15/10/2026
مش كل عقد هبة غير مسجلة يبقى باطل
لكن هناك حالات قد تتحول فيها الهبة إلى هبة صحيحة رغم عدم تسجيلها؟
ناس كتير بتفتكر إن عقد الهبة لو مش مسجل يبقى ملوش قيمة، لكن القانون المدني المصري فيه تفاصيل مهمة لازم كل مالك وكل شخص بيتعامل على عقار يكون عارفها.
المادة 488 من القانون المدني بتقرر أن هبة العقار لا تتم إلا بورقة رسمية، وإلا وقعت باطلة، مع مراعاة الاستثناءات التي يقررها القانون.
لكن المادة 489 بتفتح باب مهم، وهو إجازة الواهب أو ورثته للهبة غير الرسمية إجازة صريحة أو ضمنية بالشروط التي يتطلبها القانون، بما قد يترتب عدم اشتراط التسجيل
وهنا لازم ناخد بالنا من نقطة مهمة جدًا: وضع اليد على العقار والتصرف فيه بمظهر المالك مش معناه تلقائيًا إن الهبة بقت صحيحة وإنما العبرة بتوافر الشروط القانونية وثبوت الإجازة على نحو معتبر.
ومن الأمور اللي تستحق الاهتمام عند صياغة العقود وجود عبارات واضحة تكشف حقيقة اتفاق الطرفين،ط مثل إقرار الموهوب له بمعاينة العقار وتسلمه ووضع يده عليه
باختصار مش كل نزاع على هبة عقار يتحسم بمجرد النظر إلى أن العقد غير مسجل ومش كل عقد عرفي ينفع تصحيحه بمجرد وضع اليد كل حالة ليها ظروفها ومستنداتها وأحكام القانون اللي بتحكمها.
لو عندك عقد هبة قديم أو عقار انتقل إليك من أحد أفراد الأسرة أو نزاع بين الورثة على هبة غير مسجلة فمراجعة المستندات وتحديد الموقف القانوني بدقة ممكن تكون فارقة في حماية حقك
مكتب الأستاذ محمد كمال للمحاماة
والاستشارات القانونية
#الهبة #العقارات