18/08/2026
🚨 احذر من شراء شقة من "كاحول"!
الفترة اللي فاتت انتشرت بشكل كبير في إسكندرية مشكلة الكواحل في بعض عمليات بيع العقارات.
علشان المقاول او صاحب الارض يهرب من الضرائب والمسائلة القانونية بيتجه للكاحول
⚠️ وموضوع إنك تشتري شقة من "كاحول" مش مجرد مخاطرة بسيطة، لأن أحيانًا بيترتب عليه وجود عقود ناقصة أو ملغاة من تسلسل الملكية، وده ممكن يكشف عن تلاعب أو خلل جوه سلسلة العقود.
❌ المشكلة الاكبر ان في عقود بتتشال وتتقطع وهي أساس تسلسل الماكية تحت بند اخلي الورق شكله قانوني علشان ميتعرفش انه كاحول
وهنا المشتري هو المتضرر الوحيد
والأخطر؟ 👇
لو حصل نزاع بعد الشراء، ممكن تلاقي الشخص اللي اشتريت منه صعب الوصول إليه أو لا تملك مستندات كافية للرجوع عليه، وفي النهاية الضرر الأكبر يقع عليك أنت.
🏠 قبل ما تشتري شقة، متبصش على الشقة وسعرها بس… بص على أصل الملكية وتسلسل العقود.
لازم يكون معاك محامي فاهم في العقارات، يعرف يراجع الأوراق، ويفحص تسلسل الملكية، ويكتشف المشاكل قبل ما تدفع فلوسك.
⚖️ الشقة مش مجرد حيطان… الشقة ورق وملكية وتسلسل عقود.
محمد حسن المحامي ⚖️
010 25996832 📞
#كاحول #نصب #نزاع #اسكندرية #شقة #اوراق
