03/12/2025
اڄڪلهه سياست ۽ بار روم ٻنهي ۾ هڪ عجيب گهوڙو ڊوڙي رهيو آهي. جيڪو به اليڪشن ۾ ووٽ وٺڻ چاهي، هو اوچتو سنڌ جو درد پنهنجي جيب مان ڪڍي رکي ٿو، ڄڻ هو سنڌ جي تاريخ جو درويش هجي، پر اندر ۾ فقط ڪرسيءَ جو کنڊر کڙڪندو پيو ٿئي.
سچ ته اهو آهي، ڄڻ ڪجهه ماڻهو سنڌ جي نالي کي ڪو مقدس ڪتاب نه، بلڪه ڪيلڪيوليٽر سمجهن ٿا جتي محبت نه، فقط مفادن جو حساب هلي ٿو. سنڌ لاءِ سچو درد ته روز جي محنت، قانوني جنگن ۽ ماڻهن جي حقن لاءِ بيهڻ ۾ هوندو آهي نه پوسٽرن ۽ تقريرن جي گلازاري ۾.
۽ جيڪي بي لوڀ ٿي انهن نقلي خادمن جي پويان هلن ٿا، اهي به شايد ڪنهن سادي اميد جي واٽ تي لڳل آهن، پر اها اميد به گهڻو ڪري ٻاهرئين چمڪ کان وڌيڪ ڪجهه نه هوندي آهي.
سنڌ ڪنهن جي ڪارڊ جو نالو ناهي، اها ته ساهه سان لڳايل ڌرتي آهي ۽ ڌرتي کي ڪير رڳو چونڊن جي موسم ۾ ياد ڪري، سو ته رڳو تماشو بڻجي وڃي ٿو.
