Arakan Labour Campaign - ALC

03/05/2026

ထိုင်းရောက် မြန်မာလုပ်သားများ သတိပြုရန် - တစ်နိုင်ငံလုံး အတိုင်းအတာဖြင့် စစ်ဆေးမှုများ ပြုလုပ်တော့မည်
မကြာသေးမီက Koh Phangan ရှိ ကလေးထိန်းကျောင်းတစ်ခုတွင် တရားမဝင် အလုပ်လုပ်ကိုင်နေသူများကို ဖမ်းဆီးရမိပြီးနောက် ထိုင်းနိုင်ငံ အလုပ်သမားဝန်ကြီးဌာနမှ တစ်နိုင်ငံလုံးရှိ နိုင်ငံခြားသား အလုပ်သမားများအား "အထူးစစ်ဆေးမှုများ (Blanket Inspections)" ပြုလုပ်ရန် အမိန့်ထုတ်ပြန်လိုက်ပြီ ဖြစ်ပါတယ်။

အဓိက စစ်ဆေးမည့်အချက်များမှာ -

အလုပ်သမားကတ် (Work Permit) မရှိဘဲ အလုပ်လုပ်ခြင်း။

မိမိကိုင်ဆောင်ထားသော ကတ်တွင် ဖော်ပြထားသည့် အလုပ်အကိုင် အမျိုးအစားနှင့် မတူဘဲ အခြားအလုပ်များ လုပ်ကိုင်ခြင်း။

ခွင့်ပြုထားသည့် လုပ်ပိုင်ခွင့်ထက် ကျော်လွန်လုပ်ကိုင်ခြင်း။

ပြစ်ဒဏ် သတ်မှတ်ချက်များ
စစ်ဆေးတွေ့ရှိပါက အလုပ်သမားရော အလုပ်ရှင်ပါ ပြင်းထန်စွာ အရေးယူခံရမည်ဖြစ်ပါသည်။

၁။ အလုပ်သမားများအတွက် ပြစ်ဒဏ် -

ဒဏ်ငွေ ဘတ် ၅,၀၀၀ မှ ၅၀,၀၀၀ အထိ ချမှတ်ခံရခြင်း။

မိခင်နိုင်ငံသို့ ပြန်လည်ပို့ဆောင် (Deport) ခံရခြင်း။

အပြစ်ပေးခံရသည့်နေ့မှစ၍ ၂ နှစ် အထိ ထိုင်းနိုင်ငံတွင် အလုပ်လုပ်ကိုင်ခွင့် ပိတ်ပင်ခံရခြင်း။

၂။ အလုပ်ရှင်များအတွက် ပြစ်ဒဏ် -

တရားမဝင် အလုပ်သမား တစ်ဦးလျှင် ဒဏ်ငွေ ဘတ် ၁၀,၀၀၀ မှ ၁၀၀,၀၀၀ အထိ။

ပြစ်မှု ထပ်မံကျူးလွန်ပါက ထောင်ဒဏ် ၁ နှစ် သို့မဟုတ် ဒဏ်ငွေ ဘတ် ၅၀,၀၀၀ မှ ၂၀၀,၀၀၀ အထိ ချမှတ်ခံရနိုင်သည့်အပြင် နိုင်ငံခြားသား အလုပ်သမား ငှားရမ်းခွင့် ၃ နှစ် ပိတ်ပင်ခံရမည်။

အကြံပြုချက်
ထိုင်းနိုင်ငံရှိ အလုပ်သမား ညွှန်ကြားရေးဦးစီးဌာန (DOE) မှ နယ်မြေအလိုက် စစ်ဆေးမှုများ အရှိန်အဟုန်မြှင့် လုပ်ဆောင်တော့မည်ဖြစ်သောကြောင့် မိမိတို့၏ အလုပ်သမားကတ်များ၊ အလုပ်အကိုင် အမျိုးအစားများနှင့် စာရွက်စာတမ်း အထောက်အထားများကို စနစ်တကျ စစ်ဆေးထားကြရန် တိုက်တွန်းနှိုးဆော်အပ်ပါသည်။

"ဥပဒေနှင့်အညီ နေထိုင်ခြင်းဖြင့် ဘေးကင်းလုံခြုံစွာ အလုပ်လုပ်ကိုင်နိုင်ကြပါစေ။"

Ref: The Nation Thailand

01/05/2026

၂၀၂၆ ခုနှစ်၊ မေဒေးနေ့ အထိမ်းအမှတ်အတွက် Arakan Labor Campaign (ALC) ၏ သဝဏ်လွှာ

ALC ၊မေ ၁ ရက်၊ ၂၀၂၆ ခုနှစ်

နယ်စပ်များကွာဝေးနေသော်လည်း အလုပ်သမားအခွင့်အရေးများ မကွာဝေးသင့်ပါ။ ထိုင်းနိုင်ငံအတွင်း ရုန်းကန်လုပ်ကိုင်နေကြသော မြန်မာရွှေ့ပြောင်းအလုပ်သမားများ၏ ဘဝလုံခြုံရေး၊ ဂုဏ်သိက္ခာနှင့် တရားမျှတမှု ရရှိရေးသည် ကျွန်ုပ်တို့၏ အဓိက ပန်းတိုင်ဖြစ်ပါသည်။

13/04/2026

နှစ်သစ်ကူးမှာ မြန်မာရွှေ့ပြောင်းအလုပ်သမားများအားလုံး လိုအင်ဆန္ဒပြည့်ဝကြပါစေ

13/02/2026

မဲဆောက်ခရိုင်၊ မြို့နယ်မှူး၏ကြေငြာချက်အရ မဲဆောက်မှာ ခွေးရူးပြန်ရောဂါဖြစ်ပွားပါသဖြင့် ယာယီ တိရစ္ဆာန်ကူးစက်ရောဂါဇုန် သတ်မှတ်ကြောင်း ကြေညာချက်

(တိရစ္ဆာန်ကူးစက်ရောဂါ အက်ဥပဒေ ၂၅၅၈ အရ)

တာ့ခ်ခရိုင်၊ မဲဆောက်မြို့နယ်၊ မဲဆောက်ရပ်ကွက်ရှိ ဆန်တွန်ပင် (Chumchon San Ton Pin) လူနေရပ်ကွက်အတွင်း ခွေးရူးပြန်ရောဂါ (Rabies) ဖြစ်ပွားနေကြောင်း တွေ့ရှိရသဖြင့် အောက်ပါ နယ်နိမိတ်များကို ယာယီရောဂါဇုန် အဖြစ် သတ်မှတ်လိုက်သည် -

မြောက်ဘက်: မဲပရပ်ကွက်၊ အုပ်စု (၁) အထိ

တောင်ဘက်: ဒွန်ချိုင်းရပ်ကွက် နှင့် ရူမ်ရဲန်းရပ်ကွက် အထိ

အရှေ့ဘက်: ဘန်နူရာဆာမတ်ခီးရပ်ကွက် အထိ

အနောက်ဘက်: မဏီဖရိုင်စွန်ရပ်ကွက် နှင့် ကျောက်ကျောဆာမတ်ခီးရပ်ကွက် အထိ

သတ်မှတ်ကာလ: ၂၀၂၆ ခုနှစ်၊ ဖေဖော်ဝါရီလ ၁၃ ရက်နေ့မှ မတ်လ ၁၄ ရက်နေ့အထိ

လိုက်နာရမည့် သတိပေးချက်များနှင့် စည်းကမ်းချက်များ
ရောဂါဇုန်အဖြစ် သတ်မှတ်ထားစဉ်အတွင်း တိရစ္ဆာန်ပိုင်ရှင်များအနေဖြင့် အောက်ပါအတိုင်း လိုက်နာရန် တာဝန်ရှိသည် -

၁။ တိရစ္ဆာန် ရွှေ့ပြောင်းခြင်း မပြုရ: တာဝန်ရှိ တိရစ္ဆာန်ဆေးကုဆရာဝန်၏ စာဖြင့်ရေးသားထားသော ခွင့်ပြုချက်မရှိဘဲ ခွေး၊ ကြောင် သို့မဟုတ် တိရစ္ဆာန်အသေကောင်များကို ရောဂါဇုန်အတွင်းသို့ သွင်းခြင်း၊ အပြင်သို့ ထုတ်ခြင်း သို့မဟုတ် ဖြတ်သန်းသွားလာခြင်း လုံးဝမပြုရ။

၂။ ရောဂါသံသယရှိပါက အကြောင်းကြားရန်: တိရစ္ဆာန်များ ဖျားနာခြင်း၊ ပုံမှန်မဟုတ်ဘဲ သေဆုံးခြင်း သို့မဟုတ် ၇ ရက်အတွင်း တစ်ကောင်ထက်မက ထူးဆန်းစွာ သေဆုံးခြင်းများရှိပါက ဒေသန္တရအာဏာပိုင်များ သို့မဟုတ် တိရစ္ဆာန်ဆေးကုဌာနသို့ ချက်ချင်း အကြောင်းကြားရမည်။

၃။ အသေကောင်ကို မရွှေ့ရ: ရောဂါဖြင့် သေဆုံးသည်ဟု သံသယရှိပါက အဆိုပါ တိရစ္ဆာန်အသေကောင်ကို ရွှေ့ပြောင်းခြင်း၊ ခွဲစိတ်ခြင်း သို့မဟုတ် ဖျက်ဆီးခြင်း မပြုဘဲ အရာရှိများ လာရောက်စစ်ဆေးသည်အထိ မူလနေရာတွင် ထားရှိရမည်။

ပြစ်ဒဏ်: အထက်ပါ ညွှန်ကြားချက်များကို ဖောက်ဖျက်ပါက ထောင်ဒဏ် ၁ နှစ်အထိ ဖြစ်စေ၊ ဒဏ်ငွေ ဘတ် ၂၀,၀၀၀ ထက်မပိုသော ငွေဒဏ်ဖြစ်စေ၊ သို့မဟုတ် ပြစ်ဒဏ်နှစ်ရပ်လုံးဖြစ်စေ အရေးယူခံရမည်။

ဒီဒေသနားမှာ နေထိုင်တာဆိုရင် မိမိရဲ့ အိမ်မွေးတိရစ္ဆာန်တွေကို အိမ်ထဲမှာပဲ ဂရုစိုက်ထားဖို့နဲ့ အပြင်ခွေးတွေနဲ့ မထိတွေ့အောင် သတိထားဖို့ အကြံပြုလိုပါတယ်။

30/01/2026

ရွှေဈေးတက်မြင့်လာမှုကြောင့် မဲဆောက်ရဲမှ လုံခြုံရေးသတိပေးချက် ထုတ်ပြန်

နေ့စွဲ — ဇန်နဝါရီ ၃၀၊ ၂၀၂၆

ရွှေဈေးနှုန်းများ အလွန်အမင်း မြင့်တက်လာနေသည့် အခြေအနေကြောင့် မဲဆောက်မြို့နယ် ရဲစခန်းမှ မိဘပြည်သူများ၏ ဘေးကင်းလုံခြုံရေးအတွက် အထူးသတိပေး နှိုးဆော်ချက်တစ်ရပ်ကို ထုတ်ပြန်လိုက်သည်။

အဖိုးတန်ပစ္စည်းများကို လုံခြုံစွာ ထိန်းသိမ်းရန်
မိမိပိုင် ရွှေငွေများနှင့် အဖိုးတန်ပစ္စည်းများကို လူအများမြင်နိုင်သည့် နေရာများတွင် ပြသခြင်း၊ ကြွားဝါပြောဆိုခြင်းများကို ရှောင်ကြဉ်ရန် အကြံပြုထားသည်။

ရာဇဝတ်မှုအန္တရာယ်ကို သတိပြုရန်
ရွှေဈေးတက်ကာလတွင် လိမ်လည်လှည့်ဖြားသူများနှင့် မကောင်းသော အဖွဲ့အစည်းများက အခွင့်ကောင်းယူ လုပ်ဆောင်နိုင်သဖြင့် အထူးသတိထားရန် တိုက်တွန်းထားသည်။

ကိုယ်ရေးကိုယ်တာ လုံခြုံရေးကို ဦးစားပေးရန်
ရွှေထည်အလှဆင်ပစ္စည်း အကြီးအစားများကို ဝတ်ဆင်ကာ လူရှင်းလပ်သော နေရာများသို့ တစ်ဦးတည်း သွားလာခြင်းကို တတ်နိုင်သမျှ လျှော့ချရန် အကြံပြုထားသည်။

အရေးပေါ်အခြေအနေတွင် ဆက်သွယ်ရန်
အကူအညီလိုအပ်ပါက ဖုန်းနံပါတ် ၁၉၁ သို့မဟုတ် ၀၅၅–၅၃၁–၁၃၀ သို့ ချက်ချင်း ဆက်သွယ်အကြောင်းကြားနိုင်ကြောင်း သိရသည်။

မိဘပြည်သူများအားလုံး ဘေးအန္တရာယ်ကင်းရှင်းစေရန် ရည်ရွယ်၍ မဲဆောက်မြို့နယ် ရဲစခန်း မှ စေတနာဖြင့် ထုတ်ပြန်ကြေညာထား။

18/12/2025

ရခိုင်အလုပ်သမားလှုပ်ရှားမှုအဖွဲ့
Arakan Labour Campaign (ALC)
အပြည်ပြည်ဆိုင်ရာ ရွှေ့ပြောင်းအလုပ်သမားများနေ့ (International Migrants Day) ဂုဏ်ပြုထုတ်ပြန်ကြေညာချက်

နေ့စွဲ - ၂၀၂၅ ခုနှစ်၊ ဒီဇင်ဘာလ ၁၈ ရက်
ယနေ့သည် ကမ္ဘာတစ်ဝှမ်းရှိ ရွှေ့ပြောင်းအလုပ်သမားများ၏ ရုန်းကန်ကြိုးစားမှုနှင့် ၎င်းတို့၏ အကျိုးပြုစွမ်းဆောင်မှုများကို အသိအမှတ်ပြုသည့် အပြည်ပြည်ဆိုင်ရာ ရွှေ့ပြောင်းအလုပ်သမားများနေ့ ဖြစ်သည်။ ထိုင်းနိုင်ငံအတွင်းရှိ ကဏ္ဍစုံတွင် လုပ်ကိုင်နေကြသော မြန်မာရွှေ့ပြောင်းအလုပ်သမား သန်းပေါင်းများစွာသည် မိသားစုစားဝတ်နေရေးနှင့် မိခင်နိုင်ငံ၏ စီးပွားရေးကို ဒေါက်တိုင်ပြုနေကြသူများ ဖြစ်သကဲ့သို့ ထိုင်းနိုင်ငံ၏ ဖွံ့ဖြိုးတိုးတက်မှုအတွက်လည်း အဓိကမောင်း နှင်အား တစ်ခု ဖြစ်ပါသည်။
၁။ လက်ရှိကြုံတွေ့နေရသော အဓိကပြဿနာများ ထိုင်းနိုင်ငံအတွင်းရှိ မြန်မာအလုပ်သမားများသည် အောက်ပါ စိန်ခေါ်မှုများကို ရင်ဆိုင်နေကြရဆဲဖြစ်ပါသည် - တရားဝင်စာရွက်စာတမ်း အခက်အခဲ၊ ပတ်စပို့ (Passport) နှင့် အလုပ်လုပ်ကိုင်ခွင့်လက်မှတ် (Work Permit) သက်တမ်းတိုးရာတွင် ကြန့်ကြာမှုများ၊ ကုန်ကျစရိတ် မြင့်မားမှုများနှင့် ပွဲစားများ၏ လိမ်လည်မှုများ၊ လုပ်ငန်းခွင်အတွင်း ခေါင်းပုံဖြတ်ခံရမှုနှင့် အနည်းဆုံးအခကြေးငွေ အပြည့်အဝမရရှိခြင်း၊ အချိန်ပို (OT) ဆင်းခိုင်းသော်လည်း လုပ်ခအပြည့်အ၀ မပေးခြင်းကြုံတွေ့နေကြရပါသည်။ ထို့အပြင် ဘေးအန္တရာယ်ရှိသော လုပ်ငန်းခွင်ပတ်ဝန်းကျင်များ၊ စာရွက်စာတမ်း မပြည့်စုံ သူများ ကို ပစ်မှတ်ထားကာ ဖမ်းဆီးခြင်းနှင့် နေရပ်ပြန်ပို့ခြင်းဆိုင်ရာ စိုးရိမ်ပူပန်မှုများလည်းရှိကြပါသည်။
ထိုင်းနိုင်ငံ၏ အလုပ်သမားကာကွယ် စောင့် ရှောက်ရေး ဥပဒေအရရွှေ့ပြောင်းအလုပ်သမားများသည် သတ်မှတ်ထား သော ဒေသအလိုက် အနည်းဆုံးအခကြေးငွေ (Daily Minimum Wage) ကို ခံစားခွင့်ရှိခြင်း၊ အလုပ်ပိတ်ရက်နှင့် အနားယူခွင့် တစ်ပတ်လျှင် အနည်းဆုံးတစ်ရက် ပိတ်ရက်ရရှိရမည်ဖြစ်ပြီး နှစ်စဉ် ခွင့်ရက်များကိုလည်း ခံစားခွင့်၊ လူမှုဖူလုံရေး (Social Security) သို့မဟုတ် ကျန်းမာရေးအာမခံ ထားရှိခွင့်နှင့် ဆေးကုသခွင့်များ ကိုပြဌာန်းထားသော်လည်း အမှန်တကယ် အပြည့်အဝမရရှိကြသည့်အပြင် အလုပ်ရှင်သည် အလုပ်သမား၏ ပတ်စပို့ သို့မဟုတ် မူရင်း စာရွက်စာတမ်းများကိုလည်း သိမ်းဆည်းထားကြသည်။
ထို့ကြောင့် Arakan Labour Campaigh (ALC) အနေဖြင့် အောက်ပါအချက်များကို တောင်းဆို တိုက်တွန်း အပ်ပါ သည်။
၁။ ရွှေ့ပြောင်းအလုပ်သမားများ၏ ကြုံတွေ့နေကြရသော တရားဝင်အလုပ်လုပ်ကိုင်ခွင့် စာရွက်စာတမ်း ကိစ္စများကို ပွင့်လင်းမြင်သာပြီး ကုန်ကျစရိတ်သက်သာစွာဖြင့် လျင်မြန်စွာဆောင်ရွက်ပေးရန်နှင့် ကာကွယ်စောင့်ရှောက်မှု မြှင့်တင်ရန်။
၂။ လုပ်ငန်းခွင်အတွင်း လူ့အခွင့်အရေး ချိုးဖောက်ခံရမှုများကို ထိရောက်စွာအရေးယူပေးရန်နှင့် တရားဥပဒေ၏ အကာအကွယ်ကို တန်းတူညီမျှ ရရှိစေရန်၊၊
၃။ ရွှေ့ပြောင်းအလုပ်သမားများအပေါ် အဂတိလိုက်စားမှုနှင့် လူမျိုးရေးအရ ခွဲခြားဆက်ဆံမှုများကို ရပ်တန့်ရန်။
Arakan Labour Campaign (ALC) သည် 2009 ခုနှစ်ကပင် တာ့ခ်ခရိုင်အတွင်း မဲဆောက်မြို့ဒေသတွင်း ရွှေ့ပြောင်း အလုပ်သမားများ၏ လူမှုဘဝတိုးတက်ရေး၊ အလုပ်သမားအခွင့်အရေးများကို ပညာပေးခြင်းနှင့် ဒေသခံထိုင်းပြည်သူများနှင့် သဟဇာတဖြစ်သည့် ယဉ်ကျေးမှုများကို ဖလှယ်ချင်းများ၊ လုပ်အားခများကိုတောင်းဆိုမှုများကို လုပ်ဆောင်ခဲ့ပါသည်။
ယနေ့ ဒီဇင်ဘာလ (၁၈) နေ့တွင် ကျရောက်သော ရွေ့ပြောင်းအလုပ်သမားနေ့ကို ဂုဏ်ပြုသောအားဖြင့် ALC သည် နှစ်နိုင်ငံစလုံး၏ သဟဇာတရှိသော လူမှုဘ၀ ဖွံ့ဖြိုးတိုးတက်ရေး၊ တန်းတူရေး၊ လူ့အခွင့်အရေးများအတွက် အလုပ်ရှင် အလုပ်မား ရေရှည်တည်တံ့သော အကျိုးစီးပွါးခိုင်မာမှုအတွက် ဆက်လက်လုပ် ဆောင်သွားမည်ဖြစ်ကြောင်း ကြေညာ အပ်ပါသည်။

မဲဆောက်မြို့၊ ထိုင်းနိုင်ငံ
ဖုန်း - +၆၆ (ဝ)၈၀ ၄၉၇ ၈၁၉၇

18/12/2025

02/11/2025

Found on Google from facebook.com

25/10/2025

25/10/2025

မေတော် မိဘုရာကြီး သီရိခစ် 4.10.2025 ရက်နေ့တွင် နတ်ရွာစံသွားပြီ (ဝမ်းနည်းအောက်မေ့ဖွယ်ဖြစ်ရပါ၏)