Arakan Labour Campaign - ALC

25/10/2025

25/10/2025

မေတော် မိဘုရာကြီး သီရိခစ် 4.10.2025 ရက်နေ့တွင် နတ်ရွာစံသွားပြီ (ဝမ်းနည်းအောက်မေ့ဖွယ်ဖြစ်ရပါ၏)

22/10/2025

မဲဆောက်မြို့၊မြို့တော်စည်ပင်သာယာရေးကော်မတီမှ ထုတ်ပြန်‌ကြေညာသည်။

အကြောင်းအရာ။ ။ မီးရှူးမီးပန်းနှင့် ဗြောက်အိုး ဗြောက်ဗုံး
၊ မီးရှူးပန်းများ၊ မီးပုံးများ နှင့်ပတ်သက်၍ ပူးပေါင်းဆောင်ရွက်ရန်
******************************************
နှစ်စဉ်ကျင်းပမြဲဖြစ်သည့် လွိုင်ကထုံး (Loi Krathong) ပွဲတော်ကာလအတွင်း မဲဆောက်မြို့တော်စည်ပင်သာယာရေးနယ်မြေ၏ နေရာအနှံ့အပြားတွင် လွိုင်ကထုံးပွဲတော်များကို အသီးသီးကျင်းပကြပါသည်။
ပြည်သူများသည်လည်း ပွဲတော်ကျင်းပရာ‌ နေရာများတွင် ပါဝင်ဆင်နွှဲရန် နေရာဒေသအသီးသီးသို့ နှစ်သက်ရာ နေရာများကို သွားရောက်လည်ပတ်၍ပါဝင်ဆင်နွဲကြပါသည်။
ထိုသို့သွားရောက်၍ပါဝင်ဆင်နွဲကြရာတွင် ပွဲတော်ကို ဂုဏ်ပြုသောအားဖြင့် မီးပုံးများ၊လွှတ်တင်ခြင်း မီးရှူး မီးပန်းများ၊ဗြောက်အိုး ဗြောက်ဗုံးများ ဖောက်ခြင်း အစရှိသည်များကို ပြုလုပ်‌လေ့ရှိကြ ပါသည်။

ထိုသို့ပြုလုပ်ခြင်းကြောင့် မီးဘေးအန္တရာယ်ကဲ့သို့သော မတော်တဆမှု များဖြစ်ပေါ်လာနိုင်သည့်အတွက် လူမှုအသိုင်းအဝိုင်းနှင့် အများပြည်သူတို့၏ အသက်အိုးအိမ်စည်းစိမ်များ ဆုံးရှုံးနစ်နာမှု ‌မဖြစ်စေရန် မဲဆောက်မြို့
မြို့တော်စည်ပင်သာယာရေးကော်မတီမှ သုံးသပ်ပြီးဖြစ်သည့်အားဖြင့် မီးပုံးများ၊‌လွှတ်တင်ခြင်း မီးရှူး မီးပန်းများ၊ဗြောက်အိုး ဗြောက်ဗုံးများ ဖောက်ခြင်းကြောင့် ဖြစ်ပေါ်လာနိုင်သည့် ပြင်းထန်သော ဘေးအန္တရာယ်နှင့် မတော်တဆမှုများကို ကာကွယ်ရန်နှင့် လျှော့ချရန်အတွက် မဲဆောက်မြို့တော်စည်ပင်သာယာရေးကော်မတီမှ ပြည်သူလူထုအား ၂၀၂၅ ခုနှစ် နိုဝင်ဘာလ ၃ ရက်နေ့မှ ၅ ရက်နေ့အထိ လွိုင်ကထုံးပွဲတော်ကာလအတွင်းမီးပုံးများ၊လွှတ်တင်ခြင်း မီးရှူး မီးပန်းများ၊ဗြောက်အိုး ဗြောက်ဗုံးများ ရောင်းချခြင်းနှင့် ဖောက်ခြင်းကို ရှောင်ရှားရန် ပူးပေါင်းဆောင်ရွက်ရန် တိုက်တွန်းနှိုးဆော်အပ်ပါသည်။

ထုတ်ပြန်သည့်နေ့: ၂၀၂၅ ခုနှစ် အောက်တိုဘာလ ၂၁ ရက်

(နိုင် ကွန်လ် ခ‌ရေလ်ဝီရာ့)

မဲဆောက်မြို့တော် စည်ပင်သာယာရေးကော်မတီ ဥက္ကဋ္ဌ
Credit: Labor Law Clinic Mae Sot

#เทศบาลนครแม่สอด

07/10/2025

8/10/2025 နေ့ ဆွမ်းစိမ်းလောင်းပွဲတော်ကို ထိုင်းနိုင်ငံ မဲဆောက်မြို့၌ မနက် ၄ နာခွဲတွင် ပြုလုပ်ကြသည်။ မြန်မာမိသားစုများပါဝင် ဆင်နွဲ့

22/09/2025

ထိုင်းနိုင်ငံ မဲဆောက်ရှိ စက်ရုံအလုပ်သမားများနှင့် ရခိုင်အလုပ်သမားများအဖွဲ့ ALC က သွားရောက်တွေ့ဆုံခဲ့ပြီး၊ အလုပ်သမားများ၏ အခက်အခဲများနှင့် ပြဿနာများကို မေးမြန်းခြင်းနှင့် ပညာပေးဆွေးနွေးပေးခဲ့သည်။ ၎င်း အစည်းအဝေးတွင် အလုပ်သမားများ၏ အလုပ်ချိန်၊ လစာ၊ လုံခြုံရေးဆိုင်ရာ အခက်အခဲများ၊ နှင့် အလုပ်ဆက်ဆံရေးဆိုင်ရာ ပြဿနာများကို အဓိက အကြောင်းအရာများအဖြစ် ထည့်သွင်းပြောကြားခဲ့ကြသည်။ ALC မှ တာဝန်ရှိသူများသည် သက်ဆိုင်ရာ အလုပ်သမားအခွင့်အရေးများနှင့် ပတ်သက်သော ဗဟုသုတများကို ပေးပို့ခဲ့ပြီး၊ အလုပ်သမားများ၏ အခွင့်အရေးများကို ကာကွယ်ဖို့ လိုအပ်ချက်များကို ဦးတည်ဆောင်ရွက်ရန် အကြံပြုခဲ့သည်။

ALC နဲ့ ရခိုင်အလုပ်သမားများ တွေ့ဆုံမှုရုပ်သံတချို့)

15/09/2025

မဲဆောက်မြို့၌ အသျှင်ဦးဥတ္တမ (၈၆) နှစ်မြောက် အောက်မေ့ဖွယ် အခမ်းအနား ကျင်းပ

ALC – 15.09.2025

ထိုင်းနိုင်ငံ မဲဆောက်မြို့၌ အာရှနေဝန်း မြန်မာ့လွတ်လပ်ရေး မီးရှူးတန်ဆောင် အသျှင်ဦးဥတ္တမ ပျံလွန်တော်မူခြင်း (၈၆) နှစ်မြောက် အောက်မေ့ဖွယ် အခမ်းအနား ကို ရက္ခိုင်လူမှုအသိုင်းအဝိုင်း (မဲဆောက်) မှ အောင်မြင်စွာ ကြီးမှူးကျင်းပခဲ့သည်။

ဆရာတော် အသျှင်ဦးဥတ္တမနေ့ သည် စက်တင်ဘာ (၉) ရက်နေ့ဖြစ်သော်လည်း၊ စက်ရုံအလုပ်သမားများနှင့် တခြားလုပ်ငန်းလုပ်ကိုင်သူများ၏ အလုပ်အားလပ်ရက်နှင့် ကိုက်ညီစေရန် စက်တင်ဘာ (၁၄) ရက် နံနက်ပိုင်းတွင် ပြောင်းလဲကျင်းပခဲ့သည်။

အခမ်းအနားတွင် —

ဆရာတော် အသျှင်ဦးဥတ္တမ၏ အတ္ထုပ္ပတိစာတမ်း ဖတ်ရှုခြင်း

လုပ်ဆောင်ချက်များနှင့် အမှတ်ရစကားများ မိန့်ဖေါ်ခြင်း

ရသစာပေ၊ ကဗျာများဖြင့် ပူဇော်ဂုဏ်ပြုခြင်း

စသဖြင့် အမျိုးသားစိတ်ဓာတ်ကို ဖော်ထုတ်သည့် အခမ်းအနားများ ပြုလုပ်ခဲ့ကြသည်။

ထိုအခမ်းအနားသို့ ရဟန်းတော်များ၊ ကျောင်းသားလူငယ်များ၊ မဲဆောက်ရှိ ရခိုင်အဖွဲ့အစည်းများ၊ တစ်ဦးချင်း လူပုဂ္ဂိုလ်များ၊ သတင်းမီဒီယာများ၊ ဗမာ့နိုင်ငံရေးနှင့် တော်လှန်ရေးအဖွဲ့များ၊ ထိုင်းနိုင်ငံရှိ ရွှေ့ပြောင်းအလုပ်သမားများ စသည်တို့ တက်ရောက်ခဲ့ကြသည်။

ရက္ခိုင်လူမှုအသိုင်းအဝိုင်း (မဲဆောက်) က ဤအခမ်းအနားဖြစ်မြောက်ရေးအတွက် အချိန်ပေးတက်ရောက်သူများ၊ လူအား၊ ငွေအား ကူညီပေးသူများအားလုံးကို အထူးကျေးဇူးတင်ကြောင်း ထုတ်ပြန်ထားသည်။

14/09/2025

14/9/2025 ရက်နေ့ ၈၆နှစ်မြောက် ဆရာတော်ဦးဥတ္တမနေ့ အောက်မေ့ဖွယ်အခမ်းအနားကို မဲဆောက်ရောက် ရခိုင်သူ/သားများနှင့် ALC တို့ပူးပေါင်းကာ ထိုင်းနိုင်ငံ မဲဆောက်မြို့၌ ကျင်းပပြုလုပ်

11/09/2025

အသျှင်ဦးဥတ္တမနေ့ အခမ်းအနားသို့ ဖိတ်ကြားခြင်း
__________________________________
ရခိုင်လူမှုအသိုင်းအဝိုင်း မဲဆောက်မှ ကြီးမှူးကျင်းပသော “အာရှနေဝန်း မြန်မာ့လွတ်လပ်ရေး မီးရှူးတန်ဆောင် ဆရာတော် အသျှင်ဦးဥတ္တမနေ့ အောက်မေ့ဖွယ် အခမ်းအနား” ကို ကျင်းပမည်ဖြစ်ပါသည်။
ထို့ကြောင့် ထိုင်းနိုင်ငံ မဲဆောက်မြို့ရှိ ဂုဏ်သရေရှိ လူကြီးမင်းတို့အား လေးစားစွာ ဖိတ်ကြားအပ်ပါသည်။
ဆရာတော် အသျှင်ဦးဥတ္တမနေ့ သည် စက်တင်ဘာ (၉) ရက်နေ့ဖြစ်သော်လည်း စက်ရုံ၊ အလုပ်ရုံ သမားများ အလုပ်နားခွင့်ရသည့် စက်တင်ဘာ (၁၄) ရက်နေ့သို့ ပြောင်းရွေ့၍ ကျင်းပရခြင်း ဖြစ်ပါသည်။
နေ့စွဲ – (၁၄) စက်တင်ဘာ ၂၀၂၅
အချိန် – မနက် (၉:၀၀) နာရီ ဧည့်ခံကျွေးမွေးခြင်း
(၁၁:၀၀) နာရီ အခမ်းအနား ဖွင့်လှစ်ခြင်း
နေရာ – ထိုင်းနိုင်ငံ မဲဆောက်မြို့၊ မယ်တောင် ဆင်နှစ်ကောင်စက်ရုံအနီး၊ ရိုက်မနီထိ (Raimaneethip) ဟိုတယ်ခန်းမ
ဆက်သွယ်ရန် – ကိုနေဂျာချေ (063 305 2531), ကိုဇင်မျိုး (083 664 3107)

06/09/2025

ထိုင်းအစိုးရ ဆင်းကဒ်ဝယ်ယူမှုကန့်သတ်မှုကြောင့် မြန်မာရွှေပြောင်းအလုပ်သမားများ ဆက်သွယ်ရေးအခက်အခဲကြုံ

ထိုင်းအစိုးရမှ ဆက်သွယ်ရေးကိစ္စများအတွက် အသုံးပြုသော ဆင်းကဒ် (SIM card) ဝယ်ယူမှုများတွင် အသစ် စည်းကမ်းကန့်သတ်ချက်များ ချမှတ်လိုက်သည်မှာ ထိုင်းရောက် မြန်မာရွှေပြောင်းအလုပ်သမားအများအပြားအတွက် ဆက်သွယ်ရေးပြဿနာများ ဖြစ်ပေါ်လာစေခဲ့သည်။

၁၈ ၊ ၀၈ ၊ ၂၀၂၅ နေ့ကစပြီး ဆင်းကဒ်အသစ်များကို ဝယ်ယူလိုသူများအနေဖြင့် တရားဝင်နိုင်ငံကူးလက်မှတ် (passport) ရှိမှ ဝယ်ယူခွင့်ရှိတောမည်ဟု ထိုင်းအစိုးရမှကြေညာခဲ့သည်။ ထို့ကြောင့် တရားဝင်နိုင်ငံကူးလက်မှတ်မရှိဘဲ လက်ရှိအလုပ်သမားသက်သေ CI စာအုပ် (Certificate of Identity) သာ ပိုင်ဆိုင်ထားသူအလုပ်သမားများအနေဖြင့် မိသားစုများနှင့် ဆက်သွယ်ရန်၊ ငွေလွှဲငွေပို့လုပ်ငန်းများအတွက် mobile money အသုံးပြုရန် စတဲ့ အရေးကြီးသောကိစ္စရပ်များတွင် အခက်အခဲဖြစ်ပေါ်လာနေသည်။

မြန်မာရွှေပြောင်းအလုပ်သမားတဦးဖြစ်သူ မောင်ခန့်ဇော် (အမည်ပြောင်းထားသည်) က

“ကျနော်တို့က ဆင်းကဒ်ကို ဝယ်ပြီး တယောက်နဲ့တယောက် ဆက်သွယ်ကြတာ၊ အင်တာနက်လည်းသုံးတယ်။ အခု ဆင်းကဒ် ဝယ်လို့မရတော့ဘူး။ သူတို့ပြောတာက နိုင်ငံကူးလက်မှတ်ရှိမှ ဝယ်လို့ရမယ်ဆိုတာပေါ့။ ဒါပေမယ့် ကျနော်တို့မှာက အလုပ်သမားလက်မှတ်နဲ့ CI စာအုပ်ပဲရှိတာ။ အခုလိုသတ်မှတ်ထားတာကြောင့် အိမ်နဲ မိသားစုဝင်များကို ဆက်သွယ်ဖို့ ခက်ခဲသွားသလို ငွေလွှဲငွေပို့မှု၊ စျေးဝယ်ဖို့အတွက် mobile money ပေးချေမှုလည်း အရမ်းအခက်အခဲဖြစ်သွားတယ်။”

ယခုသတ်မှတ်ချက်အသစ်သည် ထိုင်းအစိုးရအနေဖြင့် နိုင်ငံတွင်းအလုပ်သမားဆိုင်ရာအချက်အလက်များကို ပိုမိုတိကျစွာ စီမံခန့်ခွဲရန်နှင့် တရားမဝင်နေထိုင်မှုများကို ထိန်းချုပ်ရန် ရည်ရွယ်ထားခြင်းဖြစ်နိုင်ကြောင်း ခန့်မှန်းထားသည်။ သို့သော်လည်း ထိုင်းတွင်နေထိုင်သော မြန်မာအလုပ်သမားပေါင်းများစွာအတွက် နေ့စဉ်သုံးဆောင်ရသော ဆက်သွယ်ရေးတခုဖြစ်သည်။

အလုပ်သမားအခွင့်အရေးများအတွက် လှုပ်ရှားနေသော အဖွဲ့အစည်းတစ်ခုဖြစ်တဲ့ (ALC)မှ ကိုထက်ခေါင် က ပြောသည်မှာ

အလုပ်သမားတွေမှာ တရားဝင်စာရွက်စာတမ်းမရှိတာဟာ စနစ်ပေါ်မှာ ပြဿနာတစ်ခု ဖြစ်နေတာ။ အိမ် မိသားစုနဲ့ ဆက်သွယ်ဖို့ အရေးကြီးတဲ့ ဆင်းကဒ်ထဲကို စည်းကမ်းတင်းကျပ်ချမှတ်လိုက်တာက တော်တော်လေး ခက်ခဲသွားကြတယ်။ အရေးပေါ်နဲ့ ဆက်သွယ်လို့မရတော့တာမျိုးတွေ ထပ်ဖြစ်လာနိုင်တယ်။

ထိုင်းနိုင်ငံတွင် တရားဝင်အလုပ်သမားသက်သေ အထောက်အထား မရှိဘဲနေထိုင်သော မြန်မာရွှေပြောင်းအလုပ်သမားအရေအတွက်မှာ အမြောက် အ​များရှိသည်ဟု ခန့်မှန်းရသည်။ ထိုအုပ်စုအနေဖြင့် သတင်းအချက်အလက်ရယူမှု၊ ငွေပေးငွေယူလုပ်ငန်းများ၊ တီထွင်ဆန်းသစ်မှုနှင့် နေ့စဉ်ဘဝအဆင်ပြေမှုတို့တွင် ဆင်းကဒ်အသုံးပြုမှု မဖြစ်မနေလိုအပ်သော အရာဖြစ်သည်။

27/08/2025

21/08/2025

နိုင်ငံခြားသား အလုပ်သမားများ အလုပ်ပြောင်းရာတွင် (ဘိုင်ကျန့်အော့) စာရွက်မလိုအပ်တော့
ALC | ဩဂုတ် ၂၁၊ ၂၀၂၅

နိုင်ငံခြားသား အလုပ်သမားများ အလုပ်ရှင်ပြောင်းရာတွင် အမြဲတမ်း အခက်အခဲဖြစ်ပေါ်နေခဲ့သော “အလုပ်ထွက်စာ” သို့မဟုတ် “ဘိုင်ကျန့်အော့” စာရွက်စာတမ်း မလိုအပ်တော့ကြောင်း အလုပ်အကိုင် ဦးစီးဌာန၊ နိုင်ငံခြားသားအလုပ်သမား ညွှန်ကြားမှုဌာနမှ ထုတ်ပြန်ကြေညာလိုက်ပါသည်။

ယခင်က ခရိုင်အလိုက် အလုပ်အကိုင်ရှာဖွေရေးရုံးများနှင့် ဘန်ကောက်ရှိ အလုပ်အကိုင်ရှာဖွေရေးရုံးများအချို့တွင် နိုင်ငံခြားသားအလုပ်သမားများ အလုပ်ရှင်ပြောင်းလဲမှု ဆောင်ရွက်စဉ် ယခင်အလုပ်ရှင်ထံမှ ထွက်ခွာကြောင်းအထောက်အထား (ဘိုင်ကျန့်အော့) တောင်းခံနေခဲ့ကြသည်။ ဤအရာကြောင့် အလုပ်ရှင်အသစ်သို့ အလွယ်တကူ ပြောင်းလဲနိုင်စွမ်း ထိခိုက်ခဲ့ကြောင်း တိုင်ကြားစာများ ထပ်တလဲလဲ လက်ခံရရှိခဲ့သည်။

ဤအပေါ် အလုပ်အကိုင် ဦးစီးဌာနမှ နိုင်ငံခြားသား အလုပ်အကိုင် စီမံခန့်ခွဲမှုဆိုင်ရာ တော်ဝင်အမိန့် (B.E. 2560) အရ အလုပ်ရှင်ပြောင်းရာတွင် ယခင်အလုပ်ရှင်ထံမှ အလုပ်ထွက်စာ တောင်းခံရန် မလိုအပ်ကြောင်း သေချာစွာ ရှင်းလင်းအသိပေးထားသည်။

ထို့ကြောင့် နိုင်ငံခြားသားအလုပ်သမားနှင့် အလုပ်ရှင်အသစ်တို့သည် ဥပဒေအရ သတ်မှတ်ထားသော ပုံစံစာရွက်များသာ တင်သွင်းရန်လိုအပ်ပြီး ယခင်အလုပ်ရှင်ထံမှ ထွက်ခွာကြောင်းစာ (ဘိုင်ကျန့်အော့) မလိုအပ်တော့ကြောင်း ထပ်မံသတိပေးကြေညာထားသည်။

👉 အနှစ်ချုပ် – အလုပ်ရှင်အသစ် ရရှိသည့်အချိန်မှ သတ်မှတ်ထားသော ကာလအတွင်း အလုပ်ပြောင်းလုပ်ငန်းစဉ်ဆောင်ရွက်ရန် လိုအပ်ပြီး “ဘိုင်ကျန့်အော့” စာရွက်မလိုအပ်တော့ပါ။