Delina Consulting AB

26/05/2026

ኣብ መላእ ሃገረ ሽወደን ዋጋ ህዝባዊ መጓዓዝያ ብፍርቂ ክጎድል እዩ !

ኣብ መላእ ሃገረ ሽወደን ዋጋ ወርሓዊ ካርድ ናይ ህዝባዊ መጓዓዝያ ካብ ዕለት 1 ሓምለ ክሳብ 31 ታሕሳስ 2026 (ንሽዱስተ ኣዋርሕ ጥራሕ ) ብፍርቂ ክጎድል ከም ዝኾነ ሎሚ ሰሉስ 26 ግንቦት 2026 መንግስቲ ኣብ ዝገበሮ ጋዜጣዊ መግለጺ ተሓቢሩ ኣሎ።

ቀዳማይ ሚኒስተር Ulf Kristersson እቲ ዝግበር ዘሎ ድጋፍ ብምኽንያት እቲ ውግእ ኣብ ኢራን ዘምጽኦ ቅልውላው ኤነርጂ እዩ ዝተኣታቶ ዘሎ ክብል ሓቢሩ ኣሎ። “ኩሉ ሳዕቤናት ናይቲ ውግእ ክንኣልዮ ኣይንኽእልን፣ ግን ነቲ ሳዕቤናት ከነቕልሎ ንኽእል ኢና።” ክብል ዉን ሓቢሩ ኣሎ።

በዚ መሰረት 6.5 ቢልዮን ክሮነር ድጋፍ ናብ ኩለን ዞባታት ክዋሃብ እዩ። እዚ ከምዚ ኢሉ እንከሎ፡ በዚ ዉሳነ እዚ ብዙሓት ወገናት ክንቕፍዎ ጀሚሮም ኣለዉ። ምኽንያቱ የማናዉያን ሰልፍታት ሽወደን እዚ ወሲኖሞ ዘለዉ ዉሳነ፡ ኣብዚ ዝምጽእ ወርሒ መስከረም ዝካየድ ምርጫ ፖለቲካዊ መኽሰብ ንምርካብ ንኽጥቀሙሉ ዝገብሩዎ ዘለዉ ፕሮፓጋንዳ እዩ።

እቲ መንግስታዊ ምትእትታው ንዋጋ ህዝባዊ መጓዓዝያ ብተቓወምቲ ፓርቲታት ክልተ ዓይነት ምላሽ ረኺቡ። Vänsterpartiet፣ Socialdemokraterna እና Miljöpartiet እቲ ለውጢ ጽቡቕ እዩ ኢሎም። ግን እዚ ምትእትታው ቀደም ክመጽእ ነይርዎ ክብሉ ነቒፎም።

ተኽለወይኒ ኣስመላሽ
2026-05-26

Priset på månadskort i kollektivtrafiken ska halveras tillfälligt i hela landet, det meddelar Tidöpartierna på en pressträff på tisdagen. Stödet införs med anledning av den energikris som kriget i Iran leder till, enligt statsminister Ulf Kristersson (M) – Vi kan inte ta bort alla konsekv...

25/05/2026

ኣብዚ ወርሒ ሰነ ኣብ ሽወደን ዝቕየሩ ሓደሽቲ ሕግታት እንታይ እዮም ?

1. ሓደ ሰነ 2026 ፡ ፍቃድ ስራሕ (Work permits)

ካብ ባሕቲ ሰነት (ዕለት 1 ሰነ) ኣብ ሽወደን፡ እቲ ቅድሚ ሕጂ ዝነበረ ሕጊ ምምልካት ናይ ስራሕ ፍቓድ ክቕየር እዩ። እዚ ማለት ናይ ስራሕ ፍቓድ ንምርካብ 80 ሚእታዊት ናይቲ ሃገራዊ ማእከላይ መሃያ (medianlönen) ዝነበረ ሕጊ (medianlönen) ናብ 90 ሚእታዊት (90%) ናይቲ ሃገራዊ ማእከላይ መሃያ (medianlönen) ክውስኽ እዩ::

27 ዝተፈላለዩ ዓይነታት ስራሕ ነጻ ዝኾኑሉ ፍሉያት ኩነታት (exemptions) ክህልዉ እዮም። ካብቶም በዚ ሕጊ ዘይቅየዱ ዓይነታት 27 ሞያታት ስራሕ፡ ከም ነርስት፡ መራሕቲ ኣምቡላንስን ገለ ትሑት ክፍሊት ዘለዎም ናይ መሃንድስነት ግደታታትን፡ ካብ ዕለት ሓደ ሰነ 2026 ጀሚሩ ነቲ ልዑል ናይ ፍቓድ ስራሕ ዓቐን መሃያ (90% ወይ 33,390 ክሮኖር ኣብ ወርሒ) ኣብ ክንዲ ዝኸፍሉ፡ 75 ሚእታዊት ናይቲ ማእከላይ መሃያ (27,825 ክሮኖር ኣብ ወርሒ) ጥራይ ክረኽቡ ይሕተቱ።

2. ሓደ ሰነ 2026 ሓደስቲ ዓይነታት ባራትን እንዳ ቢራን (Pubs) ኣብ ስዊድን ክፈቐዱ እዮም።

ካብ ሓደ ሰነ 2026 ጀሚሩ፡ ኣብ ሽወደን ዝርከባ ከተማታት ንፈለማ እዋን ናይ ገማግም ባሕሪ ባራት (beach bars)፡ ናይ ወይኒ ባራትን (wine bars) ሓሓሊፉ ድማ ናይ ወጻኢ እንዳ ቢራታት (beer gardens) ክርእያ ይኽእላ እየን። እዚ ለውጢ እዚ ኣብ ዝሓለፈ ቁሩብ መዓልታት፡ ባይቶ ሽወደን፡ ሓደ ቤት መግቢ ኣልኮል ንምዕዳል ናይ ግድን ኣብ ገዛእ ናይ ባዕሉ ክሽኑ ዝበሰለ ምግቢ ከቕርብ ኣለዎ ዝብል ቀይዲ ድሕሪ ምስራዙ እዩ።

3. 6 ሰነ 2026 ሃገራዊ መዓልቲ ሽወደን (National Day)

ካብ ዕለት 6 ሰነ 2026 ሃገራዊ መዓልቲ ሽወደን ኣብ ግብሪ ዝዉዕል ሓዱሽ ናይ ሚግረሽን ሕጊ ኩሎም ዜግነት ኣመልኪቶም ክሳብ 6 ሰነ ጉዳዮም ዉሳነ ዘይተዋቦም ኣስታታ 100 ሽሕ ሰባት ሰባት ሓደሽቲ ተረርቲ ናይ ዜግነት ረቛሒታት ከማልኡ ክግደዱ እዮም። 6 ሰነ ብፍላይ ነቶም ዜግነት ዝጽበዩ ሰባት ብኣወንታ ትርቀስ ዕለት ኣይኮነትን። ምኽንያቱ እቲ ኣብ ዝሓለፈ 29 መሚያዝያ ፓርላማ ሽወደን ዘሕለፎ ሓዱሽ ናይ ዜግነት ሪፎርም ኣብ ግብሪ ዝውዕለሉ መዓልቲ ሰለ ዝኾነት።

4. መጀመርያ ወርሒ ሰነ ፡ ናይ ኤሌክትሪክ ሓገዝ መንግስቲ ንህዝቢ ክፍሊት ክጅምር እዩ።

መንግስቲ ኣብ ወርሒ ሚያዝያ ዘተስፈዎ ናይ ኤሌክትሪክ ሓገዝ ክፍሊት፡ ኣብ መጀመርታ ሰኔ ብቤት ጽሕፈት መድሕን ጥዕናን ማሕበራዊ ውሕስነትን (Försäkringskassan) ኣቢሉ ናብ ስድራቤታት ክኽፈል ክጅምር እዩ። እቲ ሓገዝ ከከም ዘለዉሉ ዞባን ኣብ ወርሒ ጥሪን ለካቲትን ዝነበሮም ዘህለኹዎ ናይ ኤሌክትሪክ ክፍሊትን ንምሕጋዝ ካብ 1,100 ክሳብ 1,850 ክሮነር ናብ ህዝቢ ክመቓራሕ እዩ። መብዛሕትኦም ነዚ ሓገዝ ዝበቕዑ ስድራቤታት እቲ ገንዘብ ቅድሚ በዓል ሚድሰመር (midsummer) ክበጽሖም እዩ።

5. ካብ ሰነ 9-12፡ ካብ Skatteverket ገንዘብ ናይ ግብሪ (Tax refund) ክምለስ እዩ።

እቶም ናይ ግብሪ (tax) ፎርም እቲ ዝተናውሐ ናይ መወዳእታ መዓልቲ ቅድሚ ምእታዉ (ክሳብ ግንቦት 4) ዘእተዉ ሰባት፡ እቲ ተመላሲ ገንዘብ ካብ 9 ሰነ ክሳብ 12 ሰነ ካብ Skatteverket ገንዘብ ክምለሶም እዩ።ብኣንጻሩ ተወሳኺ ግብሪ ክትከፍሉ እንተደኣ ተፈሪዱኩም፡ ካብ 8 ሰነ ክሳብ 12 ሰነ ናይ መወዳእታ ዉሳነ ካብ Skatteverket ክዋሃበኩም እዩ። እቲ ናብ Skatteverket ክትመልስዎ ዘለኩም ገንዘብ ከኣ ኣብ ዉሽጢ 3 ወርሒ ይፍጸም።

6. 19 ሰነ ቅድመ-በዓል ሚድሰመር (Midsummer's Eve)

ናይ ሎሚ ዓመት Midsommar 20 ሰነ ክባዓል እዩ። ዓርቢ 19 ሰነ ከኣ ቅድሚ Midsommar ዝኽበር Midsommar Eve ስለ ዝኾነ፡ ሃገራዊ በዓል እዩ። መብዛሕትኦም ሰራሕተኛታት ብፍላይ እቶም ኣብ መዓልታት ስራሕ ስሩዕ ሰዓታት ዝሰርሑ፡ ቅድመ-በዓል ሚድሰመር (Midsummer's Eve) ዋላ እኳ ወግዓዊ ህዝባዊ በዓል (röd dag) እንተዘይኰነ፡ ናይ ዕረፍቲ መዓልቲ ክህልዎም እዩ። እዚ ድማ ንሰራሕተኛታት ቀዳም መዓልቲ ካብቲ ጽንብል ንኽሓውዩ ዕረፍቲ ንምሃብ ተባሂሉ ዝተገብረ እዩ።

ስለዚ ኣብዚ መዓልቲ እዚ እቶም ትሰርሑ ዕረፍቲ ክህልወኩም ይግባእ። ኣብ ቅድመ-በዓል ሚድሰመር ክትሰርሑ እንተደኣ ተገዲድኩም፡ ናይ ዘይግቡእ ሰዓታት ስራሕ ክፍሊት (Ob-tillägg)፡ ናይ ትርፊ ሰዓት ክፍሊት (overtime pay) ወይ ድማ ኣብ ካልእ እዋን ዝውሰድ ናይ ምትካእ ዕረፍቲ መዓልቲ ክወሃበኩም ይኽእል እዩ።

ተኽለወይኒ ኣስመላሽ
2026-05-25

25/05/2026

Delina Consulting !

ዝኾነ ዓይነት ንሚግረሽን ዝምልከት ሓገዛት እንተደልኹም ተወከሱና። ኣብዚ ታሕቲ ብዘሎ ብ 3 ዓይነት ቋንቋታት (ትግርኛ፡ ስቨንስካ ወይ ኢንግሊሽ) ዝተዳለወ ድሕረገጽና ኣቲኹም ዉን ቆጸራ ንምሓዝ ብዝደለኹሞ ቋንቋ ክትጽሕፉልና ትኽእሉ ኢኹም።

ቤት ጽሕፈትና ኣብ Vällingby Centrum ዝርከብ O'Learys Vällingby ( en trappa upp) እዩ ።

https://www.delinaconsulting.se/?lang=ti

23/05/2026

Enjoy the videos and music you love, upload original content, and share it all with friends, family, and the world on YouTube.

22/05/2026

መንግስቲ ሽወደን ናህሪ ዋጋ ነዳዲ ነፈርቲ ምኽንያት ብምግባር ናይ ፍርቂ ቢልዮን ክሮነር ናይ ሓገዝ ፓኬጅ ንኢንዱስትሪ በረራ ሽወደን ሰሊዑ !

ሚኒስተር ፋይናንስ ሽወደን ኤሊሳቤት ስቫንተሶን ትማሊ ሓሙስ 21 ግንቦት 2026 ኣብ ዝሃበቶ ጋዜጣዊ መግለጺ፡ መንግስቲ ሽወደን ናህሪ ዋጋ ነዳዲ ነፈርቲ ምኽንያት ብምግባር ናይ ፍርቂ ቢልዮን ክሮነር ናይ ሓገዝ ፓኬጅ ንኢንዱስትሪ በረራ ሽወደን ሰሊዑ ከም ዘሎ ሓቢራ ኣላ። ነዚ ሓገዛት እዚ እንተዘይሂብናዮ፡ ገለ በረራታት ናይ ምስራዝ ዓብዪ ዕድል ኣሎ። እዚ ሕጂ ዘለናዮ ኩነታት ኣዝዩ ዝተወጠረ እዩ" ክትብል ሚኒስተር ፋይናንስ ሽወደን ኤሊሳቤት ስቫንተሶን ኤሊሳቤት ስቫንተሶን ሓቢራ።

ሚኒስተር ትሕተ-ቅርጺን መንበሪ ኣባይትን ኣንድሪያስ ካርልሰን (KD) ኣብ ዝሃቦ ጋዜጣዊ መግለጺ፡ "እዚ ኩነታት ዝገደደ ወይ ቀጻሊ ኣሸጋሪ ክኸውን ንዝኽእል ኩነታት ድልዋት ንምዃን ዝተዳለወ ድልዱል ፓኬጅ እዩ" ኢሉ።

ሚኒስተር ፋይናንስ ሽወደን ኤሊሳቤት ስቫንተሶን ንቲቪ ኤስቪቲ (SVT) ኣብ ዝሃበቶ ቃል፡ "ነዚ ሓገዛት እዚ እንተዘይሂብናዮ፡ ገለ በረራታት ናይ ምስራዝ ዓብዪ ሓደጋ ኣሎ፤ እዚ ኣዝዩ ህጹጽ ኩነታት እዩ" ኢላ።

እቲ ሓገዝ ኣብ ሰለስተ ክፍልታት ዝተመቀለ እዩ።

እቲ ቀዳማይ ክፋል፦ 400 ሚልዮን ክሮነር ዝሽፍን ኮይኑ፡ ንናይ ጋዝን ክፍሊትን ስርዓት (gas- och avgiftssystemet) ዝውዕል እዩ። እዚ ማለት እተን ትካላት በረራ ንናይ ጸጥታ መርመራን ንናይ ስንቂ ምሕደራን ዘውጽኣኦ ወጻኢታት ዝሽፍን እዩ።

እቲ ካልኣይ ክፋል፦ ምስ ድልውነት (beredskap) ዝተሓሓዝ ኮይኑ፡ ንኣብነት ገለ መስመራት በረራ እንተ ተዓጽዮም፡ ናይ ውሽጢ ሃገር በረራታት ንምዕዳግ (ንኡስ-ኮንትራት ንምሃብ) ዝውዕል እዩ።

እቲ ሳልሳይ ክፋል፦ 20 ሚልዮን ክሮነር ዝግመት ኮይኑ፡ እቶም ኣምቡላንስ ነፈርትን ሄሊኮፕተራትን ንሕክምናዊ መጓዓዝያ ዘለዎም ኣገልግሎት ክቕጽሉሉ ንምኽኣል፡ ንዞባታት (regions) ዝወሃብ ፋይናንሳዊ ሓገዝ እዩ።

እዚ ሕጂ ዝቐረበ ናይ ሓገዝ ፓኬጅ፡ ኣካል ናይቲ ኣቐዲሙ ተገሊጹ ዝነበረ ብጠቅላላ 17.5 ቢልዮን ክሮነር ዝግመት ናይ ቅልውላው እዋን ፓኬጅ እዩ።

https://www.svt.se/nyheter/inrikes/regeringen-500-miljoner-till-flyget

21/05/2026

ዜግነት ሽወደን ንኽሰሓብ ሰልፊ Socialdemokraterna ቀጠልያ መብራህቲ ወሊዑ!

ትማሊ ረቡዕ 20 ግንቦት 2026 ኣብ ፖለቲካ ሽወደን ሓዱሽ ተርእዮ ተኸሲቱ ኣሎ። እዚ ማለት ሰልፊ Socialdemokraterna ፡ ካብቲ ቅድሚ ሕጂ ንምስሓብ ዜግነት ሽወደን ዝኽተሎ ዝነበረ ተሪር ተቓዎሞ መትከሉ ቐይሩ ዜግነት ሽወደን ንኽሰሓብ ዝዓበየ ሰልፊ Socialdemokraterna ቀጠልያ መብራህቲ ወሊዑ ኣሎ።

ኣብ ሽወደን ካብቶም ቀንዲ ኣርባዕተ መሰረታውያን ሕግታት (ቅዋማት) ሽወደን ዜግነት ንኽሰሓብ ስልፊ Socialdemokraterna ድጋፉ ገሊጹ ኣሎ። በዚ መሰረት፡ እቶም ዜግነት ሽወደን ብናይ ሓሶት መገድታት ዝወሰዱ ወይ ከኣ ብከቢድ ገበን ዝተፈርዱ ሰባት ዜግነቶም ንኽሰሓብ ቅድሚ ሕጂ በቶም የማናዉያን ሰልፍታት ዝቐረበ እማመ ከም ዝድግፍ ትማሊ ረቡዕ 20 ግንቦት ኣብ ባይቶ (ሪክስዳግ) ሽወደን ዝተኻየደ ድምጺ ናይ ምሃብ መስርሕ ብመንገዲ መራሒቲ ሰልፊ Socialdemokraterna ማግዳለና ኣንደርሶን ዕላዊ ጌሩ ኣሎ።

እዚ እማመ እዚ ስልጣን ሕዞም ዘለዉ የማናዉያን ሰልፍታት (Tidöpartierna) ኣቐዲሞም ዘቕረብዎ ናይ ውሳነ ሓሳብ ኮይኑ፡ ንሱ ድማ ንሃገራዊ "ገደብ ኣልቦ ረብሓታት" ሽወደን ብከቢድ ዝጎድእ ገበን ፈጺሞም ኣብ ዝተፈርዱ ሰባት፡ ነቲ ናይ ሽወደን ዜግነቶም ናይ ምስራዝ (ምስሓብ) ዕድል ዝኸፍት ተርእዮ እዩ።

በቲ ሕጂ ኣብ ካልኣይ ምዕራፍ፡ ሻብዓይ ዓንቀጽ ናይቲ Regeringsformen ዘሎ ቅዋም ናይ ሽወደን ማለት ሓደ ካብቶም ኣርባዕተ መሰረታውያን ሕግታት ሽወደን ፡ "ዝኾነ ዜጋ ሽወደን ዜግነቱ ክሕደግ ኣይፈቀድን እዩ" ይብል።

ትማሊ ረቡዕ እምበኣር ሶሻል-ደሞክራት (S) ኣብዚ ጉዳይ ዘለዎም መርገጺ ቀይሮም ኣለዉ። እዚ ናይ ትማሊ ረቡዕ ውሳነ፡ ሰልፊ ሶሻል-ደሞክራት (S) ኣብዚ ጉዳይ መርገጺኦም ካብ ዝቕይሩ ኣርባዕተ ኣዋርሕ ጸኒሑ እዩ ትማሊ ወግዓዊ ጌሮሞ ዘሎ። እቲ ሰልፊ ኣቐዲሙ ነዚ ለውጢ ተቓዊምዎ ነይሩ እዩ፡ እንተኾነ ግን ኣብዚ ሒዝናዮ ዘለና ዓመት ናይ ወርሒ ጥሪ መርገጺኦም ክቕይሩ መሪጾም።

ኣባል ኮሚቴ ቅዋም ባይቶ ዝኾነት ኣማልያ ሩድ ስተንለፍ (S) ሽዑ ንሬድዮ ሽወደን (SR) ከም ዝሃበረቶ እንተኾይኑ፡ "ናይ ጉጅለታት ገበን (gängkriminaliteten) ናብ ስርዓትና፡ ናብ ኣብያተ-ፍርዲ፡ ናብ ፖለቲካዊ ሰልፊታትን ካልእን ይልሑኽ ኣሎ፡ ስለዚ ድማ ሕጊ ከነውጽእ የድልየና ኣሎ። ኣብዚ ጉዳይ 'ገደብ ኣልቦ ረብሓታት' (vitala intressen) ዝብል ሓሳብ ኣዝዩ ጽቡቕ ክዓዪ ከም ዝኽእል ንኣምን" ኢላ።

ሰልፊ ሶሻል-ደሞክራት (S) ኣቐዲሞም ነቲ ናይ Tidöpartierna ሓሳብ ክነጸግሉ ዝጸንሑ ምኽንያት፡ እቲ "ገደብ ኣልቦ ረብሓታት" ዝብል ስያሜ ብግቡእ ስለ ዘይተተርጎመን ዘይተነጸረን እዩ ነይሩ ክብሉ ሓቢሮም ኣለዉ።

ናይ ሚግረሽን ሚኒስተር ዮሃን ፎርሰል ዝሓለፈ ዓመት እቲ መጽናዕቲ ክቐርብ ከሎ፡ "ካብ ብዙሓት ሃገራት ብፍሉይ መገዲ፡ ንሓደ ዜግነት ሽወደን ብናይ ሓሶት መገድታት ዜግነት ዝወሰደ፡ ብኸቢድ ገበን እተፈርደ ወይ ከኣ ሓደ ሰብ ብምትላል ወይ ብምፍርራሕ ዜግነት ረኺቡ እንተድኣ ኔሩ፡ ዜግነቱ ክሕደግ ይኽእል እዩ ዝብል እማመ እዩ ቐሪቡ ዘሎ።

እዚ ናይ ዜግነት ምስራዝ ውሳነ ኣብ ግብሪ እንተዊዒሉ ፡ ነቶም ክልተኣዊ ዜግነት (Dubbelt medborgarskap) ዘለዎም ሰባት ጥራይ ዝምልከት ኮይኑ፡ ብቐንዱ ድማ ኣንጻር እቶም ኣብ ሽወደን ገበን ንኻክየድ ዝመርሑ ናይ ገበን ጉጅለታት ብቐጥታ ክጸሉ ተባሂሉ ይግመት።

ተኽለወይኒ ኣስመላሽ
21 ግንቦት 2026

19/05/2026

የማናዉያን ጸጋማዉያን ሰልፍታት ሽወደን ዝባሃሉ ኣየኖት ፓርትታት እዮም ?

ምሉእ ቶሕዝቶ ኣብ ናይ comment ቦታ ኣለኩም