Uthando ngumanqoba by Sabathile MaMtolo Cele

09/06/2026

Uthando ngumanqoba
Isiqephu 366.

Sekuyoshaya ihora lesi shiyagalolunye uKuhle no Ayabonga bahleli estulweni baphuza itiye kuyaxoxwa kuyahlekwa.

Kuhle:Kumele ngihambe manje,Yazi ziningi kanjani izinto ekumele ngiyozenza.

Ayabonga:Uyokwenzani?

Kuhle:Kufanele ngiyoxova ujeqe ngipheke nenyama yangaphakathi.

Ayabonga:Uzopheka ukudla okumnandi yazi.

Kuhle:Qeda phela sihambe sthandwa sam.

Ayabonga:Asihambe.

Kuhle: Angishongo phela ukuthi yeka itiye lakho.

Ayabonga :Sengiqedile.

Kuhle:Ok.

Ayabonga:Sengiyoqoqa sengibuya,esho esukuma.

uAyabonga athathe ukhiye wemoto baphume baye emotweni ziye.

Sekuyoshaya ihora leshumi,uMzonjani,uZodwa,uAzovela no Mlondi bahleli kusofa,uMlondi uzxoxela no Mzonjani,uAneh uhleli ekamelwen,kufone uSphah.

Aneh:Sthandwa Sami.

Sphah:Sengifikile lakini,Ngicela ungingenise.

Aneh:Uhamba nobani?

Sphah:Ngihamba ngedwa.

Aneh:Ok ngiyeza.

Avale ifoni uSphah,aphume uAneh ekamelweni aye esangweni afice kungekho muntu anyukele emgaqweni afice imoto ya Sphah ipakile eceleni komgwaqo.

Aneh:Sawbona.

Sphah:Yebo.

Aneh:Ungayinganisa imoto.

Sphah:Kuzoba nenkinga Yini mangiyishiya la?

Aneh:Cha.

Avale iwindi uSphah aqede aphume emotweni.

Aneh:Kodwa nesingayilungisa lento baba ka Oluhle.

Sphah:(ngokucasuka)Ikangakhi ngikuncenga ngithi asikhulume ungafuni ukukhuluma nami ulokhu ungiqhenyela?

Aneh:Ikaningi Kodwa be...amngene emlomeni.

Sphah:(ediniwe)Ngicela ungiyekeke mina ngescefe,wena wahlulwa yinto eyodwa ukuthi ungitshele mawungasangifuni kunalodoti obowulokhu uwenza.

Aneh:Ngiyakuthanda Sphah Ukuthi bengisaphatheke kabi ngalento yakho yokujola no Bianca.

Sphah:(ediniwe)Into yanini leyo Aneh,angithi Ngaxolisa sadlula lapho saba right?

Aneh:Kusho ukuthi bengingakaxoli kahle.

Sphah:(ediniwe)Wabona ukuthi qoma?

Athule uAneh.

Sphah:(ediniwe)Syangen kini noma Cha?

Aneh:Siyangena.

Sphah:(ediniwe)Manje pho umeleni?

Asuke uAneh ahambe,uSphah amlandele ngemumva baze bayongena endlini enkulu,ahlale kuusofa uSphah.

Sphah:Sanibona.

Bavume endlini.

Mzonjani:Sowuze Wafika mkhwenyana,asihambeni siye ngale kurawondi.

Sphah:Yebo.

Mzonjani:Anike nifonele uThabani Kanti usehlaleleni yena manje,esho esukuma.

Afone uAzovela.

Thabani:Mafungwase.

Azovela:Yebo bhuti,Uthi ubaba angikucele.

Thabani:Ok ngiyeza manje ,sengiphumile ekhaya.

Azovela:Ok.

Avale ifoni uAzovela.

Bangene kurawondi bahlale ebhentshini,uMzonjani ahlale esigqokini sakhe,uZodwa no Azovela no Aneh bahlale ecansini.

Mzonjani:Ungahlala phezu kodaba mkhwenyana singakubambezeli.

Sphah:Kulungile baba,nginenkinga no Maka Oluhle,ngolwesthathu ngangingena ebusuku kwathi ngabo 1 ngambona e online ku Whatsapp mangimfonela nge video call angayabambi,ngifone nge voice call aybambe,mangimbuza ukuthi why engaybambi ivideo call athi Ingoba ulele,ngimyeke Ngivale ifoni ngihambe nomunye Umngani wami ngigoduke ngiye endlini ngofice kungekho muntu,kuze kushaye u half past 4 ekuseni angene.

Zodwa:(emangele)Hawu.

Mzonjani:Wawukuphi Anelisiwe?

Kungene uThabani ahlale ebhentshini abingelele bavume.

uAneh uselokhu ebheke phansi.

Mzonjani:(ngokudinwa) Awuzwa Yini wena ukuthi ngikhuluma nawe?

Aneh: Ngiyezwa baba.

Mzonjani:(ediniwe)Pho awuphenduli ngani?

Aneh:Nangiye kumngani wami.

Mzonjani:(ediniwe) Ebusuku?

Athule uAneh.

Mzonjani:(ediniwe)Uma ngabe wawuye kumngani wakho awumtshelanga ngani pho umkhwenyana?

Athule uAneh.

Sphah:(ngokucasuka) Umngani wakho owubani lowawuye kuye ebusuku?

Athule uAneh.

Sphah:((ediniwe)Kuningi okwenziwa uAneh kimi,kahle hle akasangithathi njengendoda yakhe ashade nayo , iskhathi Sami akasenaso ngisho ukudla mangingekho ngikufica kwi microwave.

Zodwa:(emangele)Kodwa Aneh wake wezwaphi kuthiwa indoda iphakelwa ingakafiki?

Athule uAneh.

Sphah:Angisayiphathike eyokumthinta,njalo mangithi ngyamdlalisa uvele abe nolaka angitshele ukuthi ukhathele yena Kodwa futh ebusuku ucofa ifoni kuze kushaye o 11.

Mlondi:(ngokucasuka)Uqomile lo,mayengafuni ukuthintwa umkhwenyana wakhe Ufuna ukuthintwa Ubani,umfazi muni ohamba ubusuku aze abuye ekuseni?

Mzonjani:(ediniwe)Uma ungafuni ukuthintwa indoda oshade nayo Ufuna ukuthintwa ubani Anelisiwe?

Aneh:(ebheke phansi)Kwesinye iskhathi ngyavuma nje angithinte Kodwa kwesinye iskhathi ngisuke ngikhathele.

Sphah:(ediniwe)Izinyanga ezimbili ziphelile mina nawe singathintani nami besengikhathele ukuhlale ngikuncenga.

Zodwa:Hawu Kodwa Aneh lento oyenzayo wawiyitshelwa Ubani,isibindi nje sokutshela umyeni wakho ukuthi ukhathele mayekudlalisa usithathaphi?

Athule uAneh.

Sphah:uAneh kudala aqala ukusebenza sihlala ndawonye wayengakaze Abe naleztayela asenazo manje,nalokukhathala asehlezi ekhala ngakho Angazi ukuthi sekuqhamukaphi ngoba lomsebenzi awenzayo akuwona nomsebenzi ofukuzisayo, ukuhlala nje ucofe I computer.

Mlondi:(ediniwe)Uqomile lo akukho kukhathala asuke ekukhathele,uma ekhathele usuke ekhathazwe yishende.

UMzonjani akasazi nokuthi athini.

Zodwa:Siyaxolisa mkhwenyana sizokhuluma naye uAneh ayiyeke Yonke lento ayenzayo.

Sphah: Anginankinga mina mkhwekazi noma angaqhubeka nomuntu wakhe lo asemtholile,ngizozama nami ukuqhubeka nempilo yami noma kungeke kubelula Kodwa ngeke ngimphoqelele uAneh ukuthi ahlale Nami noma engasathandi.

Aneh:(ngezwi elgedlezelayo)Kodwa wena Sphah uwe odale Yonke lento Kodwa manje sowuzenza umuntu omsulwa.

Sphah:(ediniwe)Yimi othe qoma?

Aneh:(ekhala)Angithi uwena obowungasanginakile ngoba sowuqonywe ikhaladi.

Sphah:(ediniwe)Into yanini leyo Aneh?

Aneh:(ekhala)Noma ngabe into yanini Kodwa ayingiphathanga kahle leyonto Kodwa ngahlala ngabekezela Kodwa uma sekuyimi sowungibizela umndeni.

Sphah:(ediniwe)Mina ngifike ngedwa lakini angifikanga namndeni ngoba ngizama ukuvikela isthunzi sakho,futhi mina ngalesaskhathi angikaze ngithi mawungithinga ngithi ngikhathele futhi Ngaxolisa kuwe ngesenzo sami wathi uyangixolela.

Thabani:Kahle hle wena Aneh uyapheya ku sbali?

Aneh:(ebheke phansi)Cha bhuti angipheyi Kodwa uSphah Uyena owaqala.

Thaban:Waqala ukuqonywa nawe Wase ubona ukuthi qoma?

Athule uAneh.

Mlindi:(ediniwe)Awunangqondo wena Aneh,njengamuphi umama owake wambona eqoma ngoba nakhu indoda iqonyiwe?

Aneh:(ediniwe)Phela Musa ukuthi anginangqondo ngoba Wonke umuntu uyawenza amaphutha.

Thabani:(ngokucasuka)Alikho nje iphutha ngokuqoma komfazi,ungazosidakelwa wena.

Athule uAneh,uAzovela usethuli engathi akekho.

Mzonjani:Manje mkhwenyana sithini isinqumo osithathayo ngesenzo salo?

Sphah:Inhloko ayihlukane nesixhanti baba,ngeke ngisakwazi ukuqhubeka ngiphile nengane yakho eseyingikhombisile ukuthi ayisangifuni.

Kuthuleke endlini.

Aneh:(ekhala)Mina angikaze ngisho ukuthi angisakufuni, singawalungisa amaphutha siqale kabusha.

Sphah:Ngeke kusalunga Aneh angifuni nje ukukukhohlisa.

Aneh:(ekhala)Kodwa mina ngakuxolela saqhubeka nomshado wethu.

Sphah:Ukube wangixolelea ngenhliziyo emhlophe ngabe awuzange uqome Aneh.

Aneh:(ekhala)Manje izingane zami?

Sphah:Ngalobola mina lakwa Duma izingane ezasekhaya.

Aneh:(ekhala) Izingane zami kshuthi sezizohlala namakhaladi nje impilo Yazo Yonke?

Sphah: Kwimanje zikuphi ngoba vele zike Cape Town.

Aneh:(ekhala)Ungamane uthathe izinkomo zakho,ngizozilanda izingane zami.

Mzonjani:(ediniwe)Konke lokho okukhulumayo bekufanele ukucabange ngaphambi kokuthi usineke namanye amadoda.

Athule uAneh angasho lutho kwehla izinyembezi kuphela.

Sphah:Sengicela ukuvalelisa, Ngyabonga kakhulu ngeskhathi eninginike sona.

Mzonjani: Kulungile mkhwenyana, isinqumo osithathayo ngeke sikuphikise, siyaxolisa ngesenzo sa Aneh,lokhu akwenzayo angikwazi ukuthi ukufundephi.

Sphah: Kulungile Mthombeni ngyabonga kakhulu,esho esukuma.

Zodwa:Kodwa mkhwenyana awusaphuzi namanzi nje,sicela ulinde kancane izingane zikwenzele ijusi.

Sphah:Cha ngyabonga mkhwekazi ngyaphuthuma,Nisale kahle.

Zodwa: Kulungile uhambe kahle.

Aphume ahambe uSphah.

Mzonjani:(ediniwe)Wena Azovela awube usakhuza nje mawubona Ingane yakwenu yenza into ebhedayo.

Mlondi: uAzovela usuke ekuphi baba uma uAneh egila lemkhuba yakhe?

Mzonjani:(ediniwe) Udadewabo nje Kanti abaxoxi Yini,ngoba Kufanele ambonise ngaso sonke iskhathi mayephambuka.

Zodwa:Kodwa Mthombeni uAzovela akangeni ndawo kuyoyonke lento eyenziwe uAneh.

Mzonjani:(ediniwe)Uyangena,angithi mudala Uye ekufanele abonise izingane indlela.

UAzovela usedinwe amehlo agcwele izinyembezi.

Thabani:Cha baba ngathi usuyaphambuka,asingenzi sengathi uAneh asimazi ukuthi uwumuntu onjani,uAneh ngeskhathi usaqhubeka la eyegcine khona, ngeskhathi ekhulelwe uNdalo wamkhomba kubani,uma esezelwe uNdalo wakhonjwa kwabani?

Azovela:(ekhala)Vele nje laykhaya ngihlezi ngizothwala amacala ka Aneh,umah Waze wangena egodini ethi mina ngonenhliziyo embi engaxoli ngoba nakhu phela kwakufanele ngijabule uAneh ejola nendoda yami,Waze waqamba amanga lo wathi uNdalo Ingane yendoda yami ebe ekhuleliswe uLubanzi.

Zodwa:Ehlisa umoya ngane yami,ni...amngene emlomeni

Azovela:(ekhala)Vele uAneh Kade aqala Ukube yiqanda laykhaya,kona yena mese kugxekwa mina,Kodwa uSnakho waqonywa Uye lo Aneh bengenza isilima ngihleli nabo endlini eyodwa ngize ngikhale kuye lo Aneh ndini ngimxoxela ukuthi indoda iyajola enze sengathi uyangizwela Kanti Uthi lala lulaza,ngazama ukuyincenga inhliziyo ngaxola Kodwa namhlanje sengimubi ngento engingayazi futhi engingahlangene nayo,esho esukuma ephuma.

Mzonjani:Azovela.

Aphume uAzovela aye endlini enkulu athathe iskhwama sakhe aphume aye emotweni yakhe ayshaye izule ebheke eMlazi.

Zodwa:Kodwa Mthombeni awukhulumanga kahle ku Azovela ngoba phela abahlali ndawonye futhi uyazazi nezinye zizinto uAzovela asedlule kuzo emshadweni wakhe Kodwa akazange awushiye unshado wakhe,kwimanje uhlala nengane yomyeni wakhe ayizala entombazaneni sebevele beshadile Kodwa namanje usahleli nomyeni wakhe futhi awukaze umuzwe umkhwenyana ka Azovela ekubikela ngo Azovela ukuthi kukhona okubi akwenzayo.

Mzonjani:Oh Ngyakuzwa ,angithi usevele wahamba nje ngingasaxolisanga.

Zodwa:Uhanjiswe ukuphatheka kabi.

Athule uMzonjani.

Thabani:Ngisahamba,ngizonibona ngolwesthathu.

Zodwa:Sowuphinda eMlazi?

Thabani:Yebo

Zodwa:Ok,ukhonze ku MaSosibo.

Thabani:Ok mah ngizokhonza,Nisale kahle.

Zodwa:Uhambe kahle.

Aphume ahambe uThabani.

Mzonjani:(ediniwe)Wena Ngicela ungihambele la,angikufuni la emzini wami,hamba uyolungisa umshado wakho.

Asukume uAneh.

Mzonjani:(ediniwe)Unempene kabi wena angikwazi wafuza bani ngoba umah wakho wayengayena unondindwa.

Athule uAneh aphume, asukume uMlondi aye endlini yakhe afice uNosihle elele ezumekile.

Sekuyoshaya ihora lesibili emini, uAzovela uyafika emzini wakhe eMlazi.

Azovela(ekhuluma yedwa)Yini lenukayo,esho eyongena endlini.

Angene endlini ezwe iphunga liqina kushunqa nentuthu iphuma ekhishini,aye ekhishini eshesha afice intuthu ivimbanisile aphume aye esgubhini sagesi afike awise ama switch.

Azovela:(ememez)Baba Ka Sbonga.

Kuthuleke endlini.

Aqonde ekamelweni afike kungekhomuntu.

Azovela:(ememeza)Haybo kuyiqephi Kanti laykhaya,esho ephinda ekhishini avule iwindi,nomyango wasekhishini ekhwehlela ehilwa intuthu.

Kuqhamuke uKuhle esendiza.

Kuhle:(ethukile)Hawe mah eish,esho eqonda estofini esicima aqede asuke eshesha esekhwehlela.

Azovela: Kwenzekeni Kuhle?

Kuhle:(ngezwi elgedlezelayo)Kade ngiphekile ujeqe nenyama yangaphakathi ngazumeka,esho ekhwehlela.

Azovela:(ekhwehlela)Asphume layndlini ngeke sizofa phela.

Baphume uKuhle esekhala.

Azovela:Kwenzekeni?

Kuhle:(ekhala) Ngyaxolisa sisi ,ngizumekile.

Azovela:Kodwa Kuhle ulala kanjani uphekile?

Kuhle:(ekhala)Bengithi ngiyacambalala Kanti Ngizovele ngizumeke.

Azovela:Uyobana Kodwa ucishe Usha nendlu?

Kuhle:(ekhala)Ngyaxolisa sisi.

Azovela:Ay ,Yazi kucishe kwenzeka inhlekelele phela, Yabonake lento yakho yokulibala o TikTok ebusuku ungalali buka nje manje kucishe kwenzakalani.

Athule uKuhle angasho lutho.

Azovela:Obaba ka Sbonga bayephi?

Kuhle:(ngezwi elgedlezelayo)Angazi ukuthi bayephi.

Ayothatha ifoni uAzovela afonele uSnakho.

Snakho:Ya babe.

Azovela:Unjani?

Snakho: Ngyaphila sthandwa Sami wena unjani?

Azovela: Ngyaphila,nikuphi?

Snakho:Sike Pavilion , sowubuyile yini wabuza ukuthi sikuphi?

Azovela:Yebo sengibuyile,ngifika manje.

Snakho:Oh ok, sisazulile nabafana.

Azovela: Alright.

Snakho: Ngizokubona sesbuyileke.

Azovela:Nisphathele nathi izidlo ningaztiki nodwa.

Snakho:Ok,esho ehleka.

Avale ifoni uAzovela.

Azovela:Ubaba ka Sbonga angfuni ayibone yonke lento eyenzeke layndlini.

Kuhle:(ngezwi elgedlezelayo)Ngizowasasha amabhodwe.

Azovela:Mawubheka asazowasheka nje abuyele esinweni?

Kuhle:(ngezwi elgedlezelayo)Ngizozama sisi ukuwawasha.

Azovela:Sizobona.

Kukhale ifoni ya Azovela kufona uMzonjani.

Azovela:Yebo baba.

Mzonjani:Usufikile eThekwini?

Azovela:Yebo sengifikile.

Mzonjani:Uhambe kahle Kodwa mntanami?

Azovela:Yebo ngihambe kahle.

Mzonjani: Kuhleke,Uyaphila umkhwenyana nabazukulu?

Azovela:Yebo.

Mzonjani: Kungconoke,Uyaphila nodadewenu?

Azovela:Yebo Uyaphila.

Mzonjani:Ok,uzobakhona ngempelasonto ezayo emapikini engane ka Kwanda?

Azovela:Angazi ngizobona u petrol ukuthi uyahlangana yini ngoba ngizobe ngingakaholi.

Mzonjani:Ok,kshuthi uma ungafikanga sesiyokubona ngomemulo ka Kuhle.

Azovela:Yebo.

Mzonjani:Kulungile mntanami niphile.

Azovela:Yebo.

Avale ifoni uMzonjana.

Azovela:Uyazincengela.

Kuhle: Sisi?

Azovela:Angisho lutho.

Athule uKuhle angasho lutho.

Azovela:Kshuthi sesizovele apheke I rice ne chicken into ezoshesha.

Kuhle:Ok.

Azovela: Mhlampe seyingcono manje intuthu asiyobona ukuthi kuyalungiseka Yini.

Bangene endlini.

Azovela:Layndlini akukaze nje kushanelwe lokhu kusile ,le ntro ekusofa beyinbethwe ebusuku kwashiywa kanjalo.

Athule uKuhle.

Azovela:Nalo odle u pop corn washiya kanje ,esho ethatha isintsha esino pop corn phezu kwe coffee table ayofaka ku sink onezitsha ezingcolile.

Kuhle:Lamabhodwe ngathi ngeke asalunga ,zishile izitsha zajeqe.

Azovela:Ey Yazi kungcono ukube uvele wawupheka ku oven Ukube bowazi.

Athule uKuhle.

Azovela:Hhay ngeke njeisalunga leli izitsha zishe zanamathela kanje ,kwajeqe ngeke usasho kwakuthi bekuwujeqe lo.

Avule ekade liinenyama.

Azovela:Nc aybandla.

Athule uKuhle.

Sekuyoshaya ihora lesihlanu ntambama,uSphah uhleli kusofa amehlo asebomvu elokhu echiphiza ethatha ebeka ngenhliziyo,kufone uAneh

Sphah:Yebo.

Aneh:(ekhala)Ngicela ukufika lapho sikhulume.

Sphah:Ok.

Avale ifoni uAneh,emva kwemizuzu emihlanu angene.

Aneh:(ekhala)Ngyazi myeni wami ukuthi ngikuphoxile kakhulu Kodwa Ngiyakucela ungixoxele,esho eguqe phambi kwakhe

Sphah:Usumbathe kangakhi naye?

Aneh:(ekhala)Ngicela sidlule kulokho bandla Sphah siqale kabusha.

Sphah:Kshuthi Ikaningi?

Anikine ikhanda uAneh.

Sphah:Kodwa Aneh uyabazi ubuhlungu ongizwisa bona ,esho izinyembezi zigcwala amehlo.

Aneh:(ekhala)Ngiyazi sthandwa Sami Kodwa Ngicela ungixoxele.

Sphah:(ebibitheka)Ngeke kusalunga Aneh ngyaxolisa.

Aneh:(ekhala)Ngiyakucela Sphah.

Aninike ikhanda uSphah kwehla izinyembezi.

Aneh:(ekhala)Manje kuzokwenzakalani ngendlu?

Sphah(Ngezwi elgedlezelayo)Indlu eyezingane ,wena Ungahlala okweskhashana Ube usafuna indawo yokuhlala.

Aneh:(ekhala)Kodwa sthandwa sami isangalunga lento.

Sphah:(ngezwi elgedlezelayo)Ngeke isalunga sthandwa sami,esho esula izinyembezi.

Sekuyoshaya ihora lesi shiyagalombili ebusuku uOwami no Afezekile bake kamelweni la Owami bacofa amafoni abo,uOwami uzxoxela no Kwanda ku Whatsapp.

Afezekile:USbani owakuboka Kwanda?

Owami:Yebo.

Afezekile:Ok.

Owami: Ngeskhathi ngixoxa no Kwanda ngikubonile nihambanaye ,Kade ethini Yaz bengithi ngizokbuza

Afezekile:Kade engibuza igama lami Wase wathi ucela ngimnike inamba yami,Nangu esengi Whatsapp.

Owami:Umnikeleni wena inamba yakho?

Afezekile:Uthe Ufuna sibe abangani.

Owami:Unamanga Ufuna ukukushela ngicela umblocke.

Afezekile:Ok ngizomblocka.

Owami:uSbani ngimbonile nje indlela ekade ekubuka ngayo.

Athule uAfezekile.

Owami:Mina angifuni ukuthi iphutha engilenzile nawe ulenze, kwimanje ngihleli angifundi m ontanga bami bayafunda no Kwanda uyafunda mina ngahlala ngoba ngikhulelwe kwaleyongane ayiphilanga,lonyaka nje Kimi ufana nonyaka ofile.

Afezekile: Ngyakuzwa.

Sekuyoshaya ihora lesi shiyagalolunye, uSnakho no Azovela balele bayazxoxela.

Azovela o:Anisamtsheli ngani Kodwa uKuhle manihamba baba ka Sbonga?

Snakho:Ubekuphi uKuhle ngoba size sahamba engekho layndlini.

Azovela:Ubekuphi?

Snakho:Sowungezwa ngayeke ukuthi ubekuphi ngoba akalalanga layndlini ,size sahamba layndlini ngabo 10 eksen engekho.

Azovela:Angizwanga?

Snakho:Ungizwile.

Avuke uAzovela agqoke I gown aqede aphume ekamelweni aye kongqongqoza ekamelweni la Kuhle.

Kuhle:Yebo.

Azovela: Ngicela uvule.

Kuhle:Akukhiyiwe sisi.

Angene uAzovela akhanyise ugesi aqede akhiye awufake ekhukhwin le gown.

Azovela:(ediniwe)Ubukuphi izolo ebusuku?

Ashaywe uvalo uKuhle.

Kuhle:Be..be ...Kade ngilayndlini sisi ngisheshe ngalala.

Azovela:(ediniwe)Ngibuza Okokugcina Kuhle,Ubukuphi izolo ebusuku?

Athule uKuhle.

Azovela:(ediniwe)Uze ucishe umuzi wakwa Khanyile nje kanti bowunobuthongo bokungalali ngoba bowuyojola.

Athule uKuhle.

Azovela:(ediniwe)Kanti Nina why ningiphule umoya kanje ,omunye wahlala la wajika wabona indoda kumyeni wami ,wena manje sowucisje washisa umuzi ,kwimanje ekhishini kusanuka ukusha okuhlula ngisho I lovender ngenxa yakho Kodwa ngakuvikela ku Snakho ngathi Yimi oshise ukudla ngoba ubelizwa iphunga kungasekho nokuphika.

Athule uKuhle eselokhu echiphiza.

Azovela:(ediniwe)Uyazazi Kuhle ukuthi Ufunani ngempilo yakho?

Kuhle:(ekhala)Ngiyazi sisi

Azovela:(ediniwe)Ubona ukuthi uzokwenzelani umfana wakwa Mhlongo?

Athule uKuhle angasho lutho.

Azovela:(ediniwe)Usukwazi ukulala ubusuku bonke kamfana kuze kuphume ilanga ungabuyile Kuhle.

Athule uKuhle.

Azovela:(ediniwe)Yazi Nina nino Aneh nizomisela ubaba ngenhliziyo ,kusele amaviki amabili wena wenzelwe umemulo Kodwa wena uyehla uyenyuka nje nalomfana wakwa Mhlongo awazi nanyaka.

Athule uKuhle angasho lutho.

Azovela:(ediniwe)Bowuyokwenzani kamfana Kuhle?

Athule uKuhle

Azovela:(ediniwe)Mawubona ubaba ka Sbonga uzibonela upopayi nje wen.

Kuhle:(ngezwi elgedlezelayo)Cha sisi.

Azovela:Pho isibindi sokphuma uhambe ekhona layndlini ubusuku bonke kuze kuse uphume ilanga usithathaphi?

Athule uKuhle.

Azovela:(ediniwe)Yabona wena namhlanje mangingaku shayanga kuyobe ngiyakududa,esho eqonda ku wardrobe.

Athi uvula umnyango uKuhle afice kukhiyiwe.

Kuhle:(ekhala) Ngyaxolisa sisi ngeke ngiphinde.

Akhiphe I coat hanger eliyi plastic uAzovela.

Kuhle:(ekhala) Kodwa sisi asenzanga lutho,ngisayintombi mina noma ungangihlola manje.

Azovela:(ediniwe)Noma ngabe nenzile anginamsebenzi noma ngabe ukhulelwe angingeni ndawo mina uzobe ungazaleli mina,into engikushayela yona ilodoti owenze ekhishini,esho emvathela.

Kuhle:(ekhala)Ashu sisi libuhlungu I coat hanger.

Azovela:(ediniwe)Ungijwayela kabi wena,ngichitha imali yami ngilungiselela umcimbi wakho ukuthi ubemuhle Kodwa wena iyona ndlela obonga ngayo le,esho embhaxa.

Kuhle:(ekhala)Kodwa sisi mina angenzanga lutho no Ayabonga.

Azovela:(ediniwe)Angiyona Ingane mina ,Ufike wahlala nje wabuka I TV kwaze kwasa?

Kuhle:(ekhala)Ngyaxolisa sisi ngeke ngisaphinde ngiye.

Ambhaxabule uAzovela aze akhathale.

Azovela:(ediniwe)Uphapha kabi wena ,Angazi ukuthi ubani okutshele ukuthi Usayintombi enkulu,esho enxapha ephuma.

Asale ezthulisa uKuhle.

This website uses cookies to give you the best online experience. By using our website you agree to our use of cookies. I accept

08/06/2026

Uthando ngumanqoba
Isiqephu 365.

Sekuyoshaya ihora lei shiyagalombili ebusuku,uAzovela ulele ekamelweni lakhe,kungene uSnakho.

Snakho:Babe.

Azovela:Mmh.

Snakho:U right?

Azovela:Yebo ngi right.

Snakho:Awuyibuki Yini I TV namhlanje?

Azovela:Ngikhathele ngisadinga ukuphumula.

Snakho:Yinike ekuphethe kabi?

Azovela:Yazi ubaba ukuguga kudlala ngaye,ungithethisela into eyenziwe uAneh ebengingayazi nokuyazi.

Snakho:Wenzeni uAneh?

Azovela:Anginaso isiqiniseko ukuthi wenzeni kodwa kusasa Kuzofanele kengiye ekhaya ngoba ubaba uthe usbali Uzofika ekhaya kuzokhulunywa.

Snakho:Umkhwenyana wakhe uAneh ozofika?

Azovela :Yebo.

Snakho:Uzofika ksasa?

Azovela:Cha Uzofika ngesabatha.

Snakho:Ok.

Azovela:Bengicabanga ukuthi ngiphume emsebenzini ngigoduke.

Snakho:Ok.

Azovela:Ngicela ungigcwalisele ngo R500 ngifuna ukufaka u petrol.

Snakho:Ok

Sekuyoshaya ihora lesi shiyagalolunye,uAneh uhleli kusofa usezumekile,uSphah ulele uzumekile ekamelweni,kukhale ifoni ya Aneh kufona uAzovela.

Aneh:Hello.

Azovela:Unjani?

Aneh:Ngyaphila wena unjani?

Azovela:Uzoya nini ekhaya?

Aneh:Kusasa.

Azovela:Ok,esho evala ifoni yakhe.

Afone uAneh.

Azovela:Yebo.

Aneh:Bowubuzelani?

Azovela:Ukwazi.

Aneh:Oh ok,ubaba Utheni ?

Azovela: Ngani?

Aneh:Oh Hhay yeka.

Azthulele uAzovela,avale ifoni uAneh aqede asukume acime.iTV nogesi aye ekamelweni la Okuhle angene akhiye iscabha aqede alale.

Kusekuseni,sekuyoshaya ihora lesikhombisa,uKuhle ulele uzumekile, kungqongqoze uAzovela aphaphame.

Azovela:Kuhle.

Kuhle:Yebo sisi Ngena.

Azovela:Kukhiyiwe.

Kuhle:Oh ok.

Avuke uKuhle avule.

Azovela: Unjani?

Kuhle: Ngyaphila sisi wena unjani?

Azovela: Ngyaphila,ngizophuma emsebenzini ngigoduke ngeke ngidlule la,ngizobuya kusasa noma nge Sonto.

Kuhle:Ok sisi.

Azovela:Ngicela ungiwashele kusasa.

Kuhle:Ok sisi ngizowasha.

Azovela:Ok,usale kahle.

Kuhle:Ngiphekeni namhlanje?

Azovela:Noma yini othanda ukuyipheka Kodwa kusasa ngicela wenzeni ujeqe ubaba ka Sbonga Bengithembise ukuthi ngizomphekela ujeqe nenyama yangaphakathi emnyama nethumbu.

Kuhle:Ok sisi.

Azovela: Nisale kahleke.

Kuhle:Uhambe kahle sisi,ungikhonzele ku bhuti no sisi.

Azovela:Ok.

Aphume ahambe uAzovela.

Sekuyoshaya ihora lesihlanu ntambama,uAneh ukendleleni egodukayo,kufone uSphah.

Aneh:Sthandwa Sami.

Sphah:Ukuphi Maka Okuhle?

Aneh:Ngikendleleni eya ekhaya.

Sphah:Kini oFafa?

Aneh:Yebo.

Sphah:Oh ubone singekho isidingo sokuthi ungazise ukuthi uzoya kini namhlanje?

Aneh:Angithi nje awungikhulumisi.

Sphah:Angikukhulumisi kusukela nin?

Aneh:Njengoba uhlezi nje uthulile mina ngisuke ngizothini?

Sphah:Bhabhayi,esho evala ifoni yakhe.

Sekugamenxe ihora lesikhombisa,uKuhle no Ayabonga bake motweni ,kuyaxoxwa kuyahlekwa.

Ayabonga:Ngingakuqhathi nosisi wakho babe,Yazi sekushaye no half past seven manje.

Kuhle:Akekho usisi ukekhaya.

Ayabonga:Uye emakhaya?

Kuhle:Yebo.

Ayabonga:Uzobuya nini?

Kuhle:Uthe uzobuya kusasa noma ngale kwakusasa.

Ayabonga:Uhambe yedwa?

Kuhle:Yebo.

Ayabonga:Useless no sbali wakho nezingane za sisi wakho?

Kuhle:Yebo.

Ayabonga:Asizule phela.

Kuhle:Sizule siyephi?

Ayabonga:E Westville mina ngingedwa ubaba Uhambile naye ukemakhaya.

Kuhle:Hha ngaleskhathi.

Ayabonga:Sizosheshe sibuye,Ngiyakucela sthandwa Sami.

Kuhle:Masisuka la manje sizofika ngaskhathisini kini?

Ayabonga:Ngo half past 8.

Kuhle:Mese ungibuyisa ngaskhathisini ?

Ayabonga:Ngo 10.

Kuhle:Ok.

Ayabonga:Uyavuma?

Kuhle:Yebo.

Ayabonga:Ok babe asihambe.

Ayshaye izule uAyabonga ebheke e Westville.

Sekuyoshaya ihora lesi shiyagalombili ebusuku,uMbali,uOwami nezingane bahleli kusofa babukele iTV.

Mbali:Naba oAfezeka.

Langelihle:Usefikile umkhulu gogo?

Mbali:Nayi imoto.

Basukume oLangelihle baphume.

Owami:Wena gogo uhlezi nje uyibona kuqala imoto ya mkhulu.

Mbali:Ngsuke ngibona ama light.

Owami:Ok.

Asuke uZibusiso ku Mbali ehlike kusofa.

Mbali:Nawe Zibusiso uyohlangabeza.

Zibusiso:Utulu dodo,esho ekhomba emnyango.

Mbali:Ehhe hamba uyomhlangabeza umkhulu.

Owami:Ayke nalaba bavele basivala ngci iscabha,esho esukuma evula.

Aphume uZibusiso.

Owami:Haybo Waze wakhula bo u Uyanda.

Mbali:Umyeni wami bakithi,esho esukuma uMbali emoyizela eya emnyango.

Kukhale ifoni ya Owami kusofa.

Owami:Sthandwa sam,esho esuka ekhuphuka eya ekamelweni lakhe.

Kwanda:Ya mama,u right?

Owami:Ngi right ,wena unjani?

Kwanda:Ngi right ,sengifikile.

Owami:Imanxa ufika?

Kwanda:Yebo.

Owami:Bowuhamba no baba wakho Yini?

Kwanda:Yebo.

Owami:Ok.

Kwanda:Ngizofika kusasa ngizokubona.

Owami:Ok.

Kwanda:Ngizobuya ngikufonele babe ,Ngyakthanda yezwa.

Owami:Nami ngyakuthanda.

Avale ifoni uKwanda.

Sekuyoshaya ihora leshumi ebusuku,uMlondi no Nosihle balele endlini yabo bayaxoxa.

Mlondi:UAneh kahle hle Yini le ayenzile njengoba kuthiwa kuzofika usbali laykhaya kuzokhulunywa?

Nosihle:Mina ungitshele ukuthi Kade bexabene no baba ka Oluhle eqonywe yi khaladi nayeke Wase ezitholela omunye umuntu Wase eyambambake ubaba ka Oluhle.

Mlondi:Ubundindwake lobo,akaqalanga ngani ngokwala usbali uma engasamfuni mese ayaqhubekake nokuqoma lokhu kwakhe engingazi ukuthi uqomela into ebhekephi ebe eshadile.

Nosihle:Hhay nami angazike.

Mlondi:Ukuthi uAneh unesmilo esixegayo nje angimazi wayevumelani ukushada uma esazoqala phansi aqome.

Nosihle:Uthe ubengasamnakile ubaba ka Oluhle.

Mlondi:Manje pho akamalanga ngani?

Nosihle:Angazike Nami baba ka Fiso.

Mlondi:Akanasmilo nje uAneh.

Athule uNosihle angasho lutho.

Mlondi:Nx Yazi umuntu avele enze ubulima nje emdala.

Athule uNosihle angasho lutho.

Mlondi:Lo Kade vele aqala ukugila imkhuba.

Nosihle:Hawu baba ka Fiso kahle bo,uzoyizwa kahle kusasa indaba ephelele sebezikhulumela bobabili.

UAzovela no Aneh balele ekamelweni kuthuleke kuthulekile ,uAzovela uzibukele ama video ku TikTok.

Kuyoshaya ihora lesihlanu ekuseni, uAyabonga uphaphama ebuthongweni,uKuhle ulele uzumekile,ahambe uAyabonga aye kochama aqede abuyele ekamelweni aqhubeke nokulala.

04/06/2026

Uthando ngumanqoba
Isiqephu 364

Sekuyogamanxa ihora lesine ekuseni,uSphah ulele ubheke phezulu,kungene uAneh ekamelweni aqede akhanyise athi nhla embhedeni abone uSphah,azthulele uSphah angambuki nokumbuka.

Aneh:(ethukile)Hawu sthandwa Sami,u...ufike nini?

Sphah:Yebo.

Athule uAneh eselokhu emile ngase mnyango ehambe iscabha.

Kuthuleke iskhashana.

Sphah:Kuyamiwa kanjalo phambi komnyango?

Aneh:Cha.

Sphah:Pho umeleni?

Athule uAneh, uSphah afonele uAzovela.

Azovela:(ethukile)Yebo sbali.

Sphah:Uyaphila?

Azovela: Ngyaphila sbali wena unjani?

Sphah:Ngyaphila phela ngoba ngisaphefumula, udadeweni akalalanga layndlini.

Azovela:(emangele)Kwenzekeni sbali,nixabanile wahamba?

Sphah:Mhlampe usungezwa ngayeke ukuthi uphumaphi ngoba mina Kade ngisebenza ebusuku,ngifike ngabo 1 layndlini engekho.

Azovela:(emangele)Hawu,Uthi uphumaphi mawumbuza?

Sphah:Angimbuzanga,bengikwazisa nje nawe ukuthi nangu Imanxa efika uphethe iskhwama esincane uswenkile,umbhede ngiwufice wendlaliwe okukhomba ukuthi akazange aze aqale ukulala layndlini.

Azovela:(emangele)Ey ngyakuzwa sbali.

Sphah:Udadewenu sekuneskhathi impela ngilokhu ngizincengela kuye ngimbuza ukuthi ngimenzeni Kodwa angaphumi nempendulo ecacile,manje sekungicacele ukuthi kshuthi ukuthi kukhona lo ongcono kunami asemtholile.

Azovela:(emangele)Kodwa bakithi uAneh angayenza kanje into efana nale.

Sphah:Kulungile sbali qhubeka ulale,Ngyaxolisa ukukuvusa ngaleskhathi ukuthi nje ngenziwa ubuhlungu benhliziyo izinto ezenziwa udadeweni layndlini bezingikhombisa ngokusobala ukuthi sekukhona osevale iskhala Sami kuye ngoba unengasafuni ngisho ngithi ngyamthinta,kwaskhathi nje Sami akasenaso.

Azovela:(emangele)Ngiyezwa sbali ,Ngyaxolisa kakhulu ngalokhu engikuzwayo.

Sphah:Kulungile sbali.

Avale ifoni uSphah aqede athule angasho lutho,uAneh ulokhu emile ngase mnyango,kukhale ifoni ya Aneh kufona uAzovela.

Aneh:Hello.

Azovela:(ngomoya ophansi)Kodwa Aneh Yini loyenzayo?

Athule uAneh.

Azovela:(ngomoya ophansi)Uphumaphi ngaleskhathi?

Athule uAneh.

Avale ifoni uAzovela.

USphah ulokhu ethulile elele ebheke phezulu,kuze kushaye u 5 afikelwe ubuthongo,uAneh anyonyobe athathe izingubo zakhe zomsebenzi aqede aphume aye kogeza asheshise ahambe aye emsebenzini,afike ahlale emotweni e parking afonele Umngani wakhe.

Londi:Mngani.

Aneh:Laze langilahla elakithi mngani,ubona nje sengikemsebenzini angiphethe ngisho iskhaftini,angidlanga ngisho I future life ngendlela ekungishubele ngayo.

Londi:Haybo mngani ,Waze wavuka bo sowuke msebenzini njalo,Yini kwenzenjani?

Aneh:USphah Ufike ngingekho ebusuku.

Londi:(emangele)Unamanga mngani.

Aneh:Ngyakutshela oe ,Yazi Angazi nokuthi imaphi amanga engizowaqamba kuye ngoba phela uthini ufike ngabo 1 nakhona ngizwe ngoba ekhuluma no sisi wam efonini,mina akangibuzanga nakuthi ngiphumaphi.

Londi:(emangele)Hawe mah mngani,kwaze kwashuba bo,unjani nje ukudinwa mawumbuka?

Aneh:Uke wangibheka Yini ngoba ubelele ebheke phezulu.

Londi:Hawe mAh Yazi lwavele lwashaya mina uvalo.

Aneh:Njengoba ethulile nje angimazi ukuthi ucabangani.

Londi:Ey inkinga uleyoke ,ngabe mhlampe kungcono ukube uyakhombisa ukuthi udinwe noma unjani.

Aneh:Uphatheke kabi,ngizwe indlela ekade ekhuluma ngayo no sisi wam.

Londi:Hawe mAh ,Kodwa oe uma ediniwe ubanjani nje ,akasisebenzisi isibhamu manixabana?

Aneh:Hhay akaze angikhiphele isbhamu uSphah uma sixabana.

Londi:Ukuthi ngizwa nginovalo nje njengoba ethulile,Yazi ungcono umuntu okhulumayo athathe makufanele athethe.

Aneh:Ey mfethu Yazi ngibasathe ngyacabanga ukuthi ngizothi bengiphumaphi angazi ngizothini ngoba bekuzobalula Ukube bekusemini.

Londi:Ey kunzima ngempelake kwamina Angazi ngithini.

Aneh:Laphoke umuntu ekade nginaye uzipholele Yimi manje osenkingeni.

Londi:Uke wamtshela Kodwa ukenkingeni?

Aneh:Ngizomtshela uma esefikile emsebenzini.

Londi:Eish Ncese mngani,ngizokubona mangifika lapho.

Aneh:Kulungile oe.

Avale ifoni uAneh.

Sekuyoshaya ihora lesikhombisa,uMlondi ukendlini enkulu,uLuh ulungiselela ukuya eskoleni.

Mlondi:Hamba manje Luh sekuwu 10 to 7 uzoba late eskoleni.

Luh:Umah usalele?

Mlondi:Ulele umah wakho,hamba ngizomtshela ukuthi sowuhambile.

Athule uLuh ame.

Mlondi:Ngikuphakele elinye iphalishi?

Luh:Sengisuthi.

Mlondi:Ufuna ngikukhaphe?

Anikine ikhanda uLuh.

Mlondi:Hamba phela mntanami zizokushiya ezinye izingane.

Luh:Ngicela imali.

Mlondi:Eish oh,I make Ngyabuya.

Luh:Yebo

Aphume uMlondi aye endlini yakhe athathe iskhwama sa Nosihle akhiphe iskhwama semali afice uR5 no R2 ababili neshumi elilodwa,athathe uR2 neshumi aqede aphume ayonika uLuh.

Luh:(emoyizela)Ngyabonga ,Bhabhayi baba.

Mlondi:Bhabhayi.

Aphume ahambe uLuh, uMlondi abuyele endlini yakhe ahlale embhedeni,kukhale ifoni yaNosihle kufona uAzovela aphendule uMlondi.

Mlondi:Maka Sbonga.

Azovela:Unjani bhuti?

Mlondi: Ngyaphila sisi,lomuntu omfunayo usalele ubanjwe umkhuhlane kabi manje nginqena ukumphazamisa ngoba ebusuku akalalanga kahle.

Azovela:Hawu namanje usaphethwe umkhuhlane umaCebekhulu?

Mlondi:Futhi ngathi uqale phansi.

Azovela:Kwakubike bandla Ukuzwa lokho,Ayngeke kuzofaneke aye kudokotela,Ngicela umvuse ngizomfakela manje imali.

Mlondi:Syabonga kakhulu mntaka baba.

Azovela:Kulungile mfethu.

Avale ifoni uAzovela.

Mlondi:MaCebekhulu,esho emnyakazisa.

Nosihle:Yebo.

Mlondi:Nangu uAzovela ethi uzokufakela imali yokuya kudokotela.

Nosihle:Kodwa bakithi usisi Waze wangisiza,esho evuka ehlala ngezinqa.

Mlondi:I make ngibe ngiyokubekela amanzi okugeza.

Nosihle:Ok,usehambile uLuh?

Mlondi:Yebo usehambile,ngithathe uR3 eskhwameni sakho ngamnika.

Nosihle:Ok.

Ingene imeseji ya Nosihle.

Mlondi:Nayi ifoni.

Athathe uNosihle abheke imeseji.

Nosihle:Usisi ungifakele u R500,Waze wangisiza nkosi Yami.

Mlondi:Ey Syabonga,kuzodleka Kodwa iphalishi?

Nosihle:Ayngeke inhliziyo Yami imnyama nje .

Mlondi:Ngizkuphakela kancane.

Nosihle:Sowuvuke wapheka iphalishi?

Mlondi:Yea bengenzela ukuthi Luh ahambe edlile.

Nosihle:Ok,Ngicela ungiphakele kancane.

Mlondi:Ok.

Ahambe uMlondi aye endlini enkulu afike afake amanzi eketeleni aqede aphake iphalishi ahambisele uNosihle.

Nosihle:Lashisa kangaka , Kanti bowulipheke nini?

Mlondi:Angisicimanga isitofu.

Nosihle:Oh ok, ngyabonga.

Mlondi:Ok.

Sekuyoshaya ihora lokuqala emini,uMzonjani ucambalele ekamelweni lakhe,kufone uSphah.

Mzonjani:Halo.

Sphah:Ninjani Mthombeni?

Mzonjani:Syaphila,singezwa kuwe.

Sphah:Ngyaphila baba,Ngicela ukunibona kulempelasonto kuzinto engingaziqondi kahle ezenziwa Indodakazi yakho.

Mzonjani:Uwubani wena,ngikhuluma nobani?

Sphah:Ukhuluma no baba ka Oluhle.

Mzonjani:Umfana ka Khanyile ukhwenyana ka Azovela.

Sphah:Cha baba umkhwenyana ka Aneh.

Mzonjani:Ohho phela ziningi nalezingane ngyazikhohlwa mina amagama azo,manje ngiyadideka mina ukuthi ubani uOlwethu.

Sphah:UOkuhle baba.

Mzonjani:Khona lokhoke,Uthi kwenzenjani Ubani owenzeni?

Sphah:UAneh izolo ebusuku akalalanga layndlini.

Mzonjani:Ulalephi?

Sphah:Angimazi ,ngifike layndlini ngabo 1 ebusuku engekho Waze wabuya ngabo 4 ekuseni.

Mzonjani:Wena mkhwenyana bowuphumaphi ngabo 1?

Sphah:Kade ngikemsebenzini bengingena ebusuku Ngyabuya ngoba bekukhona into ebengingayiqondi kahle ngaye ngase ngyabuyake ngafika engekho.

Mzonjani:Bowuvele kukhona okusolayo?

Sphah:Yebo.

Mzonjani:Mawumbuza Uthi ubekuphi?

Sphah:Angimbuzanga.

Mzonjani:Ohh Ngyakuzwa, Kulungile siyobona ngaweke mkhwenyana.

Sphah:Yebo.

Avale ifoni uSphah,uMzonjani afonele uAneh.

Aneh:Baba Ngike msebenzini ngizokufonela ngo 2.

Mzonjani:(ediniwe) Umthetho wakho bowuphumaphi ngo 4 ekuseni?

Athule uAneh

Mzonjani:(ediniwe)Awuzwa Yini wena ukuthi ngikhuluma nawe?

Aneh:Ngiyezwa baba Ngizobuye ngikufonele ngikemsebenzini.

Mzonjan:(ediniwe) Ukemsebenzini wokunuka Yini,bowuphumaphi?

Aneh:Kade ngikwelinye ikamelo baba kshuthi uSphah akangibonanga.

Mzonjani:(ediniwe)Okusho ukuthi umkhwenyana Uyahlanya?

Aneh:Cha baba.

Mzonjani:(ediniwe)Uqomile Yini wena ngane?

Aneh:Cha baba.

Mzonjani:(ediniwe)Oh uyathakatha ebusuku?

Aneh:Hawu bbaba, Cha angithakathi.

Mzonjani:(ediniwe)Pho Yini Ube nezindlela ozohamba ebusuku angazazi umkhwenyana?

Avale ifoni uAneh, uMzonjani afonele uAzovela.

Azovela:Yebo baba.

Mzonjani:(ediniwe)Umthetho wenu Yini le eniyenza emadolobheni?

Azovela:Senzeni baba?

Mzonjani:(ediniwe)Awumkhuzi ngani uAneh mayenza izinto ezibhedayo, umkhwenyana Kade engifonele ethi akalalanga endlini.

Azovela:Angazi lutho mina baba ngo Aneh,Nami ngifonelwe Uye usbali engitshela ukuthi u...amngene emlomeni.

Mzonjani:(ediniwe)Nina niyabheda ngoba anikhuzani omunye mayenza izinto ezibhedayo,wena umdala Kufanele izingane uyazikhuza mazenza izinto ezibhedayo.

Avele athule uAzovela.

Mzonjani:(ediniwe)Lo njengoba ehamba ubusuku engabuyi usuke ehleli nobani , enzani?

Azthulele uAzovela.

Mzonjani:(ediniwe)Uthuleleni Azovela ngikhuluma nawe?

Azovela:(ngokucasuka)Baba mina angihlali no Aneh ,uma ehamba izindlela zakhe ngisuke ngingekho.

Mzonjani:Hho ay Ngyakuzwa Kodwa phela Kufanele umbonise uma enza izinto ezingalungile.

Athule uAzovela,avale ifoni uMzonjana,uAzovela afonele uAneh.

Aneh:Ngizokufonela mangithola iskhathi Azovela.

Azovela:(ediniwe)Mina angizothwala amacala akho engingawazi,ngicela ulungise izinkinga zakho nendoda yakho bandla ufonele ubaba umtshele ukuthi ngisuke ngingekho nawe emkhubeni yakho.

Aneh:Hawu mfethu Azo..Avale ifoni uAzovela.

Sekuyoshaya ihora lesithathu ntambama,uMlondi uhleli kusofa,kungene uNosihle ephethe ushekhasi omnyana onesgaqa seklabishi, azthulele adlule aye ekhishini afike abeke iklabishi aqede aphume ngomnyango wase khishini aye endlini yakhe.

Asukume uMlondi aye endlini yakhe afice uNosihle elele.

Mlondi:Uhambe kanjani sthandwa Sami?

Nosihle:(ngokucasuka)Ngikhulelwe.

Mlondi:Awu ok.

Nosihle:(ngokucasuka)Iyonanto obowuvele uyifuna leyo angithi?

Mlondi:Kanjani Kodwa sthandwa Sami ubona isimo sibheda sinje.

Nosihle:(ngokucasuka)Oh kshuthi ngenzenjani,ngiyokwenza I abortion?

Mlondi:Haybo kanjani Kodwa mkami,mina angisho ngoba ngingayifuni Ingane,bengisho nje ngoba phela nawe uyazibona isimo sethu ukuthi sinjani Kodwa Ingane uma seyikhona iyakhula nangu no Luh ukhulile manje,futhike Ingane iyisubusiso .

Athule uNosihle angasho lutho.

Mlondi:Wena babe bowungasahleli Yini?

Nosihle:(ngolaka)Angithi Uyazi ukuthi bengibuye ngingabinayo imali yokugibela ngiye eXopo eclinic.

Mlondi: Ngyaxolisa sthandwa sami mina bengibuza kahle bengingalwi nawe.

Athule uNosihle.

Mlondi:Ngizoke ngizame ukuya eThekwini kengiyozama amatoho.

Avuke uNosihle ahlale ngezinqa.

Nosihle:Uzoya kubani eThekwini?

Mlondi:Ngizobona sengifike khona ukuthi ngenzenjani.

Nosihle:Kanjani baba ka Fiso?

Mlondi: Ngizocela uAneh angiphe imali yokuya eThekwini,mangifika khona ngizobona ukuthi ngenzenjani Kodwa ngizovuka ngilandele abayofesa.

Nosihle:Angiyizwa mina lento yakho.

Mlondi:Mbatha kahle uyagodola nje,esho edonsa ingubo emumbathisa.

Nosihle:Mina Angiyizwa lento oyishoyo, eThekwini uzobe uhleliphi?

Mlondi:Ngizobona mangifika khona Maka Fiso.

Nosihle:Imina Yini okufakela ingcindezi?

Mlondi:Cha sthandwa Sami Ayikho ingcindezi ongifakele yona.

Nosihle:(ngezwi elgedlezelayo)Mina Hhay ngoba ngikuphoqa ukuthi iya kozilahla eThekwini ukuthi nje bengingalindele ukuthi ngingakhulelwa kulesimo esinje esibhekene naso.

Mlondi:Ngiyazi babe ukuthi konke lokhu obowukusho bowungakusho ngoba ungazithandi izingane ,Kodwa isimo esikwenza uphatheke kabi,kodwake ungazikhathazi kakhulu kuzolunga.

Nosihle:(ebibitheka)Noma kunjalo Kodwa awukwazi ukuthi ungavele usuke la Uthi uya eThekwini Ube ungenayo nendawo eqondile oyakuyo.

Mlondi:Ungakhali sthandwa Sami kuzolunga,Ngizobona mina ukuthi ngenzenjani,Ngyabuya Ngisaya kobheka ibhodwe ngalendlin,esho esukuma.

Nosihle:(ekhala)Kodwa ngeke ukwazi ukuya eThekwini.

Mlondi:Kulungile sthandwa Sami ngeke ngiye.

Sekuyogamanxa ihora lesine ntambama,uAneh ukemotweni ya Sakhile e parking.

Sakhile:Yazi Aneh angithandi ukuthi silokhu sibonakala ndawonye,esho eqalaza.

Aneh:Umyeni wami ungibambile ukuthi bengingekho endlini ebusuku.

Sakhile:(ethukile)Hhe?

Aneh:Ungizwile Sakhile.

Sakhile:(ethukile)Kanti wena why Ube budedengu?

Aneh:Ngibe budedengu kanjani ngoba phela Kade engena ebusuku?

Sakhile:(ethukile)Ey ey ey ,Yazike mfethu,manje ukubambe kanjani?

Aneh:Ngifike esefikile endlini ,Uthi Ufike ngabo 1 mayesho.

Sakhile:(ethukile)Yoh ,Ngicela udilithe Yonke into ekhona efonini yakho ethinta mina,izongibulala phela lendoda yakho.

Aneh:Awu Waze wayigwala bo nawe ,izobe ikubulala ikuthathaphi?

Sakhile:(ethukile)Lomuntu uyiphoyisa mayengathola inamba Yami nje kuyobe kuphelile ngami.

Aneh: Kulungile ngizoykhipha inamba yakho.

Sakhile:(ethukile)Kufanele kesithi ukuzibana,Eish Kodwa Aneh sizokwezenjani lendoda yakho mayingathola ukuthi siyajola?

Aneh:Angazi.

Sakhile:(ethukile)Why ungazi?

Aneh:(ngokucasuka)Ngimazi ngani mina ukuthi ucabangani layekhona?

Sakhile:Eish ,Hawe mah.

Aneh:Ake ngihambe mhlampe izongibulala nje lendoda.

Sakhile:Noma ngabe usekukhombe ngesbhamu Ngicela ungangivezi nakancane mina ,Ngiyakucela mfethu.

Aneh:(ngokucasuka)Oh Iyonanto oyifisayo leyo?

Sakhile:Cha Sengiyasho nje phela.

Aneh:(ngokucasuka)Ok Bhabhayi,esho ephuma emotweni.

Ahambe aye emotweni yakhe.