08/07/2026
FYI: “Atty., pwede na pala ang photocopy sa korte?”
Dahil sa recent na usapin sa impeachment proceedings ni VP Sara Duterte, maraming nagtatanong:
“Totoo ba na puwedeng photocopy lang ang ebidensya sa korte?”
Ang sagot? YES… pero hindi sa lahat ng pagkakataon.
Hindi ibig sabihin na dahil photocopy ang dokumento, automatic na itong tatanggapin ng korte.
Ano ang sinasabi ng batas?
Sa ilalim ng Rule 130, Section 24 ng Rules of Court, ang duplicate o photocopy ng isang dokumento ay maaaring tanggapin bilang ebidensya kung:
✅ Walang tunay na pagdududa sa authenticity ng original; at
✅ Hindi magiging unfair sa kabilang partido ang paggamit ng photocopy.
Ano ang sinabi ng Supreme Court?
Sa People v. Lastimosa (G.R. No. 265758), sinabi ng Korte Suprema na ang photocopy o duplicate (paper man o electronic copy) ay maaaring tanggapin bilang ebidensya kung natutugunan ang mga nabanggit na kondisyon.
Sa madaling salita, hindi ang pagiging photocopy ang mahalaga, kundi ang pagiging tunay at mapagkakatiwalaan nito.
Hindi ba dapat original lagi?
Hindi rin.
May malaking pagkakaiba ang:
Admissible – Puwedeng tanggapin ng korte.
Weight of evidence – Gaano ito kapani-paniwala.
Bonus FYI!
Bago kayo ma-excite…
Hindi ibig sabihin nito na puwede nang mag-photocopy ng pera! 💸
Ang pagpaparami o pagre-reproduce ng Philippine banknotes ay mahigpit na nire-regulate ng Bangko Sentral ng Pilipinas (BSP). Ang paggawa ng kopya ng pera na maaaring magmukhang tunay o magamit sa panlilinlang ay maaaring magresulta sa criminal liability, kabilang ang mga paglabag sa Revised Penal Code tungkol sa counterfeiting at iba pang kaugnay na batas.
Kaya ang “photocopy” na pinag-uusapan ng Supreme Court ay mga dokumentong ginagamit bilang ebidensya, hindi ₱1,000 bill na gusto mong ipa-xerox para “dumami.”
Kung puwede lang sana iyon, baka lahat tayo milyonaryo na.
📌 Bottomline:
✔️ Hindi lahat ng photocopy ay admissible.
✔️ Hindi rin laging original ang kailangan.
✔️ Ang tanong ng korte ay:
• Totoo ba ang dokumento?
• May pagdududa ba sa original?
• Fair bang gamitin ang photocopy?
Sa batas, ang mahalaga ay ang katotohanan at pagiging mapagkakatiwalaan ng ebidensya, hindi lang kung original o photocopy ang hawak mo.
Legal Basis:
• Rule 130, Section 24, Rules of Court (Duplicate Rule)
• Republic Act No. 8792 (Electronic Commerce Act)
• People v. Lastimosa, G.R. No. 265758
Law is more nuanced than the headlines. Before reacting, let’s first understand the law.
