District Bar Association Pishin

08/08/2026

پشین: ڈسٹرکٹ بار ایسوسی پشین کے جنرل باڈی کا ایک اہم اجلاس ڈسٹرکٹ بار روم میں منعقد ہوا، جس میں سابق صدور ڈسٹرکٹ بار نور خان ترین ایڈوکیٹ اور عبدالمناف بادیزئی ایڈوکیٹ سمیت بار کے جنرل باڈی کے ارکان نے کثیر تعداد میں شرکت کی۔
اجلاس میں بار کی گزشتہ کارکردگی کا تفصیلی جائزہ لیا گیا، جبکہ آئندہ کے لائحہ عمل، نئے انتخابات کے انعقاد اور بار کے وکلاء کے درمیان باہمی رابطے کو مزید مؤثر بنانے سمیت مختلف اہم امور پر تفصیلی غور و خوض کیا گیا۔ شرکاء نے اس امر پر زور دیا کہ ڈسٹرکٹ بار ایسوسی ایشن پشین ملک میں قانون اور آئین کی بالادستی، وکلاء کے حقوق، عدلیہ کی آزادی اور جمہوری اصولوں کے تحفظ کے لیے مزید فعال اور منظم انداز میں اپنا کردار ادا کرے گا۔
اجلاس میں سانحہ 8 اگست کے شہداء اور شہید ڈسٹرکٹ اینڈ سیشن جج مستونگ عبدالحکیم کاکڑ کو خراجِ عقیدت پیش کرتے ہوئے ان کے لیے فاتحہ خوانی کی اور اس عزم کا اظہار کیا کہ شہداء نے قانون، انصاف اور جمہوری اقدار کے لیے جو قربانیاں دی ہیں، انہیں ہمیشہ یاد رکھا جائے گا۔
اس کے علاوہ ڈسٹرکٹ بار ایسوسی ایشن پشین کے انتخابات کے حوالے سے بھی سیر حاصل بحث کی گئی۔ اجلاس میں انتخابات سے متعلق مختلف پہلوؤں، وکلاء کے باہمی مشاورت اور آئندہ کے لائحہ عمل پر تبادلۂ خیال کیا گیا۔
اجلاس کے شرکاء نے اس بات پر اتفاق کیا کہ ڈسٹرکٹ بار ایسوسی ایشن پشین کے ارکان کے درمیان رابطے کو مضبوط بنایا جائے گا اور وکلاء برادری کو درپیش مسائل کے حل کے لیے مؤثر آواز اٹھائی جائے گی۔
اجلاس کے اختتام پر ڈسٹرکٹ بار ایسوسی ایشن کے سابق صدور نور خان ترین ایڈوکیٹ، عبدالمناف بادیزئی ایڈووکیٹ، ملک اشرف ترین ایڈوکیٹ، سعید آغا ایڈوکیٹ نے شرکاء کا شکریہ ادا کرتے ہوئے اس عزم کا اظہار کیا کہ ڈسٹرکٹ بار آئین و قانون کی بالادستی، انصاف کی فراہمی اور وکلاء کے اجتماعی حقوق کے لیے اپنی جدوجہد جاری رکھے گا۔

24/07/2026

پشین: ڈسٹرکٹ اینڈ سیشن جج مستونگ، عبدالحکیم کاکڑ کی دردناک اور المناک شہادت کے خلاف آج پشین سیشن ڈویژن کی تمام عدالتوں میں مکمل ہڑتال کی جا رہی ہے۔

اس موقع پر وکلاء برادری، ماتحت عدالتوں کے معزز ججز اور عدالتی عملہ نے ش ہ ی د سیشن جج عبدالحکیم کاکڑ کی المناک شہادت پر گہرے رنج و غم کا اظہار کیا اور کہا کہ تمام وکلاء اور سٹاف اپنے مخلص اور باوقار ساتھی جج کی ناگہانی جدائی پر شدید افسردہ ہیں اور ان کی کمی کو شدت سے محسوس کر رہے ہیں۔ وکلاء برادری نے شہید جج عبدالحکیم کاکڑ کی خدمات کو خراجِ عقیدت پیش کرتے ہوئے ان کے درجات کی بلندی اور لواحقین کے لیے صبرِ جمیل کی دعا کی۔

23/07/2026

سانحہ مستونگ، بلوچستان بار کونسل کا 2 روزہ ہڑتال اور تین روزہ سوگ کا اعلان ۔۔

06/07/2026

A Beautiful View of District Bar Room District Court Complex Pishin

27/05/2026

آختر مبارک

24/05/2026

سیاسی اور قبائیلی رہنماء ملک حاجی محی الدین بادیزئی نے اپنے فارم ہاؤس کلی منزرئ اخیزئی میں ڈسٹرکٹ بار ایسوسی ایشن پشین کے وکلاء کے اعزاز میں ظہرانہ دیا، ظہرانہ میں ڈسٹرکٹ بار پشین کے اراکین نے شرکت کی۔

06/04/2026

پشین: ڈسٹرکٹ اینڈ سیشن جج رحیم داد خلجی اور ایڈیشنل سیشن جج عاصمہ مشتاق کے تبادلے کے حوالے سے ڈسٹرکٹ بار ایسوسی ایشن پشین کی جانب سے ان کے اعزاز فئیر ویل پارٹی دی گئی،

15/03/2026

بلوچستان کے جج کی مستقلی کی مخالفت پر تنازعہ، جوڈیشل کمیشن میں نمائندوں کا کردار سوالات کی زد میں

*پاکستان بار کونسل کے رکن منیر احمد خان کاکڑ کا الزام,مبہم شکایت کی بنیاد پر قابل جج کے خلاف فیصلہ ناانصافی،عید کے بعد حقائق عوام کے سامنے لانے کا اعلان*

پاکستان بار کونسل کے رکن منیر احمد خان کاکڑ نے کہا ہے کہ جوڈیشل کمیشن آف پاکستان میں بلوچستان کی نمائندگی کرنے والے بعض افراد کا کردار انتہائی مایوس کن رہا ہے اور اس حوالے سے عید کے بعد بلوچستان کے وکلا اور عوام کے سامنے تمام حقائق رکھے جائیں گے۔

اپنے جاری کردہ بیان میں انہوں نے کہا کہ ایک مبہم اور غیر واضح شکایت کی بنیاد پر کسی جج کی بطور جج مستقلی میں رکاوٹ ڈالنا بلوچستان کے قابل، محنتی اور باصلاحیت وکلا کے ساتھ سراسر ناانصافی ہے۔ ان کے مطابق بار سیاست میں وکلا اپنے نمائندوں کو اس لیے منتخب کرتے ہیں کہ وہ وکلا کے حقوق، آئین و قانون کی بالادستی اور انصاف کے نظام کا دفاع کریں، مگر بدقسمتی سے بعض عناصر نمائندگی کے نام پر صوبے کے بلوچ اور پشتون وکلا کو آپس میں لڑانے کی کوشش کر رہے ہیں۔

منیر احمد خان کاکڑ نے کہا کہ جوڈیشل کمیشن آف پاکستان میں بلوچستان کی نمائندگی کرنے والوں کا کردار انتہائی قابل تشویش ہے۔ ان کا کہنا تھا کہ اگر کسی جج کی کارکردگی، عدالتی فیصلوں کے معیار اور پیشہ ورانہ دیانتداری کے باوجود اس کی مخالفت کی جائے تو یہ صرف ایک فرد کے خلاف فیصلہ نہیں بلکہ بلوچستان کے قابل وکلا کے مستقبل پر بھی کاری ضرب ہے۔

انہوں نے کہا کہ بلوچستان ہائی کورٹ کے چیف جسٹس اور کمیشن میں صوبے سے موجود نمائندے کی جانب سے اپنے ہی صوبے کے ایک قابل جج کی مستقلی کی مخالفت افسوسناک ہے، کیونکہ جوڈیشل کمیشن کے دیگر ارکان کو بلوچستان کے زمینی حقائق اور یہاں کے وکلا کی صلاحیتوں کا اتنا ادراک نہیں ہوتا جتنا مقامی افراد کو ہوتا ہے۔

ان کے مطابق جسٹس محمد ایوب خان کی کارکردگی رپورٹ میں انہیں بہتر سے بہترین جج قرار دیا گیا اور ان کے فیصلوں کے معیار اور مقدمات کو بروقت نمٹانے کی صلاحیت کو بھی سراہا گیا، مگر اس کے باوجود ایک مبہم شکایت کو بنیاد بنا کر ان کی مستقلی کی مخالفت کرنا انصاف کے بنیادی اصولوں کی خلاف ورزی ہے۔

منیر احمد خان کاکڑ نے الزام عائد کیا کہ اس فیصلے کے ذریعے بلوچستان کے بلوچ اور پشتون وکلا کو آپس میں دست و گریباں کرنے کی خطرناک سازش کی جا رہی ہے، جو نہ صرف وکلا برادری بلکہ صوبے کے عدالتی ماحول کے لیے بھی نقصان دہ ہے۔

انہوں نے مزید کہا کہ ماضی میں قاضی فائز عیسیٰ کی سربراہی میں یہ اصول طے کیا گیا تھا کہ جب تک کسی جج کے خلاف واضح اور ٹھوس شواہد پر مبنی شکایت موجود نہ ہو اور شکایت کنندہ کی تفصیلات واضح نہ ہوں، اس بنیاد پر کوئی کارروائی نہیں کی جائے گی۔ تاہم افسوس کہ اس اصول کو نظر انداز کرتے ہوئے ایک قابل جج کی پیشہ ورانہ ساکھ کو نقصان پہنچایا گیا۔

انہوں نے کہا کہ جوڈیشل کمیشن کا اجلاس دو ماہ قبل ہوا تھا جبکہ میٹنگ منٹس دو ماہ بعد جاری کیے گئے، جو خود ایک سوالیہ نشان ہے۔ ان کے مطابق میٹنگ منٹس کے پیراگراف نمبر 5 اور 7 میں بعض افراد کے کردار کی وضاحت موجود ہے۔

منیر احمد خان کاکڑ نے کہا کہ بار کونسل کی جانب سے کمیشن میں موجود رکن نے ذاتی مفادات کے لیے وکلا کے اعتماد کو ٹھیس پہنچائی۔ انہوں نے اعلان کیا کہ عید کے بعد بلوچستان کے وکلا اور عوام کو ان تمام کرداروں سے متعلق آگاہ کیا جائے گا۔

13/01/2026