Azam Law Associates

Azam Law Associates Contact information, map and directions, contact form, opening hours, services, ratings, photos, videos and announcements from Azam Law Associates, Lawyer & Law Firm, Kohat.

📍 Office: Sector-9, Market KDA, Kohat
📞 Contact: 03363253553
At Azam Law Associates, we are committed to providing strong legal defense for individuals facing criminal charges.

عید الفطر کے پُرمسرت موقع پر آپ سب کو دل کی گہرائیوں سے مبارکباد پیش کرتا ہوں۔اللہ تعالیٰ سے دعا ہے کہ وہ رمضان المبارک ...
21/03/2026

عید الفطر کے پُرمسرت موقع پر آپ سب کو دل کی گہرائیوں سے مبارکباد پیش کرتا ہوں۔
اللہ تعالیٰ سے دعا ہے کہ وہ رمضان المبارک میں کی گئی آپ کی تمام عبادات، روزے، دعائیں اور صدقات اپنی بارگاہ میں قبول فرمائے۔
اللہ رب العزت آپ کی ہر نیک تمنا پوری فرمائے، آپ کو صحت، سکون اور خوشیوں بھری زندگی عطا کرے، اور آپ کے نصیب کو بہترین بنائے۔
اللہ تعالیٰ آپ کے رزق میں برکت دے، آپ کو حلال اور باعزت کامیابیوں سے نوازے، اور دن دگنی رات چوگنی ترقی عطا فرمائے۔
آپ کی زندگی کو آسانیوں، خوشحالی اور کامیابیوں سے بھر دے، اور ہر آنے والا دن آپ کے لیے پہلے سے بہتر بنائے۔
اللہ پاک آپ کو اور آپ کے اہلِ خانہ کو اپنی حفظ و امان میں رکھے اور ہمیشہ خوش و خرم رکھے۔

عید مبارک

Muhib ur Rehman was arrested during a security forces operation in Bahadar khel area, District Karak, and was charged un...
12/03/2026

Muhib ur Rehman was arrested during a security forces operation in Bahadar khel area, District Karak, and was charged under terrorism provisions. After trial in the Anti-Terrorism Court Kohat, the Honorable Court acquitted him due to lack of evidence.

26/02/2026

چیف جسٹس آف پاکستان یحییٰ آفریدی کے ساتھ چیئرمین ایگزیکٹو خیبر پختونخوا بار کونسل ملک عماد اعظم اور دیگر صوبائی بار کونسلز کے چیئرمینان کی ویڈیو لنک میٹنگ منعقد ہوئی،

چیف جسٹس آف پاکستان یحییٰ آفریدی کے ساتھ چیئرمین ایگزیکٹو خیبر پختونخوا بار کونسل ملک عماد اعظم اور دیگر صوبائی بار کونس...
26/02/2026

چیف جسٹس آف پاکستان یحییٰ آفریدی کے ساتھ چیئرمین ایگزیکٹو خیبر پختونخوا بار کونسل ملک عماد اعظم اور دیگر صوبائی بار کونسلز کے چیئرمینان کی ویڈیو لنک میٹنگ منعقد ہوئی،

جس میں وومن فسیلیٹیشن سینٹرز کے قیام، فری لیگل ایڈ کی فراہمی، مختلف بار ایسوسی ایشنز میں جاری منصوبوں اور سپریم کورٹ آف پاکستان کے اقدامات پر تفصیلی بریفنگ دی گئی۔

اجلاس کے دوران چیف جسٹس آف پاکستان نے ملک عماد اعظم ایڈووکیٹ کی کاوش کو سراہتے ہوئے واضح کیا کہ کوہاٹ میں ہائی کورٹ بینچ کا قیام اُن کی بھی خواہش ہے اور انہوں نے کہا کہ “آپ کی اور میری ایک ہی خواہش ہے کہ کوہاٹ میں ہائی کورٹ بینچ قائم ہو”، مزید یہ کہ انہوں نے پشاور ہائی کورٹ کے چیف جسٹس کو بینچ کے قیام کے حوالے سے ہدایات جاری کر دی ہیں اور ملک عماد اعظم ایڈووکیٹ کو ہدایت کی کہ وہ چیف جسٹس پشاور ہائی کورٹ سے ملاقات کریں اور اگے کی امور طے کریں۔

ایڈیشنل سیشن جج کوہاٹ   نے ملزم عابد علی کو الزامات ثابت نہ ہونے پر باعزت بری کرنے کا حکم جاری کر دیا۔ مذکورہ مقدمہ مدعی...
25/02/2026

ایڈیشنل سیشن جج کوہاٹ نے ملزم عابد علی کو الزامات ثابت نہ ہونے پر باعزت بری کرنے کا حکم جاری کر دیا۔ مذکورہ مقدمہ مدعی زاہد علی کی مدعیت میں درج تھا جو وقوعہ میں زخمی بھی ہوا تھا، جبکہ واقعہ میں گلدا علی جاں بحق ہوا تھا اور ملزمان میں کاظم علی، عارف علی اور عابد علی نامزد تھے۔ معزز عدالت نے استغاثہ کے شواہد، گواہوں کے بیانات اور مکمل ریکارڈ کا باریک بینی سے جائزہ لینے کے بعد قرار دیا کہ ملزم عابد علی کے خلاف جرم شک سے بالاتر ہو کر ثابت نہیں ہو سکا، لہٰذا اسے باعزت بری کیا جاتا ہے۔ ملزم کی جانب سے مؤثر قانونی پیروی معروف قانون دان ملک عماد اعظم ایڈووکیٹ اور ان کی ٹیم Azam Law Associates نے کی۔

بادشاہ خان عرف گامو کے خلاف پولیس کی جانب سے یکے بعد دیگرے درج ہونے والی متعدد ایف آئی آرز کو چیلنج کرتے ہوئے دائر کردہ ...
25/02/2026

بادشاہ خان عرف گامو کے خلاف پولیس کی جانب سے یکے بعد دیگرے درج ہونے والی متعدد ایف آئی آرز کو چیلنج کرتے ہوئے دائر کردہ کوئیشمنٹ پٹیشن آج پشاور ہائی کورٹ کے ڈویژن بینچ میں سماعت کے لیے پیش ہوئی۔ درخواست گزار کی جانب سے ملک عماد اعظم ایڈووکیٹ پیش ہوئے اور عدالت کے روبرو تفصیلی دلائل دیے۔
فاضل عدالت نے ابتدائی دلائل سننے کے بعد پٹیشن کو باقاعدہ سماعت کے لیے منظور (Admit) کرتے ہوئے متعلقہ تفتیشی افسر کو حکم جاری کیا کہ آئندہ تاریخِ سماعت پر
اصل ریکارڈ سمیت عدالت میں پیش ہونے کا حکم

یا اللہ! ہمیں رمضان المبارک کی بابرکت گھڑیاں نصیب فرما،ہمیں اس ماہِ مقدس کی رحمتوں، برکتوں اور مغفرت سے بھرپور حصہ عطا ف...
18/02/2026

یا اللہ! ہمیں رمضان المبارک کی بابرکت گھڑیاں نصیب فرما،
ہمیں اس ماہِ مقدس کی رحمتوں، برکتوں اور مغفرت سے بھرپور حصہ عطا فرما۔
ہمارے روزے، نمازیں، تلاوت اور تمام عبادات کو اپنی بارگاہ میں قبول فرما۔
یا ربّ العالمین!
ہمارے گناہوں کو معاف فرما، دلوں کو پاکیزگی عطا فرما،
ہمیں صبر، تقویٰ اور اخلاص کی دولت سے نواز دے۔
ہماری امتِ مسلمہ پر رحم فرما، بیماروں کو شفا،
مرحومین کو جنت الفردوس میں اعلیٰ مقام عطا فرما۔
یا اللہ! اس رمضان کو ہمارے لیے ہدایت، سکون اور کامیابی کا ذریعہ بنا دے۔
آمین

چیئرمین ایگزیکٹو خیبر پختونخوا بار کونسل ملک عماد اعظم ایڈوکیٹ,وائس چیئرمین اسفندیار خان ایڈوکیٹ اور سلیمان خٹک ایڈووکیٹ...
14/02/2026

چیئرمین ایگزیکٹو خیبر پختونخوا بار کونسل ملک عماد اعظم ایڈوکیٹ,وائس چیئرمین اسفندیار خان ایڈوکیٹ اور سلیمان خٹک ایڈووکیٹ نے خیبر ٹیچنگ ہسپتال پشاور میں زیرِ علاج رہنما پاکستان تحریک انصاف اور ممبر بار کونسل علی زمان ایڈوکیٹ کی عیادت کی۔

علی زمان ایڈوکیٹ کی خیریت دریافت کی، ان کی جلد اور مکمل صحت یابی کے لیے دعا کی۔

جوڈیشل مجسٹریٹ کوہاٹ نے ڈکیتی کے مقدمے میں گرفتار ملزم حسیب اللہ، سکنہ شمالی وزیرستان، کی ضمانت منظور کرتے ہوئے اسے ضمان...
04/02/2026

جوڈیشل مجسٹریٹ کوہاٹ نے ڈکیتی کے مقدمے میں گرفتار ملزم حسیب اللہ، سکنہ شمالی وزیرستان، کی ضمانت منظور کرتے ہوئے اسے ضمانت پر رہا کرنے کے احکامات جاری کر دیے۔
ملزم حسیب اللہ پر الزام تھا کہ اس نے صرافہ بازار کے ایک دکاندار کی گاڑی کو روک کر دکاندار کو قابو میں لیا، اسے کلاشنکوف کی بٹ مار کر زخمی کیا اور مبینہ طور پر ساڑھے تین کروڑ روپے نقدی لوٹ لی۔
ملزم کی جانب سے مقدمے کی پیروی سلیمان خٹک ایڈووکیٹ ہائی کورٹ نے کی۔

ایڈیشنل سیشن جج، کوہاٹ (VI) نے قتل کے مقدمہ علت نمبر 336 ، زیرِ دفعہ 302/324 تعزیراتِ پاکستان، تھانہ کینٹ کوہاٹ میں نامز...
04/02/2026

ایڈیشنل سیشن جج، کوہاٹ (VI) نے قتل کے مقدمہ علت نمبر 336 ، زیرِ دفعہ 302/324 تعزیراتِ پاکستان، تھانہ کینٹ کوہاٹ میں نامزد ملزم شیر محمد کو تمام الزامات سے باعزت بری کر دیا۔
استغاثہ کے مطابق ملزم پر فائرنگ کرنے اور ایک شخص کے قتل کا الزام عائد کیا گیا تھا، تاہم معزز عدالت نے دستیاب شواہد، گواہوں کے بیانات اور وکلائے صفائی کے دلائل کا باریک بینی سے جائزہ لینے کے بعد یہ قرار دیا کہ استغاثہ اپنے الزامات ثابت کرنے میں ناکام رہا۔
ملزم کی جانب سے مقدمے کی مؤثر، مدلل اور بھرپور پیروی
ملک عماد اعظم ایڈووکیٹ ہائی کورٹ،
ان کے ایسوسی ایٹس
اور واحد معراج ایڈووکیٹ نے انجام دی.

پریس ریلیزچیئرمین ایگزیکٹو خیبر پختونخوا بار کونسل ملک عماد اعظم ایڈووکیٹ، وائس چیئرمین اسفندیار خان ایڈووکیٹ، اور دیگر ...
04/02/2026

پریس ریلیز
چیئرمین ایگزیکٹو خیبر پختونخوا بار کونسل ملک عماد اعظم ایڈووکیٹ، وائس چیئرمین اسفندیار خان ایڈووکیٹ، اور دیگر صوبوں کے چیئرمین ایگزیکٹو اور وائس چیئرمین صاحبان نے چیف جسٹس آف پاکستان جسٹس یحییٰ آفریدی سے ملاقات کی۔
اس ملاقات میں خیبر پختونخوا بار کونسل کی جانب سے چیئرمین ایگزیکٹو ملک عماد اعظم ایڈووکیٹ اور وائس چیئرمین اسفندیار خان ایڈووکیٹ نے مؤثر انداز میں نمائندگی کی۔
ملاقات کے دوران بار ایسوسی ایشنز کو درپیش مسائل، وکلاء کو پیش آنے والی مشکلات اور پولیس سے متعلق امور پر تفصیلی گفتگو کی گئی۔ وفد نے وکلاء برادری کے تحفظ، انصاف کی فراہمی اور ادارہ جاتی ہم آہنگی کے حوالے سے مختلف تجاویز بھی پیش کیں۔
چیف جسٹس آف پاکستان جسٹس یحییٰ آفریدی نے بار ایسوسی ایشنز اور وکلاء کے مسائل کے حل کے لیے سنجیدہ اقدامات کی یقین دہانی کرواتے ہوئے کہا کہ عدلیہ وکلاء برادری کے ساتھ مل کر انصاف کے نظام کو مزید مؤثر بنانے کے لیے اپنا کردار ادا کرتی رہے گی۔
مزید برآں چیف جسٹس آف پاکستان نے کوہاٹ بار ایسوسی ایشن کا دورہ کرنے کی بھی یقین دہانی کروائی۔
ملاقات خوشگوار اور مثبت ماحول میں اختتام پذیر ہوئی۔
03-02-2026

11/11/2025

پریس ریلیز
تاریخ: 11 نومبر 2025

اسلام آباد کچہری گیٹ پر ہونے والے افسوسناک، بزدلانہ اور انسانیت سوز دہشت گرد حملے کی ملک عماد اعظم ایڈوکیٹ، ممبر خیبر پختونخوا بار کونسل، نے انتہائی شدید الفاظ میں مذمت کی ہے۔

انہوں نے کہا کہ یہ المناک واقعہ، جس میں معصوم اور بے گناہ جانوں کا ضیاع ہوا، نہ صرف وکلاء برادری بلکہ پوری قوم کے لیے ایک صدمہ ہے۔ یہ حملہ دراصل قانون، عدلیہ اور انصاف کے نظام پر براہِ راست حملہ ہے، جو ملک میں خوف، بدامنی اور عدم استحکام پیدا کرنے کی ایک گھناؤنی کوشش ہے۔

ملک عماد اعظم ایڈوکیٹ نے حکومتِ وقت، قانون نافذ کرنے والے اداروں سے پرزور مطالبہ کیا کہ اس سانحے کی فوری، غیرجانبدارانہ اور شفاف تحقیقات عمل میں لائی جائیں، اور اس کے ذمہ دار دہشت گردوں اور ان کے سہولت کاروں کو نشانِ عبرت بنانے کے لیے سخت ترین سزائیں دی جائیں تاکہ آئندہ کوئی ایسی ناپاک حرکت کرنے کی جرات نہ کرے۔

انہوں نے مزید کہا کہ ملک بھر کی عدالتوں، عدالتی احاطوں اور وکلاء دفاتر کی سیکیورٹی کو فول پروف اور جدید تقاضوں کے مطابق یقینی بنایا جائے، تاکہ مستقبل میں انسانی جانوں کے تحفظ کو بہتر بنایا جا سکے۔

ملک عماد اعظم ایڈوکیٹ نے جاں بحق ہونے والے افراد کے لواحقین سے دلی تعزیت اور ہمدردی کا اظہار کیا اور زخمیوں کی جلد اور مکمل صحت یابی کے لیے دعا کی۔ انہوں نے کہا کہ وکلاء برادری مشکل کی اس گھڑی میں متاثرہ خاندانوں کے ساتھ کھڑی ہے۔

جاری کنندہ: ملک عماد اعظم ایڈوکیٹ
ممبر خیبر پختونخوا بار کونسل

Address

Kohat

Telephone

+923363253553

Website

Alerts

Be the first to know and let us send you an email when Azam Law Associates posts news and promotions. Your email address will not be used for any other purpose, and you can unsubscribe at any time.

Share