31/07/2021
نائبِ قُطبِ زماں حضرتِ اعلیٰ پیر سیّد محمّد مُراد علی شاہ بخاری قادری قدّس سرّہ العزیز کے دونوں صاحبزادگان حضرت پیر سیّد غلام عباس شاہ بخاری قادری مدظلہ العالی (سجادہ نشین آستانہ عالیہ مُرادیہ قُطبیہ قادریہ) اور حضرت قبلہ علامہ پیر سیّد محمّد نواز شاہ بخاری قادری مدظلہ العالی (شانِ آستانہ عالیہ) نے اپنے پوتے قبلہ صاحبزادہ سیّد فصیح محی الدّین بخاری قادری زید مجدہُ کے حوالے سے سیاق و سباق کو کاٹ کر سوشل میڈیا پر وائرل کی جانے والی عرسِ پاک کی ایک ویڈیو کی آڑ میں پھیلائے جانے والے منفی زہر آلود پراپیگنڈے کے رد میں وضاحتی بیان ارشاد فرمایا۔
صاحبزادگانِ حضور قبلہِ عالم شاہ مُرادؓ نے واضح فرمایا کہ سوشل میڈیا پر کانٹ چھانٹ کر کے چلائی جانے والی ویڈیو صرف شرپسند عناصر کی سازش ہے۔ الحمد للہ دونوں بزرگوں کے زیرِ سایہ عرسِ پاک پر قبلہ صاحبزادہ صاحب کے خطاب کے دوران کی جانے والی سازش ناکام ہوئی اور باجماعت نمازِ عصر وقت پر ادا کی گئی۔ آستانہ عالیہ کے دونوں بزرگان کی جانب سے یہ وضاحتی بیان اس پر دلیل ہے۔ لہٰذا مریدین و عقیدت مندان اور محبّین و مخلصین کسی منفی پراپیگنڈے کا شکار نہ ہوں۔ اللہ پاک سب کو ہدایت نصیب فرمائے اور شر انگیزی سے پناہ عطا فرمائے، آستانہ عالیہ کا فیضان جاری و ساری رہے آمین۔