Tabor Law Office

15/06/2026

Pwede naman daw PERO may mahigpit na kondisyon.

Ayon sa NPC Advisory Opinion No. 2022-009, puwedeng i-post ng employer ang pangalan ng dating empleyado at ang fact na hindi na sila konektado sa kumpanya, kung may legitimate reason ito, halimbawa, para maiwasan ang fraud o maling pagpapanggap sa clients.

PERO dapat sundin ang data minimization:
• Limitado lang sa kailangan (pangalan + “hindi na empleyado”)
• Walang dagdag na detalye
• Hindi dapat magmukhang pagkapahiya o “public shaming”

Kailangan din maipakita ng kumpanya na:
• May totoong at malinaw na dahilan ang pag-post
• Talagang kailangan itong i-public post (hindi sapat ang internal email o direct notice kung pwede naman iyon)
• Mas mahalaga ang interes ng kumpanya kaysa sa privacy ng dating empleyado

Kung may mas private na paraan para ma-achieve ang parehong goal (halimbawa, direct message sa clients), iyon ang dapat piliin.

Kapag sobra ang nilagay na impormasyon o naging defamatory ang dating, maaaring mag-file ng reklamo sa National Privacy Commission para ma-review kung may paglabag sa Data Privacy Act.

Source of pubmat and caption: National Privacy Commission page.

24/04/2026

Ano ang ibig sabihin ng Covered at Suspicious Transactions ayon sa Anti-Money Laundering Act (AMLA)?

Ang “Covered Transaction” ay cash o katumbas na monetary instrument na lampas sa itinakdang threshold sa loob ng isang (1) banking day, kaya required i-report sa Anti-Money Laundering Council (AMLC). Sa kasalukuyan, ang mga sumusunod ang thresholds

☑️ General rule: higit P500,000 within 1 banking day
☑️ Casinos: single casino cash transaction na higit P5,000,000
☑️ Real estate developers/brokers (covered persons): single cash transaction na higit P7,500,000

Ang “Suspicious Transaction” ay transaction regardless of amount kung may anumang circumstance na ito:

➡️ Walang underlying legal/trade obligation, purpose, o economic justification
➡️ Hindi properly identified ang client
➡️ Hindi commensurate ang amount sa business/financial capacity ng client
➡️ Mukhang structured para umiwas sa reporting requirements
➡️ Deviates sa client profile o past transactions
➡️ Related (about to be/is/has been committed) sa unlawful activity/offense under AMLA
➡️ Similar/analogous sa alinman sa nasa itaas

Covered persons/institutions must report covered at suspicious transactions sa AMLC within the statutory period, at bawal ipaalam sa iba na may report na ginawa o isasagawa (“tipping off”). Kabilang sa may obligasyong mag-report ang mga bangko.

20/04/2026

27/03/2026

BAKIT MAS MAINAM NA MAY KASULATAN ANG UTANGAN (SIMPLE LOAN)?

MAS MADALING PATUNAYAN SA KORTE ANG “MAY UTANG” AT “MAGKANO”, SAKALI MANG ITO’Y UMABOT DOON.

Oral loan is allowed, pero proof problem ang madalas.

Dahil ang dokumento (promissory note/acknowledgment/receipts, checks) ay konkretong ebidensya, mas mataas ang tsansa na mapatunayan ang utang at maiwasan ang “he-said-she-said.”

NAILALATAG ANG MALINAW NA TERMS: DUE DATE, DEFAULT, SCHEDULE, PENALTIES, DEMAND.

Dahil ang sulat ang “common reference point” ng parties, nababawasan ang dispute sa: kailan due, paano babayaran, partial payments, at ano ang remedy kapag nag-default.

INTEREST COLLECTION: KUNG HINDI NAKASULAT, PRINCIPAL LANG DAPAT BAYARAN (GENERAL RULE).

Rule: No written stipulation, no interest due.

Dahil required ng batas ang written stipulation, kahit may usapan kayo sa interest, maaaring hindi ito ma-award kung hindi nakasulat.

DEPENSA NG DEBTOR NA “BAYAD NA”: MAS MADALI MONG MA-COUNTER KUNG MAY PAPER TRAIL.

Rule: Kapag napatunayan ang utang sa dokumento, ang umutang ang magpapatunay na bayad na nya ito..

Dahil may written baseline (principal/terms), mas madaling i-audit ang payments at ma-attribute kung saan napunta (principal vs interest, etc.).

PERO…

KAHIT WALA KANG WRITTEN LOAN AGREEMENT, MAY LOAN PA RIN KUNG MAPAPATUNAYAN.

Sa mga pautang sa kaibigan/kamag-anak, kinilala ng Korte na “mas natural” minsan ang kawalan ng promissory note; hindi ito awtomatikong ibig sabihin walang loan utangang nangyari.

Dahil ang simple loan ay puwedeng oral at enforceable, hindi “required” ang writing para umiral ang utang.

NGUNIT ang nakasulat na documento ang nagpapalakas ng ebidensya at mandatory para sa interest, lubhang mahalaga ang nakasulat na kasunduan sa personal loan transactions – lalo na kung may interest, due date, at inaasahang magiging simula ng kalituhan o problema sa singilan.

26/03/2026

PAANO I-CHECK KUNG LEHITIMO ANG DEMAND LETTER NA IYONG NATANGGAP KUNG SAAN SINISINGIL KA NG IYONG PAGKAKAUTANG?

1) I-VERIFY ANG SENDER AT AUTHORITY.

Green flags

May buong pangalan, address, contact details, at kung law office: law firm name at abugado na pumirma.

Kung abogado: may IBP Roll, address, contact number at ilan pang patunay na siya ay abogado

Red flags

- Generic na “Legal Department” lang, walang address/phone.

- Email/letterhead na halatang peke.

- “Final warning” na may kasamang pananakot na walang koneksyon sa claim (hal. ipapakulong ka agad kahit civil debt lang ang usapan).

Huwag tumawag sa number sa letter agad; i-Google/hanapin ang official contact (website/known directory) ng firm/kooperatiba/bangko at doon mag-confirm kung kanila nga ang letter.

2) SURIIN ANG CLAIM: MAY CAUSE OF ACTION BA AT MAY SUPPORTING DETAILS?

Ang demand letter na lehitimo kadalasan may:

- Pinagmulan ng utang/obligasyon (kontrata, loan, sale, serbisyo, promissory note, etc.)

- Petsa ng transaksyon at facts kung saan nag-ugat ang claim

- Halaga at breakdown (principal/interest/penalties) at basis

- Relief sought at deadline na makatwiran

Kung sobrang kulang at puro pananakot, red flag iyon.

3) TINGNAN ANG MODE OF SERVICE AT EBIDENSYA NG RECEIPT (LALO NA KUNG SINASABING “SENT VIA REGISTERED MAIL”)

Kung registered mail ang claim, hingin ang registry receipt at lalo ang registry return card (o katumbas na patunay) bilang indicia ng service/receipt. Sa mga kaso, kapag hindi naipresenta ang competent proof, nagiging mahina ang patunay na natanggap nga

Tandaan: may presumption sa evidence rules na “duly directed and mailed” = received, pero rebuttable ito; puwedeng kontrahin sa pamamagitan ng ebidensya (hal. maling address, wala talagang delivery, hindi ikaw/authorized agent ang tumanggap).

4) I-CHECK KUNG “DEMAND” BA TALAGA ANG ISSUE O “NOTICE OF FORECLOSURE/OTHER NOTICE”

Sa loan/mortgage contexts, puwedeng magkaiba ang:

Demand for payment/default vs Notice of foreclosure (kung may contractual requirement)

5) I-ASSESS KUNG MAY UNETHICAL/EXTORTIONATE CONTENT

Demand letters are allowed, pero hindi dapat humihingi ng pera kapalit ng “hindi pagsasampa” ng kasong walang basis, o gumagamit ng demand letter bilang blackmail.

23/03/2026

𝐍𝐎𝐓𝐀𝐑𝐈𝐀𝐋 𝐒𝐄𝐑𝐕𝐈𝐂𝐄𝐒

We assist with:
• Deed of Sale
• Exra-Juducial Settlement
• Loan Agreement
• Affidavit of Loss
• Special Power of Attorney
• Employment/Labor Contract
• Memorandum of Agreement
• Copy Certification (Certified True Copy of Document)

✅ And ANY kinds of Affidavit, Agreements, and Contracts

💬 Visit or message us today for your notarial needs!

TABOR LAW OFFICE

Address: 101 A.O. Pascual Street, San Jose City, Nueva Ecija 3121 Philippines

Contact Number: 09425654866

Email Address: [email protected]

23/03/2026

𝗛𝗮𝗽𝗽𝘆 𝗚𝗶𝗿𝗹 𝗖𝗵𝗶𝗹𝗱 𝗪𝗲𝗲𝗸! 💜

Ngayong taon ay ang 30th Observance of the Protection and Gender-Fair Treatment of the Girl Child Week na may temang: “𝗞𝗮𝘁𝗮𝘄𝗮𝗻 𝗞𝗼, 𝗞𝗮𝗿𝗮𝗽𝗮𝘁𝗮𝗻 𝗞𝗼: 𝗘𝗱𝘂𝗸𝗮𝘀𝘆𝗼𝗻 𝗧𝘂𝗻𝗴𝗼 𝘀𝗮 𝗠𝗮𝗹𝗮𝘆𝗮 𝗮𝘁 𝗟𝗶𝗴𝘁𝗮𝘀 𝗻𝗮 𝗣𝗮𝗴𝗽𝗮𝗽𝗮𝘀𝘆𝗮.”

Layunin nitong bigyang-pansin ang mahahalagang isyung nakaaapekto sa mga batang babaeng Pilipino—tulad ng adolescent pregnancy, child and early marriage, HIV at iba pang STIs, at responsableng pagpapamilya.

Katuwang ang Council for the Welfare of Children at lahat ng ahensya ng pamahalaan, patuloy ang Philippine Commission on Women sa pagsulong ng mga polisiya at programang magtataguyod ng karapatan, proteksyon, at kapakanan ng mga batang babae tungo sa isang ligtas, malaya, at pantay na kinabukasan.

𝘼𝙠𝙞𝙣𝙜 𝙠𝙖𝙩𝙖𝙬𝙖𝙣. 𝘼𝙠𝙞𝙣𝙜 𝙠𝙖𝙧𝙖𝙥𝙖𝙩𝙖𝙣. 𝘼𝙠𝙞𝙣𝙜 𝙡𝙞𝙜𝙩𝙖𝙨 𝙣𝙖 𝙠𝙞𝙣𝙖𝙗𝙪𝙠𝙖𝙨𝙖𝙣!

Access the official Girl Child Week Toolkit and other materials from the CWC here: https://tinyurl.com/26gcwreskit1

10/03/2026

Kapag namatay na ang “inutangan”, kailangan pa ring bayaran ang utang - pero ang babayaran ay ang estate/ari-arian ng namatay (sa pamamagitan ng executor/administrator o mga tagapagmana bilang representatives). Hindi nawawala ang obligasyon.