بيتر نبيه سمعان المحامى

05/04/2026

25/02/2026

🛑 تنبيه هام 🛑

08/02/2026

نصائح عند شراء شقة بالتقسيط:

١- تأكد من سوابق أعمال الشركة التى ستشترى منها واسأل إذا كان لديهم مشاكل فى تسليم المشاريع السابقة من عدمه.

٢- غالبا جميع عقود شقق الشركات تكون معدة من قبل الشركة فلا تكتفى بالتوقيع دون قراءتها أو عرضها على محام والتعديل فيها ان اقتضى الأمر .

٣- كتابة المبلغ الذى قمت بسداده كمقدم من ثمن الشقة والتوضيح بان توقيع البائع على العقد يعتبر بمثابة إيصال إستلام لهذا المبلغ.

٤- كتابة الأقساط بوضوح مع ذكر قيمة كل قسط مع ذكر تواريخ استحقاق كل قسط او دفعة "مع بيان فترة السماح".

٥- إضافة بند فى العقد يعطى الحق للمشترى فى الحصول على ايصال إستلام من البائع عند سداد كل قسط.

٦- إذا وقعت على شيكات لا بد من تسطيرها التى ستقوم بتسليمها إلى قسم الحسابات، إذا كان البائع لك شركة او البائع بشخصه، وكتاباتها بنفس تواريخ الاقساط - لان الشيكات إذا كانت غير مسطرة ، من الممكن للبائع صرف الشيكات كلها مرة واحدة من البنك المسحوب عليه، وإذا لم يكن هناك رصيد فى حسابك فمن السهل أخذ رفض على الشيكات وقد تتعرض للمسائلة الجنائية.

٧- بعد التوقيع على عقد البيع ، لابد من رفع دعوي صحة توقيع، وتطلب حضور ممثل الشركة أو البائع للإقرار بصحة التوقيع علي عقد البيع لحين سداد كامل الثمن والقيام بتسجيل الشقة.

٨- لابد من إضافة بند بإلتزام البائع بعد سدادك كامل الثمن بالحضور امام الشهر العقارى لنقل الملكية اليك او عمل توكيل خاص بالبيع للنفس والغير.

٩- لابد من الإتفاق على وديعة الصيانة التى تدفع عند الإستلام او وتقسم على عدد الأقساط (لا تدفع وديعة صيانة وانت لم تستلم الشقة بعد).

١٠- أغلب الوحدات التي تباع بالتقسيط من الشركات تكون لا تزال في طور البناء، لذا يجب ان يتم ذكر موقع الوحدة بالتفصيل، مثل الدور ورقم الشقة والعنوان والنموذج والمساحة الإجمالية والمساحة الفعلية، ووجود ملحقات بالوحدة مثل حدائق أو غيرها من عدمه.

١١- مهم جدا وضع بند في العقد يضمن عدم اخلال البائع بمواعيد التسليم والتعويض عن الاخلال بالتسليم من جانب البائع .

١٢- اخيرا وقبل كل هذا يجب مراجعة عقود الشركة وأوراقها وتراخيص البناء والنماذج والعقود المسجلة وبيانات الشركاء وصفة الموقع على العقود وعقود التخصيص والتصاريح والكشف عنها في الجهات الرسمية والحكومية.
ــــــــــــــــــــــــــــــــــــــــــــــــــــــــــــــــــــــ
مكتبنا متخصص في كتابة العقود المدنية وتسجيلها وفحص سندات وأوراق الملكية والكشف عنها في الجهات الرسمية.

بيتر نبيه سمعان المحامى
دبلومه فى مراجعه وصياغه العقود المدنيه

ت/ 01227106373

26/12/2025

لو حضرتك مستأجر فده

توضيح مبسط لحساب الإيجار الجديد بعد تعديل القانون مع
بدايه من ١/١/٢٠٢٦ مدة الإخلاء
المناطق الاقتصادية
اضرب الإيجار القديم × 10 ولو الناتج أقل من 250 يبقى الإيجار الجديد 250 جنيه
مثال
إيجار 20 جنيه × 10 = 200 يبقى الإيجار الجديد 250 جنيه
إيجار 60 جنيه × 10 = 600 جنيه

المناطق المتوسطة
اضرب الإيجار القديم × 10 ولو الناتج أقل من 400 يبقى الإيجار الجديد 400 جنيه
مثال
إيجار 30 جنيه × 10 = 300 يبقى الإيجار الجديد 400 جنيه
إيجار 50 جنيه × 10 = 500 جنيه

المناطق المتميزة
اضرب الإيجار القديم × 20 ولو الناتج أقل من 1000 يبقى الإيجار الجديد 1000 جنيه
مثال
إيجار 40 جنيه × 20 = 800 يبقى الإيجار الجديد 1000 جنيه
إيجار 70 جنيه × 20 = 1400 جنيه

الزيادة السنوية
كل سنة تزود 15 في المئة على آخر قيمة إيجار دفعتها
مثال
إيجارك بعد التعديل 600 جنيه السنة الجاية يكون 600 × 15% = 90 زيادة
يعني الإيجار الجديد 690 جنيه وهكذا كل سنة لحد نهاية المدة

مدة الإخلاء
القانون حدد فترة انتقالية 7 سنوات من يوم 5 / 8 / 2025 وبعدها يتم إخلاء الوحدة وتسليمها للمالك رسميًا

بيتر نبيه سمعان بيتر نبيه سمعان المحامى
دبلومه فى صياغه العقود ومراجعتها
012 27106373

11/12/2025

قرار معالى محافظ الإسكندرية رقم 312 لسنة 2025 بتقسم المناطق التي بها أماكن مؤجرة لغرض السكنى الخاضعة لأحكام القانون رقم ١٦٤ لسنة ٢٠٢٥ المشار إليه، وفقا لما انتهت إليه لجان حصر المنا طق التى بها أماكن مؤجرة لغرض السكنى بمحافظة الإسكندرية.

مع العلم : _ ان القيمه الايجاريه الجديده هى :_
بالنسبه #المناطق #المتميزه _ 20 مثل القيمة الايجارية الساريه و بحد ادني 1000 جنية.

#المنطاق #المتوسطة عشره امثال القيمه الايجاريه بحد ادنى ٤٠٠ جنيه .

#المناطق #الاقتصادية- عشرة امثال القيمه الايجاريه الساريه بحد ادنى 250 جنيه.

مكتب بيتر نبيه سمعان المحامى
012 27106373

03/12/2025

أحياناً كتير أثناء فحص ورق وحدات بنشتريها بيكون الطرف البائع (تاجر) فالموكل بيقع في خلط في أربع أمور :-
الأول : طبيعي يكون العقد اللي مع التاجر مفيش عليه اجراء رسمي زي صحة التوقيع لانه في أغلب الأحيان بيشتري اليوم ويبيع غدا فمؤكد مش هيقعد خمس شهور لحد ما يخلص صحة التوقيع عشان يبيع !
الثاني : تاريخ عقد التاجر بيكون قريب جدا يعني متقلقش أو تتخضت طبيعي يكون عقد التاجر من وقت قريب بل لو عقده من وقت طويل بيكون ده شيء يدعو للقلق .
الثالث : سعر الشراء بالنسبة للتاجر غالبا ليس جازما بالنسبة لنا لانه ممكن يكون مكتوب في عقده ثمن الشراء مليون وهو بيبيع لنا ب ٢ مليون . فهل هيكسب في الوحدة مليون خلال شهر مثلا ؟ مستحيل . وده راجع ان البائع للتاجر اشترط عليه كتابة ثمن أقل ، المهم بالنسبة لنا كمشترين من التاجر اننا نطمئن ان سعر الوحدة عادل ومش مبالغ فيه بالنسبة لنا بغض النظر التاجر اخد الشقة بكام .
الرابع : مهم جدا نطمن من كل العقود والمرافق ما قبل شراء التاجر لان وجود التاجر في الورق ضعيف لعدم وجود حيازة أو إجراءات قانونية غير التوكيل .
اخيرا وقبل إتمام الشراء ضروري جدا الكشف عن العقار والشقة في الحي والمرافق والتصالحات والشهر العقاري والمحكمة والضرائب والتأكد من كافة اوضاعها القانونية والفعلية .

بيتر نبيه سمعان المحامى
دبلومه فى مراجعه و صياغة العقود المدنيه
012 27106373

02/12/2025

📌 *معلومة قانونية تهمك*

كثير من الناس يوقّعوا على عقود مهمة زي عقد بيع أو إيجار من غير ما يقرأوا البنود كويس… وده ممكن يعرضهم لمشاكل كبيرة بعد كده!

💡 *نصيحة اليوم:*
قبل ما تمضي على أي عقد:
1️⃣ اقرأ كل البنود حتى لو كانت طويلة.
2️⃣ اسأل عن أي كلمة أو بند مش واضح.
3️⃣ اطلب نسخة من العقد قبل الإمضاء لمراجعته براحتك.
4️⃣ استشير محامي متخصص… لأن كلمة واحدة ممكن تغيّر كل حاجة.

⚖️ "الوقاية القانونية أهم من العلاج القانوني."
اسأل قبل ما توقع، عشان تحمي حقك ووقتك ومالك.

مكتب بيتر نبيه سمعان المحامى
امام المحاكم المدنيه و الأحوال الشخصيه والجنائية
دبلومه فى صياغه العقود و مراجعتها
012 27106373

01/12/2025

معلومات هامه جدا عند كتابه عقد سواء بيع أو ايجار أو مشاركه أو اتفاق :-

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك سواء كنت بائع أو مشترى تمضى على كل ورقه بالعقد ومتستسهلش وتكسل .

٥ - فى فرق بين صحة التوقيع والتسجيل ومش كل العقود ينفع تتسجل فى الشهر العقارى .

٦ - مافيش حاجه اسمها تنازل على ظهر العقد ويبقى كده أشتريت الافضل كتابة عقد

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وهتدفعهم

٨ - صحة التوقيع مهمه وبتثبت تاريخ البيع وتوقيع البائع والمشترى وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس .

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى .

١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ .

١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه أقساط ..
بيتر نبيه سمعان المحامى
دبلومه فى صياغه العقود و مراجعتها
012 27106373

24/11/2025

الحكم علي الحدث المعتدي علي ايسل عمرو المعروفة إعلاميا بصغيرة العين السخنة بـــ١٥ سنة سجنا سحبها في البسين واعتدي عليها من الخلف فتوقف قلبها
ترجع الواقعه لسنه 2023

18/10/2025

« لو هتشترى شقة من ورثة لازم تاخد بالك من الآتي »
١ - الاطلاع والحصول على أصل إعلام الوراثة كى تتأكد من عدد الورثه واسمائهم .
٢ - توقيع جميع الورثه على عقد البيع والتنازل .
٣ - فى حالة وجود توكيل من أحد الورثه للغير يجب الحصول على صوره التوكيل والتأكد من صحة التوكيل وصلاحيته و هل التوكيل يبيح للوكيل عن الوريث اجراء التصرف من عدمه وشرط ذكر جملة (البيع والتنازل للنفس وللغير والتنازل عن العدادات) في التوكيل .
٤ - الافضل تحرير عقد بيع وتحرير توكيل رسمي عام من جميع الورثة لصالحك يبيح البيع للنفس او الغير .
٥ - فى حالة وجود عقد قسمة بين الورثه يجب التأكد من صحة هذا العقد وتوقيع بقية الورثة كضامنين متضامنين .
٦ - الكشف في المحكمة عن عدم وجود تنازع أو قضايا أو خلافات بين الورثة .
٧ - في حالة وجود قاصر ضمن الورثة فلازم يكون في قرار بالوصاية صادر من المحكمة .
٨ - مهم جدا التأكد من تسلسل الملكية والعقود كاملا وأن تكون العقود مسجلة أو قابلة للتسجيل .
٩ - التأكد من عدم وجود قرار تمكين من زوجة أحد الورثة اذا كانت متزوجة وحاضنة ومقيمة في العين بعد وفاة المالك الأصلي .
مكتبنا متخصص في كتابة العقود المدنية وتسجيلها ..

بيتر نبيه سمعان المحامى
دبلومه فى صياغه ومراجعه العقود المدنيه
٠١٢٢٧١٠٦٣٧٣