30/03/2024
ڈسٹرکٹ اینڈ سیشن کورٹ پشاور میں Surites Management Systemکا افتتاح
پشاور (پریس ریلیز) ڈسٹرکٹ اینڈ سیشن کور ٹ پشاور کے ترجمان کے مطابق ڈسٹرکٹ اینڈ سیشن جج پشاور اشفاق تاج نےSureties Management Systemکا افتتاح کیا ۔تفصیلات کے مطابق عدالتی نظام کو ٹائوٹس کا ضمانت ناموں میں پیش ہونے کی وجہ سے کافی مشکلات درپیش تھیں۔ایک ہی شخص بطور ضامن بیک وقت مختلف عدالتوں میں ایک سے زائد افرادکی ضمانت کے مچلکے پیش کر تے تھے، جبکہ عدالت کو ضرورت پڑنے پر ضمانت پر رہا شخص پیش نہیں ہوتے تھے ، جس سے 512 اور 514کے مقدمات میں خاطر خواہ اضافہ ہو رہا تھا۔ مذکورہ نظام کے نفاذ کے ساتھ ٹائوٹ ازم پر کافی حد تک قابو پا لیا جائے گا۔مذکورہ نظام میں جب کوئی شخص بطور ضامن کسی کی ضمانت کے لئے پیش ہوگا تو اس شخص کا شناختی کارڈCFMIS (Case Flow Management Information System)میں بار کوڈ ریڈر کی مدد سے سکین کیا جا کر ڈیٹا Surety Management System کے ڈیٹا بیس میں آجائے گا،جب یہی شخص دوبارہ بطور ضامن کسی کی ضمانت کے لئے پیش ہو گا تو کمپیوٹر سسٹم اسے فوری ٹریس کر کے بتا دے گا کہ مذکورہشخص شناختی کارڈ پر اس سے قبل کتنے ضمانت ناموں کے مچلکے پہلے سے درج ہیں اور بطور ضامن خود کو پیش کر چکا ہے۔
