။ (အစိုးရနှင့်ချစ်ဦး၊ (၁၈၉၂-၉၆) အတွဲ ၁၊ အထက်မြန်မာပြည်စီရင်ထုံး ၂၃၂)
သူတစ်ပါးရဲ့ လက်ရှိဖြစ်တဲ့ပစ္စည်းကို ယူမှ ခိုးမှုမြောက်မှာဖြစ်ပါတယ်။ ပစ္စည်းကို လက်ရှိဖြစ်သူနဲ့သဘောတူညီချက်မရှိဘဲ ယူမှသာ ခိုးမှုမြောက်မှာဖြစ်တယ်။ (မောင်စံသိန်း(ခ)မောင်သိန်းဇော်နှင့် နိုင်ငံတော်၊ ၁၉၆၉၊ မတစ၊ ၂၈) အရာဝတ္ထုတစ်ခုတစ်ခုဟာမြေမှာ စွဲကပ်နေသမျှကာလပတ်လုံး ရွှေ့ပြောင်းနိုင်တဲ့ ပစ္စည်းမဟုတ်လို့ ခိုးမှုကျုးလွန်တဲ့ပစ္စည်းမဖြစ်နိုင်ပါ။ (ပြစ်မှုပုဒ်မ ၃၇၈၊ ရှင်းလင်းချက်)
လင်မယားပိုင်ပစ္စည်းကို မယားကဖြစ်ဖြစ်၊ လင်ကဖြစ်ဖြစ် ယူသွားတာဟာ ခိုးမှုမမြောက်နိုင်ပါ။ (ဒေါ်ရင်မေနှင့်နိုင်ငံတော်ပါ(၂)၊ ၁၉၈၃၊ မတစ၊ ၂၀) လမ်းပေါ်မှာတွေ့ရှိတဲ့ သူတပါးလက်ရှိမဟုတ်တဲ့ပစ္စည်းကို ယူသွားတာဟာ ခိုးမှုမဟုတ်ဘူး။ (ပြစ်မှုပုဒ်မ ၃၇၈၊ ဥပမာ(ဆ))ခိုးမှုမြောက်ဖို့အတွက် ခိုးယူခံရတဲ့ပစ္စည်းဟာ ရွေ့လျားမှုရှိခဲ့မှသာ ခိုးမှုမြောက်နိုငိမှာပါ။ မရွေ့ခဲ့ဘူးဆိုရင်တော့ အားထုတ်မှု မြောက်နိုင်ပါတယ်။
သတိချပ်ရမှာကတော့ ကောက်ရတဲ့ပစ္စည်းရဲ့ပိုင်ရှင်ကိုသိပြီး ပြန်ပေးဖို့ငြင်းဆန်တယ်၊ မရိုးမဖြောင့်တဲ့သဘောနဲ့ ကိုယ့်ပစ္စည်းအဖြစ်ပြောင်းလည်းရင် ခိုးမှုမမြောက်ပေမယ့် ပုဒ်မ ၄၀၃ အရ ပစ္စည်းကို မရိုးမဖြောင့်တဲ့သဘောနဲ့ အလွဲသုံးစားမှု ကျူးလွန်ရာရောက်တယ်။ (နိုင်ငံတော်နှင့် မျိုးဝင်းပါ၂၊ ၂၀၀၉၊ မတစ၊ ၃၉)
NN
# # Crd to Org Writer

07/06/2024

တရားသူကြီးများ/ရှေ့နေရှေ့ရပ်များ
တရားခွင်အတွင်း ဝတ်စားဆင်ယင်မှု
ပြင်ဆင်သတ်မှတ်ခြင်း 🤍🖤

04/06/2024

🔸ရာဇဝတ်မှုများတွင် တရားစွဲဆိုခြင်း
လုပ်ငန်းအဆင့်ဆင့်

၁။ 👨‍✈️ ရဲစခန်း၌ အမှုဖွင့် ဆောင်ရွက်ခြင်း
(ရဲအရေးပိုင်သော အမှုများတွင် ရဲစခန်း၌ အမှုဖွင့်၍ တိုင်ကြားနိုင်ပါတယ်။ ရဲစခန်းမှ အမှုနံပါတ်ပေး၍ တိုင်ချက်ကိုလက်ခံရပါတယ်။)

၂။ 🕵️‍♀️ ရဲအရာရှိမှ စုံစမ်းစစ်ဆေးခြင်း
(အမှုနံပါတ် နဲ့ အမှုအမျိုးအစားပေါ်မူတည်၍ လိုအပ်သည့် စစ်ဆေးမှုများကို စတင်ဆောင်ရွက်ရပါတယ်၊ တရားလိုအားစစ်ဆေးခြင်း၊သက်သေပစ္စည်းများ အားရှာဖွေခြင်းသိမ်းဆည်းခြင်း၊ တရားခံဖြစ်သူအား ရှာဖွေဖမ်းဆီးခြင်းစတာတွေကို ဆောင်ရွက်ခြင်းတို့ပါဝင်ပါတယ်)

၃။ 👩‍⚖️ စွပ်စွဲခံရသူအား ဖမ်းဆီးခြင်း အာမခံပေးခြင်း (သို့) ချုပ်မိန့်ရယူခြင်း
(အချို့အမှုများသည် ရဲထံတွင် အာမခံရယူနိုင်ပြီး၊ အာမခံမပေးနိုင်သောအမှုများကို တရားရုံးတွင် ချုပ်မိန့်တောင်းရပါတယ်။ အမှုစစ်ဆေးစဉ်ဆဲကာလတွင် ချုပ်ထားနိုင်ရန် တောင်းခြင်းဖြစ်ပါတယ်)

၄။ 👩‍🎓သက်ဆိုင်ရာဥပဒေရုံး၌ တရားစွဲဆိုခြင်းမပြုမီ ဥပဒေအကြံဥာဏ်ရယူခြင်း
(ဒီအဆင့်ကတော့ ရဲက စစ်ဆေးထားတာတွေ ဥပဒေ နှင့်ညီမညီ၊ စွဲဆိုရန် လုံလောက်ခြင်း ရှိ/မရှိစတာတွေကို စိစစ်ပေးရပါတယ်။ ဒီအဆင့်ဟာ လည်း အမှုတစ်ခုအတွက် အရေးကြီးတဲ့ အဆင့်ထဲမှာလည်းပါပါတယ်။)

၅။👨‍✈️👩‍⚖️ အမှုစစ်ရဲအရာရှိက ဥပဒေရုံးမှတဆင့် သက်ဆိုင်ရာ တရားရုံးသို့ တရားစွဲ တင်ပို့ခြင်း
(ဥပဒေအရာရှိက စစ်ဆေးပြီးလျှင်တော့ တရားစွဲဆိုဖို့ တရားရုံးသို့ တင်ပို့ရတာပဲဖြစ်ပါတယ်)

၆။👩‍⚖️တရားရုံးက အာမခံပေးခြင်း (သို့) ချုပ်မိန့်ရယူခြင်း
(တရားရုံးက တင်လာတဲ့ အမှုဟာ အာမခံပေးနိုင်ခြင်းရှိ/မရှိ ဆင်ခြင်သုံးသပ်ပြီး အာမခံ လျှောက်ထား လုပ်ထုံးလုပ်နည်းနဲ့အညီအာမခံပေးရပါတယ် စွပ်စွဲခံရသူဟာ အချုပ်လွတ်ဖြင့် အမှုကိုရင်ဆိုင်ရမှာဖြစ်ပါတယ်။ အာမခံပေးခွင့်မရှိလျှင်တော့ ချုပ်မိန့် ပေးရပါတယ်။ စွပ်စွဲခံရသူဟာ အချုပ်သားအဖြစ်နဲ့ အမှုကိုရင်ဆိုင်ရမှာဖြစ်ပါတယ်။ ဒါဟာ ထောင်ကျသွားတာမဟုတ်ပါဘူး။ အာမခံမရတဲ့ အမှုဖြစ်လို့ အချုပ်နဲ့ ရင်ဆိုင်ရခြင်းဖြစ်ပါတယ်။)

၇။👥 တရားလို နှင့် တရားလိုပြသက်သေများကို စစ်ဆေးခြင်း
(ရာဇဝတ်မှုခင်းများတွင် စွပ်စွဲသူ တရားလိုလုပ်သူကို စတင်၍ စစ်ဆေးပါတယ် စွပ်စွဲသူ မှ ရုံးရှေ့ရှိ စွပ်စွဲခံရသူ အပြစ်ကျူးလွန်ကျောင်း ထင်ရှားအောင်သက်သေပြရပါတယ်)

၈။👨‍⚖️ စွဲချက်တင်ခြင်း (သို့မဟုတ်) စွဲချက်မတင်ဘဲ တရားရှင်လွှတ်ခြင်း
(ဤအဆင့် တွင်တရားလိုလုပ်သူ၏ စွပ်စွဲချက်များသည် ခိုင်မာမှုမရှိလျှင် သက်သေခိုင်မာခြင်းမရှိလျှင် မပြည့်စုံလျှင် တရားရှင်လွှတ်နိုင်ပါတယ်။ စွပ်စွဲချက်များ ခိုင်မာလျှင် သက်သေပြည့်စုံလျှင် တော့ စွဲချက်တင်ပါတယ်။ စွဲချက်တင်တယ်ဆိုတာကာတော့ စွပ်စွဲခံရသူအနေဖြင့် မိမိကိုစွပ်စွဲထားတဲ့အမှုကို အပြစ်ရှိ/မရှိ ရှင်းလင်းရမယ်လို့ ဆိုလိုတာပါ။ အကယ်၍ အပြစ်ရှီကြောင်း ဝန်ခံလျှင် အမှုကို ဆက်လက်မစစ်ဆေးတော့ဘဲ၊ ထိုက်သင့်သောကို တရားရုံးမှ ချမှတ်ပေးမှာဖြစ်ပါတယ်။ အပြစ်မရှိဘူးဟု ဆိုလျှင်တော့ အပြစ်မရှိကြောင်းသက်သေပြနိုင်ရန်အတွက် အမှုကို ဆက်လက်စစ်ဆေးမှာဖြစ်ပါတယ်။)

၉။👥တရားခံ နှင့် တရားခံပြ သက်သေများကို စစ်ဆေးခြင်း
(တရားခံမှ မိမိတွင် အပြစ်မရှိကြောင်း စွပ်စွဲထားသူ တရားလို၏ စွပ်စွဲချက်များကို ခုခံခြေပခြင်း၊ သက်သေပြရခြင်းပဲဖြစ်ပါတယ်။)

၁၀။⚖️ ပြစ်ဒဏ်ချမှတ်ခြင်း (သို့) တရားသေလွှတ်ခြင်း
(နှစ်ဖက် လျှောက်လဲချက် ၊ ထွက်ကိုဆိုချက်များကို တရားသူကြီးမှ သုံးသပ်ပြီး တရားဥပဒေနှင့် အညီ ဆင်ခြင်သုံးသပ်ပြီး အမှုကိုစီရင်ဆုံးဖြတ်ပေးရတာဖြစ်ပါတယ်။)

အားလုံးတရားဥပဒေ၏ အကာအကွယ်ကို ရရှိနိုင်ကြပါစေ။
ပုံ။ပြည်ထောင်စု ရှေ့နေချုပ်ရုံး၏ လက်ကမ်းစာဆောင်။

LJP Law Firm

13/01/2026

20/12/2025

18/12/2025

30/11/2025

14/10/2025

22/05/2025

09/09/2024

04/08/2024

13/06/2024

07/06/2024

04/06/2024

Address

Website

Alerts

Shortcuts

Share

Category