14/05/2025
๐ถ๐๐
๐๐๐๐๐๐ ๐๐ ๐๐๐ ๐ ๐๐๐๐๐๐๐๐ ๐๐๐ ๐๐๐
๐๐ ๐ท๐๐๐๐๐๐๐๐๐ ๐ด๐๐๐๐๐ ๐จ๐๐ ๐๐ 1995 โ๏ธ
Pinawalang-bisa ng ang mga ordinansa sa Probinsya ng Occidental Mindoro na nagbabawal sa large-scale mining dahil sa paglabag nito sa Philippine Mining Act of 1995 (RA 7942).
Sa Desisyon na isinulat ni Senior Associate Justice Marvic M.V.F. Leonen, idineklara ng Supreme Court En Banc na walang bisa ang mga ordinansa ng Probinsya at ng Munisipyo ng Abra de Ilog na nagpapataw ng 25-taong pagbabawal sa large-scale mining sa lugar.
Ayon sa Korte Suprema, tanging mga batas at hindi ordinansa ang maaaring magbawal ng pagmimina sa ilalim ng RA 7942, dahil nasa Kongreso ang kapangyarihang i-regulate ang pagminina.
Hindi rin maaaring magpataw ng โblanket banโ sa lahat ng large-scale mining operations dahil lahat ng mga mining application ay sumasailalim sa mga environmental impact assessment, kabilang ang konsultasyon sa mga lokal na pamahalaan, kaya dapat paisa-isang sinusuri ang bawat aplikasyon.
Paliwanag ng Korte, kahit pa may โpolice powersโ ang mga lokal na pamahalaan para protektahan ang kanilang mga residente, hindi dapat malabag ang Konstituyon at mga batas.
Sumang-ayon si Associate Justice Amy C. Lazaro-Javier sa Desisyon ng mayorya. Bagamat pinuri niya ang layunin ng Probinsya na protektahan ang kapaligiran, iginiit niyang hindi dapat lumabag sa batas. Maaari pa ring pagsilbihan ng Probinsya ang interes ng mga mamamayan nito sa pamamagitan ng maiging pagbusisi sa mga mining application.
Nag-ugat ang Desisyon sa kasong inihain ng Agusan Petroleum and Mineral Corporation na kinwestiyon ang mining ban dahil sa paglabag sa karapatan nitong magmina sa ilalim ng Financial or Technical Assistance Agreement na aprubado ng pamahalaan.
Basahin ang buong teksto ng press release sa https://tinyurl.com/mtnwsy86.
Basahin ang buong teksto ng Desisyon sa https://tinyurl.com/mrmaebpm.
Basahin ang Concurrence ni Associate Justice Amy C. Lazaro-Javier sa https://tinyurl.com/56aa78t7.
