SN Expert - Адміністрацыйныя і юрыдычныя паслугі для беларусаў і не толькі

31/12/2025

14/09/2025

Мінула ўжо больш за пяць гадоў як тысячы беларусаў не былі дома. Шмат хто пакінуў у Беларусі кватэры і дамы, у якія укладалі сілы і грошы. З тых часоў яны будуюць новае жыцьцё ў розных краінах. І вось ужо больш за два гады (так, некалькі дзён таму была другая гадавіна "пашпартнага" указу) існуе фактычная забарона на продаж нерухомасьці без асабістай прысутнасьці ў Беларусі. Для тых, хто плануе набыцьцё жытла за мяжой гэта апынулася сараўднай праблемай - нельга прадаць кватэру з-за мяжы, нават па даручэньні, а бясьпечна вярнуцца, нават на картокі час - немагчыма.
Ужо два гады таму нашыя сьпецыялісты знайшлі выйсьце і прапануюць беларусам магчымасьць продажы нерухомасьці без наведваньня Беларусі. За гэты час да нас зьвярнуліся дзесяткі кліентаў, і мы з гонарам кажам: - 100% кейсаў - пасьпяховыя.
Нажаль, ёсьць некаторыя абмежаваньні - уладальнік нерухомасьці на пачатак працы мусіць мець сапраўдны беларсукі пашпарт (не пратэрміновы). З улікам таго, што тэрміны дзеяньня пашпартоў шмат у каго набліжаюцца да канца, раім не цягнуць з прыняцьцём рашэньня - калі ёсьць патрэба прадаць нерухомасьць у Беларусі - зьвяртайцеся да SN Expert

17/01/2025

У 2025 годзе прапануем наступныя паслугі:

у Беларусі:

📌 адчужэньне (продаж) нерухомасьці без асабістай прысутнасьці і даручэньня, аформленай у РБ;
📌 атрыманьне інфармацыі аб правапарушэньнях ("даведка аб несудзімасьці");
📌 афіцыйныя (натарыяльныя) пераклады дакументаў — польская, ангельская, нямецкая мовы;
📌 прадстаўленьне інтарэсаў у розных дзяржаўных органах.

у Польшчы:

📌 падрыхтоўка і суправаджэньне любых натарыяльных угодаў (даручэньні, згоды, дамовы і іншае);
📌 атрыманьне розных дакументаў — даведак аб несудзімасьці, выпісак з рэестраў, пасьведчаньняў і іншага;
📌 суправаджэньне замены пасьведчання кіроўцы РБ на польскае (магчыма без асабістай прысутнасьці);
📌 umiejscowienie (транскрыпцыя) пасьведчаньняў аб нараджэньні, шлюбе;
📌 афармленьне падатковых дэклярацый PIT37/36/28;
📌 легалізацыя (апастыль) любых польскіх дакументаў;
📌 прадстаўленьне інтарэсаў у розных дзяржаўных органах;
📌 прысяжны пераклад дакументаў — руская, ангельская мовы;
📌 кур'ерская дастаўка дакументаў Польшча — Беларусь.

19/07/2024

У сувязі з тым, што кіраўніцтва Беларусі выйшла са згоды аб узаемным прызнанні дыпломаў і іншых дакументаў аб адукацыі ад 28 красавіка 2005 года з Рэспублікай Польша, ....

08/07/2024

Рэгляментам 2024/1865, які зьмяняе Рэглямент 765/2006, упершыню ўведзены сьпіс тавараў, якія не могуць быць увезены на тэрыторыю Беларусі нават фізічнымі асобамі для асабістага карыстаньня. Гэта зьяўляецца навэлай, раней рэчы для асабістага карыстаньня выводзіліся з-пад дзеяньня санкцый.
Зьяўленьне сьпісу ўжо выклікала непаразуменьні на мяжы, так, ёсьць зьвесткі, што польскія памежнікі 4 ліпеня наогул не выпускалі люджей з любым таварам. Відавочна, што ўсім патрэбен час, каб разабрацца ў даволі складаным дакуменце.
Сьпіс тавараў, якія увогуле забаронены да вывазу ў Беларусь, прадстаўлены у Дадатку XVIII да Рэгляменту і скадаецца з больш як 400 пазіцый. Некаторыя зь іх вельмі дзіўныя. Напрыклад, дазволены ўвоз ноубукаў, але забаронены запасных частак да іх, і такіх цікавостак у сьпісе шмат.
Але ж спынімся больш падрабязна на тым, что трапіла пад забарону. З таго, што часьцей за ўсё вазілі падарожнікі – гэта большасьць электронікі, у прыватнасьці, тэлефоны, аудыя- і відэа апаратура, у тым ліку мікрафоны, навушнікі, праектары. Пры гэтым, нагадаем, ноутбукі і увогуле камп’ютары пад забарону не трапілі. Нельга больш вывозіць у Беларусь офісную мэблю, ужываную вопратку і абутак навалам (гэтак званы second hand із Эўропы), шырокі пералік тканін, будаўнічых матэрыялаў, металічных вырабаў, шэраг фота- і кіна тавараў, напрыклад, каляровыя кінаплёнкі ці матэрыялы для імгненнай фатаграфіі.
Нечакана большая частка бытавой тэхнікі пад забарону не трапіла. Напрыклад, электранагравальныя прылады, сушыльныя машыны меньш за 10 кг, пыласосы, электрамеханічныя бытавы машыны (напрыклад, міксеры), большасьць ручнога электраінструменту, большасьць бытавой хіміі - моючыя і чысцячыя сродкі, у тым ліку мыла, шампуні і гд. Што самае цікавае, не трапілі пад забарону вырабы с каштоўных металаў. Асобна адзначым, што напоі, прадукты харчаваньня і лекі ў сьпісу не вызначаны.
У выніку можна казаць, што ўсё не так страшна, як магло быць. Засталося зразумець, як гэтыя нормы эўрапейскія мытнікі будуць ужываць на практыцы.
Спасылка на Дадатак XVIII (у перакладзе на расейскую мову) - https://drive.google.com/file/d/13B5uaa8cGMCcjRtDhshImfigjwVeY2pW/view?usp=drive_link
Патрэбна мець на ўвазе, што пераклад не зьяўляецца афіцыйным, апублікаваны выключна для даведкі, кампанія SN Expert не нясе аніякай адказнасьці за любыя наступствы выкарыстаньня адпаведнай інфармацыі.

12/06/2024

Для ўсіх атрымальнікаў пенсій і розных іншых дзяржаўных выплат зь Беларусі нагадваем, што да 1 ліпеня 2025 года вам неабходна адкрыць у адным з упаўнаважаных банкаў базавы рахунак. Пасьля гэтай даты такія выплаты будуць ажыцьцяўляцца толькі на базавыя рахункі, на звычайныя разьліковыя, як зараз - не. Адкрыцьцё такога рахунка магчымае па даручэньні, у тым ліку аформленым у польскага натарыўса. Прапануем атрымальнікам дзяржаўных выплат зь Беларусі паслугу па афармленьні адпаведнага даручэньня "пад ключ" са зьніжкай 20% ад звычайнага кошту. Таксама прапанова можа быць цікава асобам, якім для далейшага атрыманьня пенсіі патрэбна чарговая заява ў банку (яе неабходна складаць кожныя 3 гады)

11/06/2024

У адрозьненьне ад беларускіх, навіны ад польскіх уладаў часьцей радуюць. Так, вырашылася пытаньне з дакументамі аб базавай і сярэдняй адукацыі, неабходнымі беларусам для працягу адукацыі ў Польшчы. Нагадаем, что пасьля аднабаковага скасаваньня Рэспублікай Беларусь пагадненьня з Польшчай аб узаемным прызнаньні дакументаў аб адукацыі, ад лістападу 2023 года беларускія пасьведчаньні і атэстаты аб базавай і сярэдняй адукацыі адпаведна, выданыя пасьля 2005 году, сталі патрабаваць у Польшчы "настрыфікацыі", для чаго неабходна было сабраць вялікую колькасьць дакументаў, у тым ліку ад афіцыйных устаноў Беларусі, якія, вядома ж, гэтыя дакументы выдаваць адмаўляліся.
Сёньня стала вядома, што падпісаны закон, маючы ўступіць у сілу з 1 ліпеня, які для беларускіх атэстатаў прадугледжвае іншую працэдуру - замест прызнаньня (настрыфікацыі) - пацьвярджэньне адукацыі ці права на працяг адукацыі. Па-першае, гэтая працэдура не прадугледжвае абавязковасьці наяўнасьці апастылю. Па-другое, няма жорсткага сьпісу патрэбных дакументаў. Як адзначае Міністэства адукацыі і навукі Польшчы, кожная справа будзе разьглядацца індывідуальна, зыходзячы з канкрэтнай сітуацыі. Зараз Міністэрства выпрацоўвае рэкамендацыі па дакументах і парадку іх разьгляду. Справы будуць разьглядацца Куратарамі адукацыі па мейцы жыхарства ці мейцы знаходжаньня ўстановы адукацыі, да якой плануецца прадставіць дакументы.
Кампанія SN Expert - Адміністрацыйныя і юрыдычныя паслугі для беларусаў і не толькі прапануе паслугу па пацьверджаньні пасьведчаньняў аб базавай адукацыі і атэстатаў аб сярэдняй адукацыі. Зьвяртайцеся!

31/05/2024

Нужно еще 1 214 подписей!

14/05/2024

Нагадваем, што на сёньняшні дзень у большасьці выпадкаў захоўваецца магчымасьць прадаць нерухомасьць у Беларусі без беларсукага даручэньня і без асабістай прысутнасьці. Зьвяртайцеся!

14/05/2024

Нарэшце добрыя навіны! 24 красавіка мы паведамілі, што беларускія натарыусы больш не прымаюць згоды суўласьнікаў на продаж нерухомасьці, аформеленыя за мяжой. Мы зьярнуліся да кампетентых службаў, і атрымалі афіцыйны адказ - замежныя згоды прымаюцца, як і раней. Таму раім у выпадках, калі натарыус ці рэгістратар адмаўляюцца прымаць замежную згоду, патрабаваць адмову ў пісьмовым выглядзе

24/04/2024

Як заўсёды апошнім часам добрых навін няма. Чарговы падарунак ад беларускай дзяржавы - пры продажы нерухомасьці больш не прымаюцца замежныя згоды суўладальнікаў (напрыклад мужа ці жонкі ў выпадку, калі нерухомасьць была набытая ў шлюбе, ці дзяцей у выпадку, калі кватэра была прыватызывана зь улікам іх жыльлёвай квоты). Адпаведнага нарматыўнага дакумента няма, як нажаль часта здараецца, зьмяніўся не закон, а практыка яго выкарыстаньня. Калі спачатку такія абмежаваньні тычыліся толькі натарыусаў, цяпер кадаставыя агенцыі таксама адмаўляюць у прыняцьці такіх дакументаў. Намі накіраваныя запыты ў адпаведныя структуры каб атрымаць афіцыйныя адказы.