DBA Haripur Official

07/09/2025

الوداعی تقریب
السلام علیکم ورحمۃ اللہ وبرکاتہ ! تمام محترم ممبران بار کو مطلع کیا جاتا ہے کہ ہری پور سے تبادلہ ہونے والے معزز ججز صاحبان، جناب ایڈیشنل ڈسٹرکٹ اینڈ سیشن جج ارشاد علی صاحب اور سینئر سول جج (ایڈمن) جناب شیراز طارق صاحب کے اعزاز میں ڈسٹرکٹ بار ایسوسی ایشن ہری پور کی جانب سے ایک پروقار الوداعی تقریب کا انعقاد کیا جا رہا ہے۔
یہ تقریب بروز پیر، 8 ستمبر 2025 کو صبح 11 بجے منعقد ہو گی۔
تمام معزز ممبران ڈسٹرکٹ بار ایسوسی ایشن ہری پور کو اس پُر وقار تقریب میں شرکت کی دعوت دی جاتی ہے۔
تقریب کے اختتام پر صدر ڈسٹرکٹ بار ایسوسی ایشن ہری پور کی جانب سے بار و بنچ کے اعزاز میں ریفریشمنٹ کا اہتمام کیا گیا ہے۔
نوٹ:
الوداعی تقریب کے باعث بروز پیر، 8 ستمبر 2025 کو صبح 10:30 بجے کے بعد وکلاء عدالتوں میں پیش نہیں ہو سکیں گے۔
شکریہ
سیکریٹری
ملک رب نواز
ڈسٹرکٹ بار ایسوسی ایشن ہری پور

06/09/2025

📢 کابینہ ڈسٹرکٹ بار ایسوسی ایشن ہری پور کا سخت مؤقف ⚖️
صدر بار اسد سعید خان کی جانب سے مطالبہ
ماہِ ربیع الاول کے مقدس مہینے میں خانپور کے ایک نجی ہوٹل میں پارٹی کی تقریب اور اس کی ویڈیو سوشل میڈیا پر وائرل ہونے کے بعد عوامی حلقوں میں شدید تشویش پائی جاتی ہے۔
اہل علاقہ کے جذبات کی ترجمانی کرتے ہوئے، صدر ڈسٹرکٹ بار ایسوسی ایشن ہری پور نے اس غیر ذمہ دارانہ عمل پر شدید افسوس کا اظہار کیا ہے اور ڈسٹرکٹ ایڈمنسٹریشن و ڈسٹرکٹ پولیس سے مطالبہ کیا ہے کہ:
📌 ایسے واقعات میں ملوث تمام ذمہ داران کے خلاف فوری اور سخت قانونی کارروائی کی جائے۔
📌 ہوٹل انتظامیہ کے خلاف قانون کے مطابق سخت ایکشن لیا جائے۔
📌 آئندہ ایسے واقعات کی روک تھام کے لیے مؤثر اقدامات کیے جائیں۔
کابینہ ڈسٹرکٹ بار ایسوسی ایشن مطالبہ کرتی ہے کہ معاملے کی شفاف اور فوری تحقیقات کر کے عوام کو اعتماد میں لیا جائے۔
🕌 ماہِ ربیع الاول جیسے مقدس مہینے میں ایسے واقعات ناقابلِ قبول ہیں۔
ڈسٹرکٹ بار ایسوسی ایشن عوامی جذبات کی ترجمان ہے اور قانون کی بالادستی پر کوئی سمجھوتہ نہیں کرے گی۔
✊
"قانون سے بالاتر کوئی نہیں!"
—
صدر
اسد سعید خان
ڈسٹرکٹ بار ایسوسی ایشن ہری پور

23/08/2025

پریس ریلیز
ڈسٹرکٹ بار ایسوسی ایشن، ہری پور
تاریخ: 23 اگست 2025
ڈسٹرکٹ بار ایسوسی ایشن ہری پور کی کابینہ، اپرنٹس عاصم کاکاخیل (مرحوم) کے چارسدہ میں مبینہ طور پر پولیس کے ہاتھوں بے رحمانہ قتل اور ان کے بھائی سید محمد زوہیب ایڈووکیٹ پر فائرنگ کی سخت ترین الفاظ میں مذمت کرتی ہے۔ مرحوم ہماری قانونی برادری کے باعزت رکن تھے، جن کا بہیمانہ قتل ظلم، بربریت اور دہشت گردی کی واضح مثال ہے۔
یہ واقعہ نہ صرف افسوسناک اور ناقابلِ برداشت ہے، بلکہ ہمارے نظامِ انصاف، شہری آزادیوں اور آئینی بالادستی پر سنگین سوالات اٹھاتا ہے۔ ہم یہ واضح کرتے ہیں کہ پاکستان پولیس اسٹیٹ نہیں بلکہ ایک آئینی ریاست ہے، جہاں قانون کی حکمرانی ہر شہری کا بنیادی حق ہے۔
ڈسٹرکٹ بار ایسوسی ایشن ہری پور کی کابینہ عاصم کاکاخیل شہید کے اہلِ خانہ کے ساتھ مکمل یکجہتی اور دلی ہمدردی کا اظہار کرتی ہے اور اس دل دہلا دینے والے سانحے پر غمزدہ خاندان کے دکھ میں برابر کی شریک ہے۔
مطالبات:
اس واقعے میں ملوث تمام پولیس اہلکاروں کے خلاف فوری، شفاف اور سخت قانونی کارروائی کی جائے۔
ایک غیر جانبدار عدالتی تحقیقاتی کمیشن قائم کیا جائے تاکہ اس ظلم کے اصل محرکات قوم کے سامنے لائے جا سکیں۔
خیبرپختونخوا بار کونسل صوبہ بھر میں وکلاء کی ہڑتال کا فوری اعلان کرے تاکہ پرامن احتجاج کے ذریعے انصاف کا مطالبہ مؤثر انداز میں ریکارڈ پر آئے۔
وکلاء برادری کے خلاف پیش آنے والے مسلسل واقعات کی روک تھام کے لیے مؤثر، جامع اور مستقل حکمتِ عملی (لائحہ عمل) ترتیب دی جائے۔
ہم یہ باور کراتے ہیں کہ اگر انصاف کے تقاضے پورے نہ کیے گئے تو وکلاء برادری اپنا آئندہ کا شدید اور مؤثر احتجاجی لائحہ عمل طے کرے گی، جس کی تمام تر ذمہ داری ریاستی اداروں پر عائد ہو گی۔
قانون کی حکمرانی ہر قیمت پر قائم رہنی چاہیے۔
(جاری کردہ:
کابینہ، ڈسٹرکٹ بار ایسوسی ایشن، ہری پور)

21/08/2025

ڈسٹرکٹ بار ایسوسی ایشن ہری پور
پریس ریلیز
مورخہ: 21 اگست، 2025
کابینہ ڈسٹرکٹ بار ایسوسی ایشن ہری پور، پاکستان بار کونسل کی جانب سے انسدادِ دہشت گردی ایکٹ 1997 کی دفعہ 11EEEE میں کی گئی حالیہ ترامیم کے خلاف اختیار کردہ مؤقف کی مکمل حمایت اور توثیق کرتی ہے۔
ہم ان ترامیم کو سختی سے مسترد کرتے ہیں جو قانون نافذ کرنے والے اداروں اور مسلح افواج کو تین ماہ تک افراد کو بغیر کسی قانونی کارروائی کے حراست میں رکھنے کی اجازت دیتی ہیں۔ یہ ترمیم اسلامی جمہوریہ پاکستان کے آئین کے آرٹیکل 4 اور 10A میں دیے گئے ہر شہری کے منصفانہ ٹرائل اور قانونی عمل کے حق کی صریح خلاف ورزی ہے۔
ہم اس ترمیم کو ایک ظالمانہ قانون قرار دیتے ہیں اور اس کے فوری خاتمے کا مطالبہ کرتے ہیں۔ وکلا برادری ہمیشہ قانون کی حکمرانی، آئینی بالادستی، اور شہریوں کے بنیادی حقوق کے تحفظ کے لیے جدوجہد کرتی رہی ہے۔ ایسا کوئی بھی قانون جو ان اصولوں کو پامال کرے، ناقابل قبول ہے اور وکلا برادری اس کی پرزور مخالفت کرے گی۔
ڈسٹرکٹ بار ایسوسی ایشن ہری پور، آئین کے تحفظ کے عزم کا اعادہ کرتی ہے اور تمام جمہوری اداروں، سول سوسائٹی، اور وکلا برادری سے اپیل کرتی ہے کہ اس غیر منصفانہ ترمیم کے خلاف آواز بلند کریں۔
اسد سعید خان
صدر
ڈسٹرکٹ بار ایسوسی ایشن ہری پور

02/07/2025

ڈسٹرکٹ بار ایسوسی ایشن ہری پور کے وکلاء کی جانب سے ترکی میں رسول پاک کی شان میں گستاخی کے خلاف احتجاج۔

02/07/2025

01/07/2025

09/04/2025

Mr. Naqeeb Ullah Babar Adv(Library Secretary) is addressing while President and newly elected cabinet paid thanks to the honorable members of DBA Haripur.

08/04/2025

District Bar Association Haripur Elections 2025-26

Final Result:
Mr. Asad Saeed Khan Adv (President)
Mr. Ishaq Batgrami Adv (V.President)
Mr. Rab Nawaz Khan Adv (G.Secretary)
Ms.Asma Mir Adv (Joint Sectretary)
Mr.Naqeeb Ullah Babar Adv (Library Secretary)