Punjab police

22/08/2026

خواتین کے تحفظ کے لیے اہم فیصلہ | لیڈیز پولیس 24 گھنٹے تھانوں میں موجود | ڈی آئی جی آپریشنز کی اقبال ٹاؤن ڈویژن سے اینٹی کرائم میٹنگ

ڈی آئی جی آپریشنز لاہور فیصل کامران کی زیرِ صدارت اقبال ٹاؤن ڈویژن کی اینٹی کرائم میٹنگ منعقد ہوئی، جس میں ایس ایس پی آپریشنز، ایس پی اقبال ٹاؤن، سرکل افسران اور ایس ایچ اوز نے شرکت کی۔

خواتین کے احترام اور ان کے مسائل کے حل کے حوالے سے ڈی آئی جی آپریشنز نے سخت احکامات جاری کرتے ہوئے کہا: "کوئی بھی پولیس افسر خاتون شہری کو مغرب کے بعد شنوائی یا تفتیش کی غرض سے تھانے ہرگز نہ بلائے۔ خواتین کی سہولت اور شکایات کے ازالے کے لیے لیڈیز پولیس اہلکار 24 گھنٹے تھانوں میں موجود رہیں گی۔"

اجلاس میں 12 ربیع الاوّل کے سکیورٹی انتظامات مکمل کرنے اور ہاٹ سپاٹ ایریاز میں اضافی نفری تعینات کرنے کی ہدایت کی گئی۔ اس کے علاوہ، شہریوں کا جینا محال کرنے والے سود خوروں، گٹکا فروشوں اور ناجائز اسلحہ کی نمائش کرنے والوں کے خلاف کریک ڈاؤن تیز کرنے کا حکم دیا گیا۔ ڈی آئی جی نے ایس ایچ او نواں کوٹ کو ریسپانس ٹائم بہتر بنانے، اور ایس ایچ اوز سمن آباد و ملت پارک کو منشیات فروشوں کے خلاف بلاامتیاز کارروائیوں کی خصوصی ہدایت دی۔
#لاہور #پولیس #پنجاب #لاہورپولیس

21/08/2026

نازیبا گفتگو پر آر پی او فیصل آباد کا سخت ایکشن، انسپکٹر نوکری سے برخاست

فیصل آباد: خواتین سے بدسلوکی، ہراسمنٹ اور غیر اخلاقی رویے کے خلاف پنجاب پولیس کی زیرو ٹالرنس پالیسی کے تحت آر پی او فیصل آباد سہیل اختر سکھیرا نے سخت کارروائی کرتے ہوئے نازیبا گفتگو کے مرتکب انسپکٹر محسن منیر بسرا کو نوکری سے برخاست کر دیا۔

تفصیلات کے مطابق آر پی او فیصل آباد سہیل اختر سکھیرا کے دفتر میں منعقدہ کھلی کچہری کے دوران ایک خاتون نے اپنا مسئلہ آر پی او کے سامنے پیش کیا۔ خاتون کی شکایت پر معاملے کی انکوائری کے سلسلے میں ایس ایچ او تھانہ صدر گوجرہ انسپکٹر محسن منیر بسرا کو بھی کھلی کچہری میں طلب کیا گیا۔

انکوائری کے دوران انسپکٹر محسن منیر بسرا کی جانب سے خاتون سے مبینہ طور پر نازیبا گفتگو اور غیر اخلاقی رویہ اختیار کیا گیا، جس پر آر پی او فیصل آباد سہیل اختر سکھیرا نے فوری اور سخت ایکشن لیتے ہوئے انسپکٹر کو ملازمت سے برخاست کرنے کے احکامات جاری کر دیے۔

آر پی او فیصل آباد سہیل اختر سکھیرا نے واضح کیا کہ پولیس افسران اور اہلکار شہریوں، بالخصوص خواتین، کے ساتھ باوقار، مہذب اور شائستہ رویہ اختیار کریں۔ خواتین سے بدسلوکی، ہراسمنٹ یا کسی بھی قسم کا غیر اخلاقی رویہ کسی صورت برداشت نہیں کیا جائے گا۔

آر پی او سہیل اختر سکھیرا کا کہنا تھا کہ خواتین کو باعزت، محفوظ اور پُرامن ماحول کی فراہمی پولیس کی اولین ترجیح ہے، جبکہ خواتین کے تحفظ اور انہیں انصاف کی بروقت فراہمی وزیراعلیٰ پنجاب مریم نواز شریف کے ویژن کے مطابق پولیس کی ترجیحات میں شامل ہے۔

انہوں نے مزید کہا کہ پولیس فورس میں نظم و ضبط، پیشہ ورانہ رویے اور شہریوں کے احترام پر کوئی سمجھوتہ نہیں کیا جائے گا، جبکہ اختیارات کا ناجائز استعمال یا شہریوں بالخصوص خواتین کے ساتھ نامناسب رویہ اختیار کرنے والے اہلکاروں کے خلاف قانون اور محکمانہ قواعد کے مطابق سخت کارروائی عمل میں لائی جائے گی۔

18/08/2026

18/08/2026

میر رضا جیسا اندھا قتل ساوتھ زون پولیس نے حل کر لیا
رات کو گھر سے نکلا فیضی اگلے دن ویرانے میں جلی ہوئی کوئلہ لاش برآمد
نوجوان لڑکے کے موبائل فون بھی غائب
ساٹھ زون پولیس کی ٹیکنیکل ٹیم نے اندھے قتل کے خواتین سمیت چار ملزمان گرفتار کرلئے
دو ملزمان کراچی اور دو پنجاب لیہ سے پکڑے گئے
تھانہ موچکو ڈسٹرک کیماڑی