Sardar Abdul Raziq Khan Law Chamber

07/06/2026

07/06/2026

صدارتی ریفرنس نمبر 01/2026 (سپریم کورٹ آزاد جموں و کشمیر) — فیصلہ کا خلاصہ:👇

سپریم کورٹ آزاد جموں و کشمیر نے صدارتی ریفرنس میں آئینی اہمیت کے پانچ سوالات پر اپنی مشاورتی رائے دیتے ہوئے قرار دیا کہ آزاد کشمیر قانون ساز اسمبلی میں مہاجرینِ جموں و کشمیر کی 12 مخصوص نشستیں آئین کا حصہ ہیں اور ان کا وجود براہِ راست آرٹیکل 22(1)(a)(ii) اور (iii) سے وابستہ ہے۔ لہٰذا ان نشستوں کو کسی انتظامی حکم، سیاسی دباؤ، قرارداد یا عام قانون سازی کے ذریعے ختم، محدود یا غیر مؤثر نہیں بنایا جا سکتا۔ ان میں کسی بھی قسم کی تبدیلی صرف آئین کے آرٹیکل 33 کے تحت باقاعدہ آئینی ترمیم کے ذریعے ہی ممکن ہے۔

عدالت نے واضح کیا کہ آئین کی بالادستی ایک بنیادی اصول ہے اور کوئی فرد، جماعت یا گروہ محض اپنے مطالبات یا عوامی دباؤ کی بنیاد پر کسی آئینی شق کو معطل یا ختم نہیں کر سکتا۔ آئینی تبدیلی کا حق موجود ہے، مگر یہ حق صرف آئین میں درج طریقۂ کار کے مطابق استعمال کیا جا سکتا ہے، نہ کہ سڑکوں کے دباؤ یا غیر آئینی ذرائع سے۔

عدالت نے اسمبلی کی آئینی حیثیت کے بارے میں قرار دیا کہ قانون ساز اسمبلی اپنی مدت کے آخری دن تک مکمل آئینی اختیارات کی حامل رہتی ہے اور اصولی طور پر قانون سازی یا آئینی ترمیم کر سکتی ہے۔ تاہم عدالت نے نوٹ کیا کہ چونکہ اسمبلی میں موجود تمام سیاسی جماعتوں نے متفقہ قرارداد کے ذریعے اس معاملے پر اپنا مؤقف واضح کر دیا ہے، اس لیے اس سوال پر مزید اظہارِ رائے ضروری نہیں رہا۔

اجتماع اور انجمن سازی کے حق سے متعلق عدالت نے قرار دیا کہ پرامن اجتماع، احتجاج اور آئینی تبدیلی کے لیے سیاسی جدوجہد بنیادی آئینی حقوق ہیں، لیکن سڑکیں بند کرنا، بازار زبردستی بند کرانا، عوامی زندگی مفلوج کرنا یا انتخابی عمل میں رکاوٹ ڈالنا ان حقوق کے دائرے میں شامل نہیں۔ ایسے اقدامات قانون کے تحت عائد معقول پابندیوں کے تابع ہوں گے اور ریاست انہیں روکنے کا اختیار رکھتی ہے۔

عدالت نے انتخابات کے حوالے سے نہایت دوٹوک مؤقف اختیار کرتے ہوئے قرار دیا کہ عام انتخابات کا انعقاد آئین کے مقررہ وقت کے اندر کرنا ایک لازمی، غیر مشروط اور ناقابلِ التواء آئینی فریضہ ہے۔ چیف الیکشن کمشنر، الیکشن کمیشن اور تمام انتظامی ادارے انتخابات کے بروقت انعقاد کے پابند ہیں اور کوئی سیاسی تنازع، احتجاج یا انتظامی مشکل انتخابات میں تاخیر کا جواز نہیں بن سکتی۔

آخر میں عدالت نے اس اصول پر زور دیا کہ آئین عوام کی امانت اور ریاست کا اعلیٰ ترین قانون ہے۔ آئینی ترامیم عوامی نمائندوں کے جمہوری مینڈیٹ، مشاورت اور آئینی طریقۂ کار کے ذریعے ہی کی جا سکتی ہیں۔ دباؤ، دھمکی، ہجوم یا غیر آئینی ذرائع کے ذریعے آئینی ڈھانچے میں تبدیلی نہ صرف ناقابلِ قبول بلکہ آئینی نظام کے منافی ہے۔ اس بنا پر عدالت نے مہاجر نشستوں کے آئینی تحفظ، بروقت انتخابات اور آئین کی بالادستی کو اپنی مشاورتی رائے کا مرکزی نکتہ قرار دیا۔

07/06/2026

سپریم کورٹ آف پاکستان کشمیر کی موجودہ صورتحال پر پاکستان ٹیلی ویژن کے پروگرام میں تبادلہ خیال کرتے ہوئے

03/06/2026

After appearing in Murder Reference before the Division Bench of the Islamabad High Court.

02/06/2026

سابق وفاقی وزیرِ داخلہ شیخ رشید احمد نے تقریباً پچاس سال بعد اپنے دیرینہ قانونی رفیق سردار عبدالرازق خان کے ساتھ دوبارہ وکالت کے میدان میں قدم رکھنے کا فیصلہ کر لیا، جبکہ ڈسٹرکٹ بار راولپنڈی نے انکو تاحیات رکنیت بھی جاری کر دی۔