08/05/2022
Mga mahal kong Tanaueño,
Bago ang napakahalagang araw ng Halalan, na kung saan ay pipili na tayo ng mga lingkod bayan na mamumuno sa dinadakila nating bayang sinilangan,
Nais kong ipaabot ang aking buong pusong pasasalamat sa lahat ng naging bahagi, tumulong at mga nakasama, na hindi alintana ang araw-araw na pagod mula sa pagbubukas hanggang sa huling araw ng pangangampanya. Tunay na ipinakita nyo sa labang ito, na ang Lungsod ng Tanauan ay mayroong mga mamamayan na nagmamalasakit, nagmamahal at ipinaglalaban ang magandang kinabukasan ng kanyang sarili, pamilya at komunidad.
Ito po ang inyong lingkod, si Sonny Perez Collantes, naninindigan at naniniwala na sa tulong at gabay ng mahal na Panginoong Diyos, ang minamahal nating Lungsod ng Tanauan ay pagkakalooban ng mga lingkod bayan na igagalang, ipagtatanggol at itataas ang dangal at karapatan ng bawat isang Tanaueño.
Maraming salamat po, mabuhay po kayong lahat, mabuhay po ang makasaysayang Lungsod ng Tanauan!
Photo courtesy : Atty. Jhoanna Corona
