15/04/2020
🍂بسم الله الرحمن الرحيم
الحمد لله و صلى الله و سلم و بارك على نبينا محمد وبعد :
Assalamo alaicom warahmatollahi wabarakaatoh.
Pangninta a makanggay aya a gona ko pmbatyaon, na aya mala na siiko mga babay ami ko islam.
Paganay ron na panalamatan akn ska sa kiyabatya angka saya, sabap sa katawan akn a inongkapn aya biyatiya ka adn a mapapadalm reka a mapiya. A khabayaan ka a katokawan ka so sangan o mga bae ko islam, na toos anan sa adn a mapapadalm rka a mapiya, na pangninta a gyanan a mapapadalm rka a mapiya na aya kasabapan sa kapakap**n rka o NANAYAWN O MASA!
Oway, NANAYAWN O MASA! Gyanan e sangan iyo a mga babay ami, Oba kalo kalo na makambaal kano sa mama a lagido Omar ibn khattab, odi na so Khalid ibn Walid, odi na so Salahoddin Al’ayyubi. Na knaba mostahil ko Allah , e saya rka makap**n imanto a masa so :
🍂Mama a phagolwanan iyan so mga mama sa kapagawidi niyan ko ISLAM.
🍂mama a Nanayawn o pagtao a kapakawma niyan .
🍂mama a malae ranon go kapdi ko mga tao.
🍂mama a tinabanga o mga lolobay, nago ridoay skaniyan o mga palalalim.
🍂mama a Mala e khalk ko Allah, nago di niyan plalim’n so pagtao.
🍂mama a ipaginontolan iyan so kokoman o Allah, apiyapn so pamilya niyan e miyasogat a kokoman.
🍂mama a di niyan ikhalk so kapagtiga niyan ko kabnar o mga tao, nago di niyan ikhalk so kaptharoa niyan ko bnar.
🍂mama a mala e awida akal ko agama niyan nago mala e siyap ko pagtao niyan.
🍂mama a PANGINAM O MASA NIYAN NAGO SO PAGTAO NAGO SO ISLAM.
🍂 mama a pmbaloy a kasangkapan o ALLAH pagosarn iyan ko mga ridoay niyan.
Giyanan e mama a NANAYAWN A KAILANGAN A KAMBAALAN IYO A SKANO A MGA BAE!
Antunaay okit a kapakambaal iyo sa lagidanan a mama ?!
-Na katii so okit iyan hay babay akn a pmbatya sii,
DINGKA PHAKA ARNA SA KAPMBAAL KA SA MAMA E KADA A TAMOK, KAPOPOBRE NAGO KAITO A BANGSA! AYABO A CAPITAL KA NA MBALOY KA A SĀLIHA, KA SAN PHAKAPOON SO MAMA NANAYAWN O MASA NIYAN.
Na katii so mga pandoan akn rka sa kapmbaloy nga a SĀLIHA nago kapakambaal ka sa titho a mama.
1-Paganay ron na kathagoang ka sa tindug, siiko kapagtiga ko ISLAM. Nago so kapagabangangkawn, ka gyanan e pkha tulod rka sa kapmbaal ka sa mama.
2-Masa imanto a madakl so fitnah, na lidasn kawn a ginawangka golalan ko kasiyapangka ko Awrat ka nago so kibabaan ka ko pangilay layan ka.
3-Siyapangka so mga sambayang ka nago so mga pwasangka, nago ptindegun ka igira so mga tahajod ka, na pakadaklangka so dingka dii kasasadqah, ka palayadn anan tanda sa kababaloy nga a SĀLIHA.
4-Khalikun ka so Allah, ko mga sogoan iyan rka nago siiko mga inisapar iyan rka, na awatangka so mga tao a phamaka binasa rka.
5-Pamimiliin ka sa Ama so mapmbabawata aka, mama a ndodonon so agama, ago so mapiya a parangay! Ka gyanan e wasyat rekaw Rasulollah s.a.w.s. Ayapn oba so mama a adn a tindug iyan ko kapagtiga niyan ko agama niyan.
6-Ayambiatn ka ko wAta ka na so kapagislam, na pananggila ingka obangkawn mindao so olawola o mga kafir, lagid o kasayaw, kapagidayda, kapanulot sa mga liligut.
Na Amay ka minggolalan ka anan babay akn, na mbaloy ka a SĀLIHA, na in shaa Allah na makap**n rekadn so mama a NANAYAWN O MASA NIYAN. Ka inoman makadadapanas so islam, kagiya sabap sa da a kiyambaalan o mga bae a TITHO A MAMA.
Na pangnin akn ko Allah , a ska a pmbatya saya na mbaloy ka a SĀLIHA, na pangninta a makambwat rka so MAMA A NANAYAWN O MASA!
Wassalamo alaicumo warahmatollahi wabarakaatoh!
