13/04/2026
📢 သင်္ကြန်အတွင်း လျှောက်လည်မယ့် ထိုင်းနိုင်ငံရောက် မိဘပြည်သူများအတွက် PM 2.5 အထူးသတိပေးချက် 💦😷
အခုရက်ပိုင်း ထိုင်းနိုင်ငံရဲ့ ဒေသအတော်များများမှာ လေထုအရည်အသွေး ဆိုးရွားနေပါတယ်။ ပျော်ရွှင်စရာ သင်္ကြန်ကာလမှာ အပြင်ထွက် လျှောက်လည်ကြတဲ့အခါ မိမိတို့ရဲ့ ကျန်းမာရေးကို ထိခိုက်မှုမရှိအောင် အောက်ပါအချက်လေးတွေကို အထူးသတိပြုကြဖို့ Easy Docs Thailand မှ တိုက်တွန်းလိုပါတယ်ရှင်
✅ ၁။ လေထုအခြေအနေကို နေ့စဉ်စစ်ဆေးပါ
ဖုန်းထဲမှာ "AirVisual" သို့မဟုတ် "IQAir" စတဲ့ App တွေဆောင်ထားပြီး မိမိရှိနေတဲ့နေရာရဲ့ AQI Level ကို အမြဲစစ်ဆေးပါ။
(AQI ၁၀၀ ကျော်ရင် စတင်သတိထားရမှာဖြစ်ပြီး၊ ၁၅၀ ကျော်ရင် အပြင်ထွက်တာမျိုး ရှောင်ကြဉ်သင့်ပါတယ်)
✅ ၂။ Mask စနစ်တကျ တပ်ဆင်ပါ
အပြင်ထွက်တဲ့အခါ N95 ဒါမှမဟုတ် KN95 Mask တွေကို တပ်ဆင်ပါ။ ရေကစားတဲ့အခါ Mask စိုသွားရင် အာနိသင် လျော့သွားနိုင်တဲ့အတွက် ရေမစိုတဲ့အချိန် (သို့မဟုတ်) ခရီးသွားလာနေတဲ့ အချိန်မျိုးမှာ မဖြစ်မနေ ပြန်တပ်ပေးပါ။
✅ ၃။ အပြင်ထွက်ချိန်ကို စနစ်တကျ စီစဉ်ပါ
ပျော်ပျော်ပါးပါး ရေကစားပြီးပြီဆိုရင်တော့ ကျန်တဲ့အချိန်တွေကို အိမ်ထဲ၊ အဆောက်အဦးထဲမှာပဲ အနားယူပြီး လေကောင်းလေသန့် ရအောင် နေထိုင်ပေးပါ။ လေထုအရမ်းညစ်ညမ်းနေတဲ့ အချိန်မျိုးမှာ အပြင်မှာ အကြာကြီးနေတာမျိုးကို တတ်နိုင်သမျှ လျှော့ချပါ။
✅ ၄။ ရေများများသောက်ပါ
ခန္ဓာကိုယ်ထဲက အဆိပ်အတောက်တွေကို ဖယ်ရှားနိုင်ဖို့နဲ့ လည်ချောင်းမနာအောင် ရေများများသောက်ပေးပါ။
🤒 ဘယ်လိုလက္ခဏာတွေပြတတ်လဲ?
မျက်စိစပ်ခြင်း၊ နှာချေခြင်း၊ ချောင်းဆိုးခြင်း၊ ရင်ကျပ်ခြင်းနဲ့ အရေပြားယားယံတာမျိုးတွေ ခံစားရနိုင်ပါတယ်။ အသက်ရှူရခက်ခဲလာရင်တော့ နီးစပ်ရာ ဆေးခန်း/ဆေးရုံသို့ အမြန်ဆုံးသွားရောက်ပြသပါ။
မိဘပြည်သူများအားလုံး ကျန်းမာဘေးကင်းကြပါစေလို့ Easy Docs Thailand မှ ဆုမွန်ကောင်းတောင်းလိုက်ရပါတယ်ရှင်။ 🙏✨
#ထိုင်းနိုင်ငံလေထုညစ်ညမ်းမှု
