https://www.facebook.com/101515647909935/

Nadeeja Dias, Panadura (2026)

31/12/2025

09/12/2025

නඩුව නිෂ්ප්‍රභ තීන්දුව ඇත.

ඔප්පු පිඹුරුත් උරුම පෙළපත්
මායිමුත් ගළපලා හරියට
සහෝදරයින් ඥාති පිරිවර
පැමිණිල්ල විත්තිය ලෙසින් දෙපසට
හරස් ප්‍රශ්නෙට
පුහුණු උත්තර
සාක්ෂිත් සූදානම් විභාගෙට

නොහිතු මොහොතක
මහ වැස්ස මැද
ගං වතුර ගියේ
හීන එක්කම

උතුරු මායිම් දකුනු මායිම්
ලකුණු එක්කම බිමක් නැතුවම

මඩ වතුර ඇත හතර පැත්තම

සහෝදර නෑ පිරිවරත් නෑ
උන්නු ගෙවලුත් මිහිදන්ව පස් යට
බෙදාගන්නට දැම්ම නඩුවේ
බෙදන්නට නෑ ඉඩම ඉතිරිව

උසාවියේ නෑ පිඹුරු ඔප්පුත්
නඩු පොතත් හේදිලා වතුරට
නඩු දාපු උන් නඩු කියපු උන්
වෙනස් නැතුවම සියල් අහිමිව

'විෂය වස්තුව' හදුනගනු බෑ
ගලපන්න නැත මායිමක්
පෙළපතෙන් හිමි කොටස් ගන්නට
උරුමකරුවන් නැතේ සොයනට

ඇමතුමට ප්‍රතිචාර නෑ දැන්
"සේවාදායක" කොහිද ඉන්නේ

"නඩු නිමිත්තක්" ශේෂ වී නැත
ලිඛිත වාචික "සාක්ෂිත්" නැත
පාර්ශවයන් උසාවියේ නැත
පෙනී සිටිනට "උපදෙසුත්" නැත

"*නඩුව නිෂ්ප්‍රභ තීන්දුව ඇත.*"