13/09/2026
مزدوروں کے دیرینہ حقوق کی ادائیگی، اہم پیش رفت
ورکرز ویلفیئر فنڈ پنجاب کی میرج گرانٹس اور ڈیتھ گرانٹس کے چیکس تقسیم کرنے کی پروقار تقریب
ورکرز ویلفیئر فنڈ پنجاب کے زیرِ اہتمام میرج گرانٹس، ڈیتھ گرانٹس اور دیگر فلاحی گرانٹس کے چیکس تقسیم کرنے کی پروقار تقریب APWA Auditorium لاہور میں منعقد ہوئی۔ تقریب کا انعقاد پیکیجز گروپ ورکرز یونین، صنعتی مزدور اتحاد پاکستان اور یونین پاکستان لائزن کونسل کے زیرِ اہتمام کیا گیا۔ تقریب کی میزبانی قائدِ مزدور جناب شیخ محسن الیاس صاحب، ممبر گورننگ باڈی ورکرز ویلفیئر فنڈ وفاق و پنجاب، اور جناب چوہدری سعد محمد صاحب، ممبر گورننگ باڈی ورکرز ویلفیئر فنڈ پنجاب نے کی، جبکہ تقریب کے مہمانِ خصوصی وزیرِ لیبر پنجاب خواجہ محمد منشاء اللہ بٹ تھے۔تقریب میں جناب فصیح الدین، جناب بلال احمد سیال، محترمہ ائمہ محمود، جناب ناصر محمود، جناب ساجد علی عباسی، جناب میاں محبوب حسین، جناب نوید صاحب، جناب سلمان بٹ صاحب سمیت دیگر مزدور رہنماؤں، مزدور نمائندگان اور متعلقہ اداروں کے افسران نے شرکت کی۔مزدوروں کے طویل عرصے سے زیرِ التوا فلاحی کیسز کی منظوری اور ان کی عملی ادائیگی کے لیے جناب شیخ محسن الیاس صاحب، جناب چوہدری سعد محمد صاحب اور دیگر ممبران گورننگ باڈی ورکرز ویلفیئر فنڈ وفاق و پنجاب کی مسلسل جدوجہد اور مؤثر پیروی کے نتیجے میں 3,958 زیرِ التوا میرج گرانٹ، ڈیتھ گرانٹ، تعلیمی وظائف اور دیگر فلاحی کیسز منظور کیے گئے، جن کی مجموعی مالیت 54 کروڑ 79 لاکھ روپے سے زائد ہے۔ورکرز ویلفیئر فنڈ کے نظام میں شفافیت اور مؤثریت کے لیے MIS، موبائل ایپلیکیشن، آن لائن پراسیسنگ اور FIFO نظام متعارف کرایا گیا، جبکہ ایک لاکھ صنعتی مزدوروں کے بچوں کے لیے معیاری پرائیویٹ اسکولوں میں مفت تعلیم کی منظوری بھی اہم پیش رفت ہے۔تعلیمی سہولیات میں کتابوں و اسٹیشنری الاؤنس 7 ہزار سے بڑھا کر 17 ہزار روپے، جبکہ یونیفارم الاؤنس 4,500 سے بڑھا کر 15 ہزار روپے فی تعلیمی سال کر دیا گیا۔ اسی طرح سندر فلیٹس کے 720 ملکیتی کیسز کو عملی شکل دی گئی، جبکہ 646 مستحق خاندانوں کے لیے میرج گرانٹ، ڈیتھ گرانٹ اور تعلیمی اسکالرشپ سمیت مختلف فلاحی ادائیگیوں کا آغاز کیا گیا۔اسی تسلسل میں یکم ستمبر سے 9 ستمبر 2026 تک PWWF کی جانب سے ٹیلنٹ اسکالرشپ، میرج گرانٹس اور ڈیتھ گرانٹس کے 520 کیسز کی مجموعی رقم 181,502,969 روپے، یعنی اٹھارہ کروڑ پندرہ لاکھ دو ہزار نو سو انہتر روپے، مستحق ورکرز/بینیفشریز کے بینک اکاؤنٹس میں براہِ راست منتقل کر دی گئی ہے۔تقریب میں جناب ڈاکٹر مجتبیٰ عرفات بھروانہ صاحب، سیکرٹری و چیف ایگزیکٹو آفیسر پنجاب ورکرز ویلفیئر فنڈ، جناب ڈاکٹر ذوالفقار علی کھرل صاحب، کمشنر سوشل سکیورٹی پنجاب، محترمہ سیدہ کلثوم حئی صاحبہ، ڈائریکٹر جنرل لیبر ویلفیئر پنجاب، جناب مبین صاحب، ڈائریکٹر ایڈمن ورکرز ویلفیئر بورڈ پنجاب، جناب ندیم اختر صاحب، ڈائریکٹر لیبر اینڈ ہیومن ریسورسز لاہور ساؤتھ، جناب عمران حیدر ٹیپو صاحب، ڈائریکٹر لیبر اینڈ ہیومن ریسورسز لاہور نارتھ، اور دیگر متعلقہ افسران و معزز اراکین نے شرکت کی۔تقریب میں محکمہ محنت، سوشل سکیورٹی، ورکرز ویلفیئر فنڈ اور دیگر متعلقہ اداروں کے افسران اور مزدور نمائندگان نے بھی شرکت کی۔ تقریب میں جناب شیخ محسن الیاس صاحب نے مہمانِ خصوصی، سرکاری افسران، ورکرز ویلفیئر فنڈ اور تمام متعلقہ اداروں کا شکریہ ادا کرتے ہوئے کہا کہ مزدوروں کے حقوق کے تحفظ اور فلاحی نظام کی بہتری کے لیے جدوجہد جاری رہے گی۔تقریب میں پیکیجز گروپ ورکرز یونین، صنعتی مزدور اتحاد پاکستان اور یونی پاکستان لائزن کونسل کے رہنماؤں جناب میاں عصمت اللہ صاحب، ملت ٹریکٹر ورکرز یونین؛ جناب محمد رمضان صاحب، کوہِ نور ٹیکسٹائل؛ جناب محمد اسلم صاحب، پی سی ہوٹل ورکرز یونین؛ جناب جمشید سیال صاحب، نیسلے ایمپلائز ورکرز یونین؛ جناب محمد اشفاق صاحب، پاکستان باٹا ایمپلائز یونین؛ جناب محمد فیضان صاحب، سازگار انجینئرنگ؛ جناب محمد عمران صاحب، ہائی نون لیبارٹریز ورکرز یونین؛ جناب غلام حیدر جوئیہ صاحب، ورکرز یونین ایچ اینڈ آر لیبارٹریز؛ جناب محمد عارف صاحب، یونائیٹڈ فوم ورکرز یونین؛ جناب محمد ناظم صاحب؛ جناب محمد ریحان یاسین صاحب، ہمدرد لیبارٹریز ورکرز یونین؛ جناب راجہ ظہیر صاحب، آئی سی آئی لمیٹڈ؛ جناب رانا عمر نوشاد صاحب؛ جناب سید زاہد علی کاظمی صاحب؛ جناب محمد ریاض صاحب، سپر نیشنل ورکرز یونین (یونی لیور)؛ جناب مزمل ورک صاحب؛ جناب حسن جنجوعہ صاحب؛ جناب نعمان قمر صاحب، لیبر رہنما، صنعتی اتحاد، لیبر کالونی ڈیفنس روڈ؛ جناب عبدالحفیظ صاحب، پیپسی کولا انٹرنیشنل؛ اور پیکیجز گروپ ورکرز یونین سے جناب نذر حسین باجوہ صاحب، جناب ندیم قیصر صاحب، جناب عامر عالم صاحب، جناب عبدالستار چیمہ صاحب، جناب ارشد بیگ صاحب و دیگر مرکزی رہنماؤں نے شرکت کی۔
تقریب کے اختتام پر معزز مہمانوں میں اعزازی شیلڈز بھی پیش کی گئیں اس موقع پر مستحق مزدور خاندانوں نے گرانٹس کے چیکس ملنے پر خوشی اور اطمینان کا اظہار کرتے ہوئے اس اقدام کو مزدوروں کے لیے عملی ریلیف قرار دیا۔تقریب میں شریک تمام تنظیموں اور قائدین نے قائدِ محترم جناب شیخ محسن الیاس صاحب اور ممبرانِ گورننگ باڈی ورکرز ویلفیئر فنڈ وفاق و پنجاب کی مزدوروں کے حقوق اور فلاح و بہبود کے لیے کی جانے والی کاوشوں کو سراہتے ہوئے، دعائیہ کلمات کے ساتھ انہیں خراجِ تحسین پیش کیا۔
کئی سال کا انتظار، مسلسل جدوجہد اور اجتماعی کوششیں—بالآخر مزدور کے حق کی عملی ادائیگی۔
کئی سال کا انتظار، مسلسل جدوجہد اور اجتماعی کوششیں—بالآخر مزدور کے حق کی عملی ادائیگی
