08/10/2023
အမွေမှုတွင် အမွေစား အမွေခံအားလုံးအမှုသည်အဖြစ်ထည့်သွင်းရန်လိုအပ်ခြင်း
အမှုတွင်ကွယ်လွန်အမွေရှင်၏ အမွေစားအမွေခံအားလုံးကို အမှုသည်အဖြစ်ထည့်သွင်းစွဲဆိုရန် လိုအပ်ကြောင်းနှင့်ယင်းသို့ထည့်သွင်းရန်ပျက်ကွက်ခြင်းအတွက်ဆောင်ရွက်ရန်နည်းလမ်းများကို ၂၀၀၈ မတစ ၁ ဦးချစ်ထွေးနှင့် ဦးတင်စိုးအောင်အမှုတွင် အောက်ပါအတိုင်းဆုံးဖြတ်ထားသည်။
ဆုံးဖြတ်ချက်။ ။ ကွယ်လွန်သူကျန်ရစ်သည့်အမွေပုံပစ္စည်းကို ရုံးမှစီမံခန့်ခွဲပေးရန် စ၏ွဲဆိုသည့်အမှုတွင် ကွယ်လွန်သူ၏အမွေစားအမွေခံအားလုံးကို အမှုသည်အဖြစ်ထည့်သွင်းစဉ်းစားရန်လိုသည်။အမွေစားအမွေခံအားလုံးအမှုသည် များအဖြစ်ပါဝင်ခြင်းမရှိလျှင် အမွေပုံပစ္စည်းကိုရုံးမှစီမံအုပ်ထိန်းရန်အတွက် ဒီဂရီချမှတ်ပေးနိုင်မည်မဟူတ်ပေ
ဂျီအိတ်ချ် နာခူးဒါးနှင့် ဒေါ်အိုင်ရှာဘီဘီပါ၃ (၁၉၈၃ မတစ ၅၄)တွင်ကြည့်ပါ။
ကွယ်လွန်သူ၏ အမွေစားအမွေခံတို့အားမွေခွဲဝေပေးပြီး မပြီးဆိုသောအချက်မှာလည်း အမှုတွင်တရားပြငိုများအဖြ်စ် ထည့်သွင်းပြီးစစ်ဆေး၍သာ ဆုံးဖြတ်ပေးနိုင်မည်ဖြစ်သည်။
ဦးကျော်ရှိန် ပါ၂ နှင့်ဒေါ်ပု ပါ ၃ (၁၉၇၄ မတစ ၁ )ကို ရည်းညွန်းသည်။
တရားမကျင့်ထုံးဉပဒေအမိန့် ၁ နည်း ၉တွင်အမှုသည်များကို မှားယွင်းပူးတွဲခြင်းကြောင့် ဖြစ်စေ ပူးတွဲသင့်အမှုသည်များကို မပူးတွဲခြင်းကြောင့်ဖြစ်စေ မည်သည့်တရားမမှုမျှ မရှုံးနိမ့်စေရ .ဟုပြငှာန်းထားသည်။ယင်းပြငှာန်းချက်အရ ကွယ်လွန်သူအမွေရှင်၏ အမွေပစ္စည်းများက်ုရုံးက စီမံခန့်ခွဲပေးရန်စွဲဆိုမှုတွင် လိုအပ်သည်ဟုထင်မြင်ယူဆသော အမှုသည်များကို ထည့်သွင်းခြင်းမပြုရုံမျှဖြင့် ပလပ်ရန်မသင့်ဟု မသိန်းတင် ပါ ၃ နှင့် မချော (၁၉၅၆ မတစ ၆၅၉) အမှုတွင်လမ်းညွှန်ထားသည်။ယင်းကဲ့အမှုမျိုးတွင်တရားရုံးသည် မပါသောအမှုသည်များကိုထည့်သွင်းရန်တရားလိုက အဆိုလွှာပြင်ဆင်ရန်အခွင့်အရေးပေးရမည်။သိူ့ရာတွင် တရားလိုက အမှုသည်ထပ်ထည့်သွင့်ရန် ငြင်းဆန်လျှင်မှု အမှု့ကိုပလပ်နိုင်သည်။
ဪ
