ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police

22/08/2026

ស្នងការនគរបាលខេត្តត្បូងឃ្មុំ ដឹកនាំកម្លាំងនគរបាល ចុះសហការជាមួយកងកម្លាំងកងរាជអាវុធហត្ថខេត្ត និងអាជ្ញាធរមូលដ្ឋាន ជួយរុះរើផ្ទះប្រជាពលរដ្ឋ ចំនួន ៩ខ្នង ក្នុងស្រុកក្រូចឆ្មារ

ខេត្តត្បូងឃ្មុំ ៖ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត និងជាប្រធានគណៈ​បញ្ជាការឯកភាពរដ្ឋបាលខេត្តត្បូងឃ្មុំ នៅថ្ងៃទី២១ និង ២២ ខែសីហា ឆ្នាំ២០២៦ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បញ្ជាដឹកនាំផ្ទាល់ កងកម្លាំងនៃស្នងការដ្ឋាននគរបាលខេត្ត កងកម្លាំង នៃអធិការដ្ឋាននគរបាលស្រុកក្រូចឆ្មារ កម្លាំងប៉ុស្តិ៍នគរបាលរដ្ឋបាលកោះពីរ កងកម្លាំង កងរាជអាវុធហត្ថខេត្ត ស្រុក និងអាជ្ញាធរមូលដ្ឋាន សហការចុះជួយរុះរើផ្ទះប្រជាពលរដ្ឋចំនួន៩ខ្នង ដែលរងគ្រោះដោយសារការបាក់ច្រាំងទន្លេ ស្ថិតនៅឃុំកោះពីរ ស្រុកក្រូចឆ្មារ ។

កម្លាំងចម្រុះ និងអាជ្ញាធរមូលដ្ឋាន ត្រៀមបន្តរុះរេី ចំនួន៤ខ្នងផ្ទះទៀត នាថ្ងៃ២៣ សីហា ២០២៦ ចំពោះចំនួន៣ខ្នងផ្ទះមិនទាន់រុះរេី ដោយសារម្ចាស់ផ្ទះរងចាំ មើលស្ថានភាពនៃការបាក់ច្រាំងទន្លេ។

22/08/2026

ស្នងការនគរបាលខេត្តត្បូងឃ្មុំ បញ្ជាឲ្យនគរបាលដឹកទឹកស្អាតជូនប្រជាពលរដ្ឋរងគ្រោះដោយសារទឹកជំនន់ទន្លេគង្គ ដែលបានជម្លៀសមកទីទួលសុវត្ថិភាព ៤ទីតាំង ក្នុងស្រុកត្បូងឃ្មុំ

ខេត្តត្បូងឃ្មុំ ៖ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត និងជាប្រធានគណៈ​បញ្ជាការឯកភាពរដ្ឋបាលខេត្តត្បូងឃ្មុំ នៅថ្ងៃទី២១ និង ២២ ខែសីហា ឆ្នាំ២០២៦ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានចាត់នគរបាល ដឹកទឹកស្អាតជូនប្រជាពលរដ្ឋដែលបានជម្លៀសមកទីទួលសុវត្ថិភាព ដែលរងគ្រោះដោយសារទឹកជំនន់ នៅស្ថិតក្នុងស្រុកត្បូងឃ្មុំ ចំនួន ៤ទីតាំង ហើយនឹងបន្តផ្គត់ផ្គង់ទឹកស្អាតជូនបងប្អូនប្រជាពលរដ្ឋប្រើប្រាស់បន្ត ដើម្បីសម្រួលការរស់នៅប្រចាំថ្ងៃក្នុងពេលដែលកំពុងរងគ្រោះដោយទឹកជំនន់ទន្លេមេគង្គ។

21/08/2026

#ខេត្តត្បូងឃ្មុំ ៖ ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាព្រឹកថ្ងៃសុក្រ ទី២១ ខែសីហា ឆ្នាំ២០២៦ នៅសាលប្រជុំធំ នៃស្នងការដ្ឋាន លោក​ឧត្តមសេនីយ៍ទោ ចិន នី ស្នងការ នៃស្នងការដ្ឋាននគរបាលខេត្តត្បូងឃ្មុំ បានដឹកនាំកិច្ចប្រជុំបូកសរុបសភាពការណ៍ លទ្ធផលការអនុវត្តន៍ការងារនគរបាល និងសហគមន៍ រយៈពេល ៩ខែ និងទិសដៅបន្ត និងផ្សព្វផ្សាយផែនការ ការពារសន្តិសុខ រក្សាសណ្ដាប់ធ្នាប់ សុខសុវត្ថិភាព តាមដងផ្លូវជូនថ្នាក់ដឹកនាំឆ្លងកាត់ថ្ងៃទី២៥ ខែសីហា ឆ្នាំ២០២៦នេះ របស់ស្នងការដ្ឋាននគរបាលខេត្តត្បូងឃ្មុំ ។
ថ្លែងក្នុងកិច្ចប្រជុំ លោក​ឧត្តមសេនីយ៍ទោ ចិន នី ស្នងការ នៃស្នងការដ្ឋាននគរបាលខេត្តត្បូងឃ្មុំ បានដាស់តឿនដល់កម្លាំងជំនាញ យកចិត្តទុកដាក់បន្តពង្រឹងវិធានការជំនាញ ក្នុងការបង្ការ ទប់ស្កាត់ និងបង្ក្រាបបទល្មើសគ្រប់ប្រភេទក្នុងមូលដ្ឋាន សំដៅធានាសុវត្ថិភាព សន្តិសុខ រក្សាបាននូវសេចក្តីសុខដុមរមនារបស់ប្រជាពលរដ្ឋ ស្របតាមគោលនយោបាយរបស់រាជារដ្ឋាភិបាល ភូមិ ឃុំ សង្កាត់ មានសុវត្ថិភាព។
កិច្ចប្រជុំមានការ​ចូលរួមពី លោក-លោកស្រី ស្នងការរង នាយ​ការិយាល័យ មេបញ្ជាការវរសេនាតូចនគរបាលការពារព្រំដែនគោក អធិការ​នគរបាលក្រុង-ស្រុក នាយប៉ុស្តិ៍នគរបាលរដ្ឋបាល នាយប៉ុស្តិ៍នគរបាលការពារព្រំដែនគោក និងលោកនាយប៉ុស្តិ៍នគរបាលច្រកទ្វារព្រំដែនទ្វេភាគី ទន្លេចាម និងដារ ។

20/08/2026

20/08/2026

ផ្សាយផ្ទាល់ៈ ទិវាជាតិអន្តរសាសនាប្រឆាំងការជួញដូរមនុស្ស ២០ សីហា ២០២៦
“គ្រប់សាសនានៅកម្ពុជារួមគា្នបង្ការ ទប់ស្កាត់អំពើជួញដូរមនុស្ស និងឧក្រិដ្ឋកម្មតាមប្រព័ន្ធបច្ចេកវិទ្យា”
រាជធានីភ្នំពេញ ថៃ្ងព្រហស្បត៏ ៧កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២០ ខែសីហា ឆ្នាំ២០២៦

NATIONAL INTERFAITH DAY AGAINST TRAFFICKING IN PERSONS 20 AUGUST 2026
"MAINTAIN UNITY AMONG ALL RELIGIONS AGAINST HUMAN TRAFFICKING AND CYBERCRIME"
Phnom Penh, 20 August 2026

20/08/2026

លោកឧត្តមសេនីយ៍ទោ ចិន នី អញ្ជើញជួបសំណេះសំណាល និងសួរសុខទុក្ខមន្រ្តីនគរបាលសម្រាកព្យាបាលរបួស !
ខេត្តត្បូងឃ្មុំ ៖ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្ដម នាយឧត្តមសេនីយ៍ ស ថេត អគ្គស្នងការនគរបាលជាតិ
នៅថ្ងៃទី១៩ ខែសីហា ឆ្នាំ២០២៦
លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានចុះជួបសំណេះសំណាលសួរសុខទុក្ខ និងនាំយកថវិការចំនួន ១,០០០,០០០ រៀល ជូនលោកវរសេនីយ៍ឯក ឡូយ សុផល នាយការិយាល័យនគរបាលចរាចរណ៍ផ្លូវគោក ជួបឧបទ្ទវហេតុរអិលធ្លាក់ពីលើកាំជណ្ដើរ នៃទីស្តីការក្រសួងមហាផ្ទៃ បច្ចុប្បន្នកំពុងសម្រាកព្យាបាលនៅមន្ទីរពេទ្យ ១៦ ឧសភា ។

18/08/2026

18/08/2026

លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ អញ្ចើញចូលរួមពីធីដុតបំផ្លាញចោលនូវវត្ថុតាងបារីក្លែងក្លាយ សំបកកញ្ចប់ និងសម្ភារវេចខ្ចប់ផលិតផលបារីក្លែងក្លាយ ។

ខេត្តត្បូងឃ្មុំ ៖ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី១៨ ខែសីហា ឆ្នាំ២០២៦ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ អញ្ចើញចូលរួមពីធីដុតបំផ្លាញចោលនូវវត្ថុតាងបារីក្លែងក្លាយ សំបកកញ្ចប់ និងសម្ភារវេចខ្ចប់ផលិតផលបារីក្លែងក្លាយ តាមដីកាសម្រេចរបស់សាលាដំបូងខេត្តត្បូងឃ្មុំ ក្រោមអធិបតីភាពដ៏ខ្ពង់ខ្ពស់ ឯកឧត្តម លី សុផាន់ណា អនុរដ្ឋលេខាធិការ ក្រសួងមហាផ្ទៃតំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ។

ពិធីនេះប្រារព្ធឡើងនៅទីតាំងដីឡូត៍ឋានសួគ៌ថ្មី ភូមិត្រពាំងសង្កែ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំដោយមានការអញ្ជើញចូលរួមពីសំណាក់ប្រតិភូក្រសួងមហាផ្ទៃ ថ្នាក់ដឹកនាំខេត្ត តំណាងស្ថាប័នអយ្យការ តុលាការ អគ្គស្នងការដ្ឋាននគរបាលជាតិ នាយកដ្ឋាននគរបាលប្រឆាំងបទល្មើសសេដ្ឋកិច្ច ព្រមទាំងមានការចូលរួមពីតំណាង HIS សហរដ្ឋអាមេរិកប្រចាំនៅកម្ពុជា ស្ថានតំណាងគយបារាំង ភ្នាក់ងារអនុវត្តច្បាប់អន្តរជាតិ និងតំណាងក្រុមហ៊ុនម្ចាស់ម៉ាកពាក់ព័ន្ធជាច្រើនរូប។

16/08/2026

លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ ចុះសាកសួរសុខទុក្ខ ប្រគល់អំណោយ និងពង្រឹងការងារជំនាញបន្ថែមដល់មន្ត្រីប៉ុស្តិ៍នគរបាលរដ្ឋបាលទ្រៀក និងដារ នៃអធិការដ្ឋាននគរបាលស្រុកមេមត់

ខេត្តត្បូងឃ្មុំ ៖ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅថ្ងៃទី១៦ ខែសីហា ឆ្នាំ២០២៦ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ ចុះសាកសួរសុខទុក្ខ និងពង្រឹងការងារជំនាញបន្ថែមដល់មន្ត្រីប៉ុស្តិ៍នគរបាលរដ្ឋបាលទ្រៀក និងដារ នៃអធិការដ្ឋាននគរបាលស្រុកមេមត់ ឆ្លៀតក្នុងឱកាសនោះដែរ លោកឧត្តមសេនីយ៍ស្នងការ បានមានប្រសាសន៍ផ្ដាំផ្ញើរ ឲ្យមន្ត្រីប៉ុស្តិ៍នគរបាលរដ្ឋបាលត្រូវអនុវត្ត៖
• ខិតខំប្រឹងប្រែងបម្រើការងារសេវាសាធារណៈជូនប្រជាពលរដ្ឋអោយទាន់ពេលវេលា និងមានប្រសិទ្ធិភាព។
• ពន្យល់ណែនាំអនុក្រឹត្យលេខ ០៣ ស្តីពីការគ្រប់គ្រងសន្តិសុខ សុវត្ថិភាពការស្នាក់នៅប្រមូលផ្តុំ (ជនបរទេស) ដល់ប្រជាពលរដ្ឋ អោយបានទូលំទូលាយ។
• បន្តផ្សព្វផ្សាយលក្ខណៈសម្បត្តិភូមិ-ឃុំ-សង្កាត់ មានសុវត្ថិភាពទាំង៧ចំណុច ច្បាប់ស្ដីពីចរាចរណ៍ផ្លូវគោក និងអប់រំណែនាំអ្នកប្រើប្រាស់ផ្លូវនៅតាមចំណុចប្រឈម កន្លែងជើងកប ដែលងាយរងគ្រោះថ្នាក់កន្លងមក និងច្បាប់ស្ដីពីផលប៉ះពាល់នៃគ្រឿងញៀន និងការប្រើប្រាស់បារីអេឡិចត្រូនិច នៅតាមសាលារៀន និងទីប្រជុំជននានា ដល់ពុកម៉ែបងប្អូនប្រជាពលរដ្ឋ និងសិស្សានុសិស្ស ឲ្យបានកាន់តែល្អប្រសើរថែមទៀត។
• មានសាមគ្គីភាពផ្ទៃក្នុង និងបន្តពង្រឹងកិច្ចសហការ ជាមួយបណ្តារប៉ុស្តិ៍នគរបាលរដ្ឋបាលនៅជិតគ្នា
• ត្រូវបន្តថែរក្សា និងសម្អាត បរិស្ថានប៉ុស្តិ៍រដ្ឋបាលឲ្យបានស្អាតជាប្រចាំ។
• បន្តល្បាតតាមភូមិសាស្ត្រតំបន់ងាយរងគ្រោះ ដើម្បីបង្ការទប់ស្កាត់បទល្មើសនៅមូលដ្ឋាន និងណែនាំដល់ប្រជាពលរដ្ឋដែលទុកម៉ូតូតាមចំការ និងវាលស្រែ។
• ធ្វើបច្ចុប្បន្នភាពមុខសញ្ញាថ្មី និងចាស់ (គ្រឿងញៀន ក្មេងទំនើង និង ព្រហ្មទណ្ឌ)
• បន្តយកចិត្តទុកដាក់គ្រប់គ្រង និងថែរក្សាសម្ភារៈ ជាពិសេសអាវុធទុកដាក់មានសុវត្ថិភាព។
• ការប្រើប្រាស់ឯកសណ្ឋានអោយបានត្រឹមត្រូវ ពេលចុះបេសកកម្ម និងបំពេញការងារប្រចាំថ្ងៃ។
លោកឧត្តមសេនីយ៍ស្នងការ បានយកអំណោយដ៏ថ្លៃថ្លា របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ប្រគល់ជូនប៉ុស្តិ៍នគរបាលរដ្ឋបាល ដោយក្នុងមួយប៉ុស្តិ៍ទទួលបាន:
• អង្ករមួយបេ ៥០គីឡូ
• ត្រីខ ១យួរ
• ទឹកត្រី ១យួរ
• ទឹកស៊ីអ៊ីវ ១យួរ
• មីជាតិ ១កេសតូច
• ថវិកា ចំនួន៥០០ ០០០ (ហាសិបម៉ឺន)រៀល ដល់កម្លាំងប៉ុស្តិ៍ប្រចាំការ២៤/២៤

15/08/2026

ត្បូងឃ្មុំ៖ ដោយ​អនុវត្ត​តាម​គោលការណ៍​ដឹកនាំ​ដ៏ខ្ពង់ខ្ពស់​របស់​ ឯកឧត្តម​ នាយឧត្តម​សេនីយ៍​ ស​ ថេត​ អគ្គស្នងការ​នគរបាលជាតិ​ នាព្រឹកថ្ងៃសុក្រ ១០កេីត​ ខែទុតិយាសាឍ ឆ្នាំ​មមី​ អដ្ឋស័ក​ ព.ស.២៥៧០​ ត្រូវ​នឹង​ថ្ងៃទី១៤​ ខែសីហា ឆ្នាំ២០២៦ លោក​វរសេនីយ៍ឯក​ គឹម កល្យាណ អនុប្រធាន​នាយកដ្ឋានកិច្ចការប៉ុស្តិ៍នគរបាលរដ្ឋបាល​ ព្រមទាំង​លោកវរសេនីយ៍ឯក ឡាយ ឧត្តម ស្នងការ​រង​ ទទួលផែនការងារសេនាធិការ តំណាង​លោក​ឧត្តមសេនីយ៍​ទោ​ ចិន នី ស្នងការ​ នៃ​ស្នង​ការ​ដ្ឋាន​នគរបាល​ខេត្ត​​​​ត្បូងឃ្មុំ បានអញ្ជើញដឹកនាំកិច្ច​ប្រជុំ​បូក​សរុប​ លទ្ធផល​ការងារ​ចុះ​តាម​ដាន​ ត្រួតពិនិត្យ​ គាំទ្រ​ និងពង្រឹង​ប្រសិទ្ធភាព​ការងារ​ របស់​ប៉ុស្តិ៍​នគរបាល​រដ្ឋបាល​ នៃស្នងការដ្ឋាននគរបាលខេត្តត្បូងឃ្មុំ ។
​ កិច្ច​ប្រជុំ​នេះ​មាន​ការ​អញ្ជើញ​ លោក​វរសេនីយ៍​ នាយ​-នាយរងការិយាល័យ​ នាយកដ្ឋាន​ពាក់ព័ន្ធ​ ​នៃ​អគ្គស្នងការ​ដ្ឋាននគរបាល​ជាតិ​ លោក-លោកស្រី ស្នងការ​រង​ លោកនាយ-នាយរងការិយាល័យ​ លោក​អធិការ​ អធិការ​រង នៃអធិការដ្ឋាននគរបាលក្រុង​-ស្រុក​ និង​នាយ​-នាយរងប៉ុស្តិ៍​នគរបាល​រដ្ឋបាលទាំង៦៤​ កិច្ច​ប្រជុំ​នេះ​ធ្វេី​ឡេីង​នៅ​សាល​ប្រជុំ​ធំ​ នៃ​ស្នង​ការ​ដ្ឋាន​នគរបាល​ខេត្តត្បូងឃ្មុំ ។