13/06/2026
PANGUTANA:
Umay kalainan nan legitimate, illegitimate sanan legitimated na bata?
TUBAG:
A. Legitimate: natawo suyod sa kaminjuon sa mga ginikanan.
Ex. Tagkasal si nanay sanan si tatay, pagkahuman sa ila kasal natawo an ila bata.
B. Illegitimate: natawo na waya makasal an ginikanan, kay:
Ex.
1. An nanay dyaga pero an tatay minjo sa lain.
2. An tatay ulitawo pero an nanay minjo sa lain.
3. Pareho an nanay sanan tatay minjo sa lain lain na tawo.
4. Pareho dili minjo an nanay sanan tatay pero waya sila kakasal pagkatawo nan ila bata.
C. Legitimated: Pareho an nanay sanan tatay way kabilinggan pagtibo nila. Pwede gajud sila magpakasal kun gustuhon pero tagpili nila na magtibo ra lamang bisan way basbas nan kaminjuon. Sa ila pagtibo natawo an ila bata. Ini na bata, pareho sa example number 4 sa taas, an ija status kay illegitimate.
Pero, kun human natawo ini na bata, nakadesisyon an ija mga ginikanan na magpakasal, an status nan ini na bata, gikan sa illegitimate, mahimo na sija na legitimated ubos sa Family Code.
UMAY MGA KATUNGOD SA LEGITIMATED NA BATA?
An ija mga katungod way kalainan sa legitimate na bata labi na kun maghisgot kita sa ija successional rights. Kun unoy kabahinan nan legitimate na bata na ija masunod sa ija mga ginikanan, amo sab an kabahinan nan legitimated na bata.
Pls standby for more legal insights from SJCA Law.
