03/05/2025
پيپلز پارٽي اقتدار خاطر سنڌو درياء ۽ سنڌ جي زمينن جو سودو ڪيو آھي۔ پيپلز پارٽي ڪارپوريٽ فارمنگ جي لاء سنڌ جون زمينون نيلام ڪرڻ جو ڪم تيزي سان شروع ڪري ڇڏيو آھي۔ ۽ ماضي جيان پيپلز پارٽي حڪومت ڪالاباغ ڊيم لاء فنڊ رکيا ۽ ڪالاباغ ڊيم جو نالو انڊس ڪالاباغ ڊيم رکي سنڌي قوم کي دوکو ڏيڻ جي ناڪام ڪوشش ڪئي ايئن ئي اڄ جڏھن سموري سنڌي قوم ڪارپوريٽ فارمنگ خلاف ھڪ آواز ٿي آھي ته پيپلز پارٽي مڪر ۽ دوکو ڪري ڪارپوريٽ فارمنگ جو نالو تبديل ڪري پبلڪ پرائيوٽ پارٽنرشپ جي نالي پھرين مرحلي ۾ سنڌي قوم جي 53 ھزار ايڪڙن کان وڌيڪ زمين ڪمپني کي لکي ڏئي ڇڏي آھي۔ اڄ سنڌ جي ڪچي جي 86 ھزارن کان وڌيڪ قيمتي زمين پڻ ڏئي ڇڏي آھي۔ سنڌ جو درياھ سنڌ جون زمينون ۽ سنڌ جا وسيلا پيپلز پارٽي جي ذاتي ملڪيت ناھي جو انھن کي پنھنجي اقتدار جي لالچ خاطر ڳجھي قابض اقتداري مافيا کي کپائي رھي آھي۔ پيپلز پارٽي سنڌين کي فلسطيننن جيئان بي زمين ڪرڻ چاھي ٿي. سنڌ جي ماڻھن پرامن جدوجھد ذريعي سنڌو درياھ جو تحفظ ڪري رھي آھي ۽ ھاڻ پنھنجي زمينن جي مالڪي به ايئن ئي ڪندي۔
