DR HAMZA JAMAL

14/09/2026

Dawaa bareda Fedhi nyàata dabaluu fi bullaa'insa nyaataa sher godha wal biraan gahaa

Xosinyo harka tokko bishaan ho'aa lt1 nayxe
Daqiiqa soddoma tursiste ergasii miirte cinaa kubbayya dhuyda guyyatti yaroo sadi nyaata dura

Fedhi nyaata bana hafuuraa fi iita garaa kuchiisa itti fayyadama

14/09/2026

14/09/2026

?? FAYYAA GUYYAA HAR’AA🩺RAKKOOLEE ARMAAN GADII BEKKTUU?**
➜Har’a waa’ee rakkoolee fayyaa yeroo baay’ee namoota mudatan muraasa haa ilaallu:

🔹 **PCOS (Polycystic O***y Syndrome)** → Rakkoo madaallii hormoonii dubartootaa, kan marsaan laguu (period) jeequu fi mallattoolee biroo fiduu danda’u.

🔹 **H. Pylori Infection** → Baakteeriyaa **H. pylori** jedhamu kan garaacha keessa jiraachuu danda’u; gastritis (gubaa/inflaameeshinii garaachaa) fi ulcer garaachaa waliin walqabachuu danda’a.

🔹 **Colon Cancer** → **Kaansarii mar’imaan guddaa (colon)**. Mallattoolee akka jijjiirama saxaraa, dhiiga saxaraa keessa mul’achuu fi ulfaatina qaamaa sababa hin beekamneen hir’achuu qabaachuu danda’a.

🔹 **Gum Inflammation (Gingivitis)** → **Inflaameeshinii/jeequmsa marmaartuu ilkaanii**, kan diimachuu, barachuu fi yeroo ilkaan rigatan dhiiguu fiduu danda’u.

EEYYEE "fURMAATA .ISAA.........................

🌿 Rakkoolee 4 kanaaf maal godhamuu danda’a?
1️⃣ PCOS — Rakkoo hormoonii fi marsaa laguu
Ulfaatina qaamaa madaalawaa eeguu fi sochii qaamaa gochuu.
Nyaata madaalawaa, sukkaara fi nyaata baay’ee qophaa’e xiqqeessuu.
Ogeessi fayyaa qorannoo godhee, yoo barbaachise yaala hormoonii ykn qoricha biroo ajajuu danda’a.

2️⃣ H. pylori — Baakteeriyaa garaachaa
H. pylori qorannoo (test) tiin mirkaneessuun barbaachisaa dha.
Yoo qabame, yeroo baay’ee antibiotics + qoricha asiidii garaachaa hir’isu walitti makuun yaalama.
Qoricha ofumaan addaan kutuu ykn antibiotics ofumaan fudhachuu hin qabu.
Yaalii booda, baakteeriyaan sun dhabamuu isaa qorannoo irra deebiin mirkaneessuun barbaachisaa ta’uu danda’a.
3️⃣ Colon Cancer — Kaansarii mar’imaan guddaa
Kun rakkoo cimaa dha; qorannoo ogeessa fayyaa fi yaala kaansarii barbaada.
Yaaliin sadarkaa kaansarii irratti hundaa’a; fakkeenyaaf surgery, chemotherapy, radiation ykn targeted therapy keessaa tokko ykn walitti makamu danda’a.
Dhiigni saxaraa keessa mul’achuu, jijjiiramni saxaraa yeroo dheeraa turuu, ulfaatinni qaamaa "sababa "malee hir’achuu ykn garaachi yeroo dheeraa dhukkubuu yoo jiraate, qorannoo saffisaa barbaadu.
4️⃣ Gum Inflammation (Gingivitis) — Inflaameeshinii marmaartuu ilkaanii
Ilkaan guyyaatti si’a lama fluoride toothpaste tiin sirriitti riguu.
Floss ykn meeshaa ilkaan gidduu qulqulleessu fayyadamuu.
Ilkaan irratti dhagaa ilkaanii (tartar) yoo jiraate, dentist bira deemuun professional cleaning gochuu.
Yoo dhiiguu, barachuu, dhukkubuu ykn fooliin afaanii itti fufe, dentist mariisisuu...

📌 **Hubachiisa:** Odeeffannoon kun barnoota fayyaa qofaaf. Yoo mallattooleen akkanaa jiraatan, ogeessa fayyaa mariisisuun fi qorannoo sirrii gochuun barbaachisaa dha.

**Beekumsa Qoricha Uumamaa fi Barnoota Fayyaa**


❤️ **Fayyaan Faaya!**
👉 Page keenya ** godhaa,
**Like & Share** godhaa.
💬 Yaada keessan **Comment** irratti nuuf barreessaa.

14/09/2026

👉Har'a ammoo Gaaffii kanatti hirmaadhaa mee
👉Dhirii Bareedan maf Nadhoo fokkotu fudha sila😭

14/09/2026

BIQILTUU SUNKURTAA (XEENAADDAAM) YKN XALAATAAM

Biqiltuun kun Oromiyaa keessatti maqaa adda addaatiin beekama. Lixa Oromiyaa keessatti Cireddaa, giddu-galeessa Oromiyaa keessatti Sunkurtaa/Xeenaaddaam, Harargee keessatti Xalaataam jedhama. Maqaan saayinsawaa isaa Ruta chalepensis, Ingiliffaan Rue jedhama.

Biqiltuun kun seenaa dheeraa qaba, naannoo adda addaattis buna, aannan itittuu fi akka qoricha aadaatti itti fayyadamu.

Faayidaalee isaa keessaa:

1. Sirna bullaa’insa nyaataa fi fedhii nyaataa deeggaruuf.
2. Qufaa fi rakkoo hargansuu tokko tokko keessatti akka qoricha aadaatti.
3. Fayyaa afaanii fi ilkaanii keessatti itti fayyadamuuf.
4. Rifeensaaf zayita isaa itti fayyadamuuf.
5. Dhukkuba garaacha tokko tokko keessatti akka qoricha aadaatti.
6. Akka qoricha aadaa fi foolii gaarii kennuuf mana keessatti itti fayyadamuuf.

Hubachiisa: Sunkurtaan/xeenaaddaam qoricha cimaa waan ta’eef, keessumaa baala isaa ykn cuunfaa isaa afaaniin fudhachuu, funyaanitti cophsuu ykn ulfaa ta’anii itti fayyadamuun balaa qabaachuu danda’a. Dubartoonni ulfaa of irraa haa qusatan. Dhukkuba cimaa tokkoofis yaala ogeessaa bakka bu’uu hin qabu.

Odeeffannoo dabalataaf 👇👇👇
Dr HAMZA JAMAL godhaa

13/09/2026

Kannaa rabbii keessaa isa guddaadha
Faayidaa barzaafi dhukkuba 5 yaaluu keessatti gahee qabdu

Akkuma beekamu barzaafiin faayidaa garaagaraatiif oola akka hawaasni beekutti faayidaa fayyaa osoo hin taane faayidaa birootiif akka oolu beeku
Garuu barzaaffiin faayidaa fayyaa keeysaa isa ijoodha yaaluu danda'a

Faayidaa barzaafi keessaa muraasa
Foolii qaama hamaa fi foolii miila balleessuu danda'a
Gaafa foolii qaama keenyaa balleessuudhaaf itti fayyadamuu barbaanne
Bishaan waa xiqqoo bu'aa'e fi baala barzaafidha daakama isaa waa xiqqoo bishaan sanitti dabaluudhaan miila keenyaa fi qaama keenyatti yoo kan dibnu taate foolee hamaa qaamaafi miila keenyaa balleessuu danda'a

Rifeensa keenyaaf itti fayyadamuudhaaf
Dhukkuba bariille fi forfor mataa keeysa fi robbii rifeensa keenya keessaa balleessuudhaaf
Daakuu baala barzaa fi zeeta ejersaa walitti makuudhaan rifeensa keenya bakka miidhaa qabu sanitti dibuu qabna guyyaa muraasaaf

Madaa qaama keenya irraa balleessuuf
Fangasii fi sibijji madaa gosa birattis haa taatu qaama irraa balleeysuudhaaf akkanatti fayyadamuu qabna
Daakuu baalaa barzaa fi damma xiqqoo waliin walitti makuudhaan qaama keenya bakka madaa isaanitti dibuudhaan madaansaan akka fayyuu gargaara guyyaa muraasaaf kana godhuu qabna

Dhukkubbii qaamaa keenyaatiif
Dhukkuba humna humna jilbaa duddaafi harka keenya irratti nutti dhagayamtuuf
Daakuu baalaa baarzaafi zeetee ejersaa waliin walitti makuudhaan bakka dhukkuba qabnu san irratti ittiin dhibuu dandeenya
Guyyaa muraasaaf kana yoo goone dhukkuba sanirraa fayyuu dandeenya

Dr HAMZA JAMAL

12/09/2026

Mallattoolee fi miidhaa ijji Budaa yokan summiin ija namaa namatti fidu.

Miidhaan Summiin Ija namaa yokan ijji budaa namarraan gahu maali??

Daa'imummaa keenya irraa kaafne hanga Ammaatti hundi keenya waan Tokko dhagayaa guddanne innis ija budaatu si nyaate yokan ija budaa na nyaate jedhanii Yeroo Namoonni dubbatanu Barreeffama darbe keessatti Maalummaa ija budaa akka idil Addunyaatti isiniif ibsinee jirra Barreeffama kana keessatti Mallattoolee isaa ibsina:

Mallattoo Armaan gadii Qabda yoo ta'e "ijji Budaa" yokan "Ayina Xilaa" si nyaateera jechuudha..

Dandeettii namaa ajjeesaa!
Hojii kaleessa Sirriitti dandayu fi wanta kaleessa Dandeettii cimaa irratti qabu sababa tokko malee yokan sababa hin beekamneen hojjechuu dadhabaa deemaa, waan sana hojjechuu isa dadhabsiisa, Akkasumas yokan hojii sana ni hojjetaa garuu Akka kanaan duraa irraa faaydaa Barbaachisaa irraa hin Argatu.
Bakka hojii Ofii dhaquu, Jibbuu fi hojii keessatti kufaatii fi Kisaaraan baayyachuu, Akkasumas Hojii Duraan Sirriitti hojjetaa ture Wallaaluu fi hojii isaa keessatti dhama,uu, Akki itti hojjetu wallaaluu.

Mallattoolee summiin budaa jaalala Maatii fi gaa'elaa miidhaa jiraachuu ittiin beekkamu:

Jaalala cimaa Namoota gidduu jiru Yeroo gabaabaa keessatti sababa hin beekamneen gara jibbaatti jijjiirama.

Namoota kaleessa wal jaallattanu wajjiin sababa tokko malee nama shakkisiisaa akka waan jarri si miidhuuf deemanu fakkeessee Sammuu namaa keessatti irra deddeebiin namatti dhagayama.

Haati warraa fi Abbaan warraa kanaan dura baa'yee wal jaallattanu, ija walii keeysa ilaalu fi Afaan nagaa waliin dubbachuu dadhabu waanuma Xiqqoof yokan waan hin beekamneef irra deddeebiin walitti mufatu ni Aarsaa wal jibbisiisa! Garuu Yeroo wal biraa deeman jibbaa sana ni dagatu!.

Sababa tokko malee Gadduufi Yaadda'uu, Sammuun jeeqamuu fi Dafee Aaruu fi dallanuu Baayyisuu Amalli jijjiirame nama wajjiin walii galuu dadhabuu fi kkf nama saaxila.

Hariiroo dhabuu, Nama Waliin Dubbachuu Jibbuu fi Qobummaa filachuu, Yeroo Namaa Wajjin Duubate yokan walitti makame Sammuun isaa jeeqamuu fi Mataa Bowwuu itti Baayyataa.

Barataan kaleessa Barnoota jaallatuu fi Qabxii Ol'aanaa qabu sababa tokko malee Barnoota jibbuu Jalqaba fedhii fi Dandeettiin inni kanaan dura Barnoota irratti qabu gadi bu'aa deemaa, Yeroo mana Barnootaa seenuu kitaaba Barnootaa dubbisu sababa tokko malee mataan bowwaafata yokan isaa dhukkuba, yokan sammuun isaa ni jeeqama.

Barataas ta'ee namni hin baranne kamuu Yeroo ijji budaa tuqe Erraanfii yokan Waa dagachuu Baayyisuu fi waan barate
Sammuu-tti Qabachuu dadhabaa.

Sammuun namaa waan hin beekamnee waan isa hin laallanneetti dhiphataa, ni sodaata ni jeeqama waan isa jeequ hin beekuu.

Dhukkubootaa fi dhukkubbii hin beekamne namatti fida, Sababa tokko malee Mudhii fi Dugda, lafee miillaa fi Harkaa keeysaa dhukkubbiin namatti dhagayama, nama dhukkubsa, faana miillaa fi Lafee jilbaa humnneeti qaamaa keeysaa nama guba, humna namaa Dadhabsiisa, Sababa tokko malee Akka nama hojii cimaa irraa ture Dadhabbiin itti dhaga'amaa, Ganama hirribaa ka'uu nama dadhabsiisa.
Garuu Yeroo mana yaalaa deemee qoratame dhibeen hin Mul'atu! Yoo yaalames hin fayyu Ji'a Tokko yokan lama turee namatti deebi'aa.

Sababa tokko malee Halkan Fincaan, Namatti heddummaata, Halkan, Halkan Kaleen nama dhukkuba, garuu ganama gara Mana yaalaa Yeroo deemu dhukkubni tokko irratti hin mullatuu.

Galgalaa fi Halkan Rukuttaan Onnee namatti Dabalaa, garuu Yeroo Mana yaalaa deemee Qoratame dhukkubni irratti Mul'atu hin jiru.

Afaan namaa yookaan Fuulla namaa Gara mirgaa yokan gara bitaatti jal'isa, Akkasumas
Fuulla namaa Daalacheessa Haalluu Gogaa Qaamaa Jijjiira,
Sababa tokko malee Qaama namaa humnaa ol Huqqisaa.

Sababa dhukkubaa tokkoo malee Fedhiin nyaataa hir'achuu, Nyaata Booda garaa keessaa Nama Ciniinuu fi Jeeqamuu.


Mallattooleen Armaan Olitti ibsaman kunneen Mallattoolee fi miidhaa ijji Budaa yokan summiin namaa namatti fidu kan ibasanu yoo ta'u, garuu Mallattoolee kun Sababa yokan Rakkoo fayyaa fi xiin Sammuu kan biraa hin jiru yoo ta'e qofa ija namaa yokan dhukkuba ija budaa jedhama, malee Rakkoowwan fayyaa biroos Mallattoolee kanneen namatti fiduu danda'u garuu wanti kan ija budaa adda taasisu Yeroo Baay'ee sababa hin beekamneen nama Dhukkubsa yokan nama rakkisa mana yaalaa deemee yoo Qorannoo fayyaa godhames dhibeen hin Mul'atu

11/09/2026

Faayidaa Ebicha/giraawwan qabuu fi haal itti fayyadama isaa.

Biqiltuu Cimaa Dhukkuboota Hedduu yaaluuf Tajaajilu ...

Maqaan isaa Afaan Oromoon "Ebicha" jedhamuun Beekkamaa, Afaan Amhaaraan "giraawwaa" jedhamaa. Biqiltuu kun Baalli isaa dhamdhama Hadhaa’aa waan qabuuf Afaan Ingiliffaatiin "bitter leaf" yokan baala Hadhaa’aa jedhamee beekamaa.

Ebichi faayitookeemikaalota fayyaa keenyaaf barbaachisanu 50 ol qaba. Biqiltuu soorataa fi wal'aansa fayyaa gatii guddaa qabudha. Qoricha Aadaa Biyyoota Afrikaa fi laatin Ameerikaa, indiyaa fi indooneeshiyaa chaayinaa keessatti ga'ee Olaanaa qabaa.

Faaydaa Biqiltuu yokan muka ibichaa:

1. Ebichi dandeetti sochii Farra Sukkaaraa (anti-diabetic) waan qabuuf, dhukkuba sukkaaraa to'achuuf gargaara. Namoota dhibee Sukkaaraa qabaniif baayyee Gaariidha Sadarkaa sukkaara dhiigaa to’achuu fi akka Sukkaarri ol hin kaane Taasisaa.

2. Fayyaa Tiruu yokan (Liver Health) Cimsaa, Summii Tiruu keeysaa qulqulleeysaa, Vaayireesii fi kkf Tiruun akka hin madoofne ittisaa, faaydaa guddaa qaba, seelii tiruu dhibeen miidhame deebisee haaromsa!.

3. Dhiibbaa dhiigaa gadi buusaa.
Ujummoolee dhiigaa babal’isuu fi marsaa dhiigaa fooyyessuuf gargaara. Qabiyyee uumamaa akka dhiigni sirnaan Dhangala'u Taasisu kan of keessaa qabu yoo ta'u, kunis dhiigni akka hin qabamne Taasisaa.

4. Sirna ittisa qaamaa cimsaa.
Antioxidants inflammation hir'isuu fi dandeettii dhukkuba ofirraa ittisuu Qaamaa guddisuuf gargaaraniin kan badhaadhe waan ta'eef Carraa dhukkuboota daddarboon Qabamuu hir'isuuf gargaara.

5. Fayyaa Garaachaa fi Mar'imaanii Cimsaa, Bokoka garaa yaalaa, nama garaan Baasuu fi nama garaan gogeef Dawaadha.

6. Raammoo Maagaa/wosfaatii fi jarmoota garaa garaa, Mar'imaan keeysaa qulqulleessaa.
Raammoo garaa (helminths) fi parasites dhibee adda addaa fidan qaama keessaa baasuuf ni gargaara.

7. Fayyaa Walqunnamtii Saalaa Dhiirotaa Cimsaa:
Dhiirotaaf Sadarkaa Hormoonii "testosterone" kan guddisu yoo ta'u, kunis ga'umsa saalqunnamtii dhiirotaa baayyee fooyyessaa.
Dhangala'aa dhiigaa gahaan gara qaama walhormaataa akka qaqqabu Taasisa Rakkoo Qaamni saalaa dhiiraa ka'uu dadhabuutiif Bu'aa gaarii akka qabu mirkanaa'eeraa .

8. Dhukkuba kaansarii Ittisuu fi Yaala Kaansarii keessatti ga'ee qabaa:

Qorannoon Saayinsii akka agarsiisutti, kaansarii piroostaatii, Kaansarii harmaa fi garaachaa yaaluuf faayidaa qabaa.
Biqiltuun kun Kompaawundoota sochii qaban kan akka "sesquiterpene lactones" kanneen guddina seelii kaansarii dhorkuuf hojjetan of keessaa qaba.

9. Dhukkuboota Infeekshinii fi inflammation:

Dhukkuba busaa fi dhukkuba taayifooyidii yaaluuf kan ooludha.
Amala farra baakteeriyaa fi farra fangasii kan qabu yoo ta'u, kunis infekshinii gogaa fi madaa qaamaa yaaluuf Akka Humna qabaatu Taasisaa.

10. Ulfaatinni qaamaa Madaala akka Eeggatu Taasisaa.
Meetaaboliizimii fooyyessuu fi kuufama coomaa hir'isuuf gargaaraa. Akka qulqulleessituu qaama uumamaa ta'ee summii dhabamsiisuu fi ulfaatina qaamaa hir'isuu kakaasuuf gargaara.

11. Sochii Farra-Inflammation:
Dhukkubbii fi dhiitoo buusaa lafee (joints) hir'isuuf gargaara.

12. Dhukkuba Busaa (Malaria):
Qabiyyee Quinine jedhamu waan of keessaa qabuuf, dhibee busaa yaaluuf qoricha cimaadha

13. Dubartii Deesseef: Deesseen erga deessee booda yoo fayyadamte, aannan harmaa akka baay'atu

14. Qaamaa Waa mure yokan Waraanee dhiigni dhaabbachuu dideef Dawaadha Dafee dhiiga dhaabuu danda'a
Madaa Qaamaa Fayyuu dide Qulqulleessee Dafee Fayyisuu Danda'a, Madaa Fayyisuu keessatti Ga'ee Olaanaa Qaba,

Faayidaa Nyaataa (Nutritional Benefits)

Ebichi albuudota akka Kaalsiyeemii, Pootaasiyeemii, Ayirenii , fi Fosfarasii of keessaa qaba.

Vaayitaaminoota akka
Vitamin A ) (Vitamin A) (Vitamin E)
(Vitamin B1 fi B12) Baayyee Of keessaa qaba Dandeettii Dhukkuba Dandamachuu Qaama keenyaa Cimsa dhukkuboota onnee fi dhukkuba Kaansarii Gosa hunda Namarraa ittisa yokan Carraa dhukkubaan Qabamuu Hir'isa.

Kaarboohayidireetii, fi pirootiinota barbaachisoo Of keessaa qaba
Amiinoo asiidii barbaachisummaa olaanaa qaban. Kan Akka faayibara, ayirenii, fosfarasii, kaalsiyeemii, pootaasiyeemii, koobaaltii fi maangaanizii, fi kkf dabalatee qabiyyee summiin qaama keessaa akka ba’u godhu (anti-oxidants) baay'ee qaba.

Biqiltuun Ebichaa sababa keemikaalota baayooaktiiwii baala isaa keessa jiruun irraa kan ka'e farmaakooloojii keessatti barabaachisummaa guddaa Argateeraa.

Qorannoo Faarmaakooloojii keessatti Bishaan cuunfaa Baala "Ebichaa" irraa baafame Dhibeewwawwan adda addaa ittisuu fi yaaluuf akka Oolu gabaafameera.

Qabiyyee keemikaala Uumamaa Biqiltuu Ibichaa Kompaawundoota Feenoolikii
Carraa dhukkuba onnee fi kaansariin qabamuu hir'isaa. Antioksidaantoonni humna guddaa qaban kan biqiltuu kana keessatti Argaman Seeliin qaamaa, miidhaa oksijiiniif akka hin saaxilamne irraa ni eeguu.

Qabiyyee Flaavonoyidii:
Bu'aa farra inflammatory fi antioxidant qaba:
Hojii sirna ittisa qaamaa fooyyessa, carraa dhukkuboota yeroo dheeraan qabamuu hir'isa.

Qabiyyee Saapooniinis:
Hamma kolestroolii dhiiga keessatti gadi buusuuf gargaara, kunis fayyaa onnee guddisaa. Akkasumas Qabiyyeen kun Farra maaykiroobiyaanii fi farra paraasitii Raammoo Maagaa wosfaatii ta’ee Tajaajilaa.

Qabiyyee (Tannins):
Bu'aa astringent qabaa, garaa baasaa fi Rakkoo garaachaa fi infekshinii garaachaa yaaluuf gargaaraa. Akkasumas Amala farra kaansarii fi farra baakteeriyaa qabaa.

Qabiyyee (Alkaloids):
Dhukkubbii hir'isuu fi fayyaa sirna narvii fooyyessuuf gumaacha qaba.
Akkasumas farra baakteeriyaa fi farra fangasii ta'ee tajaajilaa.

Haalli itti Fayyadama isaa Baalli isaa Bishaan ho'aan Dhiqamee yokan Miiccamee Erga qulqullaaee booda Tumamee Bishaan isaa Calalamee Burcuqoo Shayii Tokko garaa duwwaatti dhugama Ganama yookaan Galgala, Guyyaa 3 fi Hanga Guyyaa 10 Fayyadamuu Dandeessu.

Dhukkuboota Qorraa kan akka Asmii fi utaalloo fi kkf yoo ta'e Baalli muka Kanaa Tumamee Gogfamee Akka Shaayiitti Danfisamee dhugama.

Dubartii ulfaa fi Daa'ima garaa jiru irratti Dhiibbaa tokko hin Qabu Fayyadamu Dandeessi, Dubartii Ulfaaf Dawaa Gaariidha, Da'umsaan booda yoo Fayyadamte Aannan Gaariin Daa'imaaf Ta'u Harma keessaa Akka Baayyatu Taasisa.

Biqiltuu kana irraa faaydaa guddaa Argachuuf haala itti fayyadama dabaalatan Kutaa kutaan adda qoodnee ballinaan isiniif

Maxxansa kiyya Guyyaa Guyyaan Argachuuf Toora Facebook
DR HAMZA JAMAL FOLLOW GODHAA

10/09/2026

Qaamni kee yeroo baay’ee siif dubbata. Ati garuu isa dhaggeeffattaa?

Dadhabbii yeroo hunda, mataa naanna’uu, bishaan baay’ee dheebotuu, fincaan baay’inaan baafachuu ykn hirriba kee jijjiiramuun “waanuma salphaa” jedhanii tuffatamuu hin qabu.

Yeroo tokko tokko qaamni kee,
“Na ilaali, rakkoon jiraachuu danda’a!” jedhee si akeekkachiisaa jiraachuu danda’a.

Mallattoo qaamaa tuffatin. Fayyaan kee qabeenya kee isa guddaadha.

👇 Mallattoo kanneen tokko tokkoon yeroo dhiyootti isiniif tarreessina!
Dr HAMZA JAMAL

09/09/2026

Daa'imni dhiiraa dhalatee guyyaa meeqatti osoo kittaanamee baay'ee filatama??
Kittaannaan dhiiraa yoom ta'uu akka qabu wantoota baay'ee irratti hundaa'us dhalatee torbee 1 hanga torbee 6tti kittaanuun faayidaalee hedduu qaba. Faayidaalee isaa keessaa:-
1. Yeroo kanatti wantoota dhiigni akka kantaruuf gargaaran kanneen akka Vit K qaama daa'imaatiin sirritti omishama. Kun gaafa kittaannaa dhiigni baay'ee akka hin dhiigneef hedduu gargaara.
2. Qaamni isaanii yeroo dafee dafee itti of ijaarudha waan ta'eef dafanii guyyaa 5-7 gidduutti ni fayyu.
3. Sirni narvii isaanii yeroo kanatti baay'ee hin dagaagu waan ta'eef dhukkubbiin baay'ee itti hin dhagahamu. Kun immoo, qoricha qaama hadoochan xiqqoo fayyadamuudhaan salphumatti daqiiqaa 10-15 keessatti xumuruun ni danda'ama.
4. Hodhamuun/ istichiin hin barbaachisu.
5. Daa'ima ta'anii infeekshinii kaleefi ujummmoo fincaanitin qabamuu ni ittisa.

Daa'ima tokko kittaanuuf rakkoon fayyaa jiraachuu hin qabaatu. Rakkoon fayyaa yoo jiraate, hanga inni furamutti tursiisuun barbaachisadha.