28/04/2026
صوبہ پنجاب کے کیسز میں پیروی کے لیے
پنجاب میں ڈیجیٹل نظام کا آغاز — ریکارڈ مینجمنٹ اور بین المحکماتی رابطے میں اہم پیش رفت
پنجاب حکومت کی جانب سے ریکارڈ کو آن لائن کرنے اور اٹارنی آفس و مختلف محکموں کے درمیان مؤثر رابطہ قائم کرنے کے لیے ایک جدید ڈیجیٹل سسٹم کا باقاعدہ آغاز کر دیا گیا ہے۔ یہ اقدام سرکاری امور میں جدت، شفافیت اور تیز رفتار کارروائی کو یقینی بنانے کی جانب ایک اہم قدم ہے۔
اس نئے نظام کے تحت اب اٹارنی آفس کو کسی بھی محکمے سے رابطہ کرنے کے لیے روایتی تحریری خطوط ارسال کرنے کی ضرورت نہیں رہے گی۔ لا افسران اب صرف ایک کلک کے ذریعے متعلقہ محکمے کو آن لائن درخواست (ریکویسٹ) ارسال کر سکیں گے، جس پر محکمہ فوری طور پر ڈیجیٹل انداز میں مطلوبہ ریکارڈ اپلوڈ کر دے گا۔ اگر کسی مرحلے پر فزیکل ریکارڈ درکار ہو، تو وہ بھی فراہم کیا جا سکے گا۔
یہ ڈیجیٹل نظام نہ صرف وقت اور وسائل کی بچت کا باعث بنے گا بلکہ حکومتی امور کو "پیپر لیس" بنانے کے وژن کی تکمیل میں بھی معاون ثابت ہوگا۔ ڈائریکٹر آف مانیٹرنگ کی ہدایت پر اس نظام کو پورے پنجاب میں نافذ کیا جا رہا ہے، جس کے لیے تمام لا افسران کو اینڈرائڈ ڈیوائسز اور لیپ ٹاپس فراہم کیے جا رہے ہیں تاکہ وہ براہ راست محکموں سے ڈیجیٹل رابطہ قائم کر سکیں۔
مزید برآں، لا افسران کو ڈیٹا پیکجز بھی مہیا کیے جا رہے ہیں تاکہ وہ ٹیلی فون کالز کے بجائے اس جدید ڈیجیٹل پلیٹ فارم کے ذریعے مؤثر اور فوری رابطہ قائم کر سکیں۔
بلاشبہ، یہ اقدام جدید ٹیکنالوجی کے استعمال کے ذریعے سرکاری نظام کو مؤثر، شفاف اور عوام دوست بنانے کی ایک مثبت اور قابل تحسین کاوش ہے۔
