Kolai Palas Kohistan Police

19/08/2026

ڈسٹرکٹ پولیس آفیسر کولئی پالس کوہستان ارباب شفیع اللہ جان کی خصوصی ہدایت پر ایس ڈی پی او سرکل پالس حیات خان نے تھانہ بٹیڑہ کا باضابطہ معائنہ کیا۔

اس موقع پر انہوں نے تھانے کے مختلف شعبہ جات، ریکارڈ، حوالات اور دیگر انتظامات کا تفصیلی جائزہ لیا اور پولیس افسران و اہلکاروں کو فرائض کی انجام دہی میں مزید بہتری، نظم و ضبط برقرار رکھنے اور عوام کو بروقت و مؤثر پولیس سروسز کی فراہمی کے حوالے سے ضروری ہدایات جاری کیں۔

13/08/2026

یومِ آزادی مبارک!

ڈسٹرکٹ پولیس کولئی پالس کوہستان کی جانب سے اہلِ وطن کو 14 اگست، یومِ آزادی کی دلی مبارکباد۔
آئیں مل کر پاکستان کے امن، سلامتی اور ترقی کے لیے اپنا کردار ادا کریں۔

12/08/2026

12/08/2026

ڈی پی او کولئی پالس کوہستان ارباب شفیع اللہ جان دورانِ ڈیوٹی بہترین کارکردگی دکھانے والے پولیس اہلکاروں میں تعریفی اسناد تقسیم کر رہے ہیں

ڈی پی او کولئی پالس کوہستان ارباب شفیع اللہ جان نے کہا کہ پولیس فورس میں سزا و جزا کا سلسلہ جاری رہے گا، بہترین کارکردگی کا مظاہرہ کرنے والے اہلکاروں کو تعریفی اسناد سے نوازا جائے گا، جبکہ فرائض میں غفلت برتنے والوں کے خلاف محکمانہ کارروائی عمل میں لائی جائے گی۔

11/08/2026

کولئی پالس کوہستان پولیس
پریس ریلیز

ڈسٹرکٹ پولیس آفیسر کولئی پالس کوہستان ارباب شفیع اللہ جان کی زیرِ صدارت ماہانہ کرائم میٹنگ کا انعقاد کیا گیا۔ میٹنگ میں ایس پی انویسٹیگیشن افتخار خان، ایس ڈی پی او سرکل پالس حیات خان ،، ایس ڈی پی او سرکل بٹیڑہ نور نبی شاہ سمیت ضلع بھر کے تمام تھانہ جات کے ایس ایچ اوز، تفتیشی افسران، انچارج چوکیات اور متعلقہ دفتری سٹاف نے شرکت کی۔

میٹنگ کے دوران ضلع بھر کے تھانہ جات کی مجموعی کرائم صورتحال کا تفصیلی جائزہ لیا گیا۔ اس موقع پر تمام ایس ایچ اوز کی کارکردگی، زیرِ تفتیش مقدمات کی پیش رفت اور ان کی موجودہ صورتحال پر تفصیلی غور و خوض کیا گیا۔ ڈسٹرکٹ پولیس آفیسر ارباب شفیع اللہ جان نے تفتیشی افسران کو ہدایت دی کہ وہ تمام مقدمات کی بروقت، شفاف اور میرٹ پر تفتیش کو ہر صورت یقینی بنائیں اور کسی بھی دباؤ یا مصلحت کو خاطر میں نہ لایا جائے۔

ضلعی پولیس سربراہ نے تمام ایس ایچ اوز کو جرائم کی شرح میں مزید کمی لانے اور جرائم پیشہ عناصر کے مکمل خاتمے کے لیے اپنی تمام تر پیشہ ورانہ صلاحیتیں بروئے کار لانے کی ہدایت جاری کی۔ اس کے ساتھ ساتھ سرچ اینڈ اسٹرائیک آپریشنز کو مزید مؤثر اور نتیجہ خیز بنانے پر بھی زور دیا گیا۔

مزید برآں اسلحہ کی برآمدگی، مجرمانِ اشتہاری کی گرفتاری اور جرائم پیشہ عناصر کے خلاف کارروائیوں کو تیز کرنے کے لیے سنیپ چیکنگ اور چھاپہ زنی کے عمل میں مزید اضافہ کرنے کی ہدایت بھی دی گئی۔

ترجمان
کولئی پالس کوہستان پولیس

10/08/2026

ڈی پی او کولئی پالس کوہستان سے صحافی سیف ﷲ کوہستانی کی ملاقات

کولئی پالس کوہستان: صحافی و نمائندہ کوہستان ٹی وی سیف ﷲ کوہستانی نے ڈسٹرکٹ پولیس آفیسر کولئی پالس کوہستان ارباب شفیع اللہ جان سے ڈی پی او آفس میں ملاقات کی۔

ملاقات کے دوران ضلع کولئی پالس کوہستان میں امن و امان کی صورتحال، پولیس کی جانب سے اٹھائے گئے اقدامات اور دیگر باہمی دلچسپی کے امور پر تبادلۂ خیال کیا گیا۔

اس موقع پر ڈی پی او ارباب شفیع اللہ جان نے کہا کہ پولیس اور میڈیا کے درمیان مؤثر رابطہ اور باہمی تعاون عوام تک درست معلومات کی بروقت فراہمی اور پولیس و عوام کے درمیان اعتماد کو مزید مضبوط بنانے میں اہم کردار ادا کرتا ہے۔

ملاقات خوشگوار ماحول میں ہوئی۔

04/08/2026

کولئی پالس کوہستان:- شہداء پولیس کے ایصالِ ثواب کے لیے ختمِ قرآن شریف، درجاتِ بلندی اور ملکی سلامتی کے لیے خصوصی دعا

ڈی پی او کولئی پالس کوہستان ارباب شفیع اللہ جان کے احکامات کی روشنی میں شہداء پولیس کے ایصالِ ثواب کے لیے ختمِ قرآن شریف کا انعقاد کیا گیا۔

شہداء پولیس کے بلند درجات، ملکی سلامتی، امن و استحکام اور پولیس فورس کی کامیابی و حفاظت کے لیے خصوصی دعائیں کی گئیں۔

اس موقع پر ایس پی انویسٹی گیشن کولئی پالس کوہستان افتخار خان سمیت ضلعی پولیس کے افسران اور جوانوں نے بھرپور شرکت کی اور شہداء کی عظیم قربانیوں کو خراجِ عقیدت پیش کرتے ہوئے اس عزم کا اعادہ کیا کہ وطن کے لیے جانوں کا نذرانہ پیش کرنے والے شہداء کی قربانیاں ہمیشہ یاد رکھی جائیں گی اور ان کے اہلِ خانہ کی عزت و تکریم ہر صورت یقینی بنائی جائے گی۔

ترجمان کولئی پالس کوہستان پولیس