Batas Manggagawa

18/05/2026

18/05/2026

16/05/2026

Kaming mga manggagawa ang lumilikha ng yaman ng LBC, ngunit tila alipin lamang ang turing sa amin, at kibit balikat lamang sa mga nakatataas ang panawagan namin para sa dagdag sahod.

Naka-deadlock ngayon ang negosasyon sa pagitan ng LBC management at unyon para sa collective bargaining agreement o CBA. Hindi magawang makipagtagpo ng management sa mga hiling ng aming unyon sa kabila ng aming bukas, tapat, at paulit-ulit na pakikipag-usap.

Noong Setyembre 2025, humiling ang aming unyon ng P100 kada araw na dagdag sahod sa loob ng tatlong taon. Ang tugon ng management ay barya-baryang P10 lamang na dagdag sahod sa una at ikalawang taon, tungong P12 sa ikatlong taon.

Nagpakumbaba kaming mga manggagawa at ginawa na lamang naming P90 ang aming hiling na dagdag sahod. Walang pinagbago sa tugon ng management; manhid silang nanindigan sa counter-offer na P10-12 kada taon sa kabila ng pagbigay namin ng konsiderasyon.

Muling umunawa ang mga manggagawa. Ibinaba namin muli ang aming kahilingan sa halagang P40 na lamang na dagdag sahod kada araw para sa una at ikalawang taon, tungong P50 sa ikatlong taon. Wala pa ring pinagbago sa tugon ng management.

Minarapat naming balikan ang dati naming CBA para sa taong 2020-2023. Sa pinakahuling negosasyon, muli naming ibinaba ang aming kahilingang dagdag sahod upang tapatan na lamang ang nakapaloob na dagdag sahod sa dating CBA: P12 sa unang taon, P24 sa ikalawang taon, at P36 na ikatlong taon. Hanggang sa huling pagkakataon, pambabarat ang sagot ng management, na nag-counter-offer ng P14 sa unang taon, P10 sa ikalawang taon, at P8 sa ikatlong taon.

Nais naming iparating sa Top Management ng LBC ang labis naming pagkadismaya sa nangyayaring negosasayon. Hindi namin ginagawang araw ang gabi sa kakatrabaho para lamang pagkasyahin ang barya-barya. Sinagad na naming mga manggagawa ang aming pang-unawa. Nagaalimpuyo kami sa hinagpis ng patong-patong na krisis na pinapalala ng paninigas ng management. Lumipas na lamang ang pitong buwan na hindi gumagana ang pakikiusap. Ngayon, kami ay naniningil, nananawagan, at naghahain ng aming NOTICE TO STRIKE!

Hindi katanggap-tanggap ang baryang P32 na dagdag sahod bilang tugon sa aming hiling na dagdag P72. At mas lalong hindi katanggap-tanggap ang patuloy na pag-deploy ng LBC ng mga kontraktwal na manggagawa mula sa manpower agencies bilang taktika sa pagwasak ng unyon at pag-iwas sa direktang obligasyon sa mga manggagawa. Kung sa pamamagitan lang din ng WELGA mapagwawagian ng manggagawa ang makatarungang dagdag sahod, handa kaming lumaban at makipagtunggali para sa trabahong may dignidad.

Sabi ng management, nalulugi na raw ang kompanya, kaya hindi raw nito kayang paunlakan ang dagdag sahod na hinihiling ng mga manggagawa.

Mali. Malulugi ang kompanya kung walang manggagawang magbibigay ng lakas paggawa!

LBC, HARI NG PAGBARAT!
CBA, HUWAG BARATIN!
DAGDAG SAHOD, IBIGAY NA!

-- Mga Manggagawa ng LBC Express MM

14/05/2026

Congratulations to the Pampanga Pepsi-Cola Employees’ Union-SENTRO on its historic first CBA negotiation as a SENTRO affiliate!

Salute to the leadership headed by Pres. Eugene for proving that organizing delivers concrete victories for workers.

Through collective strength and determined negotiations, the union secured major political gains, including:

1. Workers’ participation in the introduction of new technology
2. Union participation in the CODI
3. Union and CBA to be recognized even in case of change in ownership

The CBA also achieved significant economic victories:

1. The highest wage increase in the union’s CBA history
2. A 1% penalty on the late remittance of union dues
3. A 138% increase in union leave benefits

When we fight, we win!

14/05/2026

Understandable na maraming followers ni Eli ang nadismaya sa pag YES vote niya sa impeachment ni VP Sara Duterte. Sa mahabang panahon ay akala nila maka-Duterte si Eli kaya akala nila ay nabudol sila. Ineequate kasi nila ang anti-establishment at anti-admin sentiment sa mga Duterte - na ang mga Duterte ang makakapagbago ng bulok na sistema ng ating gobyerno.

Binary lang kasi talaga karamihan mag isip. Walang room for nuance. BBM or Duterte. Admin or oposisyon. Hindi sila trolls. Mga totoong tao sila na sawa na din sa sistema. Tama naman sila na nakaka s**a na talaga ang gobyernong ito. Tama din sila na dapat baguhin ang sistema - yun nga lang, ang mga Duterte ang tingin nila na magsasalba sa kanila.

Dito nagkakaiba ang mga die-hard DDS na manggagawa at ordinaryong Pilipino kay Eli. Para kay Eli, hindi tagapagligtas o hero ang kailangan natin para mabago ang lipunan, kundi ang organisadong pwersa ng manggagawa at ordinaryong Pilipino na panghawakan ang ating kapalaran. Bago pa ang eleksyon at kahit nung maupo na siya ay yan ang lagi niyang sinasabi - hindi lang siguro naririnig at napapanood ng karamihan - o baka ayaw intindihin dahil sa pre-conceived personal biases.

Yan din naman ang tunay na pakahulugan ng "walang kulay" na pulitika. Na ang pag sulong sa accountabiity ng LAHAT ng opisyal ng gobyerno ay interes din ng mga manggagawa at ordinaryong Pilipino - no exceptions, kahit si Eli. Na ang pokus dapat ng mga mambabatas ay sa mga isyu ng sektor na kanyang nirerepresenta.

Pero kung ang epekto ng pag sulong ng "walang kulay" na pulitika, na hindi suma side sa kahit kaninong pulitiko, ay ma bash si Eli at Kamanggagawa, ay tatanggapin namin ito. Hindi magbabago ang prinsipyo na dala dala namin simula't sapul - na kapakanan ng manggagawa at ordinaryong Pilipino lang ang aming dadalhin at isusulong.

DDS, BBM, Pink, Admin o Oposisyon ka man, binabash mo man si Eli o hinde, basta ikaw ay manggagawa at ordinaryong Pilipino, kayo pa din ang ipagtatanggol at interes nyo pa din ang isusulong ng Kamanggagawa at ni Eli sa Kongreso at gobyerno.

# # #

05/05/2026

Muli tayong dumalo sa CBA Negotiation ng 𝐏𝐚𝐜𝐤𝐚𝐠𝐞 𝐖𝐨𝐫𝐥𝐝 𝐈𝐧𝐜. - 𝐖𝐨𝐫𝐤𝐞𝐫𝐬 𝐈𝐧𝐝𝐞𝐩𝐞𝐧𝐝𝐞𝐧𝐭 𝐔𝐧𝐢𝐨𝐧.

Sa kasalukuyan ay nasa NCMB hearings na ang usapan matapos ang ilang hindi pagkakasundo sa ilang mahahalagang probisyon ng CBA ⚖️

Tuloy ang laban ng mga manggagawa para sa makatarungang sahod, benepisyo, at mas maayos na kondisyon sa paggawa. Hangad din ng unyon na maipagtagumpay at masarhan na ang yugto ng CBA sa pinakamaagang panahon 🤝