ACE Education

ACE Education Contact information, map and directions, contact form, opening hours, services, ratings, photos, videos and announcements from ACE Education, Passport and visa service, Kansas City, KS.

ဂျပန်မှာကျောင်းတက်ဖို့ ဘာတွေပြင်ဆင်ထားသင့်လဲခေတ်မီဖွံ့ဖြိုးတိုးတက်တဲ့ ဂျပန်နိုင်ငံမှာ ကျောင်းတက်ချင်တဲ့ လူငယ်အများစုရှိမ...
11/28/2024

ဂျပန်မှာကျောင်းတက်ဖို့ ဘာတွေပြင်ဆင်ထားသင့်လဲ
ခေတ်မီဖွံ့ဖြိုးတိုးတက်တဲ့ ဂျပန်နိုင်ငံမှာ ကျောင်းတက်ချင်တဲ့ လူငယ်အများစုရှိမယ်လို့ယုံကြည်ပါတယ် ဒါကြောင့် သိထားသင့်တဲ့အချက်လေးတွေ၊ ကြိုတင်ပြင်ဆင်ထားရမဲ့အချက်တွေကို ပြောပြပေးပါမယ်ဗျ
အရင်ဆုံး ဆုံးဖြတ်ရမှာက ကိုယ်က Undergraduate, Graduate, Specialized Studies ဘယ် Level နဲ့ Join မှာလဲ ဆိုတာပါ။
ဂျပန်တက္ကသိုလ်အများစုက English, Japanese ဘာသာစကားနှစ်မျိုးလုံးနဲ့ သင်ကြားပေးပေမဲ့ ဒါဟာ နိုင်ငံတကာကလာတဲ့ Graduate Students တွေအတွက်ပဲဖြစ်ပါတယ်။ ပြောချင်တာက Undergraduate Students တွေဆိုရင်တော့ ဂျပန်ဘာသာစကားတတ်မြောက်ထားဖို့လိုပါမယ်။
ဂျပန်မှာ Research University တွေဖြစ်တဲ့ University of Tokyo, Kyoto University Waseda University တို့လို နာမည်ကြီးတက္ကသိုလ်တွေလည်းရှိတာမို့ ပါရဂူဘွဲ့ယူမဲ့သူတွေအတွက် အဆင်ပြေပါတယ်။
ကဲ.... ကျောင်းဝင်ခွင့်နဲ့ပတ်သက်တာလေးတွေပြောပြပါမယ်ဗျ။
ဝင်ခွင့်သတ်မှတ်ချက်တွေကတော့ တစ်ကျောင်းနဲ့တစ်ကျောင်း မတူကြပါဘူး။ အခြေခံအားဖြင့်တော့ ဝင်ခွင့် စာမေးပွဲဖြေရမယ်၊ Japanese သို့မဟုတ် English ဘာသာစကားကျွမ်းကျင်တတ်မြောက်မှုစစ်ဆေးမယ်၊ အင်တာဗျူးဖြေဆိုရမယ် ဒါတွေပါပဲ။
ကျောင်းတွေမှာ English ဘာသာစကားနဲ့ သင်ကြားတာရှိပေမဲ့လည်း ကိုယ့်ပညာရေးလမ်းကြောင်း၊ နေ့စဥ်လူနေမှုဘဝအတွက် ဂျပန်ဘာသာစကား တတ်‌‌မြောက်ထားတာက ပိုအဆင်ပြေစေပါလိမ့်မယ်။ အနည်းဆုံး N3 level အထိ သင်ယူလေ့လာခဲ့ဖို့ အကြံပေးချင်ပါတယ်။
ဂျပန်ရောက်မှ ဂျပန်ဘာသာစကားသင်မယ်ဆိုလည်း ရပါတယ် ဒီမှာ အနီးကပ်သင်ပေးတဲ့ Language School တွေရှိပါတယ် ဒါပေမဲ့ ကုန်ကျစရိတ်ချင်းတော့ တူမှာမဟုတ်ဘူးပေါ့နော် ဒါကြောင့် ဂျပန်မှာကျောင်းတက်မှာ သေချာပြီဆိုရင် ကြိုတင် လေ့လာသင်ယူခဲ့တာက ပိုအဆင်ပြေစေပါလိမ့်မယ်။
English ဘာသာစကားနဲ့သင်ကြားတဲ့ ဘာသာရပ် (Major) ကိုတက်ဖို့လျှောက်ထားတယ်ဆိုရင်တော့ TOEFL သို့မဟုတ် IELTS Scores ပြပေးနိုင်ဖို့ လိုပါမယ်။
တချို့သော Undergraduate Program တွေလျှောက်မယ်ဆိုရင်တော့ EJU (Examination for Japanese University Admission for International Students) ဖြေဆိုရပါမယ်။ ဂျပန်ဘာသာစကား၊ သိပ္ပံနဲ့ သချႅာ ဘာသာရပ်တွေကို အဓိကစစ်ဆေးတဲ့ ဝင်ခွင့်ဖြေဆိုမှုပါ။
ကျောင်းတက်တာဆိုတော့ ပိုက်ဆံအများကြီးကုန်တယ်လေ ဒါကြောင့် Scholarship လျှောက်ဖို့ လိုတာပေါ့ ဟုတ်တယ်မလား
MEXT Scholarship - ဂျပန်အစိုးရကပေးအပ်တဲ့ ပညာသင်ဆုတွေရှိပါတယ်။ ကျောင်းစရိတ်၊ နေထိုင်စရိတ်၊ လေယာဥ်လက်မှတ်ခ ဒါတွေအားလုံးအတွက် ပေးတာပါ။ ပညာသင်ဆုသာရလိုက်ရင် အေးအေးဆေးဆေး ကျောင်းတက်လို့ရပြီဆိုတော့ လျှောက်တဲ့သူတွေအများကြီးရှိတာပေါ့ သိတယ်မလား။ Scholarship ရဖို့ မလွယ်ပါဘူး၊ ပြိုင်ဆိုင်မှုပြင်းထန်ပါတယ် ရသွားရင်လည်း သာယာပြီလေ။ ဆိုတော့ အစွမ်းကုန် ကြိုးစားပြီးမှ Scholarship လျှောက်ဖို့ တိုက်တွန်းချင်ပါတယ်။
တက္ကသိုလ်တွေမှာလည်း နိုင်ငံတကာကျောင်းသားတွေကိုပေးတဲ့ Scholarship အစီအစဥ်တွေရှိသလို JASSO နဲ့တခြားအဖွဲ့အစည်းတွေကထောက်ပံ့တဲ့ ပညာသင်ဆုအစီအစဥ်တွေလည်းရှိပါတယ်။
ကိုယ့်ဘက်ကသာသေချာပြင်ဆင်ထားမယ်ဆိုရင် ကိုယ်နဲ့ထိုက်တန်တဲ့ ပညာသင်ဆု မရစရာဘာအကြောင်းရှိလဲ ဗျာ ဟုတ်တယ်မလား။
ကဲ ဗီဇာကိစ္စဆက်ပြောကြရ‌အောင်
ကျောင်းဝင်ခွင့်ရပြီဆိုရင် ကိုယ့်နိုင်ငံမှာရှိတဲ့ ဂျပန်သံရုံး သို့မဟုတ် ဂျပန်ကောင်စစ်ဝန်ရုံးမှာ ကျောင်းသားဗီဇာ လျှောက်ထားရပါမယ်။ ကျောင်းခေါ်စာ၊ ပညာသင်စရိတ်အတွက် သက်သေပြရမဲ့ Show Money နဲ့ တခြား စာရွက်စာတမ်းတွေလိုအပ်ပါတယ်။ ပြည့်ပြည့်စုံစုံဖြစ်အောင် ပြင်ဆင်ထားဖို့မမေ့ပါနဲ့။
ဗီဇာရပြီ၊ ဂျပန်ရောက်ပြီ ဘယ်မှာ နေမလဲ?
တက္ကသိုလ်အများစုက နိုင်ငံတကာကျောင်းသားတွေအတွက် အဆောင်စီစဥ်ထားပေးတာရှိပါတယ်။ ကျောင်းအနီးနားတဝိုက်မှာ အခန်းငှားနေမယ်ဆိုလည်း ရပါတယ်။ ကုန်ကျစရိတ်ကွာခြားတာတော့ရှိမှာပေါ့နော်။
ဂျပန်မှာ ကျန်းမာရေးအာမခံစနစ်ရှိပါတယ်။ ကျန်းမာရေးအာမခံ ရယူထားတာက ပိုအဆင်ပြေမယ်လို့ အကြံပေးချင်ပါတယ်ဗျ။
ဂျပန်နိုင်ငံရဲ့ ယဥ်ကျေးမှု၊ အလေ့အထ စတာတွေကို ကြိုတင်လေ့လာထားပါ ဒါမှ ဂျပန်မှာ ပျော်ရွှင်တဲ့ ကျောင်းသားဘဝ ပိုင်ဆိုင်နိုင်ပါပြီ။
တိုကျိုလို မြို့ကြီးမှာ နေမယ် ကျောင်းတက်မယ်ဆိုရင်တော့ ကုန်ကျစရိတ်နဲ့ပတ်သက်ပြီး တွက်ဆထားရပါမယ်။ အခန်းခ၊ အစားအသောက်၊ နေ့စဥ်ကုန်ကျမဲ့အသုံးစရိတ်တွေက တခြားမြို့တွေထက် များတာမို့ ဘတ်ဂျက်ကို သေချာလေး ချိန်ဆဖို့ လိုအပ်မယ်ဆိုတာလေး ပြောရင်းနဲ့ အဆုံးသတ်ပါရစေ။
ဂျပန်မှာကျောင်းတက်ဖို့ သိချင်တယ်၊ Agency Service လိုအပ်တယ်ဆိုရင် gmail: [email protected], Viber: +19133253353 တို့ကို ဆက်သွယ်မေးမြန်းနိုင်ပါတယ်။ ဂျပန်မှာကျောင်းတက်ဖို့ လိုအပ်တဲ့လုပ်ငန်းစဥ်တွေအားလုံးကို မှန်ကန်တဲ့နှုန်းထားတစ်ခုနဲ့ ကူညီဆောင်ရွက်ပေးနေတာမို့ Ace Education ကို ယုံကြည်စိတ်ချစွာ ဆက်သွယ်ဆောင်ရွက်နိုင်ပါတယ် ခင်ဗျာ။
“Let’s Build Your Dream Together”


နိုင်ငံခြားမှာကျောင်းတက်မယ်ဆိုတာနဲ့ အရင်ဆုံးပြင်ဆင်ရမှာက အင်္ဂလိပ်စာ ပဲ။ ဟုတ်တယ်မလား ?အင်္ဂလိပ်စာသင်တန်းတွေတက်၊ စကားပြော...
10/14/2024

နိုင်ငံခြားမှာကျောင်းတက်မယ်ဆိုတာနဲ့ အရင်ဆုံးပြင်ဆင်ရမှာက အင်္ဂလိပ်စာ ပဲ။
ဟုတ်တယ်မလား ?
အင်္ဂလိပ်စာသင်တန်းတွေတက်၊ စကားပြောတွေလေ့ကျင့်
ကိုယ့်ရဲ့ဘာသာစကားကျွမ်းကျင်မှုအနေအထားတစ်ခုကိုရောက်ပြီဆိုရင်တော့ ကျောင်းတက်ဖို့ အဓိကလိုအပ် ချက်ဖြစ်တဲ့ အင်္ဂလိပ်ဘာသာစကားစစ်ဆေးမှုစာမေးပွဲတစ်ခုခုကို ဖြေဆိုရပါတော့မယ်။
ကိုယ်လျှောက်မဲ့ကျောင်း ကိုယ်တက်ချင်တဲ့ကျောင်းက ဘယ်လိုစာမေးပွဲအမျိုးအစား/ရလဒ်ကိုလက်ခံလဲဆိုတာ သိထားရပါမယ်။
ဒါမှသာ IETLS, TOEFL, Duolingo ဘယ်ဟာဖြေရမလဲဆိုတာ သိမှာပါ ကြိုတင်ပြင်ဆင်နိုင်မှာပါ။
ဒီ Test အားလုံးဟာ အင်္ဂလိပ်ဘာသာစကားမှာပါဝင်တဲ့ အရေး၊ အပြော၊ အဖတ်၊ အကြား စွမ်းရည်တွေကို စစ်ဆေးတာဖြစ်ပေမဲ့ တစ်ခုချင်းစီမှာ အားသာချက်/အားနည်းချက်တွေရှိပါတယ်။
ဒီပို့စ်လေးရဲ့ ရည်ရွယ်ချက်က အဲ့ဒီအချက်တွေကို သိစေချင်လို့ပါ။
ကဲ စလိုက်ကြစို့....
IELTS (International English Language Testing System)
အားသာချက် - ကမ္ဘာ့တက္ကသိုလ်အများစုက အသိအမှတ်ပြုပါတယ်၊ လုပ်ငန်းရှင်တွေ၊ လူဝင်မှုကြီးကြပ် ရေးကလည်း လက်ခံပါတယ်။
ကျောင်းအတွက်ဆိုရင် Academic, အလုပ်အတွက်/ ပြောင်းရွှေ့နေထိုင်ဖို့အတွက်ဆိုရင် General ဆိုပြီး ၂ မျိုးရှိပါတယ်။
Listening, Reading, Writing, and Speaking Test ၄ ခုကို တစ်ပြိုင်နက်တည်းဖြေရပါတယ်။ ခြွင်းချက်အနေနဲ့ Speaking Test ကို နောက်တစ်ရက်မှဖြေရတာမျိုးလည်းရှိပါတယ်။
Speaking Test ကို အတွေ့အကြုံရင့်ကျက်တဲ့ Examiner နဲ့ တိုက်ရိုက်ဖြေဆိုရလို့ Real Dialogue Mode အပြည့်အဝ ရပါတယ်။
အားနည်းချက် - Exam Fee မြင့်ပါတယ်။
စာမေးပွဲအချိန်က ၃ နာရီဝန်းကျင်မို့ ကြာမြင့်တယ်လို့ပြောလို့ရပါတယ်။
စာမေးပွဲဖြေဖို့ နေရာ၊ အချိန် ရွေးချယ်ခွင့် သိပ်မရှိပါဘူး။
TOEFL (Test of English as a Foreign Language)
အားသာချက် - နိုင်ငံပေါင်း ၁၅ဝ ကျော် အထူးသဖြင့် မြောက်အမေရိကနိုင်ငံတွေရှိ တက္ကသိုလ်တွေက TOEFL ဆို Welcome ပါပဲ။
စာမေးပွဲကို Online က ဖြေလို့ရပါတယ်၊ ဆိုတော့ ဖြေရတာ အဆင်ပြေတာပေါ့။
Listening, Reading, Writing, and Speaking Test ၄ ခုကို တစ်ပြိုင်နက်တည်းဖြေရပါတယ်။
ကိုယ်ရတဲ့ Score (အမှတ်)ရဲ့ သက်တမ်း (၂) နှစ်ပါ။

အားနည်းချက် - Exam Fee မြင့်ပါတယ်၊ စာမေးပွဲအချိန်ပြောင်းရွှေ့ချင်တာမျိုးဆိုရင် Additional Fee ထပ်ပေးသွင်းရတာရှိနိုင်ပါတယ်၊ Result ထုတ်ယူဖို့ Fee ထပ်ပေးရတာမျိုး ရှိနိုင်ပါတယ်။
Online က ဖြေရတာမို့ ဖြေနေစဥ် အင်တာနက်မကောင်းတာ၊ ကွန်ပျူတာပြဿနာနဲ့ကြုံရတာမျိုး ရှိနိုင်ပါတယ်။

Duolingo English Test
အားသာချက် - ကိုယ်ကြိုက်တဲ့အချိန် ဖြေလို့ရပါတယ်။
IELTS နဲ့ TOEFL တို့ထက် ကုန်ကျစရိတ်သက်သာပါတယ်။
ဖြေပြီး ၂ ရက်အတွင်း Result ရပါတယ်။
ကိုယ့်ရဲ့ကျွမ်းကျင်မှုပေါ်မူတည်ပြီး မေးခွန်းတွေကပြောင်းလဲသွားတာမို့ ဖြေရတာ ပိုပြီးသက်သောင့်သက်သာ ရှိပါတယ်။
အားနည်းချက်
Duolingo English Test Result ကို အသိအမှတ်ပြုလက်ခံကြပေမဲ့ IELTS နဲ့ TOEFL တို့လောက်တော့ အရှိန်အဝါမကြီးပါဘူး။
Speaking ဖြေရတာမှာ Recorded လုပ်ထားတာနဲ့ ဖြေရတာမို့ Real Speaking Test Mode မရနိုင်ပါဘူး။
အိမ်မှာဖြေရတဲ့အတွက် Exam Center မှာဖြေရတဲ့ ခံစားသက်ဝင်မှုမရတာ၊ အာရုံစူးစိုက်နိုင်မှု အားနည်း သွားတာတွေဖြစ်နိုင်ပါတယ်။
နိဂုံးချုပ်ရရင်တော့ English Proficiency Test တိုင်းမှာ အားသာချက်/အားနည်းချက်တွေရှိပါတယ်။ အင်္ဂလိပ်ဘာသာစကားသုံးစွဲတဲ့နိုင်ငံတွေမှာ ကျောင်းတက်မယ်ဆိုရင် ဘယ် Test ကိုဖြေသင့်လဲ၊ ဘယ် Test က ကိုယ့်အခြေအနေ၊ ကိုယ်ရွေးချယ်ထားတဲ့ ကျောင်းနဲ့ ကိုက်ညီလဲဆိုတာ သေချာစဥ်းစားပြီးမှ ဖြေဆိုကြပါလို့ အကြံပေးပါရစေဗျ။
နို့မိုဆို အချိန်ကုန်၊ ငွေကုန်၊ လူပင်ပန်း၊ စိတ်ပင်ပန်းကြရပါလိမ့်မယ်။
အမေရိကမှာ Community College, University တက်ဖို့ အစီအစဥ်ရှိတယ်၊ ဘာကစလုပ်ရမှန်းမသိဘူးဆိုရင် ကျွန်တော်တို့ရဲ့ Ace Education ကို ဆက်သွယ်ပါဗျ။
ကျွန်တော်တို့အနေနဲ့ အကောင်းဆုံးအကြံဉာဏ်တွေ၊ ဝန်ဆောင်မှုတွေပေးနိုင်ပါတယ်။
gmail: [email protected], Viber: +19133253353 တို့ကို ဆက်သွယ်လို့ရပါတယ်ဗျ။
စိတ်ကူးထဲကပညာရေးအိပ်မက်တွေကို အကောင်အထည်ဖော်နိုင်ကြပါစေခင်ဗျာ။



"ဟုတ်ကဲ့ပါဗျ ဟုတ်ကဲ့ပါရပါတယ်ဗျ" လို့ ပြောလိုက်ရပေမဲ့ ရင်ထဲမှာတော့ ငိုနေမိတယ်
10/10/2024

"ဟုတ်ကဲ့ပါဗျ ဟုတ်ကဲ့ပါ
ရပါတယ်ဗျ" လို့ ပြောလိုက်ရပေမဲ့ ရင်ထဲမှာတော့ ငိုနေမိတယ်




ပြည်ပမှာကျောင်းတက်ဖို့ဆိုရင် DET ကို မေ့မထားသင့်ဘူးနော်(DET) ဆိုတာ Duolingo English Test (DET) ဖြစ်ပြီးတော့ အွန်လိုင်းကဖ...
10/07/2024

ပြည်ပမှာကျောင်းတက်ဖို့ဆိုရင် DET ကို မေ့မထားသင့်ဘူးနော်
(DET) ဆိုတာ Duolingo English Test (DET) ဖြစ်ပြီးတော့ အွန်လိုင်းကဖြေဆိုနိုင်တဲ့ English Proficiency Test ကို ပြောတာပါ။
Duolingo English Test Result ကို TOEFL, IELTS တို့လိုပဲ တက္ကသိုလ်အများစု၊ ပညာ‌ရေးဆိုင်ရာ အဖွဲ့ အစည်းတွေက လက်ခံကြပါတယ်။
Duolingo English Test (DET) ဖြေမယ်ဆိုရင် သူ့ရဲ့ Structure ကို သိထားဖို့လိုအပ်ပါတယ်။ ဖြေဆိုချိန် မိနစ် (၆ဝ) ဖြစ်ပြီး Adaptive Test နဲ့ Video Interview & Writing Sample ဆိုပြီးရှိပါမယ်။
Adaptive Test မှာ မတူကွဲပြားတဲ့မေးခွန်းပုံစံတွေပါဝင်ပြီး Reading, Listening, Writing နဲ့ Speaking စတာတွေ ဖြေဆိုရမှာပါ။ Adaptive Test လို့ ဘာကြောင့်ခေါ်လဲဆိုတော့ ကိုယ့်ရဲ့ ဖြေဆိုနိုင်စွမ်းပေါ် မူတည်ပြီး မေးခွန်းတွေအပြောင်းအလဲဖြစ်သွားလို့ပါ။ ဖြေနိုင်တယ်ဆိုရင် မေးခွန်းတွေက ပိုပိုခက်လာ မှာြဖစ်ပြီး မဖြေနိုင်ဘူးဆိုရင် မေးခွန်းတွေက လွယ်ကူတဲ့မေးခွန်းတွေဖြစ်သွားမှာပါ။
Video Interview & Writing Sample ဆိုတာကတော့ စာရေးပြီးဖြေဆိုရတဲ့မေးခွန်းတွေပါဝင်သလို ကိုယ့်ရဲ့စကား‌ပြောနိုင်စွမ်းကို ဗီဒီယိုမှတ်တမ်းရိုက်ပြီးဖြေဆိုရတဲ့ Speaking Test လည်း ပါဝင်ပါတယ်။
အမှတ်ပေးစနစ်
အမှတ်ပေးပုံပေးနည်းက (၁ဝ)မှတ်မှ အမှတ် (၁၆ဝ)အထိသတ်မှတ်ထားပြီး ကိုယ့်ရဲ့ဘာသာစကား ကျွမ်းကျင်မှု ပေါ်မူတည်ပြီး ရရှိမှာပါ
စာမေးပွဲဖြေဆိုပြီး (၄၈)နာရီအတွင်း ကိုယ့်ရလဒ်ကို သိနိုင်မှာြဖစ်ပါတယ်။
ကုန်ကျစရိတ်
စာမေးပွဲကြေး $49 USD လောက် ကျသင့်မှာပါ။ နေရာဒေသပေါ်မူတည်ပြီးတော့ အနည်းငယ်အပြောင်း အလဲရှိနိုင်ပါတယ်။
Duolingo English Test Result ကို ကိုယ့်အိမ်မှာပဲဖြေလို့ရတာမို့ သက်သောင့်သက်သာရှိပါတယ်။ ဖြေဆိုဖို့ Registration လုပ်စရာလည်းမလိုပါဘူး။ အကောင့်ဖွင့်ပြီး ကိုယ်ကြိုက်တဲ့အချိန်ဖြေလို့ ရပါတယ်။
ကမ္ဘာပေါ်ရှိတက္ကသိုလ်အများစု၊ ပညာရေးဆိုင်ရာအဖွဲ့အစည်းတွေက Duolingo English Test Result ကို လက်ခံကြတဲ့အတွက် ပြည်ပနိုင်ငံတွေမှာကျောင်းတက်မယ်ဆိုရင် (DET) ကို ရွေးချယ်သင့်ပါတယ်။
Duolingo English Test Result ရဲ့သက်တမ်းကတော့ TOEFL, IELTS တို့လို (၂) နှစ် သက်တမ်းပါပဲ။
အနှစ်ချုပ်ပြောရရင်တော့ Duolingo English Test က ကုန်ကျစရိတ်သက်သာတယ်၊ ဖြေရတာ သက်သောင့်သက်သာရှိတယ်၊ ရလဒ်ကိုအချိန်တိုအတွင်းသိရတယ်၊ ကောလိပ်တွေနဲ့တက္ကသိုလ်အများစု က လက်ခံတယ်။
ဆိုတော့ အမေရိကမှာကျောင်းဆက်တက်မယ်ဆိုသူတွေ Duolingo English Test ကို ရွေးချယ်သင့် တယ်လို့ဆိုရမှာပဲဖြစ်ပါတယ်ဗျ။
ဒီလောက်ဆိုရင် Duolingo English Test ကိုရွေးသင့်တယ်ဆိုတာသိသွားလောက်ပါပြီနော်။ အမေရိကမှာ ကျောင်းဆက်တက်ဖို့ဆိုရင်တော့ Ace Education Agency ရှိပါတယ်ဗျ
သင့်ရဲ့ American Education Dream ကို Ace Education နဲ့လက်တွဲပြီး အကောင်အထည်ဖော်လိုက်ပါ ခင်ဗျာ။

To Contact - gmail: [email protected], Viber: +19133253353



TOEFL (Test of English as a Foreign Language) ဆိုတာ အင်္ဂလိပ်ဘာသာစကားပြောတဲ့နိုင်ငံတွေမှာ မွေးဖွားကြီးပြင်းခဲ့သူမဟုတ်တဲ့...
10/05/2024

TOEFL (Test of English as a Foreign Language) ဆိုတာ အင်္ဂလိပ်ဘာသာစကားပြောတဲ့နိုင်ငံတွေမှာ မွေးဖွားကြီးပြင်းခဲ့သူမဟုတ်တဲ့ Non-native English Speaker တွေ ပြည်ပနိုင်ငံတစ်ခုခုမှာ ကျောင်း ဆက်တက်ဖို့၊ အလုပ်လုပ်ဖို့အတွက် ဖြေဆိုကြတဲ့ Test တစ်ခုပါ။
ကဲ ဒီတော့ TOEFL နဲ့ပတ်သက်ပြီး သိသင့်သိထိုက်တဲ့အချက်လေးတွေကို ဆက်ဖတ်ကြည့်လိုက်ရအောင် ဗျာ
အင်္ဂလိပ်ဘာသာစကားသုံးစွဲတဲ့ ပြည်ပနိုင်ငံတွေရဲ့ အစိုးရတွေ၊ တက္ကသိုလ်တွေ၊ လုပ်ငန်းတွေက TOEFL ရလဒ်ကို လက်ခံကြပါတယ်။ ဆိုလိုချင်တာက ကျောင်းတက်ချင်တာလား၊ ပညာတော်သင်ဆုလျှောက် ချင်တာလား၊ အလုပ်လုပ်ချင်တာလား? TOEFL အမှတ်ကောင်းကောင်းရအောင်သာဖြေခဲ့ပါ။ သူတို့က Welcome ဖြစ်တယ်လို့ ပြောချင်တာပါ။
TOEFL မှာ ဖြေဆိုနိုင်တဲ့ပုံစံ(၂)မျိုးရှိပါတယ်။ TOEFL iBT နဲ့ TOEFL PBT (Paper-based Test) ပါ။
TOEFL iBT ဆိုတာ (Internet-based Test) ဖြစ်ပြီး ဖြေဆိုသူအများစု ရွေးချယ်ကြတဲ့ Format ပါ။ အွန်လိုင်းကတဆင့်ဖြေဆိုတဲ့ပုံစံဖြစ်ပါတယ်။
TOEFL PBT ဆိုတာကတော့ (Paper-based Test) ဖြစ်ပြီးတော့ အင်တာနက်မရ/ မလွယ်ကူတဲ့နေရာ ဒေသတွေမှာသာဖြေဆိုတဲ့ Format ဖြစ်ပြီး လူကြိုက်နည်းပါတယ်။
ဘာတွေဖြေရမှာလဲဆိုတော့ ထုံးစံအတိုင်း Four Skills ပေါ့ဗျာ
စာကြောင်းတွေဖတ်ပြီး ကိုယ့်နားလည်နိုင်စွမ်းကို ဖော်ကျူးရမဲ့ Reading
နားထောင်ပြီး ကိုယ်ဘယ်လောက်နားလည်လိုက်သလဲဆိုတာ အဖြေညှိရမဲ့ Listening
ပြည်ပနိုင်ငံမှာ သူတပြန်ကိုယ်တပြန်ပြောနိုင်လားဆိုတာ စစ်ဆေးမဲ့ Speaking
နှုတ်တစ်ရာစာတစ်လုံးဆိုသလို ကိုယ်ပြောချင်တာတွေကို စကားလုံးတွေနဲ့ အသွင်ပြောင်းပြီး တင်ပြနိုင်သလားဆိုတာ စစ်ဆေးမဲ့ Writing

အဲ့ဒီ Test ၄ မျိုးပါပဲ
ဖြေဆိုချိန်ကတော့ ၃ နာရီပါ ၁ဝ မိနစ် Breaktime ရှိပါတယ်။
ဘယ်လိုအမှတ်ပေးစနစ်နဲ့အကဲဖြတ်လဲဆိုတော့ Test တစ်ခုချင်းစီတိုင်းအတွက် အမှတ် 0 မှ 30 အထိ ပေးထားပါတယ်။ Test ၄ မျိုးမို့ အမှတ်စုစုပေါင်း 0 မှ 120 အထိ ရနိုင်ပါတယ်။
အမှတ်များများရလေကောင်းလေပေါ့ဗျာ ဟုတ်တယ်မလား
တက္ကသိုလ်တွေက TOEFL အမှတ် ဘယ်လောက်ရရမယ်ဆိုတဲ့ သတ်မှတ်ချက်တွေမတူတာမို့ ကိုယ်လျှောက်မဲ့ကျောင်းရဲ့ သတ်မှတ်ချက်ကို သတိပြုဖို့တော့လိုပါတယ်ဗျ။
ကိုယ်ဖြေထားတဲ့ TOEFL Result က သက်တမ်း (၂) နှစ်ပဲရှိတာမို့ (၂)နှစ်ကျော်သွားရင် အကျုံးမဝင် တော့ပါဘူး။
တစ်နှစ်တာလုံး တရားဝင် TOEFL Test Center တွေမှာ ဖြေဆိုလို့ရတာမို့ စာမေးပွဲပုံစံနဲ့ အသား ကျအောင်လေ့ကျင့်ပါ ကိုယ်အဆင်သင့်ဖြစ်တဲ့အချိန်ကိုရွေးချယ်ပြီးမှ ဖြေဆိုပါလို့ အကြံပေးချင်ပါတယ်။
စာမေးပွဲကြေးအနေနဲ့ $180 မှ $300 ဝန်းကျင်အတွင်း ကျသင့်နိုင်ပြီး official ETS website (Educational Testing Service) မှာ Register လုပ်လို့ရပါတယ်။
အမေရိကမှာကျောင်းတက်မယ်ဆိုရင် TOEFL Result ကောင်းကောင်းလေးရအောင် ကြိုးစားဖို့ တိုက်တွန်းချင် ပါတယ်ဗျ။
American Education နဲ့ ပတ်သက်ပြီး သိချင်တာရှိရင် ကျွန်တော့်ရဲ့ Ace Education Contact တွေဖြစ်တဲ့ gmail: [email protected], Viber: +19133253353 တို့ကို ဆက်သွယ်မေးမြန်းလို့ရပါတယ်ဗျ။ ကူညီပေးဖို့အသင့်ရှိနေပါမယ်။ ကျေးဇူးတင်ပါတယ်ခင်ဗျ။



𝐈𝐄𝐋𝐓𝐒 ဆိုတာ....𝐈𝐄𝐋𝐓𝐒 ဆိုတာ 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐄𝐧𝐠𝐥𝐢𝐬𝐡 𝐋𝐚𝐧𝐠𝐮𝐚𝐠𝐞 𝐓𝐞𝐬𝐭𝐢𝐧𝐠 𝐒𝐲𝐬𝐭𝐞𝐦 ကို အတိုကောက်ခေါ်ဆိုတာဖြစ်ပြီး 𝐄𝐧𝐠𝐥𝐢𝐬𝐡 𝐏𝐫𝐨𝐟𝐢𝐜𝐢𝐞...
10/02/2024

𝐈𝐄𝐋𝐓𝐒 ဆိုတာ....

𝐈𝐄𝐋𝐓𝐒 ဆိုတာ 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐄𝐧𝐠𝐥𝐢𝐬𝐡 𝐋𝐚𝐧𝐠𝐮𝐚𝐠𝐞 𝐓𝐞𝐬𝐭𝐢𝐧𝐠 𝐒𝐲𝐬𝐭𝐞𝐦 ကို အတိုကောက်ခေါ်ဆိုတာဖြစ်ပြီး 𝐄𝐧𝐠𝐥𝐢𝐬𝐡 𝐏𝐫𝐨𝐟𝐢𝐜𝐢𝐞𝐧𝐜𝐲 𝐓𝐞𝐬𝐭 တစ်ခုဖြစ်ပါတယ်။ 𝐈𝐄𝐋𝐓𝐒 Result ပေါ်မူတည်ပြီး ကိုယ့် 𝐄𝐧𝐠𝐥𝐢𝐬𝐡 စာ Level ဘယ်လောက်ရှိလဲဆိုတာ သက်သေပြနိုင်ပါတယ်။
နိုင်ငံခြားမှာ ကျောင်းဆက်တက်ဖို့၊ Scholar လျှောက်ဖို့၊ အလုပ်လုပ်ဖို့ အင်္ဂလိပ်စာကျွမ်းကျင်ကြောင်း 𝐏𝐫𝐨𝐟𝐢𝐜𝐢𝐞𝐧𝐜𝐲 𝐓𝐞𝐬𝐭 𝐏𝐚𝐬𝐬 လက်မှတ်ပြရပါတယ်။ အင်္ဂလိပ်ဘာသာစကားကျွမ်းကျင်မှုစစ်ဆေးတဲ့ တခြား Test တွေရှိပေမဲ့ 𝐈𝐄𝐋𝐓𝐒 ကနာမည်အကြီးဆုံး၊ နိုင်ငံတကာကကျောင်းတွေ လက်အခံဆုံး 𝐏𝐫𝐨𝐟𝐢𝐜𝐢𝐞𝐧𝐜𝐲 𝐓𝐞𝐬𝐭 ပါ။ ဒါကြောင့် ပြည်ပမှာပညာသင်မဲ့လူငယ်တွေ 𝐈𝐄𝐋𝐓𝐒 ကို ဖြေဆိုကြတာပါ။
အမေရိကရှိ ကောလိပ်၊ တက္ကသိုလ်အများစုက ကျောင်းဝင်ခွင့်အတွက် 𝐈𝐄𝐋𝐓𝐒 ကို လက်ခံပါတယ်။
𝐈𝐄𝐋𝐓𝐒 မှာ 𝐄𝐧𝐠𝐥𝐢𝐬𝐡 4 𝐬𝐤𝐢𝐥𝐥𝐬 ဖြစ်တဲ့ 𝐋𝐢𝐬𝐭𝐞𝐧𝐢𝐧𝐠, 𝐖𝐫𝐢𝐭𝐢𝐧𝐠, 𝐑𝐞𝐚𝐝𝐢𝐧𝐠, 𝐒𝐩𝐞𝐚𝐤𝐢𝐧𝐠 အကုန်လုံးပါဝင်ပါတယ်။ ဒါ့အပြင် 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐥𝐞𝐯𝐞𝐥 ဖြစ်လို့ ကိုယ့်ရဲ့ အင်္ဂလိပ်စာဟာ အနည်းဆုံး 𝐈𝐧𝐭𝐞𝐫𝐦𝐞𝐝𝐢𝐚𝐭𝐞 ရှိထားရပါမယ်။
𝐈𝐄𝐋𝐓𝐒 မှာ 𝐀𝐜𝐚𝐝𝐞𝐦𝐢𝐜 နဲ့ 𝐆𝐞𝐧𝐞𝐫𝐚𝐥 𝐓𝐫𝐚𝐢𝐧𝐢𝐧𝐠 ဆိုပြီး 𝐌𝐨𝐝𝐮𝐥𝐞 နှစ်မျိုးရှိပါတယ်။ 𝐀𝐜𝐚𝐝𝐞𝐦𝐢𝐜 က နိုင်ငံခြားမှာ ကျောင်းဆက်တက်မယ့်သူတွေအတွက်ဖြစ်ပြီး 𝐆𝐞𝐧𝐞𝐫𝐚𝐥 𝐓𝐫𝐚𝐢𝐧𝐢𝐧𝐠 က နိုင်ငံခြားမှာ အလုပ်လုပ်မယ့်သူတွေ အတွက်ပါ။ စာမေးပွဲပုံစံလည်း မတူကွဲပြားပြီး ကိုယ့်ရည်ရွယ်ချက်နဲ့ကိုက်ညီတာကို ရွေးချယ်ဖြေဆိုနိုင်ပါတယ်။
𝐈𝐄𝐋𝐓𝐒 မှာ ပုံမှန်စာမေးပွဲတွေလို အအောင်/အကျ မရှိပါဘူး။ 𝐁𝐚𝐧𝐝 𝐒𝐜𝐨𝐫𝐞 စနစ်နဲ့ ပေးတာဖြစ်ပြီး စုစုပေါင်း 𝐁𝐚𝐧𝐝 1 ကနေ 𝐁𝐚𝐧𝐝 9 ထိရှိပါတယ်။ ကိုယ်ဖြေထားတဲ့ 4 𝐬𝐤𝐢𝐥𝐥𝐬 𝐭𝐞𝐬𝐭 ၄ ခုပေါ်မူတည်ပြီး ပျမ်းမျှ 𝐁𝐚𝐧𝐝 𝐒𝐜𝐨𝐫𝐞 ကိုရရှိမှာဖြစ်ပါတယ်။ နိုင်ငံနဲ့ ကျောင်းကို ကိုယ့်စိတ်ကြိုက်ရွေးချယ်ချင်တယ်ဆိုရင်တော့ 𝐈𝐄𝐋𝐓𝐒 𝐁𝐚𝐧𝐝 𝐒𝐜𝐨𝐫𝐞 အနည်းဆုံး (7) အထက်ရှိမှ အဆင်ပြေနိုင်ပါလိမ့်မယ်။
𝐈𝐄𝐋𝐓𝐒 စာမေးပွဲကို ရန်ကုန်နဲ့ မန္တလေးနှစ်နေရာမှာပဲ ဖြေလို့ရပါတယ်။ ကောင်းတဲ့အချက်တစ်ခုက ကိုယ်လိုချင်တဲ့ 𝐁𝐚𝐧𝐝 𝐒𝐜𝐨𝐫𝐞 မရမချင်း အကြိမ်ကြိမ်ဖြေဆိုနိုင်ပါတယ်။ (ပိုက်ဆံနဲ့ အချိန်တော့ ကုန်တာပေါ့နော်)
ဖြေဖို့အစီအစဥ်ရှိတယ်ဆိုရင် သေချာလေးအချိန်ယူလေ့လာပြင်ဆင်ပါ။
Exam အတွက် IELTS Cambridge Practice Tests လို လေ့လာရေးအထောက်အကူပြုစာအုပ်တွေရှိသလို The Official Cambridge Guide to IELTS တို့လည်းရှိပါတယ်။ အွန်လိုင်းကလေ့လာဖို့ဆိုရင်တော့ IELTS Simon, IELTS Liz, British Council’s IELTS practice materials တို့ ရှိပါတယ်။
𝐈𝐄𝐋𝐓𝐒 စာမေးပွဲနဲ့ပတ်သက်ပြီး သိသင့်သိထိုက်တာလေးတွေကို မျှဝေပေးလိုက်ပါတယ်ဗျ။
နောက်တစ်ခေါက်ကျရင် TOEFL နဲ့ Duolingo Test တွေအကြောင်း မျှဝေပေးမှာမို့ Page ကို Like & Follow လုပ်ထားပေးဖို့မမေ့ပါနဲ့ခင်ဗျာ။


“ပညာလည်းယူ $100 အလှူ”ကျွန်တော်တို့မြန်မာနိုင်ငံရဲ့ တချို့နေရာတွေမှာရေဘေးဒုက္ခရောက်နေကြတာမြင်ရတော့ လှူချင်တာမှအရမ်းပဲ ခက်...
09/21/2024

“ပညာလည်းယူ $100 အလှူ”

ကျွန်တော်တို့မြန်မာနိုင်ငံရဲ့ တချို့နေရာတွေမှာ
ရေဘေးဒုက္ခရောက်နေကြတာမြင်ရတော့ လှူချင်တာမှအရမ်းပဲ ခက်တာက လက်ထဲမှာလည်း ကျောင်းအပ်ဖို့အတွက် ပေးရမဲ့ Agency Fee ဖိုးပဲရှိတယ် ဘယ်လိုလုပ်ရပါ့

ဒါဆိုရင် စိတ်မညစ်နဲ့တော့ ACE Education ကလည်း ရေဘေးသင့်ပြည်သူတွေအတွက်လှူမဲ့အစီအစဥ်လေးမှာ ပါဝင်အားဖြည့်ထားပါတယ်ဗျ။
Dream Education က ဦးစီးဆောင်ရွက်နေတဲ့ “ပညာလည်းယူ ဒါနအလှူ” ဆိုတဲ့ အစီအစဥ်လေးမှာ Ace Education ကလည်း ကိုယ်တတ်စွမ်းနိုင်သလောက် ပါဝင်ထားပါတယ်ခင်ဗျာ။
ဘယ်လိုမျိုးလဲဆိုတော့ အမေရိကမှာကျောင်းတက်ဖို့ Ace Education ရဲ့ ဝန်ဆောင်မှု ရယူတဲ့ ကျောင်းသား တစ်ယောက်စီတိုင်းကို Service Fee $100 လျှော့ပေးပြီး အဲ့ဒီပိုက်ဆံကို ရေဘေးသင့်ပြည်သူတွေအတွက် ထည့်ဝင် လှူဒါန်းပေးသွားမှာပါ။
Ace Education Founder ကျနော်လည်း ကနဦးအနေနဲ့ ငွေကျပ်(၅)သောင်းထည့်ဝင်လှူဒါန်းထားပါတယ်ခင်ဗျ။
ကိုယ့်ပညာရေးရည်မှန်းချက်ကိုအကောင်အထည်ဖော်ရင်းနဲ့ အလှူလုပ်ပြီးသားဖြစ်သွားမှာမို့ စက်တင်ဘာလကုန် အထိပဲရှိမဲ့ “ပညာလည်းယူ ဒါနအလှူ” Campaign လေးမှာ ပါဝင်နိုင်ပါတယ်လို့ သတင်းကောင်းလေး ပါးလိုက်ပါ တယ်ခင်ဗျာ။



#ပညာလည်းယူဒါနအလှူ

ကောလိပ်ကို အရင်တက်သင့်တဲ့အကြောင်းရင်းများဒီတစ်ခါမှာတော့ အမေရိကမှာကျောင်းတက်မဲ့ မြန်မာကျောင်းသားတွေ တက္ကသိုလ်ကို တိုက်ရို...
09/15/2024

ကောလိပ်ကို အရင်တက်သင့်တဲ့အကြောင်းရင်းများ

ဒီတစ်ခါမှာတော့ အမေရိကမှာကျောင်းတက်မဲ့ မြန်မာကျောင်းသားတွေ တက္ကသိုလ်ကို တိုက်ရိုက် မတက်ဘဲ ကောလိပ်အရင်တက်သင့်တဲ့ အကြောင်းရင်းတွေကို ပြောပြပေးဖို့ရွေးချယ်ထားပါတယ်ဗျ
ဘာကြောင့်လဲဆိုတော့.....
ကုန်ကျစရိတ်သက်သာခြင်း
ကောလိပ်တွေမှာပေးရတဲ့ကျောင်းစရိတ်က တက္ကသိုလ်ကျောင်းလခထက် ပိုသက်သာပါတယ်။ ဒါကြောင့် အမေရိကမှာကုန်ကျမဲ့ ပညာသင်စရိတ်ကို သက်သာစေနိုင်ပါတယ်။
ဝင်ခွင့်လွယ်ကူခြင်း
ကောလိပ်တွေက ဝင်ခွင့်လျှောက်ထားရတာ ပိုလွယ်ကူပါတယ်။ ပြောရရင် တက္ကသိုလ်တက်ရောက်ခွင့် လျှောက်ရတာထက် ပိုလွယ်တယ်ပေါ့ဗျာ။ ကိုယ်ကဘာသာစကားကျွမ်းကျင်မှုလိုအပ်ချက် (ဒါမှမဟုတ်) တခြားလိုအပ်ချက်တွေရှိတယ်ဆိုရင် ကောလိပ်က ပိုသင့်တော်ပါတယ်။
အတန်းနဲ့ကျောင်းသားအရေအတွက် မျှတခြင်း
တက္ကသိုလ်ဆိုတာကတော့ အတန်းတစ်တန်းမှာ ကျောင်းသားအရေအတွက်များတာမို့ ဆရာက တစ်ယောက်ချင်းစီကို အာရုံစိုက်မပေးနိုင်ပါဘူး။ ကောလိပ်ကျတော့ စာသင်ခန်းတစ်ခန်းမှာ ထားတဲ့ ကျောင်းသားအရေအတွက်နည်းတာမို့ သင်ကြားမှုကို ပိုအာရုံစိုက်နိုင်သလို ဆရာတွေကလည်း အနီးကပ် သင်ကြားပေးနိုင်ကြပါတယ်။
တက္ကသိုလ်သို့ပြောင်းရလွယ်ကူခြင်း
ကောလိပ်အများစုက တက္ကသိုလ်တွေနဲ့ သဘောတူညီမှုရထားပြီးသားတွေမို့ ကောလိပ်(၂)နှစ်တက်ပြီး ရင် တက္ကသိုလ်တွေကို အလွယ်တကူ ပြောင်းတက်လို့ရပါတယ်။
အမေရိကရဲ့ ကျောင်းသားဘဝနဲ့ ပညာရေးစနစ်မှာ အသားကျစေခြင်း
ကောလိပ်အရင်တက်လိုက်မယ်ဆိုရင် အမေရိကရဲ့ ပညာရေးစနစ်၊ ကျောင်းသားဘဝနဲ့ ရင်းနှီးကျွမ်းဝင် သွားစေတာမို့ တက္ကသိုလ်ဆက်တက်ရင် ပိုပြီးအဆင်ပြေသွားစေပါတယ်။
ကောလိပ် (၂)နှစ်တက်ပြီးတာနဲ့ ကိုယ်စိတ်ဝင်စားတဲ့ ဘာသာရပ်ရွေးချယ်ပြီး တက္ကသိုလ်တက်ရောက်နိုင် ပါတယ်။
နိုင်ငံရပ်ခြားမှာ ကျောင်းတက်၊ ဘွဲ့တစ်ခုရဖို့ ပိုက်ဆံအများကြီးသုံးရပါတယ်။ ဒါကြောင့် ကျွန်တော်က ကုန်ကျစရိတ်သက်သာတဲ့ကောလိပ်ကိုရွေးချယ်တက်ရောက်ပြီး အမေရိကပညာ‌ရေးအိပ်မက်ကို စတင်သင့်တယ်လို့ ပြောတာပါခင်ဗျာ။
ဘယ်ကောလိပ်ကိုရွေးရမလဲ။ ကုန်ကျစရိတ်ဘယ်လောက်လောက်ရှိလဲ။ ဘာတွေပြင်ဆင်ထားရမလဲ ဒါတွေသိချင်တယ်ဆိုရင် ကျွန်တော့်ရဲ့ gmail: [email protected], Viber: +19133253353 တို့ကို ဆက်သွယ်မေးမြန်းလို့ရပါတယ်ဗျ။
အမေရိကပညာရေးနဲ့ပတ်သက်တဲ့ဝန်ဆောင်မှုတွေကို Ace Education ကို သတိရလိုက်ပါခင်ဗျာ။



အမေရိကမှာကျောင်းတက်မဲ့မြန်မာကျောင်းသားတွေသိထားသင့်တဲ့ SSRSpecial Student Relief ဆိုတာ အရေးပေါ်အခြေအနေကြုံတွေ့နေရတဲ့ F-1 ...
09/14/2024

အမေရိကမှာကျောင်းတက်မဲ့မြန်မာကျောင်းသားတွေသိထားသင့်တဲ့ SSR
Special Student Relief ဆိုတာ အရေးပေါ်အခြေအနေကြုံတွေ့နေရတဲ့ F-1 ကျောင်းသားတွေအတွက် အမေရိကန် US Department of Homeland Security (DHS) မှ သတ်မှတ်ထားသော စည်းမျဉ်း စည်းကမ်းအချို့ကို ဆိုင်းငံ့ခြင်းဖြစ်ပါတယ်။ SSR အတွက် ဆိုင်းငံ့နိုင်တဲ့ စည်းမျဉ်းတွေဆိုတာ ဗီဇာ ခွင့်ပြုကာလ၊ သင်ကြားမှုအချိန်ကာလနဲ့ ကျောင်းပြင်ပအလုပ်လုပ်ခွင့်စတဲ့ အချက်တွေပါဝင်ပါတယ်။
SSR ဆိုတာ သဘာဝဘေးအန္တရာယ်၊ စစ်ပွဲများ၊ နိုင်ငံတွင်း သို့မဟုတ် နိုင်ငံတကာ ဘဏ္ဍာရေးအကျပ် အတည်းတွေကြောင့် F-1 ကျောင်းသားတွေအပေါ်အရေးပေါ်အခြေအနေဖြစ်လာချိန်မှာ သက်ရောက်တဲ့ အစီအစဥ်တစ်ခုပါ။
SSR အရည်အချင်းပြည့်မီရန် လိုအပ်ချက်များ
• Federal Register သတိပေးချက်မှာ ဖော်ပြထားတဲ့ နိုင်ငံသားဖြစ်ရမည်။
• အဲ့ဒီသတိပေးချက်မှာ ဖော်ပြထားတဲ့နေ့ရက်များအတွင်း အမေရိကန်မှာ တရားဝင်နေထိုင်သူဖြစ်ရမည်။
• ကျောင်းတာဝန်ရှိသူ (DSO) ထံသို့ အချိန်မီ သတင်းပေးပို့ထားပြီး Student and Exchange Visitor Program (SEVP) စာရင်းဝင်ကျောင်းမှ ကျောင်းသားဖြစ်ရမည်။
• လက်ရှိ F-1 သတ်မှတ်ချက်တွေနဲ့အညီနေထိုင်သူဖြစ်ရမည်။
• စီးပွားရေးအကျပ်အတည်းရိုက်ခတ်မှုနှင့်ကြုံတွေ့နေသူဖြစ်ရမည်။
Special Student Relief (SSR) ကြောင့် ဘာတွေခံစားခွင့်ရှိလဲ
Special Student Relief (SSR) အစီအစဉ်အရ သဘာဝဘေးအန္တရာယ်များ၊ စစ်ပွဲများ သို့မဟုတ် အခြား ထူးခြားသော အဖြစ်အပျက်များကြောင့် ကိုယ့်နိုင်ငံမှာ စီးပွားရေးအခက်အခဲတွေကြုံရပြီး အမေရိကန် နိုင်ငံရောက် F-1 ဗီဇာရရှိထားတဲ့ နိုင်ငံတကာကျောင်းသားတွေအတွက် ယာယီ အကျိုးခံစားခွင့်များကို ပေးအပ်ခြင်းဖြစ်ပါတယ်။
အဓိကရနိုင်တဲ့အကျိုးခံစားခွင့်တွေကတော့ -
1. စာသင်ခရစ်ဒစ် လျှော့ချခွင့်:
o ပုံမှန်အားဖြင့် F-1 ဗီဇာကိုင်ထားတဲ့ ကျောင်းသားအနေနဲ့ တစ်နှစ်မှာ အနည်းဆုံး 12 Credits အထိ တက်ရောက်ရမှာဖြစ်ပေမဲ့ SSR အစီအစဥ်မှာ သက်ဆိုင်တဲ့ ကျောင်းသား တွေအနေနဲ့ စာသင်ခရစ်ဒစ်များကို လျှော့ချနိုင်ပါတယ်။
2. ကျောင်းပြင်ပ အလုပ်လုပ်ခွင့်:
o ပုံမှန်အားဖြင့် F-1 ဗီဇာရှိ ကျောင်းသားတွေကို ကျောင်းပြင်ပ အလုပ်လုပ်ခွင့် ကန့်သတ် ချက်ရှိပါတယ်။ SSR နဲ့သက်ဆိုင်တဲ့ကျောင်းသားတွေကတော့ ကျောင်းပြင်ပအလုပ် လုပ်ခွင့်ရယူနိုင်ပြီး ဝင်ငွေရှာနိုင်တာမို့ ငွေကြေးအခက်အခဲကို အတိုင်းအတာတစ်ခုအထိ ဖြေရှင်းနိုင်မှာပါ။
3. အလုပ်လုပ်ချိန် တိုးမြှင့်ခွင့်:
o ကျောင်းသားတွေအနေနဲ့ ပညာသင်နှစ်အတွင်း တစ်ပတ်မှာ နာရီ(၂ဝ)ထက်ပိုပြီး အလုပ်လုပ်ခွင့်မရှိပေမဲ့ SSR အရ နာရီ(၂ဝ)ထက်ပိုပြီး အလုပ်လုပ်ခွင့်ရရှိနိုင်ပါတယ်။
4. အလုပ်လုပ်ခွင့် သက်တမ်းတိုးခြင်း:
o SSR က အလုပ်လုပ်ခွင့်ကို သက်တမ်းတိုးပေးနိုင်ပြီး အရေးပေါ်ကာလအတွင်း အခက်အခဲတွေကိုရင်ဆိုင်ရာမှာ အကူအညီဖြစ်စေနိုင်ပါတယ်။
5. သင်တန်းကြေးလျှော့ချခြင်း:
o ဘဏ္ဍာရေးအခက်အခဲများကြုံတွေ့နေရတဲ့ ကျောင်းသားတွေအတွက် SSR အစီအစဥ်အရ သင်တန်းကြေးလျှော့ချပေးနိုင်တဲ့ ကျောင်းတွေရှိပါတယ်။
အနှစ်ချုပ်ပြောရရင်တော့ Special Student Relief (SSR)ဆိုတာဘဏ္ဍာရေးအခက်အခဲနဲ့ရင်ဆိုင်နေရတဲ့ နိုင်ငံတကာကျောင်းသားတွေရဲ့ ပညာရေးခရီးလမ်းကို ကူညီပေးတဲ့ အစီအစဥ်ကောင်းတစ်ခုပါဗျ။
အမေရိကပညာရေးနဲ့ပတ်သက်တဲ့ သိကောင်းစရာလေးတွေကို Ace Education Page ကနေ မျှဝေပေးသွားမှာမို့ Page ကို Like & Follow လေးလုပ်ထားဖို့မမေ့နဲ့နော်။
တခြားသိချင်တာလေးတွေရှိရင်လည်း [email protected], Viber: +19133253353 တို့ကို ဆက်သွယ်မေးမြန်းနိုင်ပါတယ်။ We are here to help you ပါ။


အမေရိကကိုရောက်ရင် ဘာတွေအရင်လုပ်ရမလဲအမေရိကကို ကျောင်းတက်ဖို့ရောက်လာတဲ့ နိုင်ငံတကာကျောင်းသားတစ်ယောက်ဟာ ရင်ခုန်စိတ်လှုပ် ရှ...
09/12/2024

အမေရိကကိုရောက်ရင် ဘာတွေအရင်လုပ်ရမလဲ

အမေရိကကို ကျောင်းတက်ဖို့ရောက်လာတဲ့ နိုင်ငံတကာကျောင်းသားတစ်ယောက်ဟာ ရင်ခုန်စိတ်လှုပ် ရှားမှုတွေနဲ့ ပြည့်နှက်နေမယ်လို့ ကျနော်ပြောရဲပါတယ်။
ကိုယ်တိုင်လည်းကြုံတွေ့ခဲ့ရတာကိုးဗျ :D
ဒါကြောင့် အမေရိကမှာကျောင်းတက်မယ့် ညီ/ညီမလေးတွေ အမေရိကကိုရောက်လာရင် ဘာတွေလုပ် သင့်တယ်ဆိုတာပြောပြပေးသွားပါမယ်ဗျာ။
ကျောင်းအများစုက ကျောင်းသားသစ်တွေအတွက် Orientation Session တွေ လုပ်ပေးကြပါတယ်။ ဒီ Session တွေကိုတက်ရောက်ခြင်းဖြင့် ကိုယ့်အတွက် ကျောင်းမှာ ဘယ်လိုအရင်းအမြစ်တွေရှိလဲဆိုတာ သိလာမယ်။ ရှိနှင့်ပြီးသားကျောင်းသားတွေနဲ့ ဆုံတွေ့ခွင့်ရလာမယ်။ ကိုယ်တက်ရမဲ့သင်တန်းနဲ့ ပတ်သက် တဲ့ အချက်အလက်တွေကို ပိုသိလာပါလိမ့်မယ်။
ကိုယ်တက်မဲ့ကျောင်းရောက်တာနဲ့ International Student Office မှာ စာရင်းသွင်းပါ။ ကျောင်းနဲ့ပတ် သက်တဲ့ စာရွက်စာတမ်းကိစ္စတွေ၊ ဗီဇာကိစ္စတွေ နဲ့ အမေရိကမှာ အဆင်ပြေပြေနေထိုင်နိုင်မဲ့ လမ်းညွှန် ချက်တွေပေးပါလိမ့်မယ်။
ဆက်သွယ်ရေးအတွက် ပြည်တွင်းသုံး Sim Card ဒါမှမဟုတ် Plan တစ်ခုခု ဝယ်ဖို့လိုပါမယ်။ ဘဏ် အကောင့်ဖွင့်ရပါမယ်။ ကိုယ်သွားလာရမဲ့နေရာတွေနဲ့ ဆက်စပ်တဲ့ သယ်ယူပို့ဆောင်ရေးလမ်းကြောင်း တွေကို လေ့လာထားပါ။
ကျောင်းသားဗီဇာနဲ့ပတ်သက်ပြီး လိုက်နာရမဲ့အချက်အလက်တွေအကြောင်း အမြဲသတိပြုပါ။ ပတ်စ်ပို့နဲ့ စာရွက်စာတမ်းတွေကို သေချာသိမ်းဆည်းပါ။
ကျောင်းနဲ့ အနီးအနားရှိ စာကြည့်တိုက်၊ ကျန်းမာရေးဝန်ဆောင်မှုလုပ်ငန်းတွေကိုလေ့လာပါ။ သက်ဆိုင် ရာပြည်နယ်ဥပဒေနဲ့ ဓလေ့တွေကိုလည်း နားလည်ဖို့ လိုအပ်ပါတယ်။
ကျောင်းကဖွဲ့ထားတဲ့အဖွဲ့အစည်းတွေနဲ့ ပူးပေါင်းပါ။ မိတ်ဆွေအသစ်တွေရလာနိုင်သလို ကိုယ်ဝါသနာ ပါရာကို လေ့လာဖို့ အကောင်းဆုံးနည်းလမ်းဖြစ်ပြီး ပျော်ရွှင်တဲ့ကျောင်းသားဘဝကိုပိုင်ဆိုင်နိုင်ပါလိမ့် မယ်။
အတန်းအချိန်ဇယား၊ ဘွဲ့ယူဖို့လျှောက်လှမ်းရမဲ့ ပညာရေးဆိုင်ရာလမ်းကြောင်းတွေအတွက် ဆရာဖြစ်သူ တို့နဲ့ ချိတ်ဆက်ဆောင်ရွက်တတ်အောင်လုပ်ပါ။
အမေရိကရဲ့ကျန်းမာရေးအာမခံစနစ်လွှမ်းခြုံနိုင်မှုကိုသေချာလေ့လာထားပါ။ အရေးပေါ်ကိစ္စတစ်ခုခုဖြစ် လာရင် အချိန်မီသွားနိုင်ဖို့အတွက် ဘယ်နားမှာ ကျန်းမာရေးစောင့်ရှောက်မှုစင်တာ/ဆေးရုံ/ဆေးခန်းရှိလဲ လေ့လာထားပါ။
ကျောင်းကထုတ်ပြန်တဲ့သတင်းအချက်အလက်တွေကိုမသိလိုက်ဘူးမဖြစ်ရအောင် စောင့်ကြည့်ပါ။ ကိုယ့်ပညာရေးလမ်းကြောင်းပေါ်သက်ရောက်လာနိုင်တဲ့ အပြောင်းအလဲတွေ/ ကြေငြာချက်တွေကို မျက်ခြေမပြတ်ပါစေနဲ့။
ဒီအချက်တွေအတိုင်းလိုက်လုပ်မယ်ဆိုရင် ပျော်ရွှင်တဲ့ကျောင်းသားဘဝကို ပိုင်ဆိုင်နိုင်မှာ အသေအချာပါ ပဲခင်ဗျာ။



Address

Kansas City, KS
66103

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm

Website

Alerts

Be the first to know and let us send you an email when ACE Education posts news and promotions. Your email address will not be used for any other purpose, and you can unsubscribe at any time.

Shortcuts

Share

Category