17/11/2025
تخيل تسافر تكون نفسك زي كتير من الشباب و بعدين تتزوج و تاخد زوجتك معاك برا
و بعدين تحط كل فلوسك في شقة في مصر كاستثمار
و بعدين زوجتك ربنا يكرمك و تحمل و الدنيا ماشية تمام الحمد لله
زوجتك تقولك انها تعبانة من الحمل و عاوزة تنزل لاهلها في مصر و هي في اول الحمل و على ذمتك عادي
و بعدين تروح ترفع قضية تمكين للشقة
القضية تترفض لانها لسه حامل و على ذمتك فمفيش داعي للتمكين
تستنى تولد و تروح ترفعها تاني عشان تاخد شقى عمرك
و كل دا وانت مآمن لها و عايش معها عادي و متعرفش حاجة
و تنزل اجازتك عادي تروح معها مصيف و تتفسحوا
و هي ماشية في اجراءات التمكين
من شقة أصلا مش شقة الزوجية دي شقة استثمار فيها كل فلوسك
و بعدين ترجع غربتك تتفاجأ انها رافعة عليك كمان هناك قضية نفقة انك مش بتنفق عليها لا هي ولا بنتك من سنتين
رغم انك صارف عليها و ولدت في اكبر مستشفى على حسابك و روحتوا مصيف مع بعض و حوالات كل شهر بمصاريفهم
و كل دا مثبت بقارير و حوالات
و بعدين تتفاجئ انها اخدت شقتك بامر القانون و كسروا الباب و قاعدة فيها الان
التمكين مشترك لانهم لسه متزوجين
يعني حق الاتنين يسكنوا فيها
فبعد ما عرفت دا كله و أصبحت العيشة مستحيلة
روحت اتجوزت و مارست حقك القانوني انك تعيش في شقتك اللي فيها تمكين مشترك مع زوجتك الاولى
و الشقة ١٨٠ م يعني تكفي من الحبايب الف
يطلع الفيديو اللي كلكم شفتوه
