Khartoum real estate - عقارات الخرطوم

21/07/2023

21/07/2023

{وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا ۚ وَوَجَدُوا مَا عَمِلُوا حَاضِرًا ۗ وَلَا يَظْلِمُ رَبُّكَ أَحَدًا}

• [الكهف : 49]

18/07/2023

*عندما تود شراء قطعة أرض او عقار قم و تأكد من الأتي:-

1/رؤية الأرض أو العقار علي الطبيعة أو الخريطة بنفسك أو عبر وكيلك المفوض لمعرفة الموقع (المنطقة_الحي_المربع_المساحة نمرة القطعة).

2/فحص الأوراق القانونية (شهادة البحث والعقد الأولي مع الأراضي) ومن صحة البيانات بواسطة خبير او مستشارك القانوني ما أمكن ذلك.

3/ التأكد من وضعية البائع (أصيل أم وكيل مفوض) ومن صحة التفويض الخاص بنقل الملكية للمشتري هل هو ساري المفعول وهل يشمل سلطة البيع.

4/بعد الإتفاق علي القيمة وفحص اوراق نقل الملكية والتأكد من قانونيتها بواسطة الخبير او مستشارك القانوني.

5/ علي البائع أو وكيله ان يجدد شهادة البحث لدي تسجيلات الأراضي بان تكون صالحة لمدة 7 ايام من تاريخ صدورها.

6/علي المشتري أو وكيله المفوض ان يقوم بإجراءت تغيير السجل في تسجيلات الاراضي من اسم البائع إلي إسم المشتري الجديد حتي يحافظ علي حقوقه المكتسبة بموجب عقد البيع بواسطته او عبر مستشاره القانوني.

7/عقد البيع لا يعني نقل الملكية.وإنما تنقل الملكية بتغيير السجل في مكتب تسجيلات الأراضي من اسم البائع للمشتري.

8/يمكن للمشتري الجديد مع تغيير السجل أن يقوم بحجز القطعة او العقار لدي سلطات الأراضي للحفاظ علي العقار .

9/يدفع المشتري الجديد رسوم الحجز وتغيير السجل لدي مكتب تسجيلات الاراضي المختص.

10/يطلب المشتري الجديد او وكيله المفوض شهادة بحث بغرض التأكد ليتأكد من صحة تغيير السجل في إسمه.

منقول.

بقلم الأستاذ /عبدالإله محمد علي الفاضلابي.

14/07/2023

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

13/07/2023

🔴ترند الحظة في السودان 🔥
كونه انك تطالب بسعر خيالي لتاجير بيتك دي حاجة وكونه انو البيت لا يليق بالسعر ده ف دي حاجة تانيه! اسعار البيوت والشقق في ولايات السودان تساوي اسعار شقق ايجارات في اوروبا و امريكا! لكن الفرق انو مافي بنيه تحتيه وموية وكهربا بتقطع!
اخليكم مع صور البيت ال بي ٦٠٠ في ولاية الجزيرة

01/07/2023

السؤال :
ياخي موضوع الإيجارات دي كيف؟ انا عندي بيت داير استأجروا لناس جايين من الخرطوم، ومتحيّر في قيمة الأجرة، هل تكون بنفس السعر العادي ولا مع ظروف الحرب دي المستأجر ممكن يدفع أكتر، حتى في سمسار قال لي بيتك ده ممكن أستأجره ليك بمليار ونص، علماً انو بيتي ده لو بالغ ما بجيب ال150 ألف إيجار شهري. الراي شنو عليك الله؟

الجواب:
شوف يا الحبيب ناس الإيجارات على قسمين:
القسم الأول: رفق بالمستأجرين وأخذ منهم أجرة المثل فهذا له نصيب من حديث النبي صلى الله عليه وسلم (اللهم من رفق بأمتي فارفق به) بل بعضهم والله تنازل عن حقه لوجه الله تعالى على الرغم من الظروف الصعبة دي وحالة الحرب لكنه اتعامل كدا لوجه الله.

القسم التاني: شق على المستأجرين وطلب أجرة تساوي عشرة أضعاف أجرة البيت ما لو لم تكن هناك حرب، مافي مبرر لتصرفه ده غير استغلال لحاجة الناس وهم في وضع الحرب، وأنا شفت بيوت إيجارها في الأوضاع العادية ما يزيد عن 100 ألف جنيه الليلة مستأجرة ب بعشرة أضعاف أو تزيد، وديل ليهم نصيب من دعاء النبي صلى الله عليه وسلم (اللهم من شقّ على أمتي فاشقق عليه) وفي الحديث (من ضارّ ضارّ الله به) وزي ديل لو سألته يقول ليك بكل صلافة وجلافة- الداير يستأجر..!
في استغلال منه لظروف الحرب وناس تركوا أموالهم

لكن فات عليه أن الله تعالى ينزع بركة هذا المال وفجأة ما يعرف القروش دي دخلت بوين وطلعت بوين..!

وعادي جداً يلم القروش دي ربنا يبتليه بمرض يأتي على أول ماله وآخره، وما عند الله خير وأبقى.

والقسم التاني ديل أدعوهم يرفقوا بالمستأجرين وانهم ما يستغلوا حالة الحرب دي في الإضرار بالناس.

كما أدعو الوالي انو يصدر امر طوارئ يحدد فيه أسعار معقولة عبر لجنة متخصصة تراعي مصلحة العاقدين (لا تظلمون ولا تُظلمون).

والرأي يا سيدنا: إنك ترفق بالناس وتيسر عليهم وأبشر بالبركات من الله، ح تلقى أثر البركة في مالك وصحتك وعافيتك وذريتك وأهلك. وتذكر حديث النبي صلى الله عليه وسلم (ومن يسّر على معسرٍ يسّر الله عليه في الدنيا والآخرة، والله في عون العبد ما كان العبد في عون أخيه)

والله أعلم.

منقول من صفحة إيهاب إبراهيم الجعلي

28/06/2023

كل عام وأنتم بخير، أعاده الله علينا وعليكم باليمن والبركات، وجعل أيامكم كلها فرح وسعادة.

بمناسبة عيد الأضحى المبارك تتمنى صفحة عقارات الخرطوم لكم ولعائلتكم الكريمة أياماً سعيدة ومليئة بالأمل والفرح ونسأل الله أن يعم بلادنا الأمن والسلام والخير.

11/06/2023

اللهم اجعل هذا البلد آمناً مطمئناً سخاءً رخاءً وسائر بلاد المسلمين

07/06/2023

تاني مواصفات بيت المستقبل ..
مايكون جنبك كبري لا منطقة عسكرية لاقسم شرطة يهربو منو العساكر ويبقى ثكنة عسكرية .. مايكون جنبك حي راقي يجيب ليك الحرامية لا مخازن ضخمة .. ما يكون جنبك عمارات عالية عشان يطلعو فيها قناصة .. تبعد عن الشوارع المسفلتة الممكن تبقى ارتكازات .. ماتسكن جنب المزارع عشان ببقوها مخابيء عسكرية .. ماتسكن جنب حتة فيها معسكرات ولا محطات تنقية وتوزيع المياه .. ماتسكن بيت قدامو شجر كبار عشان يدسو جواهو عربات عسكرية وماتسكن قريب من مستشفى على سبيل الاحتياط .. ماتسكن قريب من طرمبة نهاااااائي .. مافي حاجة تخليك تسكن جنب نادي .. ماتسكن بيت فاتح على ميدان لانو ممكن يبقى ساحة معركة أو مقابر
ماتسكن جنب زول عندو بوكسي أو لاندكروزر
ماتشتري بوكسي
ماتشتري بوكسي
مالك ومال البكاسي
ماتسكن ذاتو ارح نعمل خيم في الصحراء ونريح راسنا

✌️😂

02/06/2023

إن الأمل فى رحمة الله واجب، وكلنا نعيش على الأمل وستتحقق آمالنا.
😊😊😊
د. مصطفى محمود رحمه الله