17/06/2026
Nagbigay ng matinding mensahe si Pangulong Ferdinand Marcos Jr. laban sa korupsyon sa isang joint press conference sa Malacañang nitong Martes, Hunyo 16.
Nang tanungin tungkol sa mga hakbang ng administrasyon laban sa katiwalian, sinabi ng Pangulo na ang pagkamkam sa pondo ng mamamayan ang isa sa pinakamabigat na anyo ng korupsyon.
“It's the worst form of corruption as far as I'm concerned.”
Binigyang-diin ni Marcos na ang perang nawawala sa pamamagitan ng katiwalian ay hindi lamang pag-aari ng gobyerno o ng mga opisyal kundi pera mismo ng taumbayan.
“What they have taken is not my money or your money or a company's money. It's the money from the people.”
Dahil dito, sinabi ng Pangulo na ang pagnanakaw sa kaban ng bayan ay may direktang epekto sa mga serbisyong dapat sana ay napapakinabangan ng mga Pilipino.
“That is the worst sin of all.”
