Syed Majeed Shah Bacha advocate

31/12/2025

31/12/2025

اللہ کرے کہ 2025 دنیا کے مسلمانوں اور بالخصوص پختونوں کے لئے پائید ار امن و سلامتی اور استحکام و خوشحالی کا سال ثابت ہوں۔

31/12/2025

السلام علیکم
قیمت وقت کی ہںوا کرتی ہںے، چیز کی نہیں
!پیارے نوجوانوں وقت کی قدر کرو

22/11/2025

انتہائی ضروری پیغام ،،صدقہ جاریہ کے طور پر لازمی شئیر کیجئے
اطلاع عام
اسلام علیکم

ھمیں ایسے افراد کا پتہ چاھیئے جو کینسر کے آخری اسٹیک پر ھیں انتہائی غریب ھوں غربت کی وجہ سے کینسر کا علاج نہیں کرا سکتے ھم ان مریض کو مفت دوائی پہنچائیں گے انشاءالہ اللہ تعالٰی کے فضل و کرم سے 35 سے 60 دنوں کے اندر مریض شفاء یاب ھو جائیگا۔
مریض کے مندرجہ ذیل کاغزات ھمیں بھیجیں۔
1. مریض کا شناختی کارڈ کی فوٹو کاپی۔
2. تمام میڈیکل رپورٹس
یہ تمام کاغزات اس وٹس ایپ نمبر پر 03051233121 بھیج دیں۔ اپنا مکمل ایڈریس اور موبائل نمبر ضرور تحریر کریں تاکہ آپکو دوائی بھیجنے میں دشواری پیش نہ آئے۔
جزاک اللّہ خیر

آپ تمام دوستوں سے گزارش ھے کہ جو شخص بھی اس میسج کو پڑھے اپنے گروپس یا عزیز واقارب، دوستوں کو ضرور شئیر کر دیں ھو سکتا ھے آپ کی وجہ سے کسی غریب کا علاج ھو جائے.
شکریہ
منجانب: وائس آف ہیومن رائیٹس آرگنائزیشن (VHR)

22/11/2025

د پير صاحب او وحدت تاريخ به هميشه تکرارېږي

دا حقيقت دے چې تاريخ په بل دور کښې تکراريږي، په دغه حواله به د پښتو صحافت زکر چې راځی نو هره زمانه به د پير سفید شاه همدرد او د ورځپاڼې وحدت تاريخی کردار بيابيا تکراريږي او نسل درنسل به دا سلسله دوام لري،
د پښتو صحافت د تاريخ زکر چې کله هم کيږی، د دې په اولني صفحو
کښې به همېشه يو نوم ځليږي او هغه نوم به وی د پير سيد سفید شاه همدرد.....!!
د پښتو صحافت بابا د نيمې صدئ نه وړاندې د پښتو ايکی اولنئ ورځپاڼه وحدت د پېښور څخه په داسې وخت کښې منظرعام ته راوېسته ، چې په کوم وخت کښې د پښتو اخبار راويستل بيخی جنون ښکارېدو خو پيرصاحب
به وئيل،

میرے ہاتھ میں قلم ہے، میرے ذہن میں اُجالا /میں طلوع ہورہا ہوں،تو غروب ہونے والا /
دپير صاحب دپښتوجزبه
،اراده دومره قوي وه چې هغه د پښتو صحافت مېدان ته ودانګل او دا ې ثابته کړه چې غر ته د کتو نه ختل ښه وی، نو د پښتو صحافت يو داسې کردار ې ادا کړو چې لر اوبر ټول اولسونه، د پاکستان د نورو ژبو قومونو نوموړو صحافيانو هم پښتو صحافت او پير صېب لازم ملزوم وګڼل،وپېژندل، او نن د ټولې نړئ غږ وحدت دے، او نن چې په نړيوال پښتو صحافت، او ميډيا کښې څومره د سر سړی ياديږي د هغوی په بنياد کښې پير صېب او وحدت ياديږي،
د ورځپاڼې وحدت باني او د پښتو صحافت بابا پير سفید شاه همدرد په 24 نومبر
2020. مونږ څخه فانی دنيا ته رخصت شوی دے، خو د ارواښاد د محنت تاريخ نن هم په هر ځای هره موقعه ځان د دې شعر په معنا يادوي...!!

مړه هغه چې نه ې نوم نه ې نشان وی
تل تر تله په ښه نام پای ښاغلي

پيرصاحب په هاغه ښاغلو کښې ياديږی چې د منونو خاورو لاندې هم د پښتو د قلمونو او د لفظونو دا امانت ګر سپين سړے په خپل ځانګړی صحافتی کردار کښې ژوندے پاتے شو،
پير صېب د پښتو صحافت د يو مشن په توګه ادا کړی دے، دغه کردار تل د پښتو د رواياتو، او د سفير په توګه ياديږی، چې د پاک افغان په مسله ې تل بيخی يو داسې کردار ادا کړے دے چې د نيمې پيړئ څخه په پاکستان او افغانستان کښې هر څومره حکومتونه بدل شول نو پير صاحب او وحدت د دواړو هېوادونو ترمينځه د يو پل په نوم ياديږی،
د پاکستان د هرې ژبې د صحافيانو، او د افغانستان نه واخله د نړئ په لويو صحافتی پرنټ او اليکټرانک ميډيا کښې هم پير صاحب او وحدت په دغه نوموړي صحافيانو کښې ژوندے دے، او د وحدت معنا په دې لحاظ پوره کوی چې د پښتو وحدت هم پير سفید شاه همدرد دی چې د خپل نوم معنا ې هم په هره حواله رښتيا ثابته کړې ده،
د پير صاحب او وحدت د نيمې صدئ پورې غېر جانبداری، اصول پسندی، او د اعتدال رويه د دې خبرې ثبوت دے چې وحدت لکه د خپل باني غېر جانب داره پاتې او غېر متنازعه پاتې شوے دے، د پاکستان حکومت لخوا ورته دوه قومي ايوارډونه د دې خبرې ثبوت او دليل دے چې پير صاحب ملکی قومی خدماتو اعتراف شوے دے،
د افغانستان حکومت هم اعلا صدارتي اعزاز ورکړے دے او پښتو عالمی کانفرنس ورته د پښتو بابا خطاب هم ورکړے دے
دا د پښتو صحافت بابا نن په مونږ کښې جسماني طور موجود نه دے خو د پښتو د فکر، دامن، او د پښتو د عظمت په حواله نن هم ژوندے دے، د پښتو د ټولو اتلانو باباګانو سره به تل ياديږی.

پير هارون شاه
چيف ايډيټر
روزنامه وحدت پېښور

روزنامہ وحدت پشاور کے بانی اور بابائے پشتو صحافت پیر سید سفید شاہ ہمدردؒ 24 نومبر 2020 کو اس دارِ فانی سے رخصت ہوئے۔ آپ کا شمار پاکستان کي صحافتی تاریخ کی ان چند عظیم شخصیتوں میں ہوتا ہے جنہوں نے صحافت کو ایک مشن کے طور پر اپنایا اور قومی جذبے کے ساتھ پاکستان میں حق اور صداقت پر مبنی صحافت کے فروغ میں اپنا کردار ادا کیا. آپ نے نصف صدی قبل پاکستان کا پہلا اور سب سے بڑا پشتو روزنامہ شائع کر کے پشتو صحافت کی بنیادیں استوار کیں۔ آج عالمی سطح پر جہاں کہیں بھی پشتو صحافت کا چراغ روشن ہے، وہاں پیر صاحب کے زیر سایہ اور روزنامہ وحدت کے ذریعے تربیت یافتہ صحافیوں کی موجودگی ہی ان کی عظیم خدمات کا زندہ ثبوت ہے۔ پشتو صحافت کی تاریخ جب بھی قلم بند کی جائے گی، اس کے ابتدائی اور سنہری اوراق پر ایک ہی نام سب سے نمایاں نظر آئے گا پیر سید سفید شاہ ہمدردؒ۔ وہ عظیم شخصیت جنہوں نے نہ صرف نصف صدی قبل پاکستان کا پہلا اور سب سے بڑا پشتو روزنامہ روزنامہ وحدت پشاور قائم کیا، بلکہ اپنے اصولی کردار، فکری وسعت اور اعلیٰ صحافتی بصیرت کے ذریعے پشتو صحافت کو ایک منظم شکل عطا کی۔ آپ کی جدوجہد نے نہ صرف پشتو زبان کے وقار کو بلند کیا بلکہ اس پورے خطے میں صحافتی شعور، فکری تربیت اور نظریاتی استقامت کی مضبوط بنیادیں رکھیں۔ آج دنیا کے جس خطے میں بھی پشتو صحافت کی روشنی دکھائی دیتی ہے، وہاں پیر صاحب کی محنت، اخلاص اور خدمات کی جھلک صاف محسوس ہوتی ہے۔
پچھلے 52 برسوں میں روزنامہ وحدت نے پشتو کے کروڑوں الفاظ قارئین تک پہنچا کر ان کو اپنی مادری زبان میں خبر و نظر سے روشناس کروایا ۔ پشتو زبان و ادب کی ایسی بے لوث خدمت اس خطے کی صحافتی تاریخ میں کہیں نہیں ملتی۔ ایک طرف اپنے دور کے صفِ اوّل کے دانشور، ادیب، شاعر، محقق اور صحافی روزنامہ وحدت سے وابستہ رہے، تو دوسری جانب پیر صاحب نے نئی نسل کے قلم کاروں کی ہمیشہ حوصلہ افزائی کی۔ اسی سرپرستی کے نتیجے میں آج بڑی تعداد میں پشتو کالم نگار، رپورٹر، ادیب اور شاعر موجود ہیں جو اپنی صلاحیتوں کو پشتو ادب اور صحافت کو نئی جہتیں عطا کرنے میں بروئے کار لا رہے ہیں ۔
پیر سید سفید شاہ ہمدردؒ اور روزنامہ وحدت کی نصف صدی تک غیر جانبداری، اصول پسندی اور اعتدال پر مبنی پالیسی پر مضبوطی سے قائم رہنے کا نتیجہ ہے کہ آپ کی شخصیت اور اخبار دونوں غیر متنازع اور ایک باوقار مقام پر فائز رہے ہیں۔ آپ کی انہی خدمات کے اعتراف میں حکومتِ پاکستان نے دو قومی ایوارڈ عطا کیے، جب کہ افغانستان کی حکومت نے بھی ایک اعلیٰ ترین صدارتی اعزاز سے نوازا۔ عالمی پشتو کانفرنس نے آپ کو ’’بابائے پشتو صحافت‘‘ کا خطاب دے کر آپ کی علمی و صحافتی عظمت پر مہرِ تصدیق ثبت کی۔
اللہ پاک پیر سید سفید شاہ ہمدردؒ کے درجات بلند فرمائے اور ان کے فیوض و برکات کو ہمیشہ قائم و دائم رکھے۔ آمین۔

22/11/2025

حضرت سید شیر بادشاہ رحمۃ اللہ علیہ (فاضلِ دیوبند) اپنے دور کے ممتاز عالمِ دین، ولیِ کامل، صاحبِ نظر درویش اور عظیم روحانی پیشوا تھے۔ آپ کا تعلق پشاور کے تاریخی علاقے بہادر کلے گڑھی سیدان، کوہاٹ روڈ سے تھا۔ آپ نے سادگی، تقویٰ اور خدمتِ خلق کو اپنی پہچان بنایا۔

1960 میں آپ کے وصال نے ایک روشن چراغ بجھا دیا، مگر آپ کی علمی، روحانی اور اخلاقی میراث آج بھی اہلِ دل کے لیے روشنی اور رہنمائی کا ذریعہ ہے۔ آپ واقعی فخرِ سادات، ولیِ کامل اور اپنے زمانے کے بے مثال مذہبی رہنما تھے۔
آخر میں یہ امر بھی قابلِ ذکر ہے کہ مرحوم پیر سید سفید شاہ ہمدرد کے نہایت محترم ماموں تھے۔

16/10/2025

کام یاب، صحت مند اور خوش گوار زندگی جینے کے 2 راز

پہلا راز خوراک اور دوسرا راز نیند

جیفری سی ہال، مائیکل روزباش اور مائیکل ینگ جینیاتی اور حیاتیاتی ماہرین ہیں۔ انھوں نے ایک حیرت انگیزچیز دریافت کی جس کی بدولت انھیں دنیا بھر میں شہرت ملی۔ ان تینوں ماہرین نے پھلوں کی مکھی پر ایک تجربہ کیا اور اس میں ایسی پروٹین دریافت کی جو اس کے جسمانی نظام کو چلانے میں اہم کردار ادا کررہی تھی۔ انھیں معلوم ہوا کہ دن کے آغاز پر مکھی کے جسم میں موجود خلیے PER نامی پروٹین پیدا کرتے ہیں جس کی بنیاد پر وہ دن بھر اڑتی رہتی ہے لیکن پروٹین بننے کا یہ سلسلہ 24 گھنٹے جاری نہیں رہتا کیوں کہ اگر ایسا ہو تو توانائی کی مقدار ضرورت سے بڑھ جائے گی جس سے مکھی کی موت واقع ہوسکتی ہے۔ جب دن ختم ہو جاتا ہے تو اس کے بعد قدرت کا ایک اور قانون حرکت میں آتا ہے اور PER کے ساتھ TIM نامی پروٹین مل جاتی ہے۔ یہ دونوں مل کر خلیوں کو مزید پروٹین بنانے سے روک دیتی ہیں جس سے مکھی کو آرام کرنے کا موقع ملتا ہے۔ البتہ صبح ہونے پر یہ اتحاد ختم ہو جاتا ہے اور خلیے دوبارہ PER پروٹین بنانا شروع کر دیتے ہیں۔ یہ نظام 24 گھنٹے چلتا رہتا ہے۔ اس تجربے سے ان ماہرین پر یہ راز آشکار ہوا کہ دن کے آغاز میں انسانی جسم میں بھی مخصوص تبدیلیاں رونما ہوتی ہیں جو جسم میں توانائی پیدا کرتی ہیں اور اس کی بدولت انسان دن بھر کے کام سر انجام دیتا ہے۔ انھیں معلوم ہوا کہ انسانی جسم ایک مخصوص روانی (Circadian Rhythm) کے مطابق چلتا ہے۔ یہ روانی اگر درست ہو تو انسان کا جسمانی، جذباتی اور ذہنی نظام بھی درست ہوتا ہے اور اگر اس میں گڑبڑ پیدا ہوجائے تو اس کی وجہ سے انسان پر منفی اثرات مرتب ہوتے ہیں۔ اس شان دار تحقیق پر ان تینوں محققین کو 2017 میں نوبل انعام سے نوازا گیا۔
قدیم زمانے میں جب بجلی نہیں تھی تو انسان کی زندگی کا دارو مدار سورج کی روشنی پر ہوتا تھا۔ اندھیرا ہوتا تو وہ سو جاتا اور اجالا پھیلتا تو وہ جاگ جاتا۔ چوں کہ وہ فطرت کے قریب تھا اس لیے بہت سی بیماریوں سے محفوظ تھا۔ دراصل انسانی جسم میں موجود Circadian Rhythm سورج کی روشنی پر چلتا ہے۔ جب دن شروع ہوتا ہے تو Circadian Rhythm جسم کے اندر کورٹیسول اور ایڈرینالین کی سطح بڑھا دیتا ہے۔ اس کے ساتھ ساتھ یہ گلوکوز اور فیٹی ایسڈ کو بھی متحرک کر دیتا ہے جس سے توانائی کی مقدار بڑھ جاتی ہے اور انسان دن بھر کے کاموں کے لیے تیار ہو جاتا ہے۔ جب سورج غروب ہو جاتا ہے تو اس نظام کے مطابق دماغ یہ فیصلہ کرلیتا ہے کہ اب رات ہوچکی ہے، چنانچہ دماغ کا ایک اور حصہ Pineal gland میلاٹونن پیدا کرنا شروع کرتا ہے جس کی بنیاد پر ہمیں آرام کی طلب ہوتی ہے اور ہم گہری نیند سوتے ہیں۔ یہی وجہ ہے کہ رات دیر تک تیز روشنی میں کام کرنے والا فرد نیند کی کمی کا شکار ہوتا ہے کیوں کہ اس صورت میں دماغ سمجھتا ہے کہ ابھی دن ہے، Pineal gland میلاٹونن پیدا نہیں کرتا اور اس وجہ سے اسے نیند نہیں آتی۔
Circadian Rhythm
اس قدر شان دار ترتیب ہے کہ اس کے مطابق ہمارا جسمانی، جذباتی اور نفسیاتی نظام چلتا ہے۔یہ ترتیب اگرخراب ہوجائے تو اس کا سب سے پہلا اثر نیند پر پڑتا ہے۔ نیندکی کمی سے طبیعت میں چڑچڑاپن پیدا ہو جاتاہے۔ یہ چیز ہماری منطقی صلاحیت اور قوت فیصلہ پر بھی انتہائی منفی اثرات مرتب کرتی ہے۔ اس سے توجہ کی صلاحیت کم ہو جاتی ہے اور نتیجتاً ہماری کارکردگی بھی کمزور ہوجاتی ہے۔
خوراک اور نیند Circadian Rhythm کے دو اہم عوامل ہیں۔ ان دونوں کو اگر توازن کے ساتھ پورا کیا جائے تو انسان جسمانی، جذباتی اور نفسیاتی طورپر صحت مند رہتا ہے۔ اس کے برعکس اگریہ ضرورت سے کم یا حد سے زیادہ ہوجائیں تو اس کی وجہ سے Circadian Rhythm خراب ہو جاتا ہے اورانسان مختلف بیماریوں کا شکار ہوجاتا ہے۔ اپنی خوراک اور نیند کو بہتر بنانے والا شخص زندگی میں بھرپور کام یابیاں حاصل کرسکتا ہے کیوں کہ وہ مختلف امراض سے محفوظ رہتاہے، اس کا جسم تندرست رہتا ہے جس کی بدولت اس کی کارکردگی بہترین ہوتی ہے اور وہ اعلیٰ مقام حاصل کرسکتا ہے۔
کام یاب لوگ اپنی خوراک اور نیند کے معاملے میں انتہائی حساس ہوتے ہیں۔ مائکروسافٹ کا بانی بل گیٹس کھانے کے معاملے میں اعتدال سے کام لیتا ہے اور صحت بخش غذاؤں کا استعمال کرتا ہے۔ چوں کہ وہ دن بھر انتہائی مصروف ہوتا ہے اس لیے ایسی خوراک کھانے کی کوشش کرتا ہے جو صحت مند ہو اور اس کی کارکردگی کو بڑھائے۔”Apple“کا سی ای او ٹم کک انتہائی منظم زندگی گزارتا ہے۔ وہ صبح چار بجے جاگتا ہے اور ناشتے میں پروٹین شیک، دہی یا تازہ پھل کھاتا ہے۔ دوپہر کے کھانے میں وہ سلاد، مرغی یا مچھلی کھاتا ہے۔رات کے کھانے میں وہ سبزی، پروٹین اور کاربوہائیڈریٹس کا استعمال کرتا ہے۔ اس کے ساتھ ساتھ وہ کافی اور بغیر چینی والی مشروبات بھی پیتا ہے۔”ایمازون“کا بانی جیف بیزوس دن کا آغاز غذائیت بھرے ناشتے سے کرتا ہے۔ وہ دوپہر کو چکن، مچھلی، دہی یاسبزی کھاتا ہے۔ وہ بھرپور مقدار میں پانی پیتا ہے۔ اس کے علاوہ کافی بھی شوق سے پیتا ہے۔ وہ مختلف طرح کے خشک پھل اور میوہ جات بھی کھاتا ہے تاکہ اس کی جسمانی توانائی برقرار رہے اور وہ بھرپور انداز میں اپنی ذمہ داریاں نبھاسکے۔معروف ٹرینر اور کوچ رابن شرماجب ٹریننگ دیتا ہے تو Fasting پر چلا جاتا ہے۔ رات کھانے کے بعد سے لے کر اگلے دن سہ پہر تک وہ کچھ نہیں کھاتا، صرف پانی اور کافی پیتاہے اور شام کو کھانا کھاتا ہے۔
دراصل یہ تمام کام یاب لوگ اس راز کو سمجھ گئے ہیں کہ کم اور صحت مند کھانا ہی جسم کے لیے مفید ہے۔ وہ جانتے ہیں کہ بھوک انسان کو متحرک رکھتی ہے، پیٹ خالی ہو تو تخلیقی صلاحیت بہتر انداز میں کام کرتی ہے جب کہ زیادہ کھانے سے انسان پر غنودگی طاری ہوجاتی ہے اور اس کی کارکردگی کمزور ہوجاتی ہے۔ یہ لوگ سبزیاں اورخالص خوراک کھاتے ہیں، میٹھی اور تلی ہوئی چیزوں سے پرہیز کرتے ہیں کیوں کہ انھیں معلوم ہے کہ یہ صحت کو برباد کر دیتی ہیں۔
Circadian Rhythm
بہتر بنانے کے لیے دوسری اہم چیز نیند ہے۔ یہ اللہ تعالیٰ کی بہت بڑی نعمت ہے۔ انسان جس قدر بھی تھکا ہو، نیند کی وجہ سے اس کی ذہنی و جسمانی تھکاوٹ دور ہو جاتی ہے۔ ماہرین کہتے ہیں کہ نیند 10 فی صد جسمانی تھکاوٹ جب کہ 90 فی صد ذہنی تھکاوٹ دور کر دیتی ہے۔ گہری نیند سے ذہنی صحت بہتر ہوتی ہے جس کی بدولت ہم اچھے فیصلے کرسکتے ہیں۔ تحقیق کے مطابق 99فی صد غلط فیصلے دو اوقات میں ہوتے ہیں۔ (۱) رات کا پہلا حصہ (۲) دوپہر 1 سے شام 5 بجے تک۔ کیوں کہ اس وقت انسان پر تھکاوٹ اور چڑچڑا پن طاری ہوتا ہے۔ وہ چیزوں کو بہترانداز میں نہیں پرکھ سکتا جس کی وجہ سے فیصلے غلط ہوجاتے ہیں۔ آپ نے جب بھی اہم فیصلہ کرنا ہو تو رات کے آخری پہریا صبح کے وقت کریں کیوں کہ بھرپور نیند لینے کے بعد ذہن تازہ دم ہوتا ہے اور وہ بہترانداز میں چیزوں کا تجزیہ کرسکتا ہے۔
رات کے ابتدائی حصے کی نیند صحت کے لیے انتہائی مفید ہے۔ تحقیق بتاتی ہے کہ رات 10 سے 2 بجے کے درمیان سونے سے انسان بھرپور فوائد حاصل کرسکتا ہے۔ اس دوران میلاٹونن کی پیداوار بڑھ جاتی ہے جس سے نیند گہری اور پرسکون ہوتی ہے۔ رات کے پہلے حصے میں جسم میں ہارمونز پیداہوتے ہیں اور جسم اپنی مرمت کرتا ہے۔ اس دوران اگر انسان سویا ہو تو یہ عمل زیادہ بہترانداز میں سر انجام پاتا ہے اور جاگنے کے بعد انسان ہشاش بشاش ہوتا ہے۔ یہ آج کی سائنسی تحقیق ہے جب کہ نبی کریم صلی اللہ علیہ وسلم نے 1400سال پہلے اس پر عمل کرکے دکھایا ہے۔ حضرت عائشہ رضی اللہ عنہا سے جب نبی کریم صلی اللہ علیہ وسلم کی نماز کے متعلق پوچھا گیا تو انھوں نے فرمایا، آپ صلی اللہ علیہ وسلم رات کے شروع میں سو رہتے اور آخری حصے میں بیدار ہو کر تہجد کی نماز پڑھتے۔ (صحیح بخاری، حدیث نمبر: 1146)
جو لوگ رات دیر تک جاگتے ہیں وہ لازمی طور پر مندرجہ بالا فوائد سے محروم رہیں گے۔ دینی نقطہ نظر سے بھی یہ بات درست نہیں۔ آپ صلی اللہ علیہ وسلم عشا کی نماز پڑھنے کے بعدسونے کے لیے جاتے اور دوسروں کو بھی اس کی ترغیب دیتے، نیز اگر کوئی عشا کے بعد بغیر ضرورت جاگتا تو اسے منع کرتے، چنانچہ عبداللہ بن مسعود رضی اللہ عنہ کہتے ہیں کہ رسول اللہ صلی اللہ علیہ وسلم نے عشا کے بعد بات چیت پر ہماری مذمت فرمائی یعنی اس پر ہمیں جھڑکا اور ڈانٹا۔ (سنن ابن ماجہ، حدیث نمبر: 703)
رات دیر تک جاگنے کے جہاں طبی نقصانات ہیں وہیں اس کے روحانی نقصانات بھی ہیں۔ آپ صلی اللہ علیہ وسلم نے فرمایا: رات چھا جانے کے بعد مت جاگو، تمھیں نہیں پتا اللہ تعالیٰ اپنی کون سی مخلوق کو لے کر آتا ہے۔(جامع الصغیر، 2876)
آج لوگوں کی اکثریت ذہنی مسائل کا شکار ہے، اس کی وجہ یہ ہے کہ ہم رات دیر تک جاگتے رہتے ہیں۔ شادی بیاہ کی تقریبات بھی رات کو ہوتی ہیں۔ اب ایسے میں کون سی مخلوق ہم پر اثر انداز ہوتی ہے اور اس کی وجہ سے ہم روحانی اور نفسیاتی بیماریوں کا شکار ہوتے ہیں، ہمیں نہیں معلوم۔
صبح کا وقت خیر و برکت سے بھرپور ہوتا ہے۔ جو شخص رات کو جلدی سوتا ہے وہ صبح جلدی اٹھ سکتا ہے۔ کام یاب شخصیات بھی صبح سویرے اٹھتی ہیں اور اس موقع سے بھرپور انداز میں فائدہ اٹھاتی ہیں۔ آپ صلی اللہ علیہ وسلم کی دعا ہے کہ
”یا اللہ! میری امت کے لیے دن کے ابتدائی حصہ میں برکت دے۔“(سنن ابی داؤد:2606)
حضرت صخر بن وداعہ ؓ کہتے ہیں کہ جب بھی آپ صلی اللہ علیہ وسلم کوئی سریہ یا لشکر بھیجتے، تو دن کے ابتدائی حصہ میں بھیجتے۔ (عمارہ کہتے ہیں) صخر ایک تاجر آدمی تھے، وہ اپنی تجارت صبح سویرے شروع کرتے تھے تو وہ مال دار ہو گئے اور ان کا مال بہت ہو گیا۔ سنن ابی داؤد :2606)
ٍحدیث اور فقہ کے مشہور امام ابن القیم ؒ فرماتے ہیں کہ”صبح کا وقت جوان ہوتاہے، پھر جیسے جیسے وقت بڑھتاہے یہ بوڑھا ہوتاجاتاہے۔“
جو شخص جوانی والے وقت میں اپنے دن کا آغاز کرتا ہے تو اس کے کام جوان (کام یاب) ہوں گے اور جو شخص دوپہر کو اٹھ کر دن کا آغاز کرتا ہے تو اس وقت دن بوڑھا ہوچکا ہوتا ہے، اس صورت میں کام بھی بوڑھے (برکت سے خالی) ہوں گے۔
سویرے اٹھ کر دن کا آغاز کرنے والا شخص سات آٹھ گھنٹے کام کرنے کے بعد تھک جاتا ہے۔ ایسے میں کچھ دیر کے لیے جسم کو آرام دینا چاہیے، اسے قیلولہ (Power nap) کہتے ہیں جو انسان کو بے شمار فوائد دیتا ہے۔
آپ صلی اللہ علیہ وسلم کا ارشاد ہے کہ ”قیلولہ کیا کرو کیوں کہ شیاطین قیلولہ نہیں کرتے۔“(سلسلہ احادیث صحیحہ:2521)
قیلولہ کرنے سے انسان کی تھکاوٹ اتر جاتی ہے۔ یہ ذہنی تناؤ کو ختم کرتا ہے، یادداشت کو بہتر بناتا ہے اور کارکردگی کو کئی گنا بڑھا دیتا ہے۔ پابندی کے ساتھ قیلولہ کرنا دل کے امراض ختم کر دیتا ہے۔ آج کے ترقی یافتہ دور میں کئی کمپنیاں اس کی اہمیت کو تسلیم کرتی ہیں اور اپنے ملازمین کو قیلولہ کرنے کی ترغیب دیتی ہیں۔
Google
اپنے ملازمین کو قیلولہ کرنے کے لیے نیپ پوڈز فراہم کرتا ہے۔
کھیلوں کے جوتے بنانے والی معروف کمپنی Nike نے اپنے ملازمین کے لیے پرسکون کمرے بنوائے ہیں جو قیلولہ کے لیے استعمال کیے جاتے ہیں۔
معروف آن لائن برانڈ Zappos نے ملازمین کے قیلولہ کرنے کے لیے مخصوص کمرہ بنوایا ہے جہاں وہ مختصر وقفے کی نیند لیتے ہیں۔
رائے عامہ بنانے والی معروف ویب سائٹ HuffPost کے دفتر میں قیلولہ کے لیے مستقل کمرے موجود ہیں۔
Ben & Jerry's Ice Cream
نے اپنے ملازمین کو قیلولہ کی اجازت دے رکھی ہے۔
یہ تمام کمپنیاں جانتی ہیں کہ قیلولہ کرنے کے بعد ملازمین بہترین توانائی اور ارتکاز کی قوت کے ساتھ کام کرتے ہیں۔ جس سے پیداواری صلاحیت بڑھتی ہے۔ چند منٹ کا آرام عملے میں تناؤ کی سطح کو ختم کر دیتا ہے جس سے کام کا ماحول پر سکون اور مثبت ہوتا ہے۔ قیلولہ کرنے سے ملازمین کی صحت میں بہتری آتی ہے، وہ ممکنہ بیماریوں سے بچ جاتے ہیں جس سے کمپنیوں پر ان کے علاج کا بوجھ نہیں پڑتا۔ قیلولہ کرنے والے ملازمین نئے آئیڈیاز سوچتے ہیں جس کی بنیاد پر کمپنی ترقی کرتی ہے۔ نیز قیلولہ کی اجازت دینے سے ملازمین سمجھتے ہیں کہ کمپنی ان کے آرام و راحت کا خیال رکھتی ہے، جس کی بدولت کمپنی کے ساتھ ان کی وفاداری بڑھ جاتی ہے۔
ایک دانش مند کا قول ہے کہ ”فطرت میں چہل قدمی کرنا ایسا ہے گویا روح اپنے گھر واپس آگئی ہو۔“
فطرت انسان کا سب سے بڑا استاد ہے۔ ہم فطرت کی رفتار پر رہیں گے تو ہمیشہ صحت مندرہیں گے۔ ہمارا Circadian Rhythm فطرت کے ساتھ چلتا ہے، لہٰذا ہمیں چاہیے کہ اپنی خوراک اور نیند بھی فطری رکھیں تاکہ ہم لمبی، صحت مند زندگی جی سکیں اور اپنی کارکردگی کی بدولت بھرپور کام یابیاں سمیٹ سکیں۔

06/10/2025

آرڈر 26 سی پی سی (CPC) دیوانی مقدمات میں کمیشن کے تقرر سے متعلق ہے۔

اس کا مقصد عدالت کی مدد کے لیے کسی شخص (کمشنر) کو مقرر کرنا ہے تاکہ وہ حقائق معلوم کرے معائنہ کرے یا کوئی رپورٹ تیار کرے۔

آرڈر 26 کے اہم قواعد
کمشنر کی تقرری (Rule 1-2)
جب عدالت کو کسی معاملے کی وضاحت یا حقائق معلوم کرنے کے لیے مدد درکار ہو تو وہ کمشنر مقرر کر سکتی ہے۔

کسی جگہ کا معائنہ، گواہ کا بیان لینا، یا حساب کتاب کی جانچ پڑتال۔

گواہوں کے بیانات کے لیے کمیشن (Rule 4)
اگر گواہ عدالت میں پیش نہ ہو سکے تو عدالت کمیشن جاری کر سکتی ہے تاکہ اس کا بیان وہاں جا کر ریکارڈ کیا جا سکے۔

مقامی معائنہ (Local Investigation) (Rule 9)
کسی جائیداد یا جگہ کے بارے میں بہتر فیصلہ کرنے کے لیے عدالت مقامی معائنہ کے لیے کمشنر مقرر کر سکتی ہے۔

حساب کتاب یا تقسیم جائیداد کے لیے کمیشن
(Rule 11-13)
عدالت حساب کتاب (Accounts) یا جائیداد کی تقسیم

(Partition)
کے لیے بھی کمیشن مقرر کر سکتی ہے۔
دستاویزات یا گواہان کا بیرون ملک کمیشن (Rule 19-20)
اگر گواہ یا دستاویز بیرون ملک ہیں تو عدالت وہاں کے لیے کمیشن جاری کر سکتی ہے۔

کمشنر کی رپورٹ پر اعتراضات (Rule 10 & 14)
فریقین کمشنر کی رپورٹ پر اعتراض دائر کر سکتے ہیں۔ عدالت رپورٹ کو منظور یا مسترد کرنے کا اختیار رکھتی ہے۔

آرڈر 26 کا مقصد عدالت کی سہولت کے لیے ایسے معاملات میں مدد فراہم کرنا ہے جو براہِ راست عدالت میں حل نہ ہو سکیں جیسے گواہوں کے بیانات لینا جائیداد کا معائنہ کرنا یا حساب کتاب کی پڑتال کرنا

05/10/2025

زندگی لمحہ موجود میں ہے

دنیا بھر میں روزانہ ڈیڑھ لاکھ افراد مرجاتے ہیں، ان میں سے 37 ہزار لوگ ایسے ہیں جو رات کو سوتے ہیں اور صبح کا سورج دیکھ نہیں پاتے، لیکن آپ خوش قسمت ہیں کہ آپ کو آج کا دن ملا ہے۔ زندگی کو شان دار موقع سمجھیں۔ اللہ تعالیٰ آپ کو نئے دن کی صورت میں روزانہ ایک کینوس دیتا ہے۔آپ اس پر ایسا فن پارہ بناسکتے ہیں جو زندگی بھر کے لیے یادگار رہے، آپ کاموں کے پیچھے بھاگتے ہوئے اسے خالی چھوڑ بھی سکتے ہیں اور گلے شکوے کرکے اس پر ایک بدنما تصویر بھی بنا سکتے ہیں۔ برش آپ کے ہاتھ میں ہے۔

یہ نومبر 1994 کی بات ہے۔ نیویارک میں منعقد ہونے والی نیلامی کی تقریب میں بل گیٹس نے 72 صفحات پر مشتمل ایک ڈائری 30.8 ملین ڈالر میں خریدی۔ آپ سوچ رہے ہوں گے کہ اس ڈائری میں ایسا کیا تھا جس کی قیمت کروڑوں ڈالر تھی؟دراصل یہ محض صفحات نہ تھے بلکہ پندرھویں صدی کے عظیم موجد، تخلیق کار اور مصور لیونارڈو ڈاونچی کے سائنسی خیالات، مشاہدات اور خاکوں پر مشتمل نوٹس تھے۔ ڈاونچی جس زمانے میں پلا بڑھا،وہ علم و تحقیق کے اعتبار سے جمود کا شکار تھا، لوگوں کے ذہن بند تھے، فن محدود تھا اور سائنس کو گناہ سمجھا جاتا تھا، ایسے میں ڈاونچی نے اپنی منفرد سوچ سے سائنس کو نئی جہت دی۔ اس نے ہیلی کاپٹر، ٹینک آبی جہاز، اڑنے والی مشین اورانسانی جسم کی ساخت پر تحقیق کی اور نتائج سے دنیا کو حیران کرکے رکھ دیا۔ اس نے فن مصوری میں بھی نام کمایا،دنیا کی سب سے زیادہ دیکھی جانے والی تصویر”مونالیزا“اسی کی بنائی ہوئی ہے۔ڈاونچی پتے کے گرنے سے لے کر روشنی کے زاویے تک، ہر چیز میں نظم اور فطرت کے اَسرار تلاش کرتا تھا۔ اس کی کامیابی کا راز یہ تھا کہ وہ ہر دن کو نیا مشاہدہ، نیا سوال اور نیا تجربہ سمجھتا تھا۔وہ کہتا تھا کہ سیکھنے کی سب سے اعلیٰ شکل مشاہدہ ہے۔وہ پہلا شخص تھا جس نے فن اور سائنس کے بیچ موجود دیوار توڑی۔ اُس نے ثابت کیا کہ انسان بیک وقت مصور بھی ہو سکتا ہے، موجد بھی اور فطرت کا عاشق بھی،لیکن اس کے لیے ضروری ہے کہ وہ لمحہ موجود میں رہے،گہرامشاہدہ کرے اوراپنے کام سے لطف اندوز ہو۔وہ کہتاتھا کہ اچھا گزارا ہوا دن خوش گوار نیند لاتا ہے۔اس نے سکھایا کہ کامیاب شخص وہ نہیں جو منزل پر پہنچ جائے، بلکہ وہ ہے جو ہر دن کوشان دار فن پارہ بنا ئے۔
زندگی بیش قیمت اور انمول تحفہ ہے لیکن اس سے تب لطف اندوز ہواجاسکتاہے جب ہم ماضی کی فکروں اور مستقبل کے اندیشوں سے جان چھڑائیں۔یہ ایسی کیفیت ہے جس میں ہم وقت کے بہاؤ کو محسوس نہیں کرتے، کیوں کہ ہم مکمل طور پر اُس لمحے میں شامل ہوجاتے ہیں۔مگرہم میں سے اکثر لوگ اس ذائقے سے محروم رہتے ہیں کیوں کہ ہم نے زندگی کودوڑ کامیدان بنالیاہے جس میں ہر شخص جلد ازجلدکسی ہدف تک پہنچنے کی کوشش کرتاہے اور اس دوران آنے والے خوب صورت اورحسین مناظر سے آنکھیں چراکر گزرجاتاہے۔
ہماری بدقسمتی یہ بھی ہے کہ ہم نے کامیابی کومخصوص اشیاتک محدود کردیا ہے۔عام تاثر یہ ہے کہ جس کے پاس بڑی گاڑی، شان دارگھر اورشہرت ہوتو وہ کامیاب ہے لیکن یہ غلط طرزِ فکر ہے،کیوں کہ ایسے میں وہ لوگ جو بھرپور محنت کر رہے ہیں، مگر ابھی اس معیار تک نہیں پہنچے، وہ خود کو ناکام سمجھنے لگتے ہیں۔ طلبہ کو علم کی روشنی دینے والا استاد، گم نامی میں کچھ تخلیق کرنے والا فن کاراور بے تحاشا محنت کرنے والاجوان، ایک اعتبار سے یہ تمام لوگ بھی کامیاب ہیں لیکن معاشرہ انھیں اُس وقت تک کامیاب تسلیم نہیں کرتا جب تک وہ کوئی نمایاں مقام حاصل نہ کرلیں۔
لمحہ موجود سے لطف اندوز نہ ہونے کی ایک اور وجہ یہ بھی ہے کہ ہم نے خوشی کومشروط کردیا ہے۔ہم سوچتے ہیں کہ فلاں کام ہوگاتومیں خوش ہوں گا۔اس سوچ کی وجہ سے ہم زندگی کی بڑی بڑی خوشیوں کومؤخر کرتے رہتے ہیں۔ہم غیر محسوس طریقے سے خوشی کوکسی خاص موقع، دن یاچیز سے جوڑ دیتے ہیں اور حال کی تمام خوب صورتیوں سے نظریں چرا لیتے ہیں۔طالب علم سوچتاہے،”جب مجھے ڈگری ملے گی، تب میں سکون کا سانس لوں گا۔“ وہ اس دوران کی گئی محنت، سیکھنے کے عمل اوردوستوں کے ساتھ ہنسی مذاق سب کچھ نظر انداز کر دیتا ہے، کیوں کہ اس کا ذہن ایک خاص دن پر ٹکا ہوتا ہے۔اسی طرح ملازم سوچتا ہے،”جب میری ترقی ہوگی یا تنخواہ بڑھے گی، تب میں خوش ہوں گا۔“لیکن اس دوران وہ روزمرہ کی چھوٹی چھوٹی کامیابیوں کوخاطر میں نہیں لاتا۔
خوشی کو کسی چیز کے ساتھ مشروط کردینے سے پہلا نقصان یہ ہوتاہے کہ ہماری توجہ حال سے ہٹ جاتی ہے۔ ہم سفر کو نظر انداز کر کے صرف منزل پر نظر رکھتے ہیں اور زندگی کے سرور سے محروم رہ جاتے ہیں۔
اس رویے کا دوسرا نقصان یہ ہے کہ جوں ہی ایک ہدف حاصل ہوتا ہے، ہم فوراً اگلے ہدف کی طرف بڑھتے ہیں۔اس کی وجہ سے خوشی ایسی بھاگتی ہوئی منز ل بن جاتی ہے جسے ہم کبھی چھو ہی نہیں پاتے۔ہماری زندگی”اگر“اور”تب“ کادائرہ بن جاتاہے جس میں ہم گھومتے رہتے ہیں اورخوشی ہمارے ہاتھ نہیں آتی۔
تیسرا نقصان یہ ہے کہ اس کی وجہ سے ہمارے ذہن پر مستقل دباؤ رہتا ہے کہ”ابھی کچھ مکمل نہیں ہوا۔“ یہ کیفیت ہمیں بے سکون کردیتی ہے۔ہماری نیند متاثر ہوتی ہے۔ ہم مسلسل بے چین رہتے ہیں کہ کب وہ لمحہ آئے گا جب ہم سکون کا سانس لے سکیں گے۔
جب ہم خوشی کو کسی خاص کامیابی سے جوڑتے ہیں تو درحقیقت ہم اپنے آپ کو ان نتائج کے ساتھ باندھ لیتے ہیں۔اگر وہ نتیجہ نہ ملے تو ہم خود کو ناکام سمجھتے ہیں۔ہم اپنی قدر کا تعین باہر کی دنیا سے کرنے لگتے ہیں، جو کہ خطرناک رویہ ہے۔جیسے ایک ملازم اگر یہ سوچے کہ مجھے ترقی مل جائے تو میں خوش ہوں گالیکن اسے ترقی نہ ملے تو وہ باصلاحیت ہونے کے باوجود اپنے آپ کو کمتر محسوس کرتا ہے۔
راحت و سکون مادی چیزوں سے مشروط کرنے والا شخص اکثراوقات چڑچڑا رہتا ہے۔ ایسے افراد کی بات چیت میں منفی پہلونمایاں ہوتاہے۔وہ لوگوں سے غیر ضروری توقعات وابستہ کر لیتے ہیں جس کی وجہ سے دوستوں، اہل خانہ اور ساتھیوں کے ساتھ ان کے تعلقات بگڑنے لگتے ہیں اوریہ لوگ تنہا رہ جاتے ہیں۔
خوشی اگر کسی خاص نتیجے سے مشروط ہو تو انسان صرف ان نتائج پر توجہ دیتا ہے، عمل سے لطف اندوز نہیں ہوتا۔ یوں اس کی تخلیقی صلاحیتیں ختم ہونے لگتی ہیں، کیوں کہ وہ تجربے سے سیکھنے کے بجائے صرف ہدف پر نظر رکھتا ہے۔مثال کے طورپر اگر کوئی مصور یہ سوچے کہ میں تب خوش ہوں گا جب میری پینٹنگ فروخت ہوگی تو اس سوچ کے ساتھ وہ مصوری کے فن سے لطف اندوز نہیں ہوسکے گاجس کے نتیجے میں اس کی تخلیقی صلاحیت کمزورہوناشروع ہوجائے گی۔
ماہر نفسیات فلیپس برک مین اور پروفیسر ڈونلڈ کیمبل نے 1971میں ”Hedonic Adaptation“ کانظریہ پیش کیاجس کے مطابق لوگ خوشی کو بیرونی عوامل جیسے کامیابی، ترقی یا دولت سے جوڑ دیتے ہیں لیکن جیسے ہی یہ چیزیں حاصل ہو جاتی ہیں، لوگ ان کے عادی بن جاتے ہیں اور ان کی خوشی کی سطح واپس نیچے چلی جاتی ہے۔اس کے بعد وہ کسی اور چیز سے خوشی وابستہ کر لیتے ہیں اور یہ چکر چلتا رہتا ہے۔اسی طرح2010میں پروفیسر ڈینیئل گلبرٹ اور ڈاکٹر کیلنگس نے ہارورڈیونیورسٹی میں ایک تحقیق کی جس سے یہ بات سامنے آئی کہ جو لوگ لمحہ موجود میں نہیں جیتے، ان کی خوشی کی سطح نمایاں طور پر کم ہوتی ہے، اگرچہ وہ خوش گوار سرگرمی میں مصروف کیوں نہ ہوں۔
انسان فطری طورپر کامیابی کو پسند کرتاہے اوراسے حاصل کرناچاہتاہے لیکن کامیابی کاایک منفی پہلو بھی ہے۔یہ اپنے ساتھ تکمیل کااحساس لے کرآتی ہے جس کی وجہ سے فرد خود کومکمل سمجھتے ہوئے مزیدکوشش کرنا چھوڑدیتاہے۔ دوسری طرف ناکامی کاایک منفی پہلو یہ ہے کہ اس کا خوف انسان کے گلے کاایسا طوق بن جاتا ہے جواسے نیا قدم اٹھانے سے روکتاہے۔اکثر لوگ یہ بھی کہتے ہیں کہ اب تو سب کچھ مل گیا اور کیا چاہیے؟ یہ وہ لمحہ ہوتا ہے جب کامیابی، جو دراصل اگلے سفر کا آغاز ہونی چاہیے تھی،ان کے لیے اختتام بن جاتی ہے اور وہ اپنی کامیابی میں اس قدرگم ہو جاتے ہیں کہ نئی منزلوں کا خواب دیکھنا چھوڑ دیتے ہیں۔ وہی کامیابی جو کل تک تحریک کا باعث تھی، آج رکاوٹ بن جاتی ہے۔اسی طرح ناکامی کا خوف ایسے سوالات پیداکرتا ہے جوانسان کی ہمت کو پست کردیتے ہیں۔مثال کے طورپر اگر میں ناکام ہو گیا تو لوگ کیا کہیں گے؟ اگر سب کچھ ضائع ہو گیا تودوبارہ کیسے حاصل ہوگا؟ یہ سوچیں انسان کو قدم اٹھانے سے پہلے ہی خوفزدہ کر دیتی ہیں،جس کی وجہ سے عمل کا جذبہ ماند پڑجاتاہے۔
ایمی وائن ہاؤس کی مثال ہمارے سامنے ہے۔انگلینڈ کی اس مشہور گلوکارہ نے اپنی منفرد اور جذباتی آواز کی بدولت عالمی شہرت پائی۔اسے کرئیرکے آغاز سے ہی بھرپور شہرت ملی،لیکن کامیابی کی یہ لہر اس قدر شدید تھی کہ اس کے بعد وہ اگلاقدم نہ اٹھاسکی۔اس نے اسی شہرت میں پناہ لے لی،وہ نشے وتنہائی کا شکار ہو گئی اور 27 برس کی عمر میں اس دنیا سے چلی گئی۔کامیابی کو اختتام اور ناکامی کو رکاوٹ سمجھنا دونوں خطرناک رویے ہیں۔ہمیں کامیابی اور ناکامی کی فکردل سے نکال کرصرف عمل (پراسس)سے لطف اندوزہوناچاہیے۔زندگی کی سب سے بڑی حقیقت یہ ہے کہ ہم زندہ ہیں اور زندہ ہونے کا سب سے خوب صورت طریقہ یہی ہے کہ ہم لمحہ موجود میں جئیں۔
مولانا رومی کہتے ہیں۔”گزشتہ کل جا چکا، کل ابھی آیا نہیں۔ ہمارے پاس صرف آج ہے، چلو اسی میں جئیں۔“جب کہ ہم کسی خاص دن کا انتظار کرتے رہتے ہیں اورسمجھتے ہیں کہ وہ دن آئے گا تومجھے خوشی، سکون اورراحت ملے گی لیکن خدانخواستہ اگر ایسا نہ ہوااوراس دن کے آنے سے پہلے ہماری سانسیں ختم ہوگئیں تو.....!!!لہٰذاعقل مندی یہی ہے کہ حال میں رہیں،نعمتوں سے لطف اندوزہوں،شکرگزاری اختیار کریں اور اس لمحے کومکمل توجہ کے ساتھ جئیں توزندگی کی مٹھاس دگنی ہوجائے گی۔
رم جھم بارش ہو رہی ہو،ایسے میں ہم چائے یا کافی کا کپ تھام کر کھڑکی کے قریب بیٹھیں یاباہر نکلیں،بارش کے قطرے ہمارے چہرے پرپڑرہے ہوں،موسم کی ٹھنڈک ہمارے جسم میں اتررہی ہواورہم اس منظر کو محسوس کریں تویہ ہمیں سب چیزوں سے بے نیاز کردے گا۔
آپ کبھی کسی بچے سے بات کریں، اس کے چہرے کی معصومیت کودیکھیں۔اس کی سادہ اوردلچسپ باتوں پر دھیان دیں،شاید وہ آپ کو ہنسادے یاپھرچونکادے۔اس کا بے فکرا پن کچھ لمحوں کے لیے آپ کو بھی زندگی کی پریشانیوں سے دورلے جائے گا۔
خیالات کی روانی میں کبھی کبھار ہمارادماغ کوئی پرانانغمہ چلادیتاہے جو ہمیں ماضی کی کسی حسین یاد میں لے جاتا ہے۔ اگر ہم اُس لمحے اپنی فکریں چھوڑکر صرف نغمے کی دُھن، آواز اور یاد سے جڑ جائیں تو وہ لمحہ ہمیں بھرپور خوشی دے گا اور ہم ماضی کا لطف حال میں محسوس کریں گے۔
صبح سویرے سورج کوطلوع ہوتے دیکھنا ایسا منظر ہے جوآپ سے کوئی قیمت نہیں مانگتا، لیکن آپ کوامید سے بھردیتاہے۔یہ منظرآپ کوتوانائی کے ساتھ ساتھ آگے بڑھنے کا حوصلہ بھی دیتاہے اور یہ یقین بھی کہ ہر دن ایک نیا دن ہے جس میں ہم نئی زندگی کا آغاز کرسکتے ہیں۔
دن بھر کی مصروفیات سے تھک ہارکر کبھی کسی پارک میں بیٹھیں،درختوں کی سرسراہٹ اور شاخوں پر بیٹھے پرندوں کی چہچہاہٹ سنیں۔ان آوازوں میں ڈوب جائیں توکچھ دیر بعد آپ خودکو ہلکا محسوس کریں گے۔آپ کولگے گاکہ یہ سب چیزیں میری ہمراز ہیں، جو مجھ سے میری تھکن اورفکریں لے رہی ہیں اورمجھے تازہ دم کررہی ہیں۔

01/10/2025

Under Section 375 of the Pakistan Penal Code (PPC), r**e is defined, while Section 376 prescribes its punishment, which may extend to life imprisonment or even death in aggravated circumstances. When such a case occurs, an FIR is registered under the Code of Criminal Procedure (CrPC), followed by investigation and trial in the Sessions Court. The admissibility of medical, forensic, and witness testimony is governed by the Qanun-e-Shahadat Order, 1984, which clearly recognizes expert reports and protects the dignity of the victim by declaring her character irrelevant. In practice, the strongest evidence comes from the victim’s clothes and medical samples collected before bathing, as they preserve biological traces such as DNA or semen. For this reason, a medico-legal examination must be done immediately—ideally within 6 to 12 hours, not beyond 24 hours. Evidence may still be found up to 72 hours or even 5–7 days later, but with weaker chances. In short, the PPC defines the offence, the CrPC lays down the procedure, the QSO regulates evidence, while timely medical examination ensures justice. The drama *Case No. 9* beautifully highlighted these realities, showing how small delays or mistakes can destroy crucial evidence, and how public awareness through television can play a vital role in protecting victims and educating society.

دفعہ 375 تعزیراتِ پاکستان (PPC) میں ریپ کی تعریف دی گئی ہے جبکہ دفعہ 376 اس کی سزا مقرر کرتا ہے جو عمر قید یا بعض حالات میں سزائے موت تک ہو سکتی ہے۔ ایسے واقعے کی صورت میں ایف آئی آر ضابطہ فوجداری (CrPC) کے تحت درج کی جاتی ہے، پولیس تفتیش کرتی ہے اور مقدمہ سیشن کورٹ میں چلتا ہے۔ شہادتوں کی قبولیت "قانونِ شہادت آرڈر 1984" کے تحت ہوتی ہے جس میں ماہرین کی رپورٹس قابل قبول ہیں اور متاثرہ خاتون کے کردار کو غیر متعلق قرار دیا گیا ہے۔ عملی طور پر سب سے مضبوط ثبوت متاثرہ کے کپڑوں اور نہانے سے پہلے لیے گئے سیمپلز سے آتے ہیں کیونکہ ان میں ڈی این اے یا دیگر حیاتیاتی شواہد محفوظ ہوتے ہیں۔ اسی لیے میڈیکو لیگل معائنہ فوراً ہونا ضروری ہے، بہترین وقت 6 سے 12 گھنٹے ہے اور 24 گھنٹے سے زیادہ نہیں ہونا چاہیے۔ 72 گھنٹے یا بعض اوقات 5 سے 7 دن تک بھی کچھ شواہد مل سکتے ہیں لیکن وقت کے ساتھ ان کی اہمیت کمزور ہو جاتی ہے۔ یوں تعزیراتِ پاکستان جرم کو بیان کرتا ہے، ضابطہ فوجداری کارروائی کا طریقہ طے کرتا ہے، قانونِ شہادت ثبوتوں کی اہمیت واضح کرتا ہے اور بروقت میڈیکل ہی انصاف کی سب سے بڑی ضمانت ہے۔ ڈرامہ *کیس نمبر 9* نے ان حقائق کو خوبصورتی سے اجاگر کیا کہ کیسے چھوٹی سی تاخیر یا غلطی اہم شواہد کو ضائع کر دیتی ہے اور کس طرح عوامی آگہی کے لیے ٹیلی ویژن ایک مؤثر ذریعہ ہے۔