Malik Aqif Aheer AHC

23/04/2026

پنجاب لینڈ ریونیو ایکٹ میں بڑی ترمیم اب ڈی سی (DC) کا فیصلہ ہی آخری ہوگا!!

پنجاب لینڈ ریونیو ایکٹ 1967 میں ہونے والی حالیہ ترمیم نے تقسیمِ اراضی کے نظام کو بدل کر رکھ دیا ہے۔

اہم ترین قانونی تبدیلیاں ایک نظر میں۔۔
حکومتِ پنجاب نے 9 اپریل 2026 سے نافذ العمل ہونے والے آرڈیننس کے ذریعے درج ذیل انقلابی اقدامات کیے ہیں:
دوسری اپیل کا خاتمہ: اب تقسیمِ اراضی (Partition) کے کیسز میں کمشنر یا ایڈیشنل کمشنر کے پاس دوسری اپیل دائر کرنے کا حق مکمل طور پر ختم کر دیا گیا ہے۔کلکٹر کا فیصلہ حتمی ہوگا۔ اسسٹنٹ کمشنر/تحصیلدار کے فیصلے کے خلاف اب صرف ایک اپیل کلکٹر آف ڈسٹرکٹ (DC) کے پاس ہوگی، ڈی سی کا فیصلہ ہی آخری اور حتمی (Final) تصور کیا جائے گا۔
زیرِ التوا کیسز کی منتقلی: کمشنر دفاتر میں موجود تمام پرانی اپیلیں اب فوری طور پر بورڈ آف ریونیو منتقل کرنے کا حکم دے دیا گیا ہے۔
اختیارات کی منتقلی: کمشنر سے اختیارات واپس لے کر تمام طاقت ضلعی کلکٹر کو دے دی گئی ہے !!

22/04/2026

شناختی کارڈ اور ذاتی معلومات (NADRA)

8000: شناختی کارڈ کی تصدیق (CNIC Verification)
668: نام پر رجسٹرڈ سموں کی تعداد جاننا
8300: ووٹ کی معلومات اور پولنگ اسٹیشن
8001: فیملی شجرہ کی تصدیق (Family Tree)
8008: شناختی کارڈ کی ایکسپائری ڈیٹ چیک کرنا
8005: قریبی نادرا سینٹر کا پتہ معلوم کرنا

گاڑی کی تصدیق (Excise / Vehicle Verification)

8149: پنجاب گاڑی کی رجسٹریشن چیک کریں
8521: اسلام آباد گاڑی کی رجسٹریشن

ڈراہوینگ لاسنس کی تصدیق ( Driving Licence Verification)

8147: پنجاب ڈرائیونگ لائسنس کی تصدیق
6040: سندھ ڈرائیونگ لائسنس کی تصدیق

پاسپورٹ کی تصدیق ( Passport Verification)

9988: پاسپورٹ بننے کی صورتحال (Passport Status)

مالی امداد اور صحت (Govt Schemes)

8171: بے نظیر انکم سپورٹ / احساس پروگرام میں اہلیت
8500: صحت کارڈ کی اہلیت اور ہسپتال کی معلومات
8123: مفت راشن پروگرام میں رجسٹریشن
8900: وزیراعظم یوتھ لون پروگرام کی اہلیت

موبائل اور انٹرنیٹ (PTA)

8484: موبائل فون کی پی ٹی اے (PTA) سے تصدیق
* #06 #: اپنے موبائل کا IMEI نمبر معلوم کرنا
667: سم کس کے نام پر ہے؟ (سم سے 'MNP' لکھ کر بھیجیں)

ہنگامی حالات اور شکایات (Emergency)

15: پولیس مدد (Police Help)
1122: ایمبولینس اور فائر بریگیڈ
130: موٹروے پولیس ہیلپ لائن
1991: سائبر کرائم (آن لائن فراڈ) کی شکایت (FIA)
1033: اینٹی کرپشن ہیلپ لائن

03/04/2026

Crl. Misc. 53550/25
ایف آئی آر بذریعہ مختار درج کرائی جاسکتی ہے اور مختار کو دیگر فوجداری کارروائی کرنیکا بھی قانونی اختیار حاصل ہے

ایف آئی آر کا اندراج یا فوجداری کارروائی کا آغاز بذریعہ وکیلِ مختار قانوناً جائز ہے۔

کسی شخص کا وکیلِ مختار اس کے مفاد میں پولیس کے پاس ایف آئی آر درج کرا سکتا ہے اور عدالت کے روبرو فوجداری کارروائی کا آغاز بھی کر سکتا ہے۔ اگر عدالت میں کارروائی اصل فریق (پرنسپل) نے شروع کی ہو اور بعد ازاں وہ دستیاب نہ رہے یا معذور ہو جائے تو وکیلِ مختار عدالت کی اجازت سے اس کی جانب سے اس کارروائی کو جاری بھی رکھ سکتا ہے۔ عدالت کو چاہیے کہ ایسے طرزِ عمل کی حوصلہ افزائی کرے، خاص طور پر ان مشکلات کو مدنظر رکھتے ہوئے جو مقدمات میں پیش آتی ہیں، تاکہ فوجداری نظام میں تاخیر کو کم کیا جا سکے اور عوام کا عدالتوں پر اپنے حقوق کے حصول و تحفظ کے حوالے سے اعتماد بحال ہو۔

یہ امر بھی واضح ہے کہ عدالت صرف متعلقہ شواہد کی بنیاد پر ہی فیصلہ کرے گی، اور ایسے شواہد جدید طریقوں مثلاً آن لائن ذرائع کے ذریعے بھی ریکارڈ کیے جا سکتے ہیں۔ وکیلِ مختار کی جانب سے عمل کا ناجائز استعمال، مثلاً جھوٹی ایف آئی آر درج کرانا یا نجی شکایت دائر کرنا، پاکستان پینل کوڈ 1860 کی دفعات 181، 182، 211، 213 اور 250 کے تحت مؤثر قانونی کارروائی کے ذریعے روکا جا سکتا ہے۔

لہٰذا درخواست گزاروں کے معزز وکیل کا یہ مؤقف کہ ایف آئی آر وکیلِ مختار کے ذریعے درج نہیں ہو سکتی، بے بنیاد ہے۔

مرزا یحییٰ بیگ بنام ریاست وغیرہ (2025 LHC 5989)

08/03/2025

16/02/2025