https://www.facebook.com/110294447069011/

مكتب أ/ إسلام محمد عبدالجليل المحامي

Home
Egypt
Mansoura
مكتب أ/ إسلام محمد عبدالجليل المحامي

Call Directions Contact the practice

محامي حر لدي نقابة المحامين المصرية

02/11/2026

الستات مشاكلهم مختلفة علي مستوي الجمهورية ⚖️😂
امشِ عدل تحتار مراتك فيك

14/05/2026

النيابة العامة المصرية بتثبت كل يوم عن اللي قبله إنها بتشتغل بشكل أقوى وأسرع من اللي قبله، بس المرة دي الموضوع كان مختلف فعلًا.
جريمة قتل بشعة، زوج أنهى حياة زوجته بعد خلافات كانت بتزيد بينهم جوا بيتهم، وبيّت النية جواه وعقد العزم في نفسه وخطّط للجريمة وجهّز سلاح أبيض، وفي لحظة واحدة نفّذ جريمته بدم بارد جدًا.
لكن هنا بقى ظهر دور العدالة الحقيقي⚖️
خلال 24 ساعة بس، النيابة كانت في مسرح الجريمة، عاينت محل واقعة القتل، وناظرت جثمان الزوجة المتوفاه إلي رحمة مولاها، واصطحبت شهود الواقعة لمقر النيابة وسمعت أقوالهم كلهم، وواجهت المتهم بالأدلة واعترف بكل التفاصيل مفادها أنه سدد ليها طعنات نافذة أنهت حياتها علي الفور ودا اللي قاله تقرير الصفة التشريحية اللي صدر من الطب الشرعي في نفس اليوم، و دا نفس الكلام اللي أيدته تحريات البحث الجنائي، ولما حللوا للمتهم جات نتيجة العينة أنه متعاطي للمواد المخدرة وكمان مثّل الجريمة بنفسه.
وفي نفس يوم الواقعة صدر قرار النيابة بإحالة المتهم لمحكمة الجنايات، وبعد 10 أيام بس، كان اتحدد للقضية جلسة، وأمام المحكمة النيابة قدمت ملف كامل متماسك بأدلة قاطعة.
والنتيجة كانت قرار بإحالة أوراق المتهم لفضيلة المفتي.
لما السرعة تبقى مع الدقة، ولما الشغل يبقى محكم بالشكل ده يبقى فعلاً بنتكلم عن النيابة العامة المصرية.

24/04/2026

ايه أهمية اعلام الوراثة ؟
فى ناس كتير فاكرة إن إعلام الوراثة بيوزع التركة وبيقسمها على الورثة فهنا لازمم ننبه علي كام حاجة.
أولًا : إعلام الوراثة دوره أنه بيحدد النصيب الشرعي لكل وريث على المشاع في كامل تركة المتوفي بمعني أن بيكون مكتوب فيه مثلا أن فلان (المتوفى) توفي وترك زوج وأبناء وأب وأم (مع ذكر اسم كل واحد وصلة قرابته للمتوفي) وبيكون نصيب كل واحد مثلا الربع أو النصف أو للذكر مثل حظ الانثيين فى كامل تركة المتوفي.

ثانيا: إعلام الوراثه مبيتكتبش فيه أملاك المتوفي يعنى محدش يقولي أصله عنده عربية وعمارة وفيلا وكام فدان وعاوزين نعمل إعلام وراثه علشان نقسمها وكل واحد ياخد حقه مافيش الكلام ده الكلام ده له إجراءات تانية خالص
ثالثا: لو الشخص اللى توفي عنده أولاد قصر يبقى لازم نعمل قرار وصايه الأول.
يعنى نعين وصي على القاصر وبعدين نقدم قرار الوصاية في إعلام الوراثة ولازم في قرار الوصاية نثبت أملاك المتوفي كلها في المجلس الحسبى.
‏طب ليه يعني اشمعني دي ؟
علشان أي تصرف من الوصي في أموال القاصر ولا له أي لازمة والتصرف بيكون زى عدمه ولازم علشان نتصرف في أي أموال خاصة بالقاصر يتم بموافقة المجلس الحسبي.
طيب ايه هو سن القاصر؟ وايه بيحصل لما بيوصل لسن الرشد؟
القاصر هو كل شخص أقل من ٢١ سنة ميلادية سواء ولد أو بنت، وبمجرد بلوغه سن الرشد بيقدم طلب للمجلس الحسبى لرفع الوصاية من عليه والتصرف في أملاكه .
الخلاصة بقا إن كل دور إعلام الوراثه إثبات مين هما ورثة المتوفي واي هو نصيب كل واحد فيهم
وإياك ثم إياك تحجب أى وريث شرعي في إعلام الوراثة هتعتبر مزور ولو اتقفشت هتدخل في جناية تزوير ودي عقوبتها السجن أو السجن المشدد يعني من ٣ ل ١٠ سنين .

Address

شربين/أول شارع الجيش/أمام المستشفي العام/أعلي كافيه العدوي
Mansoura

Telephone

+201098298439

Website

facebook.com

Alerts

Be the first to know and let us send you an email when مكتب أ/ إسلام محمد عبدالجليل المحامي posts news and promotions. Your email address will not be used for any other purpose, and you can unsubscribe at any time.