Law Office of Marita Mazanishvili

Law Office of Marita Mazanishvili საემიგრაციო ადვოკატი / Immigration Attorney

🚨 მნიშვნელოვანი ცვლილება მწვანე ბარათის აპლიკანტებისთვის - გთხოვთ, წაიკითხოთ ბოლომდე.2026 წლის 18 სექტემბერს საემიგრაციო...
08/31/2026

🚨 მნიშვნელოვანი ცვლილება მწვანე ბარათის აპლიკანტებისთვის - გთხოვთ, წაიკითხოთ ბოლომდე.
2026 წლის 18 სექტემბერს საემიგრაციო სამსახური (USCIS) მწვანე ბარათის აპლიკაციის (ფორმა I-485) განახლებულ ვერსიას გამოაქვეყნებს, რაც რამდენიმე სერიოზული ცვლილებით არის გამოწვეული.
პირველი და ყველაზე მნიშვნელოვანი - საემიგრაციო სამსახურმა (USCIS) დაასრულა მუშაობა Public Charge Ground of Inadmissibility-ის საბოლოო წესზე. განახლებული წესის მიხედვით, საემიგრაციო ოფიცრებს უფრო მეტი უფლება ეძლევათ, უარი თქვან მწვანე ბარათის გაცემაზე, თუ ეჭვს შეიტანენ, რომ აპლიკანტი მომავალში სახელმწიფო დახმარებაზე გახდება დამოკიდებული.
შესაბამისად, განახლდა ფორმა I-485-იც. 2026 წლის 18 სექტემბრიდან საემიგრაციო სამსახური მხოლოდ განახლებულ ფორმას მიიღებს - ძველი ფორმის გაგზავნის შემთხვევაში აპლიკაცია არ მიიღება და უკან დაგიბრუნდებათ.
რა იცვლება?
🔵 ახალი ფორმა შეიცავს ახალ კითხვებს და მოითხოვს დამატებითი დოკუმენტაციის წარდგენას, რათა საემიგრაციო ოფიცერმა შეაფასოს, რამდენად არსებობს რისკი, რომ მწვანე ბარათის მფლობელი სამომავლოდ სახელმწიფო დახმარებაზე გახდეს დამოკიდებული.
რისთვის უნდა იყოთ მზად?
🔵 თუ მწვანე ბარათზე განაცხადის გაგზავნას გეგმავთ და საჭირო დოკუმენტაცია უკვე მოგროვებული გაქვთ, ნუ დაყოვნდებით - გაგზავნეთ განაცხადი დროულად. 2026 წლის 18 სექტემბრის შემდეგ განაცხადის გაგზავნა მხოლოდ ახალი ფორმით იქნება შესაძლებელი, რაც ნიშნავს, რომ დაგჭირდებათ Public Charge სექციის განახლებულ კითხვებზე პასუხის გაცემა და დამატებითი დოკუმენტაციის მომზადება.
თუ განაცხადის გაგზავნას 18 სექტემბრის შემდეგ გეგმავთ, დროულად გაეცანით ფორმის განახლებულ ვერსიას და შესაბამისად მოამზადეთ დოკუმენტაცია, რათა ყველაფერი სწორად წარადგინოთ.

თქვენი საემიგრაციო საქმის შესაფასებლად დაგვირეკეთ: (347) 993-8836

08/27/2026

⚖ გუშინ ამერიკის სახელმწიფო დეპარტამენტმა განაცხადა რომ მსოფლიოს მასშტაბით საკონსულოებში საემიგრაციო ვიზის ინტერვიუების ჩანიშვნას დროებით აჩერებს. მნიშვნელოვანია ვიცოდეთ, რომ აღნიშნული პაუზა იმ აპლიკანტებს ეხებათ, რომლებიც ამერიკის გარეთ ოჯახის შემოერთების პროცესის დასრულებას და საკონსულოში ინტერვიუს ჩანიშვნას ელოდნენ.

🔵პაუზის მიზეზად სახელმწიფო დეპარტამენტმა კონსულების გადამზადება დაასახელა - მათი თქმით, ეს ხელს შეუწყობს კონსულებს, უფრო ერთგვაროვნად შეაფასონ, არსებობს თუ არა რისკი, რომ განმცხადებელი მომავალში ამერიკის სახელმწიფო სოციალურ დახმარებებზე გახდეს დამოკიდებული.

აღნიშნული ცვლილება არ ეხება საემიგრაციო სამსახურს (USCIS) და იმ ადამიანებს, რომლებიც სტატუსის ცვლილებას ამერიკის შიგნით გეგმავენ ან ახლა არიან ამ პროცესში. ასევე არ ეხება და არ ზღუდავს იმ მოქალაქეებსა თუ მწვანე ბარათის მფლობელებს, რომლებსაც ოჯახის წევრების შემოსაერთებლად პეტიციების გაგზავნა სურთ.

🔵როგორც მოგეხსენებათ, ოჯახის გაერთიანების პროცესი ორ ეტაპად მიმდინარეობს. პირველ ეტაპზე პეტიციას საემიგრაციო სამსახური (USCIS) განიხილავს, მისი დამტკიცების შემდეგ კი საქმეში ვიზის ეროვნული ცენტრი და საკონსულო ერთვება. სწორედ საკონსულო პროცესია ამჯერად დაპაუზებული.

⚖ შესაბამისად, საემიგრაციო სამსახურში (USCIS) თქვენი ოჯახის გაერთიანების პეტიციის გაგზავნა კვლავ შეიძლება და თუ ოჯახის წევრის ამერიკაში ჩამოყვანას გეგმავთ, შეგიძლიათ დაიწყოთ პროცესი - რადგან აღნიშნული პაუზა დროებითია.

ამჟამად ჯერჯერობით უცნობია თუ რამდენ ხანს გასტანს პაუზა და როგორ იმოქმედებს უკვე დანიშნულ ინტერვიუებზე - ამის შესახებ ოფიციალური განმარტება ჯერ არ გამოქვეყნებულა.

📞თქვენი საემიგრაციო საქმის შეფასებისათვის დაგვიკავშირდით ჩვენი ოფისის ნომერზე: +1 347-993-8836

08/26/2026

🇺🇸 მნიშვნელოვანი განახლებები თავშესაფრის მაძიებლებისთვის!

თუ ამერიკაში თავშესაფარი უკვე მოთხოვნილი გაქვთ ან ახლა აპირებთ თავშესაფრის მოთხოვნას, გთხოვთ, ყურადღებით გაეცნოთ ქვემოთ მოცემულ ინფორმაციას. 👇

🔵 1. განსაკუთრებული ყურადღება მიაქციეთ თქვენს თავშესაფრის საქმეს!

საემიგრაციო სასამართლოში (EOIR) ზოგიერთი თავშესაფრის მაძიებლის საქმე შესაძლოა ვადაზე ადრე დაიხუროს, საბოლოო სასამართლოს - Individual Hearing-ის ჩატარების გარეშე.

📌 ამის ერთ-ერთი მიზეზი შესაძლოა იყოს მთავრობის ახალი მიდგომა, რომელიც, სავარაუდოდ, უკავშირდება სასამართლოსთვის I-589 ფორმის ან/და პირადი ისტორიის დაგვიანებულად, არასრულყოფილად ან არასათანადო დროში წარდგენას.

⚖️ არის თუ არა ეს საქმის საბოლოო დასასრული? - არა.

თავშესაფრის მაძიებელს კვლავ რჩება გასაჩივრების უფლება, თუმცა უმჯობესია, საქმე ასეთ მდგომარეობამდე საერთოდ არ მივიდეს.

👉 ამიტომ, ძალიან მნიშვნელოვანია:

⚖️ დროულად წარადგინოთ ყველა საჭირო დოკუმენტი;
⚖️ სასამართლოს მიაწოდოთ თქვენი საქმის მტკიცებულებები;
⏰ არ გამოტოვოთ სასამართლოს მიერ დადგენილი ვადები;
⚖️ იცოდეთ თქვენი უფლებები და ყურადღებით აკონტროლოთ თქვენი საქმის სტატუსი.

🔵 2. საემიგრაციო სამსახურს (USCIS) შეუძლია ზოგიერთი თავშესაფრის საქმის საემიგრაციო სასამართლოში გადამისამართება ინტერვიუს გარეშე.

საემიგრაციო სამსახურს (USCIS) მიენიჭა უფლება, გარკვეული კატეგორიის თავშესაფრის საქმეები ინტერვიუს ჩატარების გარეშე საემიგრაციო სასამართლოში (EOIR) გადაამისამართოს.

⚖️ გთხოვთ გაითვალისწინოთ: ეს ავტომატურად არ ნიშნავს, რომ თქვენს საქმეს აღარ განიხილავენ ან თავშესაფრის მომთხოვნს დაუყოვნებლივ ქვეყნის დატოვება მოუწევს.

ასეთ შემთხვევაში საქმის განხილვა გაგრძელდება საემიგრაციო სასამართლოში.

👀 ვის შეიძლება შეეხოს ეს ცვლილება? მაგალითად, მათ, ვინც:

📅 თავშესაფარზე განაცხადი აშშ-ში შესვლიდან 1 წელზე მეტი ხნის შემდეგ შეიტანა; ან
⚖️ თავშესაფრის მოთხოვნა არასრულად წარადგინა ან თავშესაფრის ოფიცერმა მიიჩნია, რომ საქმე სასამართლომ უნდა განიხილოს.

🔵 3. USCIS-მა თავშესაფრის საქმეებზე გადაწყვეტილებების მიღება უნდა განაახლოს.

ფედერალური მოსამართლის გადაწყვეტილებით, საემიგრაციო სამსახური (USCIS) ვალდებულია, თავშესაფრის საქმეებზე გადაწყვეტილებების მიღება განაახლოს.

თუმცა, ამ ეტაპზე პროცესი ნელა მიმდინარეობს, რადგან გარკვეულ პროცედურებთან დაკავშირებით სასამართლო დავები კვლავ გრძელდება.

🚨 ყველაზე მნიშვნელოვანი:

თუ უკვე გაქვთ თავშესაფრის საქმე, ნუ დაელოდებით ბოლო დღეს. შეამოწმეთ თქვენი საქმის სტატუსი, სასამართლოსა და USCIS-ის შეტყობინებები, დადგენილი ვადები და დარწმუნდით, რომ საჭირო დოკუმენტები და მტკიცებულებები დროულად არის წარდგენილი. 📑⏰

👉 საემიგრაციო სასამართლოს (EOIR) ვებ-საიტი სასამართლოს თარიღის შესამოწმებლად: https://acis.eoir.justice.gov/en/

👉 საემიგრაციო სამსახურის საიტი (USCIS) თქვენი საქმის სტატუსის შესამოწმებლად:
https://egov.uscis.gov/

🇺🇸 იყავით ინფორმირებული და იცოდეთ თქვენი უფლებები. თქვენი საქმის ინდივიდუალური შეფასებისათვის დაგვიკავშირდით შემდეგ ნომერზე: (347) 993-8836

08/25/2026

⚖️ გიზიარებთ მნიშვნელოვან საემიგრაციო სიახლეს:

გუშინ ღამიდან მოყოლებული არაერთმა გავლენიანმა გამოცემამ და დღეს უკვე თეთრი სახლის ოფიციალურმა გვერდმაც დაადასტურა, რომ ტრამპის ადმინისტრაცია 200,000-მდე ტურისტული და ბიზნეს ვიზის (B-1/B-2) გაუქმებას გეგმავს იმ პირებისთვის, რომლებმაც ამერიკაში შემოსვლის შემდეგ თავშესაფარი (Asylum) მოითხოვეს.

ვის შეეხება შესაძლო ცვლილება:
⚖️ პირებს, რომლებიც ქვეყანაში შემოვიდნენ B-1/B-2 ტურისტული და ბიზნეს ვიზით და შემდგომში მოითხოვეს თავშესაფარი.

რას გულისხმობს შესაძლო ცვლილება:
⚖️ ცვლილების შედეგად ამ პირების ვიზები შესაძლოა გაუქმდეს და ამ პირების თავშესაფრის საქმე გადაეცეს საემიგრაციო სასამართლოს (EOIR-ს)

რა უნდა გავითვალისწინოთ:

✅ ტურისტული/ბიზნეს B-1/B-2 ვიზები და თავშესაფრის მოთხოვნა(asylum) ერთმანეთისგან დამოუკიდებელია. შესაბამისად, თუ თავშესაფარი სწორად გაქვთ მოთხოვნილი და თქვენი საქმე ჯერ კიდევ განხილვის პროცესშია, ვიზის გაუქმება ავტომატურად არ ნიშნავს რომ თქვენი თავშესაფრის საქმეც უქმდება. თუმცა, როგორც აღვნიშნეთ, ის შესაძლოა გადაეცეს საემიგრაციო სასამართლოს (EOIR-ს).

✅ სამუშაო უფლება (EAD), რომელიც თავშესაფრის მიმდინარე განაცხადის საფუძველზე გაქვთ მიღებული, ასევე დამოუკიდებელია ტურისტული ვიზისგან და, როგორც წესი, ვიზის გაუქმება მასზე გავლენას არ ახდენს.

✅ ყველაზე მნიშვნელოვანია, რამდენიმე გარემოება, რომლებსაც ყურადღება უნდა მიაქციოთ:

1️⃣ დარწმუნდით, რომ თქვენი მიმდინარე მისამართი განახლებულია USCIS-ში, რათა საემიგრაციო სამსახურიდან (USCIS) მიღებული არც ერთი მნიშვნელოვანი შეტყობინება არ გამოგრჩეთ.

2️⃣ შეინახეთ თქვენი თავშესაფრის განაცხადის მიღების დამადასტურებელი დოკუმენტები (Receipt Notice) და სამუშაო უფლების ყველა დოკუმენტი.

3️⃣ არ დატოვოთ უყურადღებოდ საიმიგრაციო უწყებებიდან მიღებული არც ერთი წერილი ან შეტყობინება.

თუ აშშ-ში ტურისტული ვიზით შემოხვედით და უკვე მოითხოვეთ თავშესაფარი ან ახლა განიხილავთ თავშესაფრის მოთხოვნას, დაგვიკავშირდით 📞 347-993-8836

⚖️ ჩვენ დეტალურად შევისწავლით თქვენს საქმეს და გაგიწევთ იურიდიულ მომსახურებას. შეგახსენებთ, რომ ყველა საქმე ინდივიდუალურია და განსხვავებულ სამართლებრივ შეფასებას საჭიროებს.

08/22/2026

📢 გადაწყვეტილება, რომელსაც ყველა ველოდით! მნიშვნელოვანი სიახლე სავიზო პაუზასთან დაკავშირებით - განსაკუთრებით მათთვის, ვისაც საქართველოში მცხოვრები ოჯახის წევრების შემოერთების პეტიცია აქვთ გაგზავნილი.

👩‍⚖️ 2026 წლის 21 აგვისტოს ნიუ-იორკის ფედერალურმა სასამართლომ გააუქმა მთავრობის გადაწყვეტილება, რომლის საფუძველზეც 75 ქვეყნის მოქალაქეებისთვის, მათ შორის საქართველოს მოქალაქეებისთვის, საიმიგრაციო ვიზების გაცემა შეჩერებული იყო.

მოსამართლემ დაადგინა, რომ აღნიშნული პაუზა უკანონო იყო, რადგან ადამიანებისთვის ვიზის გაცემის შეჩერება მხოლოდ მათი ეროვნების გამო კანონს ეწინააღმდეგებოდა. სასამართლოს გადაწყვეტილებით, სახელმწიფო მდივანს არ ჰქონდა უფლება, მხოლოდ ეროვნების საფუძველზე შეეჩერებინა კონკრეტული ქვეყნების მოქალაქეებისთვის საიმიგრაციო ვიზების გაცემა. სასამართლომ დაავალა საკონსულო ოფიცრებს, კვლავ დაუბრუნდნენ თითოეული განაცხადის ინდივიდუალურ განხილვას - ისე, როგორც ამას კანონი მოითხოვს.

რას ნიშნავს ეს პრაქტიკულად?

✅ პაუზა, რომელიც მხოლოდ ეროვნებას ეყრდნობოდა, გაუქმებულია - და ეს ეხება არა მხოლოდ საქმეში მონაწილე პირებს, არამედ ყველას.

✅ თუ თქვენს ვიზაზე უარი მხოლოდ ამ პაუზის საფუძველზე ითქვა, თქვენი საქმე საკონსულო ოფიცერს ხელახლა განსახილველად დაუბრუნდება.

მნიშვნელოვანია გაითვალისწინოთ 👇

🔵 სასამართლომ ეს გადაწყვეტილება მხოლოდ გადაწყვეტილება მხოლოდ გუშინ მიიღო. ადმინისტრაციას შეუძლია მისი გასაჩივრება და გადაწყვეტილების მოქმედების დროებით შეჩერების მოთხოვნა. ამიტომ მნიშვნელოვანია, უახლოეს კვირებში მოვლენების განვითარებას დავაკვირდეთ, სანამ ამ გადაწყვეტილებას საბოლოოდ ჩავთვლით.

🔵 თუ ვიზაზე უარი სხვა, დამოუკიდებელ საფუძველსაც ეყრდნობოდა (მაგალითად, რეალურ „public charge“ შეფასებას), ეს საფუძველი უცვლელი რჩება.

ეს ნამდვილად კარგი ამბავია იმ ოჯახებისთვის, რომლებიც ამ პაუზის გამო იძულებით იყვნენ დაშორებული. თუ თქვენ ან თქვენი ოჯახის წევრი ამ პაუზით დაზარალდით, დაგვიკავშირდით - შევაფასებთ თქვენს საქმეს და გავარკვევთ, რა ნაბიჯების გადადგმაა შესაძლებელი.

კონსულტაციისთვის დაგვიკავშირდით
📞 (347) 993-8836

08/19/2026

გამარჯობა ^_^ ვისაც მოსამართლემ დეპორტის გადაწყვეტილება გამოგიტანათ, რომელიც გასაჩივრებული გაქვთ და გიწევთ ICE Check-in-ზე მისვლა, ჩვენი რეკომენდაციაა რომ ჩექინი არ გააცდინოთ, რადგან გაცდენის შემთხვევაში შესაძლოა უფრო რთულ საემიგრაციო სიტუაციაში აღმოჩნდეთ. დღეს მსგავს სიტუაციაში მყოფ ადამიანს (რომელსაც მოსამართლემ გამოუტანა დეპორტი, რომელიც მან შემდგომ გაასაჩივრა) გავყევი ICE Check-in-ზე ფედერალ პლაზაში. ყველაფერმა მშვიდად ჩაიარა 🙌😇 თან გვქონდა სააპელაციო საბჭოს (BIA-ს) დოკუმენტი, რომელიც ადასტურებდა რომ დეპორტის გადაწყვეტილება პირმა გაასაჩივრა და საჩივარი პროცესშია სააპელაციო საბჭოში. აუცილებლად თან იქონიეთ ეს დოკუმენტი, ყველა სხვა დოკუმენტებთან ერთად

📢 USCIS ცვლის “Public Charge” წესს — რა უნდა იცოდეთ?2026 წლის 18 სექტემბრიდან ამოქმედდება ახალი წესი, რომელიც მწვანე ბა...
08/19/2026

📢 USCIS ცვლის “Public Charge” წესს — რა უნდა იცოდეთ?
2026 წლის 18 სექტემბრიდან ამოქმედდება ახალი წესი, რომელიც მწვანე ბარათის ზოგიერთი კატეგორიის აპლიკანტებისთვის ე.წ. Public Charge შეფასების კრიტერიუმებს ცვლის.
მარტივად რომ ვთქვათ, Green Card-ის განხილვისას USCIS-ს შეეძლება უფრო ფართოდ შეაფასოს, რამდენად არის განმცხადებელი ფინანსურად დამოუკიდებელი და რამდენად შეიძლება მომავალში დამოკიდებული გახდეს სახელმწიფო დახმარებაზე.
შეფასებისას USCIS გაითვალისწინებს რამდენიმე ფაქტორს, მათ შორის:
• ასაკსა და ჯანმრთელობის მდგომარეობას;
• შემოსავალს, ქონებასა და ფინანსურ მდგომარეობას;
• განათლებასა და პროფესიულ უნარებს;
• ოჯახურ მდგომარეობას;
• გარკვეული სახელმწიფო დახმარებების მიღების ალბათობას.
⚠️ მნიშვნელოვანია: სახელმწიფო დახმარების მიღება ავტომატურად არ ნიშნავს Green Card-ზე უარს. USCIS თითოეულ საქმეს ინდივიდუალურად, ყველა გარემოების ერთობლიობის საფუძველზე შეაფასებს.
ასევე, Public Charge-ის წესი ყველას არ ეხება. მაგალითად, მისგან გათავისუფლებულია ბევრი ჰუმანიტარული კატეგორია, მათ შორის პირები, რომლებმაც თავშესაფრის სტატუსი უკვე მიიღეს (refugees/asylees), VAWA-ს განმცხადებლები, U და T ვიზის გარკვეული ბენეფიციარები და სხვა კანონით განსაზღვრული კატეგორიები.
📅 ახალი წესი გავრცელდება შესაბამის Form I-485 განაცხადებზე, რომლებიც USCIS-ში 2026 წლის 18 სექტემბერს ან მის შემდეგ იქნება წარდგენილი.
თუ Green Card-ის განაცხადის შეტანას გეგმავთ, მნიშვნელოვანია წინასწარ გაირკვეს, გეხებათ თუ არა Public Charge-ის მოთხოვნები და როგორ შეიძლება ახალმა წესმა გავლენა მოახდინოს თქვენს საქმეზე.
კონსულტაციისათვის დამიკავშირდით: +1 347-993-8836

08/14/2026

გამარჯობა მეგობრებო👩🏻‍💼⚖️ ვისაც გაქვთ მასტერ სასამართლო ან ice check-in და გაქვთ კრიმინალური რექორდი (მათ შორის Dismissed/Expunged), სასამართლოზეც და ჩექინზეც თან აუცილებლად იქონიეთ მოსამართლის შესაბამისი გადაწყვეტილება ან გადაწყვეტილების ასლი (“დისმისის” თუ სხვა). თუკი შესაბამისი დოკუმენტაცია არ გაქვთ, აუცილებლად გამოითხოვეთ შესაბამისი ორგანოებიდან. მნიშვნელოვანია რომ თუკი თქვენს კრიმინალურ საქმეზე საემიგრაციო მოსამართლეს ან აის ოფიცერს გაუჩნდება კითხვა, თქვენ ადვოკატთან ერთად თუ მის გარეშე, ნებისმიერ სიტუაციაში მომზადებული იყოთ რომ აუხსნათ თქვენი კრიმინალური საქმის სტატუსი და არამხოლოდ ზეპირსიტყვიერად აუხსნათ, არამედ დოკუმენტალური მხარეც გქონდეთ წესრიგში, რათა თავიდან აირიდოთ დამატებითი კითხვები და გართულება ❤️ კონსულტაციისთვის დამიკავშირდით (347) 993-8836 ⚖️ წარმატებები ყველას!

08/03/2026

გამარჯობა ❤ ⚖️ სასამართლოს შემოწმებას სულ 5 წამი სჭირდება. დეპორტის გასაჩივრებას კი ბევრად მეტი დრო, რესურსი, ფინანსები, ნერვიულობა და მაინც არ გაქვთ გარანტია, რომ მოსამართლე თქვენს დეპორტის გასაჩივრების თხოვნას დააკმაყოფილებს.

ამიტომ, აუცილებლად ამოწმეთ სასამართლო ხშირად. თუკი ისედაც ხშირად ამოწმებთ, მაშინ თქვენს მეგობრებს, ნაცნობებს და ახლობლებს უთხარით რომ ხშირად ამოწმონ, რადგან დარწმუნებული ვარ თქვენს გარშემო მოიძებნება ისეთი ადამიანი, ვისაც შეიძლება გამორჩეს შემოწმება. რამდენიმე წამი სჭირდება იმას, რომ დეპორტით არ გაირთულოთ საემიგრაციო საქმე და აუცილებლად გამონახეთ ეს რამდენიმე წამი ❤ ⚖️ ამას გიზიარებთ პირადად ჩემი კლიენტების გამოცდილებაზე დაყრდნობით, ვისაც დეპორტი სწორედ გამოუცხადებლობის გამო გამოუტანეს.

08/03/2026

კიდევ ერთი უმნიშვნელოვანესი საკითხი (ისევ ჩემი კლიენტების გამოცდილებაზე დაყრდნობით): განაახლეთ მისამართები სასამართლოში 🏡 . სასამართლო იმ მისამართზე აგზავნის თქვენი სასამართლოს თარიღის, მისი გადადების, გაუქმების, გადმოწევის შესახებ წერილს, სადაც თქვენ ცხოვრობთ (რაც გაქვთ მითითებული სასამართლო სისტემაში).

სამწუხაროდ, ბევრს ავიწყდება მისამართის განახლება, ფიქრობს რომ სპონსორი/მეგობარი/ახლობელი შეუნახავს წერილს, ფიქრობს რომ სასამართლო სისტემაში ისედაც ნახავს თუ რამე შეიცვალა და ა.შ უბრალოდ განაახლეთ და თავიდან აირიდეთ შემდგომი გართულება ☺️ ძალიან მარტივია განახლება, კომენტარებში ვდებ რომ თუ ვინმემ არ იცით, გადახვიდეთ ლინკზე და განაახლოთ.
დასაკავშირებლად 📞 (347) 993-8836

Address

165 Broadway, 23rd Floor, STE 2325A
New York, NY
10006

Opening Hours

Monday 9am - 8pm
Tuesday 9am - 8pm
Wednesday 9am - 8pm
Thursday 9am - 8pm
Friday 9am - 8pm
Saturday 9am - 8pm
Sunday 9am - 8pm

Telephone

+14014051777

Website

Alerts

Be the first to know and let us send you an email when Law Office of Marita Mazanishvili posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Law Office of Marita Mazanishvili:

Shortcuts

Featured

Share

Category