16/01/2016
Die eiendom is geleë in die sentrale gebied van die oorspronklike Ladismith naby die ou kerkgeboue en huidige munisipale kantore. Die gebou is aanvanklik in die tradisionele styl van dorpshuise van vroeë jare gebou met voor- en agterstoepe, groot vertrekke, dik mure en hoë plafon. Met verloop van tyd is beide stoepe toegebou en die huisarea vergroot na ongeveer 145 vk meter. Die gebou is in ‘n goeie toestand en onlangs geverf.
ONTWIKKELINGSGELEENTHEID: Die aantreklikheid van hierdie transaksie lê egter in die ontwikkelingsmoontlikhede van die perseel. Soos op die perseeluitleg aangedui, is die woonhuis en buitegeboue in die Noord-oostelike hoek van die erf geleë en los dit ‘n groot area oop vir die bou van woonsteleenhede of ‘n tweede huis. Die erf beslaan 1430 vk meter en is relatief plat wat amper geen grondwerke sou vereis nie. Die bou van addisionele wooneenhede kan gedoen word sonder enige verandering aan die bestaande konstuksies.
