23/05/2025
हो, बाबुराम बुद्धि नभएकै मान्छे हुन्!
हो कमरेड प्रचण्ड, तपाईं सही हुनुहुन्छ—बाबुराम साँच्चिकै बुद्धि नभएको मान्छे हुन्।
किनकि बुद्धि भएको भए—
आफैँले दसकौं लगाएर बनाएको गोरखा निर्वाचन क्षेत्र तपाईंका लागि किन छोड्थे र?
जनयुद्धमा तपाईंलाई नेता बनाउने रणनीति किन बनाउँथे र?
अन्तरिम संविधानको खाका कोर्दै तपाईंलाई लोकतान्त्रिक गणतन्त्र नेपालको नायक बनाउने सपना किन देख्थे र?
तपाईं प्रधानमन्त्री बनाउन सकियोस् भनेर आफ्नो दावी किन त्याग्थे र?
तपाईंलाई मुलधारको राजनीतिमा ल्याउन विदेशी कूटनीति र रणनीति किन प्रयोग गर्थे र?
बुद्धि भएको मान्छेले त थाहा पाउँथे की—
मूल्यमा सम्झौता गर्नेहरूलाई सधैं सत्ता चाहिन्छ, साथ हैन।
बुद्धि भएको भए त चिन्थे की—
आफ्नै राजनीतिक मित्रले अन्त्यमा 'बुद्धिहीन' बनाउनेछ भनेर।
तर बाबुराम त यस्तै हुन्—
बुद्धि नभएकै कारण उनले आदर्श रोजे,
बुद्धि नभएकै कारण देशको दीर्घकालीन सोच हेरे,
बुद्धि नभएकै कारण तपाईलाई सच्चा मित्र ठाने,
बुद्धि नभएकै कारण पटक पटक विश्वास गर्दै धोका खाए।
हो कमरेड,
बुद्धि भएको भए आज उहाँ तपाईंको जस्तो सत्ता प्रेमी, कुर्सी मोहमा लम्पसार परेका, आत्मसमर्पणवादी नेताको सल्लाहकार हुनुपर्थ्यो।
तर उहाँ त बुद्धि नभएको मान्छे न हो जसले आफ्नो साधकी जीवन ब्यतित गर्दै आफ्नो ईमान्दारीता, नैतिकता, आस्था र विचारलाई जोगाएर राख्न सफल भएका छन्।
